Synfocity = 353

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

11th August, 2011

Synod Choir Cabin hawn a ni August 9 zan khan Mizorama Kohhran pawl zaipawl hlun ber Synod Choir-te hla zirna tur bik room (Choir Cabin) hawnna inkhawm, Synod Conference Centre, Mission Vengah neih a ni a, Synod Moderator Rev. C. Lalsanglianan a hawng. Choir Cabin hawnna inkhawm hi Rev. K. Lalpiangthara, Leader, Central K.T.P-in a kaihruai a, khuallian Rev. C. Lalsanglianan hawnna thuchah a, Upa Lalrinmuana, General Secretary, Central K.T.P-in report a pe bawk. Synod Choir-ten hla an rem a, Synod Choir Director Pu H. Liantluangan Synod Choir Taiwan zin report pein Rev. P.C. Pachhunga, Synod Secretary chuan malsawmnain hun a khar a ni. Synod Choir hi Central KTP enkawlna hnuaia awm a ni a, rawngbawlna tur programme an ngah thei hle a, englai pawha inbuatsaih mar reng a ngai thin. Heti chung hian hla zirna tur hmun bik nei lovin hmun remchang dap chawpin hmun hrang hrangah hla an zir kual thin a, kohhran mal pawhin an thleng bawk thin a. A bik takin Chanmari Kohhran hian an thleng ngun deuh ber a, Chanmari Kohhran chungah hian Mizoram Synod pawh a lawm hle a ni. Synod Office buidling thar sak zawha luah a lo nih takah khan Central K.T.P. chuan April 4, 2011 khan Synod Conference Centre-ah Synod Choir puala room nghet neih ve tawh chu Synod-ah dil ni se, tiin a rel ta a. Synod Property Committee chuan Synod Conference Centre chhawng chung berah Synod Choir Cabin hi a siamsak ta a ni. Synod Property Committee-in zaipawl room hran pek a lo remtih tak avangin Central KTP chuan a bawhzuitu tur sub committee, member 5 awmna a din nghal a, anni hi Mission Veng Branch K.T.P ten a tulna apiangah an lo puibawm thin a. Cheng nuai khat dawn lai sengin Synod Zaipawl room hi chei zawh a ni ta a. Luah tura peih a lo nih hnuah hian Central K.T.P Committee chuan July 23, 2011 khan Committte vawi 627-na neiin a hming atan hian SYNOD CHOIR CABIN tih hi an phuah ta a ni. Aizawl City NEICCYA-in Joint Fellowship hmang dawn August 15 (Thawhtanni) zan dar 7:00 hian Aizawl City North East India Christian Council Youth Assembly (NEICCYA) chuan Bungkawn Presbyterian Kohhran Biak Inah Joint Fellowship an hmang dawn a, Aizawl khawpui chhunga Kohhran pawl hrang hrangin chanvo an nei ang a, T.Upa Dr. Samuel Vanlalthlanga, NEICCYA President-in Pathian thuchah a sawi ang. He Joint Fellowship-ah hian a tel duh apiang tel turin an sawm a ni. Programme kimchang phek lehlamah tarlan a ni. Kristian Thalai Pawl w Chhimchhak Presbytery Meet August 12 - 14 chhung hian Chhiahtlang Sailam Kohhranah Chhimchhak Presbytery Meet an hmang dawn a, Central KTP hruaitu - Pu Lalthanmawia, Committee Member leh Tv. Vanlalhruaia, Committee Member ten an hmanpui ang. w Synod Choir Programme Mizoram Synod Choir-ten hetiang hian zaia rawngbawlna an nei ang : August 12 (Zirtawpni) Chhun : Women Centre Lungphum, Phunchawng August 14 (Pathianni) Zan : Ramhlun Branch KTP Golden Jubilee August 15 (Thawhtanni) Zan : NEICCYA Joint Meet, Bungkawn Kohhran Women Centre Lungphum Naktuk (August 12) chawhnu dar 1:00 hian Phunchawngah Women Centre Lungphum programme hman a ni dawn a, Synod Moderaotor Rev. C. Lalsanglianan Lungphum hi phumin thuchah a sawi ang. Women Centre lungphumnaa lo tel tur hian Synod Puipa te, Women Centre Sub-Committee-a awm tawh zawng zawng te, Aizawl khawpui chhunga Bialtin Hmeichhe Chairman leh Secretary te, Vaivakawn Bial Puipa te leh a duh apiang tel tura sawm an ni. Kalna tur nei remchang lo tan Bus tlan tir a ni dawn a, dar 11:00 a.m.-ah bus hi a chhuak tan ang. Bus tlan dan tur hetiang a ni : Synod Office kawt - Vaivakawn leh Chanmari (Dr. Zokhuma in bul) - Bawngkawn - Vaivakawn Programme kimchang phek lehlamah tarlan a ni. Mission Board w August 7 (Pathianni) khan Lungvaih, Lakla Pastor Bial, Arunachal East-ah Pastor Isaakan ringthar mi 23 baptisma a chantir. w August 10 - 16 chhung hian Karbi Anglong leh Tripura Mission Field Committee a tel turin Rev. Lalchhuanmawia, Synod Mission Board Secretary; Rev. F. Laltlanthanga, Board Executive Committee Member leh Upa Vanlalchhunga, Board Executive Committee Member te an kal. Vawiin (Aug. 11) hian Diphu-ah Karbi Anglong Field Committee an thu ang a, August 15 (Thawhtanni) hian Agartala-ah Tripura Field Comiittee an thu leh ang. w Synod Mission Board chuan kum 2011 chhunga thawk turin Contract Missionary 6 an la thar a, Waiting Listah mi 3 dah an ni. Contract Missionary lak tharte chu : 1. David H. Lalduhawma, Mission Vengthlang 2. Rebek lalramthari, Serchhip P & E Veng 3. Lalthazuala, Tumpui Veng, Kolasib 4. Ramngaihzuala, Bawngkawn 5. K. Lalrohlui, Ramhlun North, basic Mual 6. Lalmuankimi Hauhnar, Chanmari West, Aizawl Social Front August 11 & 12 hian National AIDS Control Organisation buatsaihin Guwahati-ah Regional Consultation with North East India Church Leaders neih mek a ni a, consultation-ah hian Pu John Lalhruaitluanga, Social Front Asst. Coordinator a tel. School Inspection August 10 (Nilaini) khan Presbyterian English School, Lengpui tlawhin Rev. Mangchhuana Sailo, Supervisor of Schools lehlangin a kal. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Synod Office chawlh August 15 (Thawhtanni) hi Independence Day a nih avangin Synod Office leh Synod hnuaia Department hrang hrangte an chawl ang. Susamachar Prasaran Programme August 14 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : w Group/Choir/Solo : Sihphir Vengthar Masihi Sangati - Na to bal se w Group/Choir/Solo : Govt. Complex Kohhran - Anugrah Kari w Sermon : Lalhruaitluanga - Isu Kaun hai w Group/Choir/Solo : Chawnpui Kohhran - Thandi Howe w Group/Choir/Solo : Dawrpui Vengthar Pastor Bial - Kush par w Stuti Geet : Sare Srishti Ke Malik Moderator Programme Synod Moderator Rev. C. Lalsangliana chuan kar tawpah hetiang hian hun a hmang ang : w August 14 (Pathianni) Chawhma : Mission Veng Kohhran w August 14 (Pathianni) Zan : Chanmari Kohhran

AIZAWL CITY NEICCYA JOINT FELLOWSHIP

A hun A hmun : : August 15, 2011 (Thawhtan) Zan - 7:00 Bungkawn Presbyterian Kohhran Biak In Prelude (6:30pm-7:00pm) - KTP, Bungkawn Branch Chairman Tanna Hla sakho Thupuan & Report Zaipawl Band Inhmelhriattirna Solo Zaipawl Hla sakho Thilpek hlan Zaipawl Group Singing Sermon Zaipawl Hla sakho Malsawmna : : : : : : : : : : : : : : : : : Rbt. Remlalsiama, Convener, Joint Fellowship Chairman Aw Lalpa i malsawmna hlu KHB No. 553 1. Dr. Lalhlenmawia, Exe. Com. Member, NEICCYA 2. KTP, Bungkawn Branch 1. Chhinga Veng Presbyterian Kohhran Zaipawl 2. Central Church Baptist Kohhran Zaipawl Territorial Staff Band, SAY Chairman Nl. Lalruatfeli, Khatla South Branch, KTP 1. TBZ Choir 2. Bungkawn Presbyterian Kohhran Zaipawl Ka damlai nun kawng hi Lal Isu Chairman kutah 1. Territorial Songster, IET, SAY 2. Aizawl City EFCI Choir LIKBK Thalai Pawl T.Upa Dr. Samuel Vanlalthlanga, President, NEICCYA 1. Aizawl Area Baptist Choir 2. Mizoram Synod Choir Thisen thiltihtheihna Rev. T.C. Laltlanzova, Pastor i/c Bungkawn Bial

WOMEN CENTRE LUNGPHUM PROGRAMME

A hun A hmun Hruaitu Secretary Report : : : : August 12, 2011 (Zirtawpni) Dar 1:00 p.m. Women Centre, Phunchawng Pi Lalthanmawii, Chairman Pi Lalrinkimi, Secretary, Women Centre Sub-Committee Rev. C. Lalsangliana. Synod Moderator Synod Choir 1) Rev. Lalzuithanga, Executive Secretary i/c Women 2) Upa Chawngthanmawia Work Supervisor Pu Samuel Lalfana, TBL Architectural Consultant Rev. Vanlalzuata, Senior Executive Secretary

Lungphum & Thuchah : Zaipawl Thusawi : :

Technical Report Malsawmna

: :

Mail us at : synfo@bsnl.in mizoramsynod@gmail.com synfo@yahoo.com

Synod Information & Publicity Phone - 2314648

Synfo