3
ST PAULS MEDIA pastoral ministry
AMBUHAY 0
ST PAULS MEDIA pastoral ministry
Taon 30 Blg. 26
Yakapin ang Liwanag
M aaga nating pinagliliwanag
ang ating paligid bilang
pag-aantabay sa Pasko, ‘di ba?
Dito nga sa amin, kung saan
tanaw ang Loyola Memorial Park,
pagdating pa lang ng Nobyembre,
nanginginang nga sa kandila
ang mga puntod, sabay namang
kutitap ng Christmas lights
sa bahay-bahay sa Barangka!
Hindi tulad ng Kuwaresma, na
kinamulatan nating panahon
ng katahimikan at pagsisisi sa
kasalanan, ang Adbiyento nama’y
dumaraan nang halos walang
katanda-tanda ng kadiliman ng
kasalanan. Siguro nga kasi, sa
ganang Pinoy, higit na naaayon
ang pagtitika sa Kuwaresma kaysa
Adbiyento. Sa atin yata nahawa
ang Amerika; dahil nitong
nakaraang iilang taon, musikang
Pasko na rin ang naririnig sa mga
mall! Hindi ko nga lang narinig si
Jose Mari Chan doon!
Sabihin na nating mahirap
dalhin tayong mga Pinoy
sa espiritu ng katahimikan at
pagsisisi tuwing Adbiyento kahit
ito ang takda ng Simbahan. Pero
wala naman sigurong Pinoy ang
magkakaila, lalung-lalo na nitong
mga nagsidaang buwan, na dapat
nating seryosohin, pag-isipan,
pag-usapan, at muling damhin ang
malubha nating pangangailangan
ng isang Tagapagligtas.
Sanay na tayo sa paligsahan
ng mga kinauukulan sa
estadistika ng sinawimpalad
sa pamamaslang. Para larong
perdegones—ang sinong may
mas kaunting bilang ng mga
pinatay, panalo. Kung kaninong
rehimen ang may mas maraming
pinaslang, siyang bayani. Buhay
SUNDAY • TV MARIA • 8:30AM • 3:00PM • 9:00PM
Dream Satellite Ch 1 • Destiny Cable Ch 94 • Sky Cable Ch 160
MISSALETTE
Misa de Gallo (A) - Puti
ng tao ang puntos na sinusuma,
tina-tally, at pinaghahambing-
hambing. Hangga’t hindi natin
nahihigitan ang bilang ng mga
pinaslang noong nakaraan,
maaari tayong magpatuloy sa
pagpaslang. Sinabayan naman ito
ng balitang-telebisyon gabi-gabi:
nagparamihan din ng makukunang
patay sa kamera. (Naisip ko tuloy,
nagiging pangkaraniwan na sa
mga bata ang makakita ng mga
bangkay. Malamang hindi na sila
nagugulumihanan. Wala nang
kagat sa kanila ang mga salitang
murder, massacre, summary
execution.
Katulad ng nakilatis ni
Hesus noon na mga kunwari’y
“tagapagligtas” sa kanyang
lipunan, marami ring tumayo at
nagpatalastas na tagapagligtas
ng ating lipunan. Tulad ng mga
mesi-mesiyas noon, nangako rin
ang mga “tagapagligtas” ngayon
na susupilin ang kabuktutan
at pag-ibayuhin ang pagsugpo
sa masasamang tao. ‘Yun nga
lamang, ‘yung maaari pa sanang
idaan sa santong dasalan ay
kinuha naman sa santong
paspasan.
1986-2016
years
MISSALETTE
Disyembre 16, 2016
Mga kapatid, ang araw
ng Pasko—na siya nating
pinagliliwanag at pinakukutitap
sa ating pag-aantabay—ay araw
ng isang pagsilang. Ito’y araw ng
isang buháy, araw ng buhay. Ang
Tagapagligtas nating inaantay
ay Tagapagligtas sa kasalanan.
Subalit inililigtas niya tayo sa
kasalanan sa pamamamagitan ng
pagbibigay-buhay sa namatayan
ng konsyensya, pagbibigay pag-
asa sa nasasakdal, pagpapagaling
sa mga nasiraan ng huwisyo,
paggabay sa naliligaw ng
landas…at hindi sa pamamagitan
ng kamatayan. Malaon na
pinatunayan ng kasaysayan
na ang bunga ng karahasan
ay karahasan din. Hindi
nanganganak ng kapayapaan
at kaayusan ang karahasan.
Gayundin, ang kaligtasan ng
lipunan ay hindi nasusuma sa
bilang ng mga pinaslang, kundi
sa kung ilan ang naiiahon sa
kahirapan at karukhaan—upang
muling magkabuhay.
Malubha ang panganga-
ilangan natin ng isang Taga-
pagligtas. At siya’y araw-araw
na namumuhay sa piling natin,
pilit na itinatalikod tayo sa
kadiliman upang tunguhin natin
ang kanyang kaliwanagan. Sa
ating pagsasaliwanag ng ating
kapaligiran nitong susunod na
mga araw tungo sa Pasko, tulad
ng paggabay ni San Juan Bautista
sa mga Hudyo tungo sa Mesiyas,
talikuran natin ang dilim, at
yakapin ang tanging Liwanag ng
ating buhay.
— Fr. Arnel dC. Aquino, SJ

PASIMULA
Antipona sa Pagpasok
(Basahin kung walang pambungad
na awit)
Ang Poon nating marangal ay
darating at dadalaw magmula
sa kalangitan at sa ati’y
magbibigay ng kapayapaa’t
buhay.
Pagbati
(Gawin dito ang tanda ng krus)
P - Sumainyo ang Panginoon.
B - At sumaiyo rin.
Paunang Salita
(Maaaring gamitin ang mga ito o
kahalintulad na pahayag)
P - Sinisimulan natin ngayon
ang masayang tradisyon ng
Simbang Gabi. Siyam na buwan
sa sinapupunan ni Maria si Hesus
bago iniluwal sa sabsaban sa
Betlehem. Sa siyam na umaga,
mag-aalay tayo ng ating
sakripisyo, mga panalangin, at
pagsisisi sa kasalanan. Pagsapit
ng Pasko, nawa’y ang tapat
nating pagsisimbang-gabi ang
maging regalo natin sa Sanggol
na magdiriwang ng kanyang
kaarawaan.
Pagsisisi
P - Mga kapatid, tinipon tayo
bilang kaanib ng angkan ng Diyos,
kaya dumulog tayo sa maawaing
Panginoong nagpapatawad ng
lubos. (Tumahimik)
P - Sinugong tagapagligtas sa mga
nagsisisi, Panginoon, kaawaan mo
kami.
B - Panginoon, kaawaan mo
kami.
P - Dumating na Tagapag-
anyayang mga makasalana’y
magsisi, Kristo, kaawaan mo
kami.
B - Kristo, kaawaan mo kami.
P - Nakaluklok ka sa kanan ng
Diyos Ama para ipamagitan kami.
Panginoon, kaawaan mo kami.
B - Panginoon, kaawaan mo
kami.
P - Kaawaan tayo ng maka-
pang­yarihang Diyos, patawarin
tayo sa ating mga kasalanan, at
patnubayan tayo sa buhay na
walang hanggan.
B - Amen.
Gloria
Papuri sa Diyos sa kaitaasan at
sa lupa’y kapayapaan sa mga
taong kinalulugdan niya. Pinu-
puri ka namin, dinarangal ka
namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking
kapurihan. Panginoong Diyos,
Hari ng langit, Diyos Amang
makapangyarihan sa lahat.
Panginoong Hesukristo, Bug-
tong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Panalanging Pambungad
P - Manalangin tayo. (Tumahimik)
Ama naming makapangyari-
han, ang maibigin mong pag-
lingap ay siya nawang mauna
at sumubaybay sa amin upang
manatili kaming nananabik
sa pagdating ng iyong Anak.
Makamtan nawa namin ang iyong
pagtataguyod araw-araw at ang
kaganapan ng lahat ng ito sa
piling mo kailanman sa pama­
magitan ni Hesukristo kasama ng
Espiritu Santo magpasawalang
hanggan.
B - Amen.
PAGPAPAHAYAG NG
SALITA NG DIYOS
Unang Pagbasa [Is 56:1-3a, 6-8]
(Umupo)
Sa pamamagitan ni Isaias,
ipinapakita sa atin ng Diyos ang
hantungan ng mga taong matuwid
at tapat sa kanyang kalooban.
Sila’y titipunin niya sa bahay-
dalanginan kasama ng lahat ng
mga bansa.
Pagbasa mula sa aklat ni
propeta Isaias
ANG SABI ng Panginoon sa
kanyang bayan:
“Ayon sa katarungan at laging
matuwid ang inyong gagawin. Ang
pagliligtas ko’y di na magluluwat,
ito ay darating, ito’y mahahayag
sa inyong paningin. Mapalad
ang taong gumagawa nito, ang
anak ng taong ang tuntuni’y ito.
Ginaganap niya ang marapat
gawin sa Araw ng Pamamahinga,
sa gawang masama, ang kanyang
sarili’y iniiwas. Di dapat sabihin
ng isang dayuhang nakipagkaisa
sa bayan ng Diyos, na siya’y
hindi papayagan ng Panginoon
na makisama sa pagsamba ng
kanyang bayan.”
Ito naman ang sabi ng
Panginoon sa mga dating dayuhan
na ngayo’y kabilang sa kanyang
bayan, buong pusong naglilingkod
sa kanya, nangingilin sa Araw ng
Pamamahinga; at matapat na nag-
iingat sa kanyang tipan:
“Dadalhin ko kayo sa Sion, sa
aking banal na bundok. Ipadarama
ko sa inyo ang kagalakan sa
aking Templo. Tatanggapin ko
ang inyong mga handog, at ang
Templo ko’y tatawaging bahay-
dalanginan ng lahat ng bansa.”
Ipinangako pa ng Panginoon,
sa mga Israelitang ibinalik niya
mula sa pagkatapon, na marami
pa siyang isasama sa kanila para
mapabilang sa kanyang bayan.
— Ang Salita ng Diyos.
B - Salamat sa Diyos.
Salmong Tugunan (Slm 66)
T - Nawa’y magpuri sa iyo ang
lahat ng mga tao.
1. O Diyos, pagpalain kami’t
kahabagan,/ kami Panginoo’y
iyong kaawaan,/ upang sa daigdig
mabatid ng lahat/ ang iyong
kalooban at ang pagliligtas. (T)
2. Nawa’y purihin ka ng mga
nilikha,/ ’pagkat matuwid kang
humatol sa madla;/ ikaw ang
patnubay ng lahat ng bansa. (T)
3. Nag-aning mabuti ang mga
lupain,/ pinagpala kami ng Poon,
Diyos namin!/ Ang lahat sa ami’y
iyong pinagpala,/ nawa’y igalang
ka ng lahat ng bansa. (T)
Aleluya (Tumayo)
B - Aleluya! Aleluya! Halina’t
kami’y dalawin. Kapayapaan
mo’y dalhin upang umiral sa
amin. Aleluya! Aleluya!
Mabuting Balita (Jn 5:33-36)
P - Ang Mabuting Balita ng
Panginoon ayon kay San Juan
B - Papuri sa iyo, Panginoon.
NOONG panahong iyon, sinabi ni
Hesus sa mga Judio, “Nagpasugo
kayo kay Juan, at nagpatotoo
siya tungkol sa katotohanan.
Hindi sa kailangan ko ang patotoo
ng tao; sinasabi ko lamang ito
para maligtas kayo. Si Juan ay
parang maningas na ilaw na
nagliliwanag noon, at kayo’y
sandaling nasiyahan sa kanyang
liwanag. Ngunit may patotoo
tungkol sa akin na higit sa
patotoo ni Juan: ang mga gawang
ipinagagawa sa akin ng Ama, at
siya ko namang ginaganap—iyan
ang nagpapatotoo na ako’y sinugo
niya.”
— Ang Mabuting Balita ng
Panginoon.
B - Pinupuri ka namin,
Panginoong Hesukristo.
Homiliya (Umupo)
Panalangin ng Bayan (Tumayo)
P - Manalangin tayo sa Ama na
nagsugo kay Hesus, ang tunay na
ilaw ng mundo na ipinakilala ni
Juan Bautista sa madla. Buong
tiwala tayong manalangin:
T - Ama, ihanda ninyo kami sa
pagdating ni Hesus.
L - Manatili nawang tapat ang
Santo Papa Francisco, mga obispo,
at mga pari sa sinumpaan nilang
tungkulin na kilalanin, isabuhay,
at ibahagi si Hesukristo sa
sanlibutan. Manalangin tayo: (T)
L - Matularan nawa namin ang
dakilang pag-ibig ni Hesus at ang
malinis na kalooban ni Maria na
kapwa hangad ang kapakanan ng
lahat ng tao. Manalangin tayo: (T)
L - Magnilay nawa kami sa
buhay ng aming Inang Maria na
nanatiling nakatutok sa kalooban
ng Diyos sa halip na magambala
ng ibang mga alalahanin.
Manalangin tayo: (T)
L - Nawa gamitin ng mga lider
sa pamahalaan ang kanilang
kapangyarihan para bigyang
katuparan ang mga pangarap ng
mga kapus-palad na mga mama­
mayan. Manalangin tayo: (T)
L - Nawa ang mga sakripisyo
namin sa siyam na madaling-
araw ay magbunga ng isang
kaloobang may malinis na hanga­
ring magbalik-loob sa Diyos at
lumingap sa kapwa. Manalangin
tayo: (T)
P - Ama, puspusin mo kami sa
pag-ibig. Sa paghahanda namin sa
pagdating ng iyong Anak bilang
tao, nawa’y pag-alabin mo ang
pag-asa sa aming mga puso.
Hinihiling namin ito sa pama­
magitan ni Hesukristong aming
Panginoon.
B - Amen.
PAGDIRIWANG NG
HULING HAPUNAN
Paghahain ng Alay
(Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapakinabangan at sa buong
Sambayanan niyang banal.
Panalangin ukol sa mga Alay
P - Ama naming Lumikha,
kalugdan mo ang aming mga
panalangin at alay. Sa anumang
kakulangan ng aming abang
nakayanan nawa’y ang pag-ibig
mo ang magbigay-kapupunan
sa pamamagitan ni Hesukristo
kasama ng Espiritu Santo mag­
pasawalang hanggan.
B - Amen.
Prepasyo (Pagdating II)
P - Sumainyo ang Panginoon.
B - At sumaiyo rin.
P - Itaas sa Diyos ang inyong puso
at diwa.
B - Itinaas na namin sa Panginoon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapangya­
rihan, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
Ang pagsusugo mo sa kanya
ay ipinahayag ng lahat ng mga
propeta. Ang pagsilang niya’y
pinanabikan ng Mahal na
Birheng kanyang Inang tunay
sa kapangyarihan ng Espiritung
Banal. Ang pagdating niya’y
inilahad ni San Juan Bautista
sa kanyang pagbibinyag. Nga­
yong pinaghahandaan namin ang
maligayang araw ng kan­y ang
pagsilang, kami’y nana­nabik at
nananalanging lubos na maka­
harap sa kanyang kadakilaan.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B - Santo, Santo, Santo... (Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
PAKIKINABANG
Ama Namin
B - Ama namin...
P - Hinihiling naming...
B - Sapagkat iyo ang kaharian
at ang kapangyarihan at ang
kapu­rihan magpakailanman.
Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang
mga inaanyayahan sa kanyang
piging.
B - Panginoon, hindi ako
karapat-dapat na magpatulóy
sa iyo ngunit sa isang salita mo
lamang ay gagaling na ako.
Pakikinabang
(Is 4:10)
Atin ngayong hinihintay si
Hesus na Poong Mahal. Ang
aba nating katawan ay kanyang
bibigyang dangal gaya ng
kanyang kariktan.
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal,
kaming pinapakinabang mo sa
iyong banal na salu-salo ay turuan
mong kumilala sa layunin ng
iyong mga nilikhang bagay na
dapat naming gamitin upang
kami ay sumapit sa iyong piling
sa pamamagitan ni Hesukristo
kasama ng Espiritu Santo
magpasawalang hanggan.
B - Amen.
PAGTATAPOS
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayo samantalang
iginagawad ang pagpapala.
(Tumahimik)
Ama naming mapagpala,
kaawaan mo ang iyong Samba­
yanan at tulungan mo araw-araw
upang huwag lumabag sa iyong
A guide for the Eucharist
and Morning & Evening Prayers
of the Liturgy of the Hours
Available at all
ST PAULS Bookstores
SAMBUHAY Subscription Office (ST PAULS Diffusion): 7708 St. Paul Road, San Antonio Village, 1203 Makati City • Tels.: 895-9701
to 04 • DL 895-7222 • Fax: (0/2)890-7131 • E-mail: sambuhay@stpauls.ph • Editor: Jean Marie Rollin I. Flores, SSP • Associate Editor:
Ivan R. Olitoquit • Managing Editor: Brian L. Tayag, SSP • Staff: Micha Miguel L. Competente, SSP / Edward Anthony A. Cometa, SSP
PAGNINILAY PARA SA PASKO
mula kay Papa Francisco
Fr. James H. Kroeger, MM
Pagpapatotoo sa Tunay na Ilaw
Si Juan Bautista ay isang pangunahing tauhan sa panahon
ng Adbiyento, isang huwaran para sa Iglesya dahil ayon nga
kay Papa Francisco “umiiral siya para magpahayag, para
bigyan ng tinig ang isang salita” at “ipahayag ang salitang ito
hanggang sa kamatayan.” Gayundin naman, si Juan Bautista
at ang Iglesya (ang lahat ng mga Kristiyano) ay kailangang
ituro sa mga tao si Jesus, magpatotoo sa tunay na ilaw.
Noong dumating ang mga eskriba at mga Pariseo upang
tanungin si Juan kung sino siya, malinaw na sumagot si Juan:
“Hindi ako ang Kristo… Ako ang tinig ng sumisigaw sa ilang.”
Hindi kailanman ginusto ni Juan na siya ang maging sentro
ng atensiyon, “ sapagkat hindi siya ang Salita; darating pa
ang Salita kasunod niya.”
Para kay Papa Francisco, dito natin natatagpuan “ang
hiwaga ni Juan Bautista” na hindi sinasapawan ang Salita; iba
pa ang Salita. Si Juan ang tumuturo, siya ang nangangaral”
at nagsasabing “Nagkakamali kayo kung sino ako; Dumating
siyang kasunod ko, ngunit hindi ako karapat-dapat na
magkalag ng panali ng kanyang panyapak.”
Sa madaling salita, para sa Papa, ang buong kabuluhan
ng buhay ni Juan ay “ituro ang isang maliban sa kanya.”
“Manalangin tayo para sa biyaya na matularan natin si Juan
Bautista,” na maging “isang Iglesya na nagbibigay ng tinig sa
Salita, maging hanggang sa pagka-martir.” (Papa Francisco:
sa Homiliya noong Hunyo 24, 2013)
kalooban kundi makapaglingkod manaog nawa at mamalagi sa inyo
sa iyo nang may kagalakan sa magpasawalang hanggan.
pama­m agitan ni Hesukristo B - Amen.
kasama ng Espiritu Santo mag­
pasa­walang hanggan. Pangwakas
B - Amen.
P - Humayo kayong taglay ang
P - At ang pagpapala ng kapayapaan upang ang Panginoon
makapangyarihang Diyos, Ama ay mahalin at paglingkuran.
at Anak (†) at Espiritu Santo ay B - Salamat sa Diyos.
365
2017 2017
Available at all ST PAULS Bookstores Available at all ST PAULS Bookstores