TUKFORHNAK

#10

Cun Thlarau nih Jesuh cu Satan nih rak tukforh awkah ram lak ah a kalpi. Ni sawm li le zan sawm li rawl loin a um hnuah Jesuh cu a rawl a aam ngaingai.

Khuachia cu a sinah a ra i, Nangmah cu Pathian Fapa na si ahcun hi lung hi changreu ah canter hna ngat,tiah a ti.

Jesuh nih cun, Cathiangnih pei, minung hi rawl lawngin nunnak a si kho lo, sihmanhsehlaw Pathian Bia tu a nunnak a si lai, a ti kha, tiah a ti.

Khuachia nih cun Jesuh cu khua thiang ah khan a kalpi i biakinn parpahlek ah khan a chiah.
Cun a thawh i, Nangmah cu Pathian Fapa na si ahcun vawlei ah khin vung zuang tuah, zeicahtiah Cathiang nih pei, Pathian nih nangmah kong ah a vancung mi kha nawl a pek hna i annih nih an kut in an in cawi lai i na ke cu lung ah naa khawng lai lo, a ti kha, tiah a ti.

Jesuh nih a thawh i, Cathiangnih pei, Bawipa na Pathian cu hneksak hlah, a ti ve kha, tiah a ti. Cun khuachia nih cun Jesuh cu tlang sang ngaingaimi pakhat ah a kaipi i vawleicung ram vialte le a sunparnak vialte kha a hmuhsak i,

Na khuk naa bil i na ka biak ahcun hi vialte hi kan pek dihlai, tiah a ti. Cun Jesuh nih, Satan, va kal cang; Cathiang nih pei, Bawipa na Pathian cu va bia law Amah rian lawnglawng kha va uan a ti kha, tiah a ti.