PATHIAN I BOCHANNAK #32 (TRUST IN GOD)

Hi cawnpiaknak hi cawnpiak chin hna law nan zulh awk a si, ti hna. Na kum a no ruangah ahohmanh nih in zawmhtaih hna hlah seh.
Sihmanhsehlaw na biachim, na holh rel ah siseh, na ziaza ah siseh, dawtnak, zumhnak le thiannak na ngeih mi ah siseh, zumtu hna caah tahchunh awk tlak va si ko.

 Mizapi kha, ka rat hlantiang cathiang kha rak relpiak lengmang hna, phung kha rak chim lengmang hna law rak cawnpiak lengmang hna.
Upa hna nih na cung i an kut an chuan tikah na hmuh mi thlarau laksawng kha hlothlau hlah.

Na hannak kha mi vialte nih an hmuh nakhnga cu thil cu ralring te le teima tein tuah lengmang ko hna.
Nangmah kha ha tein i ralring law na cawnpiaknak zong kha i ralring fawn.

Cun nangmah naa khamh hlei ah na bia a theimi kha na khamh khawh hna nakhnga hi thil hi ngol loin tuah lengmang ko hna. Bawpa nih pakhat le pakhat nan i dawtnak le mi vialte nan dawt hna nak kha hanter seh law kanmah nih kan in dawt hna tluk in nganter hram ko seh.

Cuticun nanlung kha in hawnter hna sehlaw kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.

Aa ruang in: Daihnak a kan petu Pathian nih cun amah ta ah in ser hna sehlaw nan siningpi in , nan thlarau, nan nunnak le nan pum he, kan Bawipa Jesuh rat ni ah cun palhnak um loin in chia hna seh.