Please visit www.ssp.ph and help us sustain this apostolate.
sambuhay
a pastoral ministry of the priests and brothers of the society of st. paul
Taon 24 Blg. 35 Pagmimisa sa Hatinggabi ng Pasko ng Pagsilang (A) — Puti
Ang Tunay na Panunuluyan
H atinggabi ng Pasko ng Pag­silang
ng Panginoon.
Taun-taon, isinasa-entablado
ang kuwento ng kapanganakan ng
Panginoon, o Panunuluyan. Ngunit
masama ang loob ni Wowie dahil
hindi siya napiling gumanap na
Jose sa nasabing taunang dula.
Ang kanyang kaibigang si Jojo ang
piniling gumanap na Jose, at ang
ibinigay na gampanin kay Wowie ay
ang hindi kilalang may-ari ng bahay-
panuluyan. Sa loob ng ilang linggong
paghahanda para sa dula, nag-isip si
Wowie ng paraan upang makaganti sa
kanyang nagtagumpay na katunggali.
Hanggang sa dumating ang gabi
ng pagsasadula. Si Jose at Maria ay
naghahanap ng bahay na matutuluyan.
Manganganak na si Maria, ngunit
wala pa rin silang mahanap na lugar
sa Betlehem. Hanggang sa napadpad
ang mag-asawa sa pintuan ng isang
tahanan. Kumatok si Jose. Bahagyang
bumukas ang pinto, at dumungaw
ang mukha ni Wowie. “Maaari po
ba kaming makituloy at magpalipas
ng gabi man lamang?” tanong ni Jojo
na gumaganap na Jose. Nakasisiguro
si Jojo na tatanggihan sila ni Wowie
batay sa kanilang script; ngunit
nagulat siya at ang lahat sa isinagot
ni Wowie. “Tuloy kayo! Tuloy kayo!
Maluwag na maluwag ang bahay ko
para sa inyo!” tuso na nakangiting
sagot ni Wowie.
Nagkaroon ng katahimikan.
Nakaisip ng paraan si Jojo. Sinabi
ni Jose kay Maria, “Mahal ko, dito
ka muna sa labas. Sisilipin ko lang
ang loob.” Saglit na pumasok si
Jose, at pagkatapos ay lumabas sa
pintuan habang umiiling. “Hindi ko
patutuluyin ang asawa ko sa ganyang
uri ng tahanan! Puno ng kasamaan!
Halika na, Maria. Mas mabuti pa
kung sa kamalig na lamang tayo
tumuloy.” At bumalik ang dula sa
tama nitong balangkas.
Pakibasa ang pagninilay bago o pagkatapos ng Misa.
Ang kuwentong ito ng Panu­
nuluyan ay nagpapaalala sa atin
sa mensahe ng orihinal na panu­
nuluyan ng mag-asawang Jose
at Maria: ang tunay na diwa ng
pagbibigay at ang pagtalikod sa
pagiging maka­s arili. Ipinapakita
sa atin ng mga pagbasa ngayong
hatinggabi ang kabalintuan ng mga
pangyayari hinggil sa pagsilang ni
Jesus. Ang bayan na namumuhay
ay “balot ng dilim;” ito’y “naka­
tanaw ng isang malaking liwanag”
(Isaias 9:1). At ito ang palatandaan:
“isang sanggol na nababalot ng
lampin at nakahiga sa sabsaban”
(Lucas 2:12). Ang Tagapagligtas na
isinilang ay binalutan ng lampin sa
gitna ng sangkatauhang nababalot sa
kadiliman.
Para sa ebanghelistang si Lucas,
makabuluhan ang pagbabalot ng
lampin kay Jesus. Hindi lamang ito
inulit ng mga anghel sa mga pastol,
bagkus ito lamang ang ginamit ni
Lucas upang ilarawan ang kapa­
nganakan ni Jesus: “Binalot [ni
Maria] ng lampin ang sanggol at
inihiga sa isang sabsaban, sapag­kat
wala nang lugar para sa kanila sa
bahay-panuluyan” (Lc 2:7).
“Wala nang lugar… sa bahay-
panuluyan.” Ang bahay-panuluyan
o katalyma ay nangangahulugan
ng isang malaking silid sa loob ng
tahanan. Iminumulat sa atin ng
Disyembre 25, 2010
mga katagang ito ang isang krisis
na matagal nang sumusuwag sa
lipunan: ang krisis ng pagkamasarili
(individualism). Ang bayang malaon
nang nasa kadiliman at naghihintay
ng liwanag ay walang puwang sa
kanilang puso para sa Tagapagligtas.
Kung kaya’t ang mga kataga ni
propeta Isaias—na inilalarawan sa
atin ng Belen—ay tumutuya sa mga
taong naging makasarili: “Nakikilala
ng baka ang kanyang panginoon; at
ng asno ang nag-aalaga sa kanya.
Ngunit hindi ako nakilala ng Israel;
hindi ako naunawaan ng aking
bayan” (1:3). Masyadong inisip ng
tao ang kanyang sarili, kung kaya’t
pinuno niya ang mga malalaking
puwang sa kanyang buhay at ang
kanyang panahon ng mga bagay na
pang-sarili. Nawalan ng puwang ang
Diyos sa kanyang puso.
Subalit sa kabila ng bumabalot na
kadiliman, mayroon pa rin mga tao na
namumuhay sa liwanag at kabutihan.
Halimbawa nito si Jose at si Maria.
Sa kabila ng malayo at nakapapagod
na paglalakbay patungong Betlehem,
naging handa sila sa pagdating ng
Panginoon. Hindi nila nakaligtaang
magdala ng lampin na ibinalot sa
Banal na Sanggol. Nagbigay puwang
sila sa kanilang puso para sa Diyos.
“Binalot [ni Maria] ng lampin
ang sanggol at inihiga sa isang
sabsaban, sapagkat wala nang lugar
para sa kanila sa bahay-panuluyan.”
Ang mga katagang ito ni Lucas ay
inihayag ni Apostol Pablo sa ibang
pamamaraan: “Inihayag ng Diyos
ang kanyang kagandahang-loob…
talikdan ang likong pamumuhay at
damdaming makalaman” (Tito 2:11-
12). Ito ang tunay na Panunuluyan:
talikuran ang pagkamasarili, at
buksan ang puso para sa Diyos at
sa kapwa!
─ Fr. David O. Reyes, Jr.
 This copy of Sambuhay is made available through generous donations.
PASIMULA
Pambungad (Slm 2:7)
(Basahin kung walang pambungad
na awit)
Sabi sa akin ng Poon, “Isini­lang
kita ngayon, anak ko, habang
panahon paghahari’y sa ’yo ukol
ng lubos kong pag­sang-ayon.”
Pagbati
(Gawin dito ang tanda ng krus)
P - Papuri sa Diyos sa kaitaasan!
At nawa’y laging sumainyo ang
kanyang kapayapaan.
B - At sumaiyo rin.
Paunang Salita
(Basahin bago magsimula ang Misa)
P - Mga kapatid: Duma­ting na ang
pinakabanal na gabi sa lahat ng
mga gabi. Isinilang na si Hesus
na Taga­­pagligtas na maghahatid
ng kaga­lakan at kaligtasan sa
sanlibutan.
Ngayong gabi, saksi tayo sa
isang pangyayaring ni sa guni-
guni’y hindi natin maisip. Hinu­bad
ng Diyos ang lahat ng ka­p ang­­
ya­rihan at nagpakababa. Di kala­
una’y nadama niya ang lamig ng
pakikitungo ng kanyang kap­wa;
nadama niya ang pagta­takwil ng
bayang kanyang hini­rang; nadama
niya ang hapdi ng kalung­k­utan sa
krus. Oo, labis-labis ang pagma­
mahal ng Diyos sa atin kung kaya’t
ninais niyang maging malapit sa
atin, maging kaisa natin.
Ito ang gabi ng kapayapaan at
kagalakan. Halina’t ating sam­ba­
hin si Hesus, ang ating Emmanuel,
ang Diyos-na-sumasaatin sa
pagdiriwang natin ng Eukaristiya
ng Pasko.
Pagsisisi
P - Sa Eukaristiyang ito, si Hesus
ay isisilang para sa atin. Mag­
bigay tayo ng puwang sa ating
puso upang doon siya manahan.
Humingi tayo sa Panginoon ng
kapatawaran at awa. (Tumahimik)
P - Panginoon, pinupuri ka namin
sa hatid mong liwanag na dadaig
sa kadiliman: Panginoon, kaawaan
mo kami.
B - Panginoon, kaawaan mo kami.
P - Panginoon, pinupuri ka namin
sa hatid mong balita ng kagalakan
sa pusong nalulumbay: Kristo,
kaawaan mo kami.
B - Kristo, kaawaan mo kami.
P - Panginoon, pinupuri ka namin
sa hatid mong pag-ibig ng Ama
na nagdudulot ng kapana­tagan at
kasiyahan: Panginoon, kaawaan
mo kami.
B - Panginoon, kaawaan mo kami.
P - Kaawaan tayo ng makapang­
yarihang Diyos, patawarin tayo sa
ating mga kasalanan, at patnu­bayan
tayo sa buhay na walang hanggan.
B - Amen.
Gloria
Papuri sa Diyos sa kaitaasan at sa
lupa’y kapayapaan sa mga taong
kinalulugdan niya. Pinupuri ka
namin, dinarangal ka namin,
sina­s amba ka namin, ipinagbu­
bunyi ka namin, pinasasalamatan
ka namin dahil sa dakila mong
angking kapu­r ihan. Panginoong
Diyos, Hari ng langit, Diyos Amang
makapang­yarihan sa lahat. Pangi­
noong Hesukristo, Bugtong na
Anak, Pangi­noong Diyos, Kordero
ng Diyos, Anak ng Ama. Ikaw na
nag-aalis ng mga kasalanan ng san­
libutan, maawa ka sa amin. Ikaw
na nag-aalis ng mga kasala­nan ng
sanli­butan, tanggapin mo ang aming
kahilingan. Ikaw na nalu­luklok sa
kanan ng Ama, maawa ka sa amin.
Sapagkat ikaw lamang ang banal,
ikaw lamang ang Pangi­noon, ikaw
lamang, O Hesukristo, ang Kataas-
taasan, kasama ng Espi­ritu Santo
sa kadakilaan ng Diyos Ama. Amen.
Pambungad na Panalangin
P - Manalangin tayo. (Tumahimik)
Ama naming makapangyari­
han, pinasikat mo sa gabing ito
ang sinag ng iyong liwanag na
totoo. Pasikatin mo sa amin ang
iyong liwanag sa kalangitan na
ngayo’y aming pina­tutuloy sa
a­ming pamu­muhay sa pamama­gitan
ni Hesukristo kasama ng Espiritu
Santo magpasawalang hanggan.
B - Amen.
PAGPAPAHAYAG NG
SALITA NG DIYOS
Unang Pagbasa (Umupo)
Noon pa man, ipinahayag na ni
pro­peta Isaias ang pagsilang ng
isang sanggol na siyang magiging
Mesi­yas at Prinsipe ng Kapaya­
paan. Ngay­ong gabi, saksi tayo sa
kaga­napan ng propesiyang ito sa
pagsilang kay Hesus na Panginoon
natin.
Pagbasa mula sa aklat ni pro­peta
Isaias (9:1-6)
NAKATANAW ng isang mala­king
liwanag ang bayang malaon nang
nasa kadiliman, namanaag na ang
liwanag sa mga taong namu­muhay
sa lupaing balot ng dilim. Iyong
pina­s igla ang kani­lang pagdiri­
wang, dinag­dagan mo ang kanilang
tuwa. Tulad ng mga tao sa panahon
ng ani­han, tulad ng mga taong nag­
ha­hati ng nasam­sam na kayama­nan.
Nilu­pig mo ang bansang umalipin
sa iyong bayan tulad ng pagka­
lupig sa hukbo ng Madian. Binali
mo ang pang­h am­b alos ng mga
tagapag­pahi­rap sa kanila. Sapag­kat
ang panya­pak ng mga mandirigma,
ang lahat ng kasu­u ­tang tigmak
sa dugo ay susu­nugin. Sapagkat
ipinanganak para sa atin ang isang
sanggol na lalaki. Ibinigay ang
isang anak sa atin at siya ang
mama­­mahala sa atin. Siya ang
Kaha­nga-hangang Tagapayo, ang
Maka­pang­ya­rihang Diyos, wa­lang
hang­gang Ama, ang Prinsipe ng
Kapa­yapaan. Mala­wak na kapang­­
yarihan at walang hanggang kapa­
yapaan ang ipagka­kaloob sa trono
ni David at sa kan­yang paghahari
upang matatag ito at papa­na­tilihin
sa kata­rungan at kat­wi­ran ngayon
at magpa­kailanman. Isasa­gawa ito
ng Maka­pang­yarihang Pangi­noon.
— Ang Salita ng Diyos.
B - Salamat sa Diyos.
Salmong Tugunan (Slm 95)
T - Sa ati’y sumilang ngayon
Manunubos, Kristong Poon.
E. C. Marfori
2
 4 _  3        h 
C C F

Sa a-ti’y su-mi-lang nga-yon
   3      X   
G C G/C C

Ma-nu-nu-bos, Kris-tong Po-on.
1. Purihin ang Panginoon,/ awitan
ng bagong awit;/ ang Poon ay pa­
pu­­rihan nitong lahat sa daigdig! (T)
2. Awitan ang Panginoon,/ ngalan
niya ay purihin;/ araw-araw ang
gina­­wang pagliligtas ay bang­gi­tin./
Kahit saa’y ipahayag na ang Poon
ay dakila,/ sa madla ay ipa­ha­­­yag
ang dakila niyang gawa. (T)
3. Lupa’t langit ay magsaya,/ umu­­­
gong ang kalaliman,/ lahat kayo
na nilikhang nasa tubig ay magdi­
wang./ Ang bukirin at ang lahat
ng naroon ay sumigaw,/ pati mga
punong­k ahoy sa galak ay mag-
awitan. (T)
4. Ang Poon ay pupurihin,/ pag­kat
siya ay daratal,/ paririto sa daigdig,/
upang lahat ay hatulan./ Tapat siya
kung humatol at lahat ay pantay-
pantay. (T)
 Please visit www.ssp.ph and help us sustain this apostolate.
Ikalawang Pagbasa
Hinihikayat tayo ni San Pablo na
mabuhay nang matuwid at tapat sa
mga utos ng Diyos.
Pagbasa mula sa sulat ni apostol
San Pablo kay Tito (2:11-14)
PINAKAMAMAHAL kong kapa­­­
tid: Inihayag ng Diyos ang kan­
yang kagandahang-loob na nag­
du­dulot ng kaligtasan sa lahat ng
tao. Ito ang siyang umaakay sa
atin upang talik­d an ang likong
pamu­muhay at dam­­­daming maka­
laman. Kaya’t maka­pamu­muhay
tayo ngayon nang maa­yos, matu­
wid at karapat-dapat sa Diyos
saman­talang hinihintay natin ang
ating ina­a sa­h an—ang dakilang
Araw ng pag­hahayag sa ating daki­
lang Diyos at Tagapag­ligtas na si
Hesukristo sa gitna ng kanyang
kaning­­ningan. Ibinigay niya ang
kanyang sarili upang iligtas tayo
sa lahat ng kali­kuan at linisin para
maging kan­yang bayan na nakata­
lagang gumawa ng mabuti.
— Ang Salita ng Diyos.
B - Salamat sa Diyos.
Aleluya [Lc 2:10-11] (Tumayo)
B - Aleluya! Aleluya! Ito’y
Balitang masaya Manunubos
sumilang na sa ati’y Kristo, Poon
s’ya. Aleluya! Aleluya!
Mabuting Balita (Lc 2:1-14)
P - Sumainyo ang Panginoon.
B - At sumaiyo rin.
P - Ang Mabuting Balita ng Pangi­
noon ayon kay San Lucas.
B - Papuri sa iyo, Panginoon.
NOONG panahong iyon, iniutos
ng Emperador Augusto na magpa­
tala ang lahat ng nasasakupan ng
Imperyo ng Roma. Ang unang
pag­pa­patalang ito’y ginawa nang
si Cirenio ang gobernador ng Siria.
Kaya’t umuwi ang bawat isa sa
sariling bayan upang magpatala.
Mula sa Nazaret, Galilea, si
Jose’y pumunta sa Betlehem,
Judea, ang bayang sinilangan ni
Haring David, sapagkat siya’y
mula sa angkan at lahi ni David.
Kasama niyang umuwi upang
magpatala rin si Maria na kanyang
magiging asawa na noo’y kagam­
pan. Saman­talang naroroon sila,
dumating ang oras ng panga­nga­
nak ni Maria at isinilang niya ang
kanyang panga­nay at ito’y lalaki.
Binalot niya ng lam­pin ang sang­gol
at inihiga sa isang sabsaban, sapag­
kat wala nang lugar para sa kanila
sa bahay-panuluyan.
Sa lupain ding yaon ay may mga
pastol na nasa parang, nagpu­puyat
sa pagbabantay ng kanilang mga
tupa. Biglang lumitaw sa harapan
nila ang isang anghel ng Pangi­
noon at lumaga­nap sa pali­gid nila
ang naka­sisilaw na ka­ningningan
ng Pangi­noon. Nata­kot sila nang
gayun na lamang, ngunit sinabi sa
kanila ng anghel, “Huwag kayong
mata­kot! Ako’y may dalang mabu­
ting balita para sa inyo na magdu­
dulot ng mala­king kagalakan sa
lahat ng tao. Sapagkat isinilang
ngayon sa bayan ni David ang
inyong Taga­pag­ligtas, ang Kris­
tong Pangi­noon. Ito ang palatan­
daan: mata­tagpuan ninyo ang isang
sanggol na naba­balot ng lampin at
nakahiga sa sabsaban.”
Biglang lumitaw sa tabi ng ang­
hel ang isang malaking hukbo ng
kala­ngitan, na nagpupuri sa Diyos:
“Papuri sa Diyos sa kai­taasan, at sa
lupa’y kapayapaan sa mga taong
kinalulugdan niya!”
— Ang Mabuting Balita ng Pangi­
noon.
B - Pinupuri ka namin, Pangi­
noong Hesukristo.
Homiliya (Umupo)
Pagpahayag
ng Pananampalataya (Tumayo)
B - Sumasampalataya ako sa Diyos
Amang makapangyarihan sa lahat, na
may gawa ng langit at lupa.
Sumasampalataya ako kay
Hesukristo, iisang Anak ng Diyos,
Pangi­noon nating lahat. Nagkata­
wang-tao siya lalang ng
Espiritu Santo, ipina­nga­nak
ni Santa Mariang Birhen
(sandaling luluhod ang lahat). Pinag­
pakasakit ni Poncio Pilato, ipinako sa
krus, namatay, inilibing. Nanaog sa
kinaroroonan ng mga yumao. Nang
may ikatlong araw nabuhay na mag-
uli. Umak­yat sa langit. Naluluklok sa
kanan ng Diyos Amang makapang­
yarihan sa lahat. Doon magmumulang
paririto at huhukom sa nangabubuhay
at nanga­ngamatay na tao.
Sumasampalataya naman ako
sa Diyos Espiritu Santo, sa banal na
Simbahang Katolika, sa kasama­han
ng mga banal, sa kapatawaran ng mga
kasalanan, sa pagkabuhay na muli ng
nangamatay na tao at sa buhay na
walang hanggan. Amen.
Panalangin ng Bayan
P - Ngayong gabi, ilapit natin sa
Pangi­­noon ang ating mga panag­
hoy, mga pangarap at mga pag-asa.
Taglay ang matinding kagalakang
dulot ng pagsilang ng sanggol
na si Hesus, sama-sama tayong
manalangin:
T - Sanggol na Hesus, pakinggan
mo kami.
L - Maghari nawa ang kapayapaan
sa lahat ng mga bansa, gayon din
sa aming tahanan at sa aming puso.
Mana­langin tayo: (T)
L - Matu­tunan nawa muli ng aming
mga lider espiritwal ang simpleng
buhay katulad ni Hesus na tumu­pad
sa kalooban ng Ama sa lahat ng
oras. Manala­ngin tayo: (T)
L - Turuan mo kaming kumiling sa
mga mahihi­rap, mga ma­ba­bang-
loob, at mga itinak­wil ng lipunan.
Nawa’y sikapin naming tularan ang
ginawa mong paglingap sa kanila.
Manalangin tayo: (T)
L - Kupkupin mo ang mga nawalan
ng taha­­nan sa sakunang dulot ng
kali­k a­s an, demo­l isyon, at mga
kagu­lu­han sa kani­lang mga lugar.
Manalangin tayo: (T)
L - Ingatan mo ang mga mahal
namin sa buhay na hindi namin
makakapiling sa Paskong ito: mga
doktor at nars sa ospital, mga
OFWs, mga sun­dalo, mga bilang­
go, at ang mga sumakabilang-
buhay. Manalangin tayo: (T)
P - Ama naming Diyos, nga­yong
gabi, nagdiri­wang kami sa pag­
silang ng iyong Anak. Habang ginu­­­­
gunita namin ang kanyang pagi­­ging
tao, patawarin mo kami sa aming
mga kasalanan, at ihatid mo kami sa
kapayapaang walang wakas.
Hinihiling namin ito sa ngalan
ni Kristong aming Pangi­noon.
B - Amen.
PAGDIRIWANG NG
HULING HAPUNAN
Paghahain ng Alay
(Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga ka­may sa kapurihan niya
at kara­nga­lan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P - Ama naming Lumikha, kalug­
dan mo ang paghahain ngayong
Pasko ng Pagsilang. Sa pagpa­
palitang ito ng iyong kaloob at
aming handog ang Anak mong
umako sa aming kaa­bahan ay siya
nawang magpa­r angal sa ami’t
magtampok bilang Tagapa­magitan
kasama ng Espiritu Santo magpa­
sawalang hanggan.
B - Amen.
 This copy of Sambuhay is made available through generous donations.
Prepasyo (Pasko ng Pagsilang III)
P - Sumainyo ang Panginoon.
B - At sumaiyo rin.
P - Itaas sa Diyos ang inyong puso
at diwa.
B - Itinaas na namin sa Pangi­noon.
P - Pasalamatan natin ang Pangi­
noong ating Diyos.
B - Marapat na siya ay pasala­matan.
P - Ama naming makapangyari­
han,/ tunay ngang marapat/ na
ikaw ay aming pasalamatan/ sa
pamama­g itan ni Hesukristo/ na
aming Pangi­noon.
Sumilay sa amin ang pagkaka­
taong/ makipagpalitang handog
sa iyo ngayon./ Inako ng iyong
maaasahang Anak ang pagkatao
naming alangan at hamak./ Kahit
kamatayan namin ay kanyang
natikman/ upang kami’y makasalo
sa buhay na walang hanggan.
Kaya kaisa ng mga anghel/ na
nag­­sisiawit ng papuri sa iyo/ nang
walang humpay sa kalangitan,/
ka­mi’y nagbubunyi sa iyong kada­
kilaan:
B - Santo, santo, santo... (Lumuhod)
Pagbubunyi (Tumayo)
B - Ang kamatayan mo, Pangi­noon,
aming ipinaha­hayag. Ang muli
mong pagkabuhay ay ipinagdi­ri­
wang hanggang sa iyong pagba­
balik.
PAKIKINABANG
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­­
rihan magpakailanman. Amen.
Pagbati ng Kapayapaan
Paanyaya sa Pakikinabang
(Lumuhod)
P - Narito si Hesus, ang Sanggol sa
Belen na siyang Mabuting Balita
ng Ama mula sa langit. Mapa­palad
tayong inanyayahang tumang­gap
sa kanya.
B - Panginoon, hindi ako
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon (Jn 1:14)
Naging tao ang Salita ng Diyos
Amang Lumikha. Kaning­ningan
n’yang dakila nakita nating na­
bad­h a sa pamumuhay n’yang
dukha.
Mga Minamahal na Kapatid!
“Ipinanganak ang isang sanggol na lalaki at siya ang mamamahala
sa atin” (Is 9:6). Ngayon, ipinahahayag ng Anghel na nagaganap na ang
propesiya ni Isaias noong inalo ng huli ang Israel sa gitna ng mga pagsubok
at kadiliman. Sabi ng Anghel, “Isinilang ngayon sa bayan ni David ang
inyong Tagapagligtas, ang Cristong Panginoon” (Lc 2:11)... Ano nga ba
ang sinasabi ng sinaunang mga saksi ng pagkakatawang-tao ng Diyos?…
Sinasabing laging nagbabantay ang mga pastol—naririnig nila ang
mensahe dahil sila nga’y gising. Tayo man ay dapat na maging gising
para marinig ang mensahe. Kailangang tayo’y maging bayang laging
nagbabantay. Ano ang kahulugan nito? Ang pangunahing pagkakaiba ng
nananaginip at ng gising ay may sariling mundo ang una. “Nakakulong”
ang nananaginip sa kanyang sariling mundo ng mga panaginip. Wala
siyang ugnayan sa iba. Samantala, iniiwan ng taong gising ang kanyang
pribadong mundo; nakikipag-ugnayan siya at nakikiisa sa lahat ng tao.
Nag-uugat ang mga hidwaan at ‘di-pagkakasundo sa katotohanang
nakakulong tayo sa ating mga makasariling interes at opinyon, sa ating
munting pribadong mundo. Ikinukulong tayo ng ating indibidwal at
kolektibong pagkamakasarili. Ikinukulong tayo ng ating mga interes at
pagnanasa at inihihiwalay tayo nito sa katotohanan at sa isa’t isa. “Gising,”
panawagan ng Ebanghelyo sa atin. Lumabas ka upang makapasok ka sa
dakilang katotohanan ng pagkakaisa—ang komunyon ng iisang Diyos.
Samakatuwid, ang maging gising ay ang maging bukas sa Diyos: sa
tahimik at malumanay na pag-uudyok ng Diyos upang tayo’y gabayan;
sa maraming tanda ng kanyang presensiya...
Tama! Ito ang dapat nating idalangin sa Banal na Gabing ito.
Panginoong Jesu-Cristo, isinilang sa Betlehem, halina! Pumasok ka sa
aking kaibuturan, sa aking kaluliwa. Baguhin mo ako, baguhin mo kami
mula sa aming pagiging bato at tuod tungo sa isang totoong buhay na
nilalang—na kung saan nananahan ang iyong pag-ibig at kung saan
nababago ang daigdig. Amen.
— Mula sa Homiliya ng Kanyang Kabanalang Benito XVI
para sa Misa sa Hatinggabi ng Kapistahan ng Kapanganakan ng Panginoon
Basilika ni San Pedro, Disyembre 24, 2009
Panalangin Pagkapakinabang kapanganakan ng Tagapag­ligtas.
(Tumayo) Punuin nawa niya ng ka­ga­­la­kan ang
inyong mga puso at gawin ka­yong
P - Manalangin tayo. (Tumahimik)
tagapaghatid ng Ebang­helyo.
Ama naming mapagmahal, sa
B - Amen.
pagdiriwang namin ng maliga­yang
Pasko pagindapatin mong kami’y P - Pinag-isa ang lupa at langit
makasalo sa pamumuhay ng Anak nang magkatawang-tao ang Salita.
mong kalugud-lugod sa iyo bilang Dulutan nawa niya kayo ng kapa­
Tagapamagitan kasama ng Espiritu yapaan at pagkakapatiran.
Santo magpasawalang hanggan. B - Amen.
B - Amen. P - Pagpapalain kayo ng maka­pang­
yarihang Diyos, (†) Ama at Anak at
PAGTATAPOS
Espiritu Santo.
P - Sumainyo ang Panginoon. B - Amen.
B - At sumaiyo rin.
Pangwakas
Pagbabasbas
P - Tapos na ang Misa. Humayo
P - Yumuko kayo at hingin ang
kayo’t mahalin at paglingkuran ang
pagpapala ng Poong Maykapal.
inyong Diyos at kapwa.
(Tumahimik)
B - Salamat sa Diyos.
Nang unang pumarito si Hesus
bilang tao, pinagliwanag niya ang
daigdig at pinuno niya ng kanyang
kalu­wal­hatian ang banal na gabing
ito. Pag­liwanagin nawa niya ang Maligayang
inyong mga pusong nalalam­bungan
ng kasa­lanan at punuin ito ng Pasko
kabanalan.
B - Amen.
sa Lahat!
P - Isinugo ng Diyos ang mga ang­ — Sambuhay editor & staff
hel sa mga pastol upang ibalita ang