Ir Soekarno yaiku pahlawan proklamator kang nduweni jeneng cilik yaiku
Koesno Sosrodihardjo lair ing Surabaya, 6 Juni 1901-seda ing Jakarta, 21 Juni 1970 nalika umur 69 taun. Panjenengane minangka presiden wiwitan ing Indonesia kang njabat nalika periode 1945-1966. Nduweni peran wigati bangsa Indonesia saka panjajahan Belanda. Panjenengane minangka proklamator kamardikan Indonesia bareng-bareng karo wakil presidhen wiwitan yaiku Drs. Mohammad Hatta nalika tanggal 17 agustus 1945. Ir. Soekarno kang wiwitan nyetusake konsep ngenani Pancasila minangka dasar Negara Indonesia lan panjenengane uga kang njenengi.
Nalika jamane Presiden Soekarno, Panjenengane tapak asta Surat prentah
11 Maret 1966 utawa kang diarani Supersemar kang kontroversial, kang isine adhedhasar versi kang ditokake markas Angkatan Darat kang isine nugasake Letnan Jendral Soeharto kanggo ngamanake lan njaga kaamanan lan institusi kepresidenan. Supersemar minangka pathokan Letnan Jendral Soeharto kanggo mbubarake Partai Komunis Indonesia (PKI) lan ngganti anggota-anggotane lungguh ing parlemen. Sawise tanggeljawabe ora ditrima dening Majelis Permusyawaratan Rakyat Sementara (MPRS) nalika taun 1967, Soekarno dilengserake nalika sidhang istimewa MPRS lan presidene banjur digantekake dening Soeharto ing taun kang padha.
Presiden Soekarno minangka tokoh proklamator Indonesia kang nduweni
jasa kang gedhe, wis samesthine kudu dikormati lan dikenang. Panjenengane minangka tuladha kang becik tumrap para pemudha bangsa Indonesia. Panjenengane uga ngugemi tradhisi, minangka wong Jawa. Minangka rakyat kang wicaksana, kudune rakyat nyonto tuladha sing becik lan ninggal sing ala.
Struktur Teks Profil Tokoh
Orientasi = Pengenalan, gambaran tokoh
Kadadeyan lan perkara = Kadadeyaan kang sedih, seneng, ngelingake
banget marang tokoh kasebut.
Reorientasi = pamanggihe panulis
Isine = Presiden Soekarno minangka pahlawan kang bisa ditulad dening Bangsa Indonesia. Perjuwangane, kapamimpinane agawe bangsa Indonesia urip, senajan lagi wae mentas dijajah. Kadadeyan mbaka kadadeyan ora ndadekake Presiden Soekarno wedi mbabat alas.