Lectio Decima

SCAENA PRIMA
Personae: Iulius, Aemilia, Medus.
Sacculus Iulii non parvus est. In sacculo eius est pecunia.
Iulius pecuniam in sacculo habet. Aemilia sacculum videt,
Iuliumque interrogat: "Quot nummi sunt in sacculo tuo?"
Iulius respondet: "Centum."
Aemilia: "Num hic centum nummi sunt?"
Iulius pecuniam numerat: "Unus, duo, tres, quattuor,
quinque, sex, septem, octo, novem, decem. Quid? Decem
tantum?"
Iulius rursus pecuniam numerat: "Unus, duo, tres ... novem,
decem." Numerus nummorum non est centum, sed decem
tantum.
Iulius: "Quid? In sacculo meo non centum, sed tantum
decem nummi sunt! Ubi sunt ceteri nummi? Servi mei ubi
sunt?"
Medus: "Servus tuus Medus hic est."
Iulius servum suum Medum videt, Davum non videt. Medus
adest. Davus non adest, sed abest. Iulius et Aemilia et Medus
adsunt. Davus ceterique servi absunt.
Iulius: "Quid? Unus servus tantum adest! Ubi est Davus?
Davum voca!"
Medus Davum vocat: "Dave!" sed Davus Medum non audit
neque venit.
Medus rursus Davum vocat: "Da - a - ve! Veni!"
Davus venit. Iam duo servi adsunt.
SCAENA SECUNDA
Personae: Iulius, Aemilia, Medus, Davus.
Davus, qui dominum suum non videt, Medum interrogat:
"Quid est, Mede?"
Medus: "St! Dominus adest. Saluta dominum!"
Servus dominum salutat: "Salve, domine!"
Dominus servum salutat: "Salve, serve!"
Davus: "Quid est, domine?"
Iulius: "St! Tace, serve! Tace et audi!" Servus tacet.
Iulius: In sacculo meo sunt decem tatum nummi. Ubi sunt
ceteri nummi mei?"
Davus tacet, neque respontet.
Aemilia: "Responde, Dave! Dominus te interrogat."
Davus respondet: "Pecunia tua hic non est. Interroga
Medum."
Exercitium Primum Lectionis Decimae
I -____ II -____ III-____ IV-____ V -____
VI ____ VII -____ VIII -____ IX -____ X -____
Exercitium Secundum Lectionis Decimae
1.Quot sunt II et II? Duo et duo sunt ___.
2. Quot sunt III et III?
3. Quot sunt IV et IV?
4. Quot sunt V et V?
5. Quot sunt II et III?
6. Quot sunt III et IV?
7. Quot sunt IV et V?
Exercitium 3
1. In sacculo Iulii ____ est.
2. Iulius pecuniam in sacculo ____.
3. In sacculo ____ (:Iulii) multi ____ sunt.
4. Iulius pecuniam ____: I, II, III, IV, V, VI, VII, VIII, IX,
X.
5. Iulius: Quid? Decem ____?
6. Iulius ____ pecuniam suam numerat: I, II, III, ..., X.
7. In ____ Iulii non centum, sed ____ decem nummi sunt.
8. Iulius: "Ubi est servus meus?" Iulius servum ____ Davum
non videt. Davus ____.
9. Medus non abest; Medus ____.
10. Davus venit. Iam duo servi ____; ceteri servi ____.
11. Davus dominum ____: "Salve, domine!"
12. Iulius Davum salutat: "____, Dave! Ubi est pecunia
mea?"
13. Davus non respondet: Davus ____.
Exercitium 4
1.Quot personae adsunt in scaena prima?
2. Quot viri et quot feminae adsunt?
3. Quid Iulius in sacculo habet?
4. Centumne nummi in sacculo sunt?
5. Adestne Davus?
6. Quot servi adsunt?
7. Quis est servusquiadest?
8. Quem vocat Medus?
9. Quem Davus salutat?
10. Quot servi iam adsunt?