Përshkrimi:

International Medical Center sh.p.k. vepron si biznes në Kosovë, i regjistruar pranë ARBK-së me numër
të regjistrimit 2034023 qe nga viti 2005. Pronar të IMC sh.p.k. janë 4 persona fizik me shtetësi turke:

- Personi A
- Personi B
- Personi C
- Personi D

Që të katërtit janë 100% pronar të IMC sh.p.k. me interesa pronësore të ndara në përqindje si në vijim:

- Personi A- 10 % të totalit të aksioneve

- Personi B- 25% të totalit të aksioneve
- Personi C- 30% të totalit të aksioneve dhe
- Personi D- 35% të totalit të aksioneve

Pronarët e IMC sh.p.k. dëshirojnë të shesin biznesin e tyre. Blerës potencial janë:

- Personi Y, dhe
- Personi Z.

Çmimi blerës i interesave pronësore përfaqëson vlerën nominale të interesave pronësore, dhe shitësit e
interesave pronësore përcaktohen t’i shesin ato në çmim prej 120,000 Euro, dhe kjo shumë pastaj do të
ndahet në mes të Shitësve sipas përqindjeve të përcaktuara më lartë.

Ekstrakt nga Statuti i Kompanisë:

Neni 10
E drejta për të marrë pjesë në takimet e Kuvendit
Aksionarët kanë të drejtë në vendimmarrje të Kompanisë.
Aksionarët emërojnë 3 (tre) persona që përbëjnë Kuvendin e Kompanisë.
Secili person i emëruar ka të drejtë të marrë pjesë personalisht në Kuvendin e Kompanisë, të informohet në lidhje me çështjet e Kompanisë si
dhe të inspektojë dhe verifikojë librat dhe regjistrat e Kompanisë.
Secili rast i prezencës së cilitdo anëtar të Kuvendit përmes autorizimit në Kuvendin e Kompanisë duhet të rregullohet me vendim të veçantë të
Kuvendit të Kompanisë.

Neni 11
Transferimi i aksioneve
Çdonjëri nga themeluesit e kompanisë mund të transferojë aksionet e veta tek palët e treta, persona fizik apo persona juridik përmes shitjes,
hipotekës, dhuratës, trashëgimisë apo formave tjera pas përmbushjës së kërkesave të përcaktuara në këtë statut në lidje me kufizimet e
transferimit.

Neni 12
Kufizimet mbi Transferimin e Aksioneve

Aksionarët nuk kanë të drejtë të transferojnë interesat e tyre pronësore (aksionet) tek palët e treta që mund të jenë persona fizik apo juridik
para se t’iu ofrojnë interesat e tyre pronësore aksionarëve të tjerë të cilët kanë të drejtë të refuzojnë apo të blejnë aksionet në shtitje me
kushtet e njejta siç i ofrohen nga palët e treta.

Oferta tek aksionarët e tjerë për shitje të aksioneve duhet të bëhet me shkrim dhe nëse brenda periudhës prej 30 (tridhjetë) ditësht nga dita e
pranimit të ofertës, aksionarët e mbetur nuk i përgjigjen ofertës, do të konsiderohet se oferta është refuzuar.

Vetëm pas plotësimit të kushteve si më lartë, aksionari i/e interesuar për shitjen apo transferimin e aksioneve mund të bëjë shitjen e aksioneve
të veta.
Aksionari i ri ka po ashtu obligohet me të drejtën e refuzimit të pare dhe ai apo ajo nuk ka të drejtë të shes aksionet e veta tek asnjë palë e
tretë, në asnjë moment kohor pa ia ofruar këtë aksionarëve ekzistues sipas kushteve të njejta të shitjes.
Në rast se një aksionar i shet aksionet e veta tek një pale e tretë, aksionarët e tjerë mund t’i bashkangjiten transaksionit dhe të shesin aksionet
e veta tek pala e tretë me kushte të njejta. Pala e tretë obligohet të blejë aksionet e aksionarëve të tjerë me kushtet e njejta, nëse aksionarët i
bashkangjiten transaksionit. Kjo e drejtë aplikohet vetëm në kohën e transaksionit fillestar por jo në një kohë më të vonshme.

Neni 13
Kompetencat e Kuvendit i Kompanisë

Organi kryesor vendimmarrës është Kuvendi i Kompanisë dhe si i tillë ka të drejtë të vendos në të gjitha çështjet që ndërlidhen me aktivitetin e
Kompanisë.

Anëtarët e Kuvendit emërohen me kohëzgjatje prej 2 (dy) viteve me mundësi të rizgjedhjes.

Në takimin e parë konstituiv të Kuvendit të Kompanisë, anëtarët do ta zgjedhin Kryesuesin dhe Zv. Kryesuesin për një periudhë kohore që duhet
të jetë në përputhje me periudhën e mandatit të tij/saj si anëtarë të Kuvendit.

Çdo anëtarë i Kuvendit të Kompanisë mund ta ndërpresë mandatin e vet para periudhës 2 (dy) vjeçare apo mund të shkarkohet në raste të
parapara me ligj.

Kuvendi i Kompanisë ka ekskluzivitet për të vendos në lidhje me çështjet si në vijim:

- Ndryshimet dhe modifikimet në Statutin e Kompanisë

- Rritjen apo zvogëlimin e kapitalit
- Pranimin e aksionarëve të rinjë (pas rritjes së kapitalit)
- Bashkimin, shkrirjen, ndarjen, shpërndarjen dhe çfarëdo transformimi të Kompanisë
- Miratimin e pasqyrave financiare vjetore dhe vendosjen në lidhje me fitimin e realizuar
- Emërimin dhe shkarkimin e Drejtorit Menaxhues të Kompanisë dhe të zëvendësve të tyre dhe vendosjen e një niveli të pagesës për
të lartëpërmendurit dhe për punëtorët e tjerë të Kompanisëë
- Miratimin e buxhetit vjetor të shpenzimeve
- Vendimin mbi shpërndarjen e profitit
- Aprovimin e çështjeve të tjera, miratimi i të cilave është e rezervuar për Kuvendin sipas ligjit dhe sipas këtij Statuti.

Në çfarëdo rasti, Kuvendi mund të vendos në të gjitha çështjet që tejkalojnë aktivitetet e përditshme të Kompanisë.

Neni 14
Vendimet e Kuvendit të Kompanisë

Të gjitha Vendimet duhet të arrihen me votën pohuese që përfaqësojnë 75% të të gjitha votave të anëtarëve të Kuvendit, përveç vendimit për
shpërbërje të Kompanisë ku kërkohet vota unanime e të gjjthë aksionarëve.

Vendimet e Kuvendit duhet të aprovohen me votim të hapur. Në raste të veçanta dhe për çështje specifike një vendim mund të aprovohet me
votim të mbyllur në pajtim me dispozitat ligjore.

DETYRA

Klienti juaj janë Personat A, B, C dhe D (për njërin grup) dhe Personat Y, Z (për grupin tjetër) .
Ata dëshirojnë ta dijnë:

- Si do të kryhet transaksioni;
- Cilat janë hapat që duhet ndërmarrë?
- Cilat janë dokumentet që duhet prezantuar?
- A ka kufizime ligjore në lidhje me këtë transaksion?
- Çfarë garancionesh duhet të japin palët?
- Çështje tjera me rëndësi.

Sugjerohet te punoni ne grupe. Secili grup do të ndahet në nën-grupe ku njëri nën-grup do ta

përfaqësoj shitësin e tjetri blerësin. Grupet qe përfaqësojnë shitësit e aksioneve te negociojnë
me grupin qe përfaqëson blerësit e aksioneve dhe te hartohet nje draft kontrate per shitblerje
te aksioneve, duke marre per baze Statutin e kompanisë (pjesët e shkëputura) dhe Ligjin per
Shoqerite Tregtare.