KASUNDUAN SA PAGSASAKA NG LUPA

TALASTASIN NG LAHAT:

Ang KASUNDUANG ito, na isinagawa ng MGA TAGAPAGMANA NI ALFONSO MAGALLANES, dito ay

kinakatawan ni JESUS ADOLFO Y MAGALALNES, may asawa, sapat na gulang Pilipino at naninirahan sa Blk
4, Sta Maria Village, Lungsod ng Kalapan,Silangan Mindoro dito ay tinutukoy bilang UNANG PANIG, at
MARCIANO DE LEON NAVARRO sapat ang gulang ,Pilipino at naninirahan sa Kalinisan,Naujan,Silangan
Mindoro dito ay tinutukoy bilang IKALAWANG PANIG,

N A G P A P A TU N A Y

Na ang UNANG PANIG ang may ari ng dalawang (2) palagay na lupa na matatagpauan sa Kalinisan
Naujan ,Silangan Mindoro kilala bilang Lot 2457 at 2895,Cad 200 Naujan Cadastre

Na nais ng IKALAWANG PANIG na gawain sakahan ang TATLONG (3) EKTARYANG bahagi ng mga
lupang binabangit sa unang talata nito at ang UNANG PANIAG ay pumapayag naman sa ilalim ng sumusonod
na mga alintuntunin o condiciones

1.) Ang Kasunduang ito ay tatagal ng TATLONG (3) TAON mula Nobyembre 1, 2019 hanggan Oktubre
31, 2022 o sa panahon ng ANIM (6) na anihan;

2.) Ang nasabing TATLONG (3) EKTARYANG lupa ay hahawanin, titimbangin at gagawin bukirin na
matamtamnan ng palay, ang magagastos sa lahat ng kaunlaran ilalagay sa nasabing lupa ay sagot ng
IKALAWANG PANIG ; Dahil dito , ang IKALAWANG PANIG ay pinahihintulutan na sakahin ang nasabing lupa
sa looban ng TATLONG (3) ANIHAN nang walang ibibigay na kabayaran sa UNANG PANIG ,

3.) Ang IKALAWANG PANIG ay magbabayad sa UNANG PANIG ng LABING ANIM NA LIBO PISO
(P16,000.00) cada ektarya sa susunod na TATLONG (3) pagtatanim (P16,000.00 x 3 ektarya x 3 taniman
=P144,000.00, ang kabuunang halaga ISANDAAN AT APATNAPU’T APAT NA LIBONG PISO (P144, 000.00 ) ay
babayaran nang buo ng IKALAWANG PANIG at pinatutunayan ng UNANG PANIG na tinanggap na niya ang
buong kabayaran sa paglagda sa kasunduan ito ;

4.) Ang IKALAWANG PANIG ay magbabayad sa UNANG PANIG ng halagang WALONG LIBONG
PISO (P8,000.00 ) cada ektarya cada pagtatanim kung ang nasabing lupa ay tataniman bukod sa regular na
taniman (paningit/third cropping) ; ang layunin ito ng IKALAWANG PANIG ay dapat ipabatid sa UNANG PANIG
at ang kabayaran para sa panahong iyon ay ibibigay na sa UNANG PANIG bago simulan ang pagtatanim ;

Na ang magkabilang panig ay mag-uusap bago magtapos ang kasunduan ito kung maari pang
ipagpatuloy (renew) ang pagsasaka at pagkasunduan ang mga bagong alintuntunin o condiciones sa paggamit
ng lupa;
Na kung matapos ang panahon ng kasunduan ito ay kusangloob na ibabalik ng IKALAWANG PANIG
ang lupa ,kasama ang mga kagalingan na doon ay inilagay tulad ng tubong ibinaon para sa patubig ,na walang
hihinging kabayaran sa UNANG PANIG

SA KATUNAYAN ay ,lumagda ang magkabilang panig dito sa Lungsod ng Kalapan ,Silangan Mindoro
ngayon a ngayong

JESUS ADOLFO Y MAGALLANES MARCIANO DE LEON NAVARRO

Unang Panig Ikalawang Panig

_________________________ ___________________________

NILAGDAAN SA HARAP NINA

______________________________________ ____________________________
REPUBLIKA NG PILIPINAS )
LALAWIGAN NG SILANGANG MINDORO ) S.S.
LUNGSOD NG KALAPAN )

SA HARAP KO, sa lugar at petsang nakasaad sa unahan nito ay dumulog ang mga taong nakalagda sa unahan
nito,kilala ko na silang nagsagawa ng nauuungan kasulatan na pinatutunayan nila na tunay at sarili nilang
kapasiyahan.

SAKSI ANG AKING LAGDA AT SELYONG PANATAK

Kas Blg. ______;

Pah Blg.______ ;
Aklat Blg.______ ;
Taong 2019