Ikalawang Markahang Pagsusulit sa Edukasyon sa Pagpapakatao 8

I. Panuto: Piliin ang titik ng tamang sagot. Isulat sa sagutang papel.

________ 1. Alin sa sumusunod na pahayag ang nagpapakita ng mabuting pakikipag-ugnayan sa kapwa?

A. “Bakit ba nahuli ka na naman?”
B. “Pilit kong inuunawa kung bakit ka nahuli, pero sana umalis ka ng bahay nang mas maaga.”
C. “Sana sa susunod hindi ka na huli sa usapan natin.”
D. “Tatlumpung minuto na akong naghihintay sa iyo.”
________ 2. Nalilinang ng tao ang kaniyang ________ sa pamamagitan ng kaniyang pakikiisa at pakikibahagi
sa mga samahan.
A. Kusa at pananagutan C. Talino at kakayahan
B. Sipag at tiyaga D. Tungkulin at karapatan
________ 3. Nagiging kahinaan ng mga Pilipino ang pakikipagkapwa dahil sa ________.
A. kakayahan nilang umunawa sa damdamin ng iba
B. kakayahan nilang makiramdam
C. kanilang pagtanaw ng utang-na-loob
D. kanilang pagiging emosyonal sa pakikisangkot
________ 4. Ano ang nakahahadlang sa makabuluhang pakikipag-ugnayan sa kapwa?
A. Kakayahan ng taong makibahagi sa mga gawaing panlipunan
B. Kakayahang tugunan ang pangangailangan ng kapwa
C. Pagkilala sa sarili na mas matalino siya kaysa ibang tao
D. Pakikitungo sa iba sa paraang gusto mo ring pakitunguhan ka
________ 5. Ang marapat na pakikitungo sa kapwa ay ________
A. nakabatay sa estado ng tao sa lipunan
B. nakasalalay sa kalagayang pang-ekonomiya
C. pagtrato sa kaniya nang may paggalang at dignidad
D. pagkakaroon ng inklinasyon na maging mapag-isa
________ 6. Ang pagkakaroon ng iba’t-ibang samahan sa lipunan ay inaasahang magtataguyod ng ________
bilang paglilingkod sa kapwa at sa kabutihang panlahat.
A. hanapbuhay C. pagtutulungan
B. libangan D. kultura
________ 7. Aling aspekto ng pagkatao ang higit na napauunlad sa pamamagitan ng paghahanapbuhay?
A. Panlipunan C. Politikal
B. Pangkabuhayan D. Intelektwal
________ 8. Ano ang pangunahing dapat na mapagyaman upang maging posible ang pagbuo ng malalim na
pagkakaibigan?
A. pagpapayaman ng pagkatao C. pagpapaunlad ng mga kakayahan
B. simpleng ugnayang interpersonal D. pagpapabuti ng personalidad
________ 9. Ang sumusunod ay kahalagahan ng mabuting pakikipagkaibigan maliban sa
A. Ang pakikipagkaibigan ay hindi lamang isang pakikitungo sa kapwa kundi isang
pagbabahagi ng sarili.
B. Ang pakikipagkaibigan ay nakatutugon sa personal na intensiyon ng tulong o pabor na
makukuha sa iba.
C. Ang pakikipagkaibigan ay bunga ng pagsisikap na dalisayin at patatagin ang ugnayan sa
pangmatagalang panahon.
D. Ang pakikipagkaibigan ay nararamdaman mula sa inspirasyong nagmumula sa taong
naniniwala at nagtitiwala sa atin.
________ 10. Matagal nang inuunawa ni Lyka ang pagiging palaasa ni Jovelle. Madalas sa klase, si Lyka ang
kinokopyahan ng mga takdang aralin ng kaibigan. Minsan, sinabi nito kay Jovelle na mas makabubuting pag-
aralan niya na gawing mag-isa ang mga proyekto at iba pang gawain sa klase ngunit hindi pa rin niya ito
ginawa. Kaya, nagpasiya si Lyka na hindi na siya magpapakopya sa kaibigan. Mula noon, hindi na siya
pinansin ni Jovelle. Anong uri ng pagkakaibigan ang ipinakitang halimbawa ni Jovelle?
A. Pakikipagkaibigang nakabatay sa pangangailangan
B. Pagkakaibigang nakabatay sa pansariling kasiyahan
C. Pagkakaibigan na nakabatay sa kabutihan
D. Pagkakaibigang nakabatay sa kakayahang interpersonal
________11. Ang sumusunod ay naglalarawan sa pananaw ni Aristotle sa pagkakaibigan maliban sa:
A. Hindi pumapanig sa kabutihan ng iisa kundi para sa isa’t isa
B. Nag-aangat ng antas ng buhay tungo sa positibong ugnayan ng lipunan
C. Sumisimbolo mula sa pagmamahal ng mga taong malalim na nakikilala ang pagkatao sa
kaniyang sariling pananaw
D. Natatanging damdamin para sa espesyal na tao na mas higit ang halaga kaysa sa isang
ordinaryong kakilala lamang
________ 12. Sa panahon ng kabataan likas na umuusbong ang pakikipagkaibigan sa katapat na kasarian
kagaya sa kaparehong kasarian. Upang maingatang hindi mabuwag ang magandang layunin sa
pagkakaibigan sa katapat na kasarian nararapat na isaalang-alang ang:
A. Paglilinaw sa kanila ng mga limitasyon ng ugnayang maingat na binuo
B. Paggalang sa katangian at kahinaang taglay ng kanilang seksuwalidad
C. Pagsuporta sa mga mithiing nais makamit mula sa pakikipagkaibigan
D. Pagkontrol sa posibleng atraksiyon na makamit mula sa pakikipagkaibigan .
________ 13. Bakit itinuturing na birtud ang pagkakaibigan?
A. dahil lahat ng pagkakaibigan ay mabuti
B. dahil makakamit lamang ang tunay na pagkakaibigan dahil sa paulit-ulit na pagdanas dito
C. dahil ito ay nagpapahalaga sa katarungan at halaga ng pagbabahagi ng sarili sa kapwa
D. dahil ito ay nagpapahalaga sa pagbabahagi ng sarili sa kapwa
________ 14. Ayon kay Aristotle, mahalagang bigyang-pansin ang tatlong uri ng pagkakaibigan at
makatutulong ito upang masuri para sa iyong mga piniling maging kaibigan. Alin sa sumusunod ang hindi
kabilang sa uri nito?
A. Pagkakaibigan na nakabatay sa kabutihan.
B. Pakikipagkaibigang hindi nakabatay sa pangangailangan.
C. Pagkakaibigang nakabatay sa pansariling kasiyahan.
D. Pakikipagkaibigang nakabatay sa pangangailangan.
________ 15. Ang sumusunod ay naidudulot ng pakikipagkaibigan sa pagpapaunlad ng ating pagkatao
maliban sa:
A. Nakalilikha ito ng mabuting pagtingin sa sarili
B. Nagkakaroon ng mga bagong ideya at pananaw sa pakikipagkaibigan
C. Natututuhang pahalagahan ang mabuting ugnayan sa pakikipag-kaibigan sa kabila ng ilang
di pagkakaintindihan
D. Natutukoy kung sino ang mabuti at di mabuting kaibigan sa pamamagitan ng obserbasyon
sa sariling ugnayan at ugnayan ng iba
________ 16. Paano ka makaiiwas sa pananakit ng taong dahilan ng iyong galit?
A. suntukin na lamang ang pader C. huwag na lamang siyang kausapin muli
B. kumain ng mga paboritong pagkain D. isipin na lamang na sadyang may taong
nakasasakit ng damdamin ng iba
________ 17. Ito ay kaagad na tugon o reaksiyon ng tao sa mga bagay na kaniyang nakita, naramdaman,
naamoy, nalasahan, at narinig na binibigyan ng interpretasyon ng kaniyang pag-iisip.
A. kilos C. emosyon
B. mood D. desisyon
________ 18. Sa tuwing tayo ay nakararanas ng krisis sa buhay dala ng negatibong emosyon mahalaga na
tayo ay magrelax. Alin sa sumusunod ang hindi magandang paraan ng pagre-relax?
A. paglakad-lakad sa parke C. pagbabakasyon
B. paninigarilyo D. panonood ng sine
________ 19. Gabi na nang makauwi si Ana mula sa praktis nila para sa gagawing pagtatanghal sa paaralan.
Habang siya ay naglalakad sa madilim na kalsada nakarinig siya ng kaluskos sa kung saan. Siya ay nagulat
at nakaramdam ng takot. Tinalasan ni Ana ang kaniyang pandinig at binilisan ang kaniyang paglalakad upang
mas madali siyang makarating sa kanilang bahay. Ano ang idudulot nito sakaling maranasan niya muli ang
ganitong sitwasyon?
A. makapag-iingat si Ana
B. mapoprotektahan na ni Ana ang sarili
C. hindi na muling dadaan si Ana sa madidilim na kalsada
D. makaiiwas sa mga nakatatakot na sitwasyong maaaring maranasan muli
________ 20. Nasaktan mo ang iyong kapatid dahil ginamit niya ang iyong bag na walang paalam. Ano ang
idinulot ng iyong kilos?
A. nailabas mo ang iyong sama ng loob
B. hindi na niya inulit ang kaniyang ginawa
C. gumaan ang iyong loob dahil ikaw ay nakaganti
D. nagkaroon ng suliranin sa ugnayan sa iyong kapatid
________ 21. Kinausap ng kaniyang guro si Hilda na kailangan niyang dagdagan pa ang kaniyang pagsisikap
upang makakuha ng mataas na marka sa susunod na markahan. Ito ay dahil hindi naging kasiya-siya ang
kaniyang grado sa nakaraan. Nag-aalala ng lubos si Hilda dahil baka hindi siya makapasa. Sa ganitong
pagkakataon, anong pagpapahalaga ang dapat patibayin upang mapagtagumpayan ang pagsubok na ito?
A. sumuko at umulit na lamang sa susunod na taon
B. tanggapin na lamang na sadyang may pangyayaring gaya nito
C. magkaroon ng katatagan ng loob at maniwala na kakayanin niya ito
D. humingi ng paumanhin sa guro sa naging pagkukulang sa klase.
________ 22. Nalilito si Roel kung anong kurso ang kukunin niya sa kolehiyo bagama’t nakapasa siya sa
pagsusulit para sa iba’t ibang kurso. Sa ganitong pagkakataon, ano ang pinakamainam niyang gawin upang
mapili niya ang angkop na kurso para sa kaniya?
A. Magtanong at humingi ng payo sa mga nakatatanda
B. Pumili alinman sa mga kurso dahil naipasa naman niya ang pagsusulit
C. Huwag munang mag-aral sa kolehiyo upang makapaglaan ng mahabang panahon sa pag-iisip
D. Pag-isipan at pag-aralang mabuti ang desisyon na gagawin upang hindi magsisi sa huli
________ 23. Pangarap ni Joey na maging katulad ang kaniyang hinahangaang guro. Ngunit sinasabi ng
kaniyang magulang kung siya ay magiging Accountant ay madali siyang aasenso gaya ng kaniyang pinsan na
ngayon ay nasa ibang bansa. Malungkot si Joey sa di pagsang-ayon ng kaniyang magulang sa nais niya.
Ngayon na siya ay nasa unang taon sa kolehiyo sa kursong Accountancy nakita niya na angkop ang kaniyang
kakayahan sa kursong ito. Komportable siya sa kaniyang mga ginagawa. Ano ang nakapagpabago sa
kalagayan ng kaniyang emosyon?
A. ang kaniyang mood C. ang mga pagsubok na naranasan
B. ang naparaming nararamdaman D. ang dikta ng kaniyang isip
________ 24. Nagalit ka sa iyong kaibigan dahil nalaman mo na nililigawan niya ang iyong kasintahan.
Pakiramdam mo ikaw ay nainsulto sa kaniyang ginawa. Isang araw nakasalubong mo sila na masayang
magkasama. Pinigilan mo ang iyong sarili upang kausapin sila. Umiwas ka na muna dahil sa iyong palagay ay
hindi angkop ang oras na iyon para sa pag-uusap dahil matindi pa rin ang iyong galit sa kaibigan mo. Ano ang
kabutihang idudulot ng ginawang pagtitimpi (temperance)?
A. nakaiiwas sa pananakit sa sarili at sa kapwa
B. napatutunayan ang kabutihan ng sarili sa iba
C. nahaharap ang matinding pagsubok sa buhay
D. nakaiiwas sa pag-iisip ng solusyon sa suliranin
________ 25. Nagiging makabuluhan ang pagiging lider at tagasunod sa pamamagitan ng sumusunod,
maliban sa:
A. pagtataguyod na makamit ang layunin ng pangkat
B. pagiging tapat, maunawain, at pagpapakita ng kakayahang impluwensiyahan ang kapwa
C. pagkakaroon ng kritikal na pag-iisip
D. pagiging magalang at makatarungan sa pakikipag-ugnayan sa iba
________ 26. Alin sa sumusunod na pahayag ang nagpapakita ng kahalagahan ng pamumuno?
A. Natutugunan ang pangangailangan ng bawat kasapi ng pangkat
B. Nagkakaroon ng direksiyon ang pangkat tungo sa pagkamit ng layunin
C. Nakatatanggap ng parangal dahil sa pagkakaroon ng magagandang proyekto
D. Nagkakaroon ng kinatawan upang makilala ang pangkat na kinabibilangan
________ 27. Bilang tagasunod, ang isang tao ay masasabing umaayon, kung siya ay kinakitaan ng
__________________________.
A. mataas na antas ng kritikal na pag-iisip at mataas na antas ng pakikibahagi
B. mataas na antas ng kritikal na pag-iisip at mababang antas ng pakikibahagi
C. mababang antas ng kritikal na pag-iisip at mataas na antas ng pakikibahagi
D. mababang antas ng kritikal na pag-iisip at mababang antas ng pakikibahagi
________ 28. Ayon sa resulta ng mga pagsasaliksik, alin sa sumusunod ang pangunahing katangian ng lider
na pinipili ng mga tao?
A. Magaling ang lider sa pagpaplano at pagpapasiya
B. Nagpapamalas ang lider ng integridad
C. Pagkakaroon ng tiwala ng lider sa kaniyang tagasunod
D. Nagbibigay ang lider ng inspirasyon sa pangkat
________ 29. Ang mapanagutang pamumuno ay pagkakaroon ng ___________________.
A. awtoridad na maipatupad ang mga gawain upang makamit ang layunin ng pangkat
B. impluwensiya na magpapakilos sa mga pinamumunuan tungo sa pagkamit ng layunin
C. karangalan pagkatapos na makamit ng pinamumunuan ang layunin ng pangkat
D. posisyon na magbibigay ng kapangyarihan upang mapakilos ang pinamumunuan
________ 30. Mas marami ang kuntento sa pagiging tagasunod dahil sa ________________.
A. paggalang sa awtoridad C. parehong paniniwala at prinsipyo
B. pakinabang na tinatanggap D. mas madali ang maging tagasunod kaysa maging lider
II. Panuto: Piliin sa loob ng kahon ang kahulugan ng bawat bilang at isulat ang titik ng wastong sagot
sa sagutang papel.

A. Aspektong Politikal F. Pamumunong Adaptibo

B. Pagkakaibigang nakabatay sa pangangailangan G. Pamumunong Inspirasyunal
C. Pagkakaibigang nakabatay sa pansariling kasiyahan H. Aspektong Intelektwal
D. Aspektong Pangkabuhayan I. Motibasyon
E. Pagkakaibigang nakabatay sa kabutihan J. Pagkilala sa sariling emosyon
_________ 31. Aspekto ng pakikipagkapwa na nagbibigay ng kaalaman at kakayahang matugunan ang mga
pangangailangan ng sarili at ng kapwa.
_________ 32. Aspekto ng pakikipagkapwa na nagbibigay ng kaalaman at kakayahang makibahagi sa pagbuo
at pagtamo ng makatao at makatarungang lipunan.
_________ 33. Aspekto ng pakikipagkapwa na nagbibigay ng karagdagang kaalaman, kakayahan at
pagpapaunlad ng kakayahang mag-isip nang mapanuri, malikhain at mangatwiran.
_________ 34. Uri ng pakikipagkaibigan na nabubuo batay sa pagkagusto (admiration) at paggalang sa isa’t
isa.
_________ 35. Uri ng pagkakaibigan na nabubuo sa pagitan mo at ng isa o mahigit pang tao na masaya kang
kasama o kausap.
_________ 36. Uri ng pagkakaibigang inilalaan sa isang tao dahil sa pangangailangan ng isang tao rito.
_________ 37. Ang kakayahang mapamahalaan ang ating emosyon ay mahalaga dahil ang mga ito ay may
epekto sa kalagayan ng ating kalooban at pakikipag-ugnayan sa kapwa.
_________ 38. Ito ay kakayahang magtimpi o magpigil na gawin ang isang bagay na hindi dapat upang
matupad ang isang layuning higit na mahalaga para sa ikabubuti ng iba.
_________ 39. Lider na may mas mataas na antas ng pagkilala sa sarili (self-awareness) at kakayahang
pamahalaan ang sarili (self-mastery).
_________ 40. Lider na nakikita ang kahahantungan ng kanilang mga pangarap para sa samahan.

III. Panuto: Basahin at unawain ng mabuti ang mga pangungusap. Isulat sa patlang ng TAMA kung ito
ay nagpapahayag ng katotohanan at isulat ng wasto ang nakasalungguhit kung hindi katotohanan.

_________ 41. Ang kapwa ay taong labas sa iyong sarili, maaaring iyong magulang, kamag-anak, kaibigan,
kaklase at pati na rin kaaway.
_________ 42. Ang pagtukoy at pagkilala sa mga tao na itinuturing mong kaaway ang simula ng paglinang sa
intelektwal, panlipunan, pangkabuhayan at political na aspekto ng iyong pagkatao.
_________ 43. Ang birtud ng katarungan (justice) at pagmamahal (charity) ay kailangan sa pagpapatatag ng
pakikipagkapwa.
_________ 44. Ayon sa Webster’s Dictionary, ang pagkakaibigan ay nangangahulugan ng pagkakaroon ng
ugnayan sa isang tao dahil sa pagmamahal (affection) o pagpapahalaga (esteem)
_________ 45. Isa pang mahalagang sangkap na kinakailangan upang ganap na makamit ang tunay at wagas
na pakikipagkaibigan, ito ay ang pagpapatawad.
_________ 46. Ayon kay Seeburger, ang literasiyang pandamdamin ay tumutukoy sa dalawang bagay. Una,
kakayahang alamin at unawain ang mga sariling katangian at pangalawa, matukoy at maramdaman ang
damdamin na angkop o akma lamang sa sitwasyon na kinakaharap.
_________ 47. Ang mga emosyon na hindi napamamahalaan ay maaaring hindi maganda ang impluwensiya
sa ating mga kilos at pagpapasiya sa sitwasyong may krisis, suliranin o pagkalito.
_________ 48. Itinataguyod ni Mahatma Gandhi and pamumuhay na payak at pakikipaglabang di ginagamitan
ng dahas.
_________ 49. Ang pamumunong adaptibo ang pagkakaroon ng pagbabago ang pinakatuon ng ganitong lider.
_________ 50. “Ang pinakamagaling na lider ay mapagmalasakit, may integridad at may kakayahang
maglingkod”.

Inihanda ni: Pinagtibay ni:

HEIDEE S. MATIAS LIGAYA T. CASTILLO

Guro I, EsP Punong Guro I

 Ikalawang Markahang Pagsusulit sa Edukasyon sa Pagpapakatao 8
SUSI SA PAGWAWASTO

1. 26.
2. 27.
3. 28.
4. 29.
5. 30.
6. 31.
7. 32.
8. 33.
9. 34.
10. 35.
11. 36.
12. 37.
13. 38.
14. 39.
15. 40.
16. 41.
17. 42.
18. 43.
19. 44.
20. 45.
21. 46.
22. 47.
23. 48.
24. 49.

25. 50.