Immaculate Heart of Mary Parish

Kitcharao, Agusan del Norte

SEREMONYAS SA PAGSUL-OB
SA SAPUT SA MGA AKOLITO
Lay Leader: Tinahod nga Amahan, kining kabataan sa Parokya sa
Immaculate Heart of Mary, ania dinhi aron pagpangayo nga
sul-oban sila sa saput sa pagka-AKOLITO sa atong Parokya
aron pag-alagad sa Dios.
Sila mao si: (basahon ang ngalan sa mga bata)
(Inig tawag sa ilang tagsa-tagsa ka ngalan, ang bata motubag:
Ania Ako.
Unya muadto sila sa atubangan, ug maglaray nga mag-atubang sa Pari.

Pari : Mga kabataan, unsay inyung pangayoon karon?

Kabataan : Nga sul-oban kami sa saput sa pagka-Akolito.
Pari : Nganong mangayo kamo nga magsul-ob sa pagka-
Akolito?
Kabataan : Aron mag-alagad sa Dios sa Iyang Simbahan.
Pari : Salamat sa Dios nga naghatag kaninyo sa tinguha sa
pag-alagad kaniya dinhi sa Iyang Simbahan.
Apan karon nga nagtinguha kamo sa pag-alagad Kaniya,
kinahanglan magbuotan kamo ug magligdong dili lamang
sulod sa simbahan kondili sa tanang dapit ug panahon.
Magmatinahuron kamo sa mga balaod sa Simbahan ug sa
inyong mga ginikanan.
Likayi ninyo ang katapol, ang kadingas ug ang kama-
sinupakon, hinunoa magmakugihon kamo, magligdong ug
maghatag og maayong panig-ingnan dinhi sa simbahan ug
sa tibuok parokya aron mailhan nga kamo mga sulugoon
sa Dios dinhi sa Iyang templo.
Hinaut unta magpadayon kamo sa maayong tinguha sa
pagpahimuot sa Dios dinhi sa pag-alagad sa Iyang
Simbahan.
Ug karon, ibungat ninyo ang inyong maayong mga
tinguha.
Kabataan : Ako si _________________________________, magasaad,
tinabangan sa iyang grasya, sa pag-aagad sa Dios dinhi sa iyang
Santa Iglesya diha sa pagka-Akolito.
Paningkamotan ko ang pagligdong kanunay, pagkugi, pagsimba
ug pagkalawat, pagbinuotan aron makapahimuot ako sa Dios
kanunay.
O Jesus, tabangi ako pag-alagad kanimo kanunay.
O Maria, among Patron, agaka ako sa pagsunod kang Jesus, imong Anak.
San Jose, himoa akong galamiton sa Ginoo.
Dayon bendisyonan ang mga saput nga gibitbit sa AKOLITO.

Pari : Ang atong hinabang gikan sa ngalan sa Ginoo.

Tubag : Nga maoy nagbuhat sa langit ug sa yuta.
Pari : Ang Ginoo maanaa kaninyo.
Tubag : Maanaa usab kanimo.
Pari : Mag-ampo kita:
O Ginoong Jesus-Cristo, nga nagsul-ob sa among
kinaiya sa pagkatawo, pagpakatakus paghatag kanamo sa
imong dili maisip nga mga grasya aron kining kabataan
masul-oban sa imong kaantos ug katarong.
Ginoo, pagpakatakus usab pagpanalangin niining mga
saput aron masul-oban sila nga mogamit niini sa kasantos,
kabuotan ug katarong nga makapahimuot kanimo
kanunay.
Ikaw nga buhi ug hari Dios sa kahangturan.
Tubag : Amen.
Binditahan ang mga saput, ug dayon itunol sa ilang mga ginikanan o sponsor ug sul-oban sila.

Pari : Mga ginikanan, sul-obi ang inyong mga anak nga

inyong gihalad karon dinhi aron mag-alagad sa Dios dinhi
sa atong parokya. Ilhanan kini nga sila mga Akolito sa
Ginoo, bantayan ninyo sila aron magpadayon sa pag-
alagad sa Ginoo hangtud sa kahangturan.
Ginikanan : Amo kanang buhaton, tinabangan sa iyang grasya.
Dayon sul-oban ang mga bata.
Hatagan ug kandila ang matag-usa ka bata.
Muingon ang Pari:

Pari : Dawata ang kahayag ni Cristo, timaan nga gitawag ka

sa Dios aron mag-alagad kaniya.
Sa makadawat na ang tanan, mangluhod atubangan sa Pari dayon bendisyonan sila niining mosunod nga
pag ampo samtang ang iyang kamot ipandong kanila.

O Ginoong Jesu-Cristo, kahayag sa kalibutan, hayagi kining

kabataan uban sa ilang mga ginikanan aron maglakaw sila
kanunay dinha sa dalan nga masanag sa walay pagtipas sa
matul-id nga agianan.
Halinga ang siga sa imong gugma diha sa ilang mga
kasingkasing aron mag-ila sila Kanimo kanunay ug
maghigugma kanimo sa walay katapusan.
Tubag : Amen.