Please visit www.ssp.ph, donate to Sambuhay Online, and help us sustain this apostolate.

AMBUHAY
ST PAULS MEDIA pastoral ministr y issalette
Taon 27 Blg. 56 Biyernes Santo (A) — Pula Abril 18, 2014

AMBUHAY
Ang Tatlong Krus ng Biyernes Santo
issalette
S a tuwing sasapit angST MEDIA
PAULS rin
Biyernes pastoral
siyang ipinakitang tanda ng ministr ytiyak na kamatayan. Ngunit
pag- sarili sa
Santo, karaniwang nakasentro amin sa nagawang pagkakasala. matibay ang kanyang pag-asa na
ang ating mga pagninilay at Bilang isang pari malimit akong may magagawa si Hesus para iligtas
pagdarasal kay Kristo habang makasaksi ng tagpo ng pagsisisi ang kanyang kaluluwa. Dahil dito
siya’y nakapako sa Krus. Hindi sa mga nag-aagaw-buhay na aking ay sinabi niya: “Hesus, alalahanin

AMBUHAY
na natin maiaalis kailanman ang pinakukumpisal. Ang salaring mo ako kapag naghahari ka na”
Krus ni Kristo sa kuwento sa nakapako sa krus sa gawing kaliwa (Lk 23:42). Buo ang kanyang pani­
pagdiriwang ng banal na araw ay nag-aagaw buhay din ngunit niwala sa kaligtasang batid niyang

na aking nabasa, binanggit ng kalagayan aypastoral

ST PAULS MEDIA hindi niya nadama ministr y issalette
na ito. Ngunit sa isang pagninilay sa kabila ng malungkot niyang Diyos lang ang makapag­kakaloob.
Kaya’t sinabi ni Hesus: “Sinasabi ko
may-akda na ang Biyernes Santo at nakikita ang pangangailangan sa iyo, ngayon din ay isasama kita
ay hindi lang tungkol sa Krus ng sa pagpapatawad ng Diyos para sa paraiso” (Lk 23:43).
paghihirap at kamatayan ni Hesus. sa kanyang kaligtasan. Dahil sa Sa huli, tingnan naman natin
Sa magkabilang tabi ay mayroon kawalan ng pagsisisi nagawa pa ang ikatlong krus na walang iba

AMBUHAY
pang dalawang salaring nakapako niyang kutyain ang Diyos sa katau­ kundi ang Krus ni Hesus. Nais
rin sa krus. Kasabay ding ipinako han ni Hesus na nakapako rin sa kong tawagin ang Krus na ito bilang
sa dalawang magkaibang krus ang Krus. Humihiling siya ng pagli­ KRUS NG PAGLILIGTAS (Cross of
dalawang salarin noong maganap ligtas na may kasamang pangu­ Redemption). Hindi kayang iligtas
ang unang Biyernes Santo.
ST akong
Sa pagninilay na ito, lubos MEDIA
PAULS lamang pastoral
ng kanyang ministr
kayabangan kailangan issalette
ngutya kay Hesus na nagpa­pakita ng tao ang kanyang sarili kung
y natin ng tagapagligtas.
naniniwala na hindi nagkataon at kawalan ng pagsisisi. Tunay na Malaki ang ating pagkakautang
lamang (coincidence) na may nakapanghihinayang ang kanyang dahil sa ating mga kasalanan
tatlong krus sa mga sandaling sitwasyon. Kay lapit na ng Langit at wala rin tayong kakayanang
iyon sa Kalbaryo. Kung ang lahat sapagkat katabi na niya si Hesus. magbayad kung kaya’t si Hesus ang
ng bagay ay nangyayari ng may Hindi niya nakamit ang kaligtasan nagbayad para sa atin. Wala tayong
dahilan ayon sa plano ng Diyos, dahil sa katigasan ng kanyang sapat na pantubos para sa ating
lubos ang aking paniniwala na kalooban. pagkakasangla kung kaya’t tinubos
sa bawat krus na nasa Kalbaryo Ang ikalawang krus ay ang tayo ni Hesus. Dahil sa bigat ng
noon ay may mensaheng nais KRUS NG PAGTANGGAP (Cross parusang kamatayan na nakalaan
ipaabot ang Diyos para sa lahat. of Reception or Acceptance). Sa para sa ating mga makasalanan,
Ayon sa Ebanghelyo ni San Juan: gawing kanan naman ni Hesus minarapat ni Hesus na yakapin
“Pagdating doon, siya’y ipinako sa ay sinabi ng nakapakong salarin ang Krus ng kanyang paghihirap
krus, kasama ng dalawa pa; isa sa sa kapwa niya salarin: “Hindi at kamatayan mabigyan lamang
gawing kanan at isa sa kaliwa” (Jn ka ba natatakot sa Diyos? Ikaw tayo ng buhay. Napakaganda nang
19:18). Malinaw ang isinasaad ng ay pinarurusahang tulad niya! minsang sinabi ni Bishop Fulton
Banal na Kasulatan na hindi lang Tama lang na tayo ay parusahan Sheen: “Christ without the Cross
iisa ang krus sa mga sandaling iyon ng ganito dahil sa ating mga is an illusion. Christ on the Cross
sa Kalbaryo. ginawa”(Lk 23:40-42). Tinanggap is our salvation.”
Ang krus na nasa gawing ng nagtitikang salarin ang kanyang Dalangin ko na sana’y maka­
kaliwa ay maaari nating tawaging pagkamakasalanan. Inamin niya tulong ang pagninilay na ito sa ating
KRUS NG PAGTANGGI (cross na may kasalanan siyang dapat pagdarasal at pagninilay sa araw na
of rejection). Sinabi ng salarin pagbayaran. Wala siyang sinising ito ng ating pag-gunita sa Banal na
sa gawing kaliwa: “Hindi ba ibang tao sa kanyang naging Pagpapakasakit at Kamatayan ni
ikaw ang Kristo? Iligtas mo ang kapalaran sapagkat batid niyang Hesus para sa atin. Sana sa ating
iyong sarili pati na rin kami” (Lk nararapat lang para sa kanya ang pagtitika, ma­gawa nating yakapin
23:39). Mukhang manhid na ang parusang kanyang pinagdudusahan. si Hesus at Kanyang Krus katulad ng
kanyang kunsensya at wala na Ibang-iba siya sa naunang salarin. ginawa ng nagtitikang mag­nanakaw.
siyang nararamdamang pagsisisi Batid niyang wala na siyang
sa nagawa niyang kasalanan. Wala magagawa para iligtas ang kanyang — Fr. Emil A. Urriquia

SUNDAY • TV MARIA • 8:30AM • 3:30PM • 8:00PM

Dream Satellite Ch 1 • Destiny Cable Ch 94 • Sky Cable Ch 160

For homebound Catholics, the Sambuhay TV Mass is also available via www.ssp.ph
 This free copy of Sambuhay is made available through generous donations.
(Ang pari at mga ministro ay mag­
tutungo sa harap ng altar, magbibigay-
galang dito, at magpapatirapa.)
L - Magsiluhod tayo at tahimik na
manalangin.
Paunang Salita (Tumayo)
L - Natitipon tayo para ipagdiwang
ang Pagpapakasakit ng ating
Panginoon. Pagninilayan natin
ang kanyang dakilang pag-ibig
para sa atin. Tinanggap niya ang
kamatayan sa krus upang damayan
tayo sa ating mga paghihirap
bilang mga nilalang. Gayunpaman,
naniniwala tayo na ang kanyang
kamatayan ang siyang magha­
hatid sa kanya sa tagumpay, at
panibagong buhay naman para
sa atin.
Inaanyayahan tayo ni Hesus
na pasanin ang ating mga krus at
sundan siya. Tingnan nawa natin
ang ating mga pagsubok sa diwa ng
pana­nampalataya at pagtalima kay
Hesus upang maging ganap ang
pagpapakasakit niya alang-alang sa
kanyang Kata­wan, ang Simbahang
kinabibilangan natin.
Pambungad na Panalangin
P - Ama naming makapangyari­han,
alalahanin mo ang iyong awa at
pagmamahal at sa iyong pag­lingap
gawin mong banal kaming lahat
na siyang dahilan kaya’t dugo’y
dumanak mula sa iyong nag­paka­
sakit na Anak upang pag­saluhin
kami sa piging ng Pagka­b uhay
na kanyang itinatag bilang aming
Tagapamagitan kasama ng Espiritu
Santo magpasawalang hanggan.
B - Amen.
YUGTO I:
PAGPAPAHAYAG NG
SALITA NG DIYOS
Unang Pagbasa [Is 52:13–53:12]
(Umupo)
Ayon kay Isaias, ang mahiwagang
Lingkod ng Diyos ay isang pagla­
larawan kay Kristo na nagtamo
ng mga sugat dala ng ating mga
kasalanan. Ngunit dahil na rin sa
pagpapakasakit niyang ito, ta­yong
lahat ay kanyang pinagaling.
Pagbasa mula sa aklat ni propeta
Isaias
SINABI ng Panginoon, “Ang
lingkod ko’y magtatagumpay sa
kanyang gawain, mababantog
siya at dadakilain. Marami ang
nagitla nang siya’y makita, dahil sa
For homebound Catholics, the Sambuhay TV Mass is also available via www.ssp.ph
pagkabugbog sa kanya’y halos di
makilala kung siya’y tao. Ngayo’y
marami rin ang mga bansang
magugulantang; pati mga hari
pag siya’y nakita ay matitigilan.
Makikita nila ang di nabalita kahit
na kailan, at mauunawa ang di pa
narinig ninuman!”
Sagot ng mga tao, “Sino ang
maniniwala sa ibinabalita naming
ito? Sino ang makapagpapatunay
na pinahihintulutan ito ng Pangi­
noon? Kalooban ng Pangi­noon na
ang kanyang lingkod ay matulad
sa isang halamang natanim sa
tuyong lupa, walang katangian o
kagan­dahang makatawag-pansin,
wala siyang taglay na pang-akit
para lapitan siya. Hinamak siya
ng mga tao at itinakwil. Nagdanas
siya ng sakit at hirap. Wala man
lang nag­tapon ng sulyap sa kanya.
Hindi natin siya pinansin, para
siyang walang kabuluhan. Tiniis
niya ang hirap na tayo ang dapat
magbata, gayon din ang kirot na
tayo sana ang lumasap; akala natin
ang dina­nas niya’y parusa sa kanya
ng Diyos. Dahil sa ating mga kasa­­
la­nan kaya siya nasuga­tan; siya ay
binugbog dahil sa ating kasamaan.
Tayo ay guma­ling dahil sa pahirap
na tinamo niya at sa mga hampas
na kanyang tinanggap. Tayong
lahat ay parang mga tupang nali­
gaw; nagkanya-kanya tayo ng
lakad.
Ngunit inibig ng Panginoon
na sa kanya ipataw ang parusang
tayo ang dapat tumanggap. Siya ay
binugbog at pinahirapan, ngunit di
tumutol kahit kamunti man; tulad
ay korderong hatid sa pata­y an,
parang mga tupang hindi tumu­tutol
kahit na gupitan, ni hindi umimik
kahit gaputok man. Nang siya’y
hulihin, hatulan at dalhin sa dakong
patayan, wala mang nanga­has na
ipagsang­ga­lang, wala man lang
dumamay. Siya ay pina­tay dahil
sa sala ng sangkatauhan. Siya’y
inilibing na kasama ng masasama
at mayaya­m an, baga­m an wala
siyang kasa­lanan o nagsabi man
ng kasinu­ngalingan.
Sinabi ng Panginoon, “Ang
kanyang paghihirap ay kalooban
ko; inihandog niya ang sarili
upang sa pamamagitan noon ay
magkaroon ng kapatawaran. Dahil
dito’y mabubuhay siya nang ma­
tagal, makikita ang lahing susu­
nod sa kanya. At sa pamamagitan
niya’y maisasagawa ang aking
panukala. Pagkatapos ng pagdu­
rusa, lalasap siya ng ligaya, mala­
laman niyang hindi nawalan ng
kabuluhan ang kanyang pagtitiis.
Ang aking tapat na lingkod at lubos
kong kinalulugdan ang siyang
tatanggap sa parusa ng marami at
alang-alang sa kanya sila’y aking
patatawarin. Dahil dito siya’y
aking pararangalan, kasama ng
mga dakila; pagkat kusang-loob
niyang ibinigay ang sarili at nilasap
ang kaparusahan ng masasama.
Inako niya ang mga makasalanan
at idinalanging sila’y patawarin.”
— Ang Salita ng Diyos.
B - Salamat sa Diyos.
Salmong Tugunan (Slm 30)
T - Ama, sa mga kamay mo
habilin ko ang buhay ko.
E. C. Marfori
 
            
Em Am Dm

A - ma, sa m-ga ka-may mo
E Am

          h     

ha-bi-lin ko ang bu-hay ko.___
1. Sa iyo, O Poon, ako’y luma­
lapit/ upang ingatan mo, nang
hindi malupig;/ sa mga kamay mo
habilin ko’y buhay ko,/ Tagapag­
ligtas kong tapat at totoo. (T)
2. Lahat kong kaaway ay huma­
halakhak/ pati kapitbahay ako’y
hinahamak;/ dating kakilala ay
nagsisiilag,/ kung masalubong ko
ay nagsisiiwas./ Nilimot na akong
tulad ng namatay,/ di na pina­­
pansin, parang yagit lamang. (T)
3. Subalit, O Poon, ang aking
tiwala/ ay nasasaiyo, Diyos na
dakila!/ Sa iyong kalinga, umaasa
ako,/ laban sa kaaway ay ipagta­
tanggol mo;/ at sa umuusig na
sinumang tao. (T)
4. Itong iyong lingkod, sana ay
lingapin,/ ingatan mo ako’t iyong
pagpalain;/ iligtas mo ako at iyong
sagipin,/ tanda ng pag-ibig na di
nagmamaliw!/ O magpakatatag
ang mga nilikha,/ lahat ng sa Poon
ay nagtitiwala. (T)
Ikalawang Pagbasa
[Heb 4:14-16; 5:7-9]
Si Hesus ay nagdusa sa pagtang­
gap niya sa kanyang pagpapaka­
sakit, ngunit hanggang sa dulo ng
kanyang buhay naging masunurin
siyang Anak. Sapagkat naranasan
 Please visit www.ssp.ph, donate to Sambuhay Online, and help us sustain this apostolate.
niya ang kahinaan, sakit, at pag­
durusa, siya ngayon ang ating
dakila at maunawaing tagapa­
magitan sa Ama.
Pagbasa mula sa sulat sa mga
Hebreo
MGA KAPATID: Magpakatatag
tayo sa ating pananampalataya,
yamang mayroon tayong dakilang
saserdote na pumasok sa kalangi­
tan sa harapan ng Diyos, walang
iba kundi si Hesus na Anak ng
Diyos. Ang dakilang saserdote
nating ito ay nakauunawa sa ating
mga kahinaan sapagkat sa lahat ng
paraa’y tinukso siyang tulad natin,
ngunit hindi nagkasala. Kaya’t
huwag na tayong mag-atu­biling
lumapit sa trono ng maha­baging
Diyos, at doo’y kakamtan natin
ang habag at kalinga sa panahong
kailangan natin ito.
Noong si Hesus ay namumuhay
dito sa lupa, siya’y dumalangin
at lumuluhang sumamo sa Diyos
na makapagliligtas sa kanya sa
kamatayan. At dininig siya dahil
sa lubusan siyang nagpakumbaba.
Bagamat siya’y Anak ng Diyos,
natutuhan niya ang tunay na
kahulugan ng pagsunod sa pama­
magitan ng pagtitiis. At nang maga­­
nap na niya ito, siya’y naging
walang hanggang Taga­pagligtas
ng lahat ng sumusunod sa kanya.
— Ang Salita ng Diyos.
B - Salamat sa Diyos.
Awit-Pambungad [Fil 2:8-9]
(Tumayo)
B - Masunuring Kristo Hesus
naghain ng buhay sa krus, kaya’t
dinakila ng D’yos at binigyan
ng ngalang tampok sa langit at
sansinukob.
Mabuting Balita [Jn 18:1–19:42]
Pakinggan natin ang Pagpapaka­
sakit ni Hesus ayon kay Juan. Ang
ka­lu­wal­hatian ng Panginoon ay
ma­linaw na makikita sa gitna ng
wa­lang kabuluhang paglilitis sa
kanya. Siya ang nagpasya sa kan­
yang tad­hana. Ang kamatayan niya
sa krus ay isang malaya at kusang-
loob na pagtupad sa kalooban ng
kanyang Ama.
P - Sumainyo ang Panginoon.
B - At sumaiyo rin.
P - Ang Pagpapakasakit ng ating
Panginoong Hesukristo ayon kay
San Juan.
B - Papuri sa iyo, Panginoon.
For homebound Catholics, the Sambuhay TV Mass is also available via www.ssp.ph
Si Hesus ay dinakip at ginapos… Siya’y dinala muna kay Anas
na biyenan ni Caifas na pinakapunong saserdote.
(Mga tauhan: T - Tagapagsalaysay;
H - Hesus; P - Pedro, Pilato, utusang
babae, kawal; B - Bayan.)
T - Noong panahong iyon, umalis
si Hesus kasama ang kanyang mga
alagad. Pumunta sila sa ibayo ng
batis Cedron at pumasok sa isang
halamanan doon. Ang lugar na
ito’y alam ni Judas na nagkanulo sa
kanya, sapagkat madalas magpunta
roon si Hesus at ang kanyang
mga alagad. Pumaroon si Judas,
kasama ang ilang bantay sa templo
at isang pangkat ng mga kawal na
padala ng mga punong saserdote
at mga Pariseo. May dala silang
mga parol, sulo at sandata. Alam
ni Hesus ang lahat ng mangyayari
sa kanya, kaya’t sila’y sinalubong
niya at tinanong:
H - Sino ang hinahanap ninyo?
B - SI HESUS NA TAGA-
NAZARET.
H - Ako si Hesus.
T - Kaharap nila si Judas na nagka­
nulo sa kanya. Nang sabihin ni
Hesus na siya nga, napaurong sila
at nabu­wal sa lupa. Muli siyang
nagtanong:
H - Sino nga ba ang hinahanap
ninyo?
B - SI HESUS NA TAGA-
NAZARET.
H - Sinabi ko na sa inyong ako si
Hesus. Kung ako ang hinahanap
ninyo, hayaan ninyong umalis
ang mga taong ito.
T - Sinabi niya ito upang matu­
pad ang kanyang salita, “Walang
napahamak kahit isa sa mga
ibinigay mo sa akin, Ama.” Binu­
not ni Simon Pedro ang kanyang
tabak at tinaga ang alipin ng
pinakapunong saserdote. Natigpas
ang kanang tainga ng aliping yaon
na ang pangala’y Malco. Sinabi ni
Hesus kay Pedro:
H - Isalong mo ang iyong tabak!
Dapat kong inumin ang kalis ng
paghihirap na ibinigay sa akin
ng Ama.
T - Si Hesus ay dinakip at ginapos
ng mga bantay na Judio at ng
pangkat ng mga kawal sa pamu­
muno ng kanilang kapitan. Siya’y
dinala muna kay Anas na biyenan
ni Caifas na pinakapunong saser­
dote nang panahong yaon. Si
Caifas ang nagpayo sa mga Judio
na mas mabuti para sa kanila na
isang tao lamang ang mamatay
alang-alang sa bayan.
Si Simon Pedro at ang isa pang
alagad ay sumunod kay Hesus.
Kilala ng pinakapunong saserdote
ang alagad na ito, kaya’t nakapa­
sok siyang kasama ni Hesus sa
patyo ng bahay ng pinakapunong
saserdote. Naiwan naman si Pedro
sa labas ng pintuan. Lumabas ang
alagad na kilala ng pinakapunong
saserdote, kinausap ang dalagang
nagbabantay sa pinto, at pina­pasok
si Pedro. Si Pedro’y tina­nong ng
dalaga:
P - Hindi ba’t isa ka sa mga alagad
ng taong iyan?
T - Sumagot si Pedro,
P - Hindi.
T - Maginaw noon, kaya’t nagpa­
baga ng uling ang mga alipin at
mga bantay at tumayo sa paligid
ng siga upang magpainit. Naki­halo
si Pedro at nagpainit din.
Si Hesus ay tinanong ng pinaka­
punong saserdote tungkol sa kan­
yang mga alagad at sa kanyang
itinuturo. Sumagot si Hesus:
H - Hayagan akong nagsasalita
sa madla; lagi akong nagtuturo
sa mga sinagoga at sa templo ng
mga Judio. Wala akong sinabing
palihim. Bakit ako ang tinata­nong
ninyo? Ang tanungin nin­yo’y ang
 This free copy of Sambuhay is made available through generous donations.
mga nakarinig sa akin; alam nila
kung ano ang sinabi ko.
T - Pagkasabi nito, siya’y sinam­pal
ng isa sa mga bantay na naro­roon.
P - Bakit mo sinasagot nang gan­
yan ang pinakapunong saserdote?
T - Sinagot siya ni Hesus:
H - Kung nagsalita ako ng ma­
sama, patunayan mo! Ngunit
kung mabuti ang sinabi ko, bakit
mo ako sinampal?
T - Si Hesus na nagagapos pa noon
ay ipinadala ni Anas kay Caifas,
ang pinakapunong saserdote.
Samantala, naroon pa rin si
Simon Pedro at nagpapainit. Siya’y
tinanong nila:
P - Hindi ba’t alagad ka rin ng
taong iyan?
T - Sumagot si Pedro:
P - Hindi!
T - Tinanong naman siya ng isa
sa mga alipin ng pinakapunong
saserdote, kamag-anak ng lala­king
tinigpasan niya ng tainga:
P - Hindi ba ikaw ang nakita kong
kasama ni Hesus sa halamanan?
T - Muling itinatwa ito ni Pedro.
Siya namang pagtilaok ng manok.
Mula sa bahay ni Caifas, si
Hesus ay dinala nila sa palasyo ng
gober­nador. Umaga na noon. Hindi
puma­sok ang mga Judio sa palasyo
ng gobernador, upang sila’y huwag
maituring na di karapat-dapat
kumain ng Hapunang Pampas­
kuwa. Kaya’t sa labas sila tinang­
gap ni Pilato at tinanong:
P - Ano ang sakdal ninyo laban sa
taong ito?
T - Sumagot sila:
B - KUNG HINDI PO SIYA
G U M AWA N G M A S A M A ,
HINDI NAMIN SIYA DADAL­
HIN SA INYO.
T - Sinabi sa kanila ni Pilato:
P - Dalhin ninyo siya, at hatulan
ayon sa inyong kautusan.
T - Sumagot ang mga Judio:
B - WALA PO KAMING KA­
PANG­YARIHANG HUMA­TOL
NG KAMA­TAYAN KANINU­
MAN.
T - Nangyari ito upang matupad
ang sinabi ni Hesus tungkol sa
paraan ng kanyang pagkamatay. Si
Pilato’y pumasok uli sa palasyo at
tinawag si Hesus:
P - Ikaw ba ang Hari ng mga Judio?
T - Sumagot si Hesus:
H - Iyan ba’y galing sa inyong
sari­ling isipan, o may nagsabi
sa inyo?
T - Tinanong siya ni Pilato:
P - Ako ba’y Judio? Ang mga
kababayan mo at ang mga punong
For homebound Catholics, the Sambuhay TV Mass is also available via www.ssp.ph
“Ihaharap ko siya sa inyo upang malaman ninyo na wala akong
makitang kasalanan niya!”
saserdote ang nagdala sa iyo rito.
Ano ba ang ginawa mo?
T - Sumagot si Hesus:
H - Ang kaharian ko’y hindi sa
sanlibutang ito. Kung sa sanli­
butang ito ang aking kaharian,
ipinakipaglaban sana ako ng
aking mga tauhan at hindi
naipagkanulo sa mga Judio.
Ngunit hindi sa sanlibutang ito
ang aking kaharian!
P - Kung gayon, isa kang hari?
T - Sumagot si Hesus:
H - Kayo na ang nagsasabing
ako’y hari. Ito ang dahilan kung
bakit ako ipinanganak at napa­
rito sa sanlibutan: upang mag­
salita tungkol sa katotoha­nan.
Nakikinig sa aking tinig ang
sinumang nasa katotohanan.
T - Tinanong siya ni Pilato:
P- Ano ba ang katotohanan?
T - Pagkasabi nito, muling luma­bas
si Pilato at sinabi sa mga Judio:
P - Wala akong makitang kasa­
lanan sa taong ito. Ngunit ayon
sa inyong kaugalian, dapat akong
magpalaya ng isang bilanggo
kung araw ng Paskuwa. Ibig ba
ninyong palayain ko ang Hari ng
mga Judio?
B - HINDI! HUWAG SIYA,
KUNDI SI BARRABAS!
T - Si Barrabas ay isang tulisan.
Kaya’t ipinakuha ni Pilato si
Hesus at ipinahagupit. Ang mga
kawal ay kumuha ng halamang
ma­tinik, ginawang korona, at
ipi­nutong kay Hesus. At sinuutan
siya ng balabal na purpura. Isa’t
isa’y lumalapit sa kanya at ang
wika:
B - MABUHAY ANG HARI NG
MGA JUDIO!
T - At si Hesus ay pinagsasampal.
Lumabas uli si Pilato at sinabi
sa kanila:
P - Ihaharap ko siya sa inyo upang
malaman ninyo na wala akong
makitang kasalanan niya!
T - At inilabas si Hesus na may
koro­­nang tinik at balabal na pur­
pura.
Sinabi sa kanila ni Pilato:
P - Narito ang tao!
T - Pagkakita sa kanya ng mga
punong saserdote at ng mga bantay,
sila’y sumigaw:
B - IPAKO SIYA SA KRUS!
IPAKO SA KRUS!
T - Sinabi ni Pilato:
P - Kunin ninyo siya, at kayo ang
magpako sa kanya. Wala akong
makitang kasalanan niya.
T - Sumagot ang mga Judio:
B - AYON SA AMING KAU­
TUSA’Y NARARAPAT SIYANG
MAMATAY, SAPAGKAT SI­
YA’Y NAGPAPANGGAP NA
ANAK NG DIYOS.
T - Lalong natakot si Pilato nang
marinig ang mga pananalitang ito.
Muli siyang pumasok sa palasyo at
tinanong si Hesus:
P - Tagasaan ka ba?
T - Subalit hindi tumugon si Hesus.
Ani Pilato:
P - Ayaw mo bang makipag-usap
sa akin? Hindi mo ba alam na
ma­aari kitang palayain o ipapako
sa krus?
T - At sumagot si Hesus:
H - Kaya mo lamang magagawa
iyan ay sapagkat ipinagkaloob sa
iyo ng Diyos ang kapangya­rihang
iyan, kaya mas mabigat ang kasa­
lanan ng nagdala sa akin dito.
T - Nang marinig ito ni Pilato,
lalo niyang hinangad na palayain
si Hesus. Ngunit nagsigawan ang
mga tao:
B - KAPAG PINALAYA MO
ANG TAONG IYAN, HINDI
KA KA­I BIGAN NI CESAR!
SINU­M ANG NAGPAPANG­
GAP NA HARI AY KALABAN
NG CESAR.
T - Pagkarinig ni Pilato sa pangu­
ngusap na ito, inilabas niya si
Hesus. At siya’y lumuklok sa
 Please visit www.ssp.ph, donate to Sambuhay Online, and help us sustain this apostolate.
At lumabas siya na pasan ang kanyang krus.
huku­m an, sa dakong tinatawag
na “Ang Plata­porma.” Gabata sa
wikang Hebreo.
Araw noon ng Paghahanda sa
Paskuwa at mag-iikalabindalawa
na ng tanghali. Sinabi ni Pilato sa
mga Judio:
P - Narito ang inyong hari!
T - Sumigaw sila:
B - PATAYIN SIYA! PATAYIN!
IPAKO SA KRUS!
T - Tanong ni Pilato:
P - Ipapako ko ba sa krus ang
inyong hari?
T - Sumagot ang mga punong
saserdote:
B - WALA KAMING HARI
KUNDI ANG CESAR!
T - Kaya’t si Hesus ay ibinigay
sa ka­nila ni Pilato upang ipako
sa krus.
Kinuha nga nila si Hesus. At
lumabas siya na pasan ang kan­yang
krus, patungo sa lugar na kung
tawagi’y “Dako ng Bungo.” Gol­
gota sa wikang Hebreo. Pagdating
doon, siya’y ipinako sa krus, ka­
sama ng dalawa pa—isa sa gawing
kanan at isa sa kaliwa. Sumulat si
Pilato ng ganitong pangungusap
at ipinalagay sa krus: “Si Hesus
na taga-Nazaret, ang Hari ng
mga Judio.” Nasu­sulat ito sa mga
wikang Hebreo, Latin, at Griyego
at marami sa mga Judio ang
nakabasa nito, sapagkat malapit sa
lungsod ang dakong pinagpakuan
kay Hesus. Kaya’t sinabi ng mga
punong saserdote kay Pilato:
B - HUWAG NINYONG ISU­
L AT N A H A R I N G M G A
JUDIO, KUNDI, “SINABI NG
TAONG ITO, AKO ANG HARI
NG MGA JUDIO.”
T - Sumagot si Pilato:
P - Ang naisulat ko’y naisulat ko na.
T - Nang maipako na ng mga
kawal si Hesus, kinuha nila ang
kanyang kasuotan at pinaghati-
hatian ng apat. Kinuha rin nila ang
For homebound Catholics, the Sambuhay TV Mass is also available via www.ssp.ph
Naganap na!
kanyang tunika; ito’y walang tahi
at hinabi nang buo mula sa itaas
hanggang sa ibaba. Nag-usap-usap
ang mga kawal:
B - HUWAG NATING PUNI­TIN
ITO; MAGSAPALARAN NA
LAMANG TAYO PARA MA­
LA­MAN KUNG KANINO ITO
MAUUWI.
T - Nangyari ito upang matupad
ang isinasaad ng Kasulatan,
“Pinag­hati-hatian nila ang aking
mga kasuotan; at ang aking damit
ay kanilang pinagsapalaran.”
Gayon nga ang ginawa ng mga
kawal.
Nakatayo sa tabi ng krus ni
Hesus ang kanyang ina at ang
kapatid na babae nitong si Maria,
na asawa ni Cleopas. Naroon din
si Maria Magdalena. Nang makita
ni Hesus ang kanyang ina, at ang
mina­mahal niyang alagad sa tabi
nito, kanyang sinabi:
H - Ginang, narito ang iyong
anak!
T - At sinabi ni Hesus sa alagad:
H - Narito ang iyong ina!
T - Mula noon, siya’y pinatira ng
alagad na ito sa kanyang bahay.
Pagkatapos nito, alam ni Hesus na
naganap na ang lahat ng bagay; at
bilang katuparan ng Kasulatan ay
sinabi niya:
H - Nauuhaw ako!
T - May isang mangkok doon na
puno ng maasim na alak. Itinubog
nila rito ang isang espongha,
ikinabit sa sanga ng isopo at idiniit
sa kanyang bibig. Nang masipsip ni
Hesus ang alak ay kanyang sinabi:
H - Naganap na!
T - Iniyukayok ni Hesus ang kan­
yang ulo at nalagot ang kanyang
hininga.
(Lumuhod tayo at sandaling mana­
himik.)
T - Noo’y Araw ng Paghahanda,
at ayaw ng mga Judio na manatili
sa krus ang mga bangkay sa Araw
ng Pamamahinga sapagkat dakila
ang Araw ng Pamamahingang ito.
Kaya’t hiniling nila kay Pilato na
ipabali nito ang mga binti ng mga
ipinako sa krus, at alisin doon ang
mga bangkay. Naparoon nga ang
mga kawal at binali ang mga binti
ng dalawang ipinakong kasabay
ni Hesus.
Ngunit pagdating nila kay
Hesus at makitang patay na siya,
hindi na nila binali ang kanyang
binti. Subalit inulos ng sibat ng
isa sa mga kawal ang tagiliran ni
Hesus, at biglang dumaloy ang
dugo at tubig. Ang nakakita nito
ang nagpapatotoo—tunay ang
kanyang patotoo at alam niyang
katotohanan ang sinabi niya—
upang kayo’y maniwala. Nangyari
ang mga ito upang matupad ang
sinasabi ng Kasulatan, “Walang
mababali isa man sa kanyang
mga buto.” At sinabi naman
ng ibang bahagi ng Kasulatan,
“Pagmamasdan nila ang kanilang
inulos.”
Pagkatapos nito, si Jose na taga-
Arimatea ay nagsadya kay Pilato
upang humingi ng pahin­tulot na
makuha ang bangkay ni Hesus.
Si Jose’y isang alagad ni Hesus,
ngu­nit palihim nga lamang dahil
sa takot sa mga Judio. At pina­­
hintu­lutan siya ni Pilato; kaya’t
kinuha ni Jose ang bangkay ni
Hesus. Sumama sa kanya si Nico­
demo, may dalang pabango—mga
sanda­a ng libra ng pinag­h along
mira at aloe. Siya ang nag­sadya
kay Hesus isang gabi. Kinuha nila
ang bang­kay ni Hesus, at nilagyan
ng pa­bango habang binabalot sa
kayong lino, ayon sa kaugalian ng
mga Judio. Sa pinagpakuan kay
Hesus ay may isang halamanan, at
dito’y may isang bagong libi­ngang
hindi pa napaglilibingan. Yamang
noo’y araw ng Pagha­handa ng mga
 This free copy of Sambuhay is made available through generous donations.
Judio, at dahil sa malapit naman
ang libingang ito, doon nila inili­
bing si Hesus.
— Ang Mabuting Balita ng
Panginoon.
B - Pinupuri ka namin, Pangi­
noong Hesukristo.
Homiliya (Umupo)
Panalanging Pangkalahatan
(Tumayo)
Lektor: Si Hesukristo ang ating
Panginoon at Tagapag­ligtas na
nag-alay ng kanyang sarili para sa
lahat ng tao. Sa pagkamatay niya
sa Krus, inilapit niya at pinag-isa
ang lahat ng tao sa kanya. Manala­
ngin tayo ngayon sa ating Ama
sa langit para sa mga panganga­
ilangan ng Simbahan at san­libutan.
1. PARA SA
BANAL NA
SIMBAHAN
P - Idalangin natin, mga mahal
kong kapatid, ang banal na Sam­
bayanan ng Diyos sa buong
daigdig upang pagkalooban ng
kapayapaan at pagkupkop, pag­
kakaisa at pagtataguyod ang mga
kaanib nito sa sansinukob at
upang tayo’y bigyan ng pamumu­
hay na matiwasay para tayo’y
makasamba sa Diyos Ama nating
makapangyarihan. (Tumahimik)
P - Ama naming makapangya­
rihan, sa katauhan ng Anak mong
si Kristo ipinahayag mo ang iyong
kadakilaan sa lahat ng mga tao.
Lingapin mo ang iyong mga
ginawa dahil sa pag-ibig upang
ang iyong Sambayanang laganap
sa buong daigdig ay mamalaging
matatag sa pananampalatayang
iyong bigay para sambahin ang
banal mong ngalan sa pamama­gitan
ni Hesukristo kasama ng Espiritu
Santo magpasawalang hanggan.
B - Amen.
2. PARA SA PAPA
P - Idalangin natin ang ating Banal
na Papa na si Francisco na hini­
rang ng Diyos sa hanay ng mga
taga­p angasiwa upang kan­y ang
bigyan ng kalusugan at ma­habang
buhay para sa kapakanan ng
kanyang banal na Sambaya­nang
ipinagkati­wala para pagling­kuran.
(Tumahimik)
P - Ama naming makapang­yarihan,
sa iyong kapasyahan umiiral ang
sanlibutan. Paunlakan mo ang
For homebound Catholics, the Sambuhay TV Mass is also available via www.ssp.ph
aming kahilingan na iyong lingapin
si Papa Francisco na iyong hini­rang
para kami pangasi­waan upang ang
sambayanang Kristi­yano na iyong
pinamumu­nuan ay mapamahalaan
niya nang may kaunlaran sa pana­
nampa­lataya at gawang kabuti­hang
iyong inaasahan sa pamama­gitan
ni Hesukristo kasama ng Espiritu
Santo magpasawalang hanggan.
B - Amen.
3. PARA SA
KAPARIAN han, tinitipon mo ang mga nawa­
AT LAHAT NG
KAANIB NG SIMBAHAN
P - Idalangin din natin si N. na
ating Obispo, gayundin ang lahat
ng mga Obispo, mga pari, at mga
diya­kono at ang tanang kabilang
sa Sam­b ayanang Kristiyano.
(Tumahimik)
P - Ama naming makapangya­ri­
han, ang iyong Espiritu ay nagpa­
pabanal at nagtataguyod sa buong
simbahan. Dinggin mo ang aming
pagluhog para sa iyong mga taga­
paglingkod upang mapaglingku­ran
kang matapat sa tulong ng iyong
kagandahang-loob sa pamamagi­tan
ni Hesukristo kasama ng Espiritu
Santo magpasawalang hanggan.
B - Amen.
4. PARA SA MGA
INIHAHANDANG
TAO SA
PAGBIBINYAG
P - Idalangin din natin ang mga
inihahandang tao sa pagbibinyag
upang ang kanilang kalooban ay
makatugon sa pagtawag ng Diyos
Ama nating makapangyarihan
para sa tubig ng binyag sila’y
muling maisilang sa ikapagpa­
patawad ng lahat ng kasalanan at
sa ikapag­kakamit ng pakikisalo
kay Hesus na Poong Mahal.
(Tumahimik)
P - Ama naming makapangyari­
han, lagi mong pinauunlad ang
Sam­b ayanan sa pagkakaroon
ng karag­d agang kabilang. Sa
pananam­pala­taya at pagkaunawa
ay magka­roon nawa ng pag-unlad
ang aming mga iniha­h anda sa
pagbibinyag upang sa muli nilang
pagsilang bilang binyagan sila’y
mapabilang sa mga kaanib ng
iyong angkan sa pamamagitan ni
Hesukristo kasama ng Espiritu
Santo magpasawalang hanggan.
B - Amen.
5. PARA SA
PAGKAKAISA
NG MGA
KRISTIYANO
P - Idalangin din natin ang lahat
ng ating mga kapatid na pawang
kay Hesukristo nananalig upang
marapa­tin ng Diyos Ama nating
makapang­yarihan na sila’y tipu­nin
at lingapin sa iisa niyang Sam­
bayanan. (Tumahimik)
P - Ama naming makapangyari­
lay at tina­tangkilik mo ang mga
nagka­kati­pon sa iyong Sambaya­
nan. Lingapin mo ang mga kabi­
lang sa kawan ng iyong Anak
na sa iyo itinalaga sa buk­lod ng
iisang binyag upang sila’y mag­
kabuk­lod sa buong pananalig
at sila’y mag­k a­­pisan sa buklod
ng pag-ibig sa pama­m agitan ni
Hesukristo kasama ng Espiritu
Santo magpasawalang hanggan.
B - Amen.
6. PARA SA
MGA JUDIO
P - Idalangin din natin ang mga
Judio na unang pinagpahayagan
ng Diyos na totoo upang ipagka­
loob niyang sa pag-ibig sa kan­
yang ngalan sila ay umunlad sa
pagi­ging matapat sa kanyang tipan.
(Tumahimik)
P - Ama naming makapangya­
ri­h an, pinangatawanan mo ang
iyong mga pangako kay Abraham
at sa tanang sa kanya ay sumilang.
Dinggin mo ang pagluhog ng iyong
Sambayanan upang ang mga tao
na iyong unang hinirang ay pagin­
dapating sumapit sa kaganapan
ng kaligtasan sa pamama­gitan ni
Hesukristo kasama ng Espi­r itu
Santo magpasawalang hanggan.
B - Amen.
7. PARA SA MGA DI
SUMASAMPALA-
TAYA KAY KRISTO
P - Idalangin din natin ang tanang
hindi pa sumasampalataya kay
Kristo upang tahakin nila ang lan­
das ng kaligtasan na nililiwana­gan
ng Espiritu Santo. (Tumahimik)
P - Ama naming makapangyari­
han, gawin mong ang mga hindi
pa nana­n alig sa iyong Anak ay
makatuklas sa katotohanan sa
pamumuhay nilang wagas at
kaming sa pag-ibig mo ay laging
umuunlad sa pagmamalasakit sa
 Please visit www.ssp.ph, donate to Sambuhay Online, and help us sustain this apostolate.
tanang sa iyo’y humahanap ay
maging mga saksing mapapani­
walaan ng iyong dakilang pag-ibig
sa sanlibutan sa pamamagitan ni
Hesukristo kasama ng Espiritu
Santo magpasawalang hanggan.
B - Amen.
8. PARA SA MGA
HINDI PA
SUMASAMPALA-
TAYA SA DIYOS
P - Idalangin din natin ang mga
hindi pa sumasampalataya sa Diyos
upang pagindapating sa kanya’y
makadulog sa panini­walang wagas
na kanilang sinusunod. (Tumahimik)
P - Ama naming makapangyari­
han, nilikha mo ang lahat ng mga
tao upang lagi kang hanapin at
pag natagpuan ka’y masiyahang
walang maliw. Ipagkaloob mong
kahit may mga di kanais-nais na
balakid, maba­n aagan pa rin ng
tanan ang mga pahi­watig ng iyong
pag-ibig at matang­g ap nila ang
mga gawang kabuti­han ng mga
sumasampa­lataya bilang kaakit-
akit na katiba­y an na ikaw ang
Diyos na totoo at Amang aming
pinanggalingan sa pamamagitan
ni Hesukristo kasama ng Espiritu
Santo magpasawalang hanggan.
B - Amen.
9. PARA SA UMUUGIT
SA PAMAHALAAN
P - Idalangin natin ang mga may
tungkuling maglingkod sa bayan
at umuugit sa ating pamahalaan
upang ang kalooban nila ay itagu­
yod ng Amang Maykapal alinsu­
nod sa kanyang kinalulug­dan sa
ikapagkakamit ng kapaya­paan at
kalayaan ng tanan. (Tumahimik)
P - Ama naming makapangyari­
han, nasa iyong kamay ang adhika
at karapatan ng tanan. Tunghayan
mo ang mga umuugit sa aming
pama­halaan upang sumagana ang
tanan sa sanlibutan sa ipagkaka­mit
ng kapa­yapaan at ikapapana­tili ng
kala­y aan na ikaw ay samba­h in
alin­sunod sa iyong loobin sa pama­
magi­tan ni Hesukristo ka­sama ng
Espi­r itu Santo magpasawalang
hanggan.
B - Amen.
10. PARA SA MGA
MAY TANGING
PANGANGAILANGAN
P - Idalangin natin, mga kapatid,
sa Ama nating makapangyarihan
For homebound Catholics, the Sambuhay TV Mass is also available via www.ssp.ph
na ang sanlibutan ay maibsan
ng tanang kati­w alian, ang mga
karam­daman ay ma­lunasan, ang
kagutu­man ay mapa­ram, ang mga
nasa piitan ay lumayang tulu­­yan,
ang mga naaapi ay mahango
sa kawa­lang-katarungan, ang
mga nagla­lakbay ay maluwal­
hating suma­p it sa paroroonan,
ang mga nasa ibang bansa ay
makauwi sa kanilang bayan, ang
mga maysakit ay mag­k amit ng
kaga­lingan, at ang mga nag-
aagaw-buhay ay matiwasay na
mahimlay. (Tumahimik)
P - Ama naming makapangya­rihan,
binubuhayan mo ng loob ang mga
nasa kapighatian, pina­tatatag mo
ang mga may mabigat na pina­
pasan. Paun­lakan mo ang mga
kahi­lingan ng mga duma­raing dahil
sa mara­m ing mga pinag­titiisan
upang bawat nasa kagipitan ay
magkamit ng kasiyahang madama
ang iyong pagmamahal sa pama­
ma­gitan ni Hesukristo kasama ng
Espi­r itu Santo magpa­s awalang
hanggan.
B - Amen.
YUGTO II:
PAGPAPARANGAL
SA BANAL NA KRUS
Paliwanag ng Lektor:
Magbibigay-galang tayo ngayon
sa krus ni Hesus. Mula sa pagi­ging
sagisag ng kalupitan at kahi­hiyan,
ang kahoy na krus ay naging
sagisag ng kaligtasan ng sanlibu­
tan dahil sa pagpapakasakit at
pag-ibig ni Hesus para sa atin.
Pagtatanghal
sa Krus na Banal (3x)
Sa bawat pagtataas:
P - Sa kahoy ng krus na banal.
B - Purihin at ipagdangal.
(Lumuhod)
P - Sa kahoy ng krus na banal ni
Hesus na Poong mahal nalupig
ang kamatayan at sa muling
pagka­b uhay ang pag-asa ay
sumilay.
B - Purihin at ipagdangal ang
ating Poong Maykapal: Ama ng
Bukal na buhay, Anak na siya
nating Daan, Espiritung ating
Tanglaw. (Lumuhod)
Pagpaparangal sa Krus
na Banal
YUGTO III:
PAKIKINABANG
Ama Namin
B - Ama Namin....
P - Hinihiling namin....
B - Sapagkat iyo ang kaharian at
ang kapangyarihan at ang kapu­
rihan magpakaylan man! Amen.
(Walang pagbati)
Paanyaya sa Pakikinabang
(Lumuhod)
P - Narito si Hesus, ang Kordero
ng Diyos, na namatay sa krus
upang pawiin ang ating kasalanan.
Mapalad ang mga inaanyayahan sa
banal na piging.
B - Panginoon, hindi ako
karapat-dapat na magpatulóy
sa iyo ngunit sa isang salita mo
lamang ay gagaling na ako.
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal,
pina­pa­kinabang mo kami sa banal
na pag­ka­matay at pagkabuhay ni
Kristo. Pana­tilihin mo sa amin ang
ginanap ng iyong dakilang pag-
ibig upang kami’y maka­pa­muhay
nang matapat sa pakikisalo sa dulot
mong paglilig­tas sa pama­magi­tan
ni Hesukristo kasama ng Espiritu
Santo magpasa­walang hanggan.
B - Amen.
(Sa paghayo, haharap ang pari sa
samba­yanan at itataas niya ang kan­
yang kamay upang lukuban ang mga
pananalanginan.)
Pagpapanalangin sa Sambayanan
P - Ama naming bukal ng pag­
papala, ang iyong pagbabas­b as
ay manaog nawang masagana
sa iyong samba­ya­nang gumanap
ng paggunita sa pagka­matay ng
iyong Anak na siyang pagka­
buhay ng nagtitiwala. Ang iyong
pagpapa­tawad ay sumapit nawa
sa tanan. Ang iyong pakikisa­mang
maa­asa­han ay iyong ibigay. Ang
pananam­palatayang banal nawa’y
maging mati­b ay. Ang kaligta­
sang walang maliw ay patatagin
mong lubusan sa pamama­g itan
ni Hesukristo kasama ng Espiritu
Santo magpasawalang hanggan.
B - Amen.
(Walang pagbabasbas. Tahimik na
lilisan ang lahat. Ang dambana ay
aalisan ng mantel.)
 This free copy of Sambuhay is made available through generous donations.

KRUS: Tanda ng Pag-asa

Pahayag ni Papa Francisco
Burol ng Palatino, Biyernes Santo
Marso 29, 2013

Minamahal na mga Kapatid,

Salamat sa pakikibahagi ninyo

sa mga sandaling ito ng taimtim
na pananalangin. Nagpapasalamat
din ako sa mga nakiisa sa atin sa
pamamagitan ng media, lalo na ang
mga maysakit at mga nakatatanda.
Hindi ko ibig magdagdag ng
marami pang mga salita. Isang
salita ang dapat maging sapat sa
gabing ito, ito ay mismong ang
Krus. Ang Krus ay ang salitang
ginamit ng Diyos para tumugon
sa kasamaan sa daigdig. Minsan
tila hindi kumikibo ang Diyos sa
kasamaan, na tila siya’y tahimik.
Ngunit nagsalita ang Diyos, siya’y
tumugon, at ang sagot niya ay ang Krus ni Kristo: isang salita na pag-ibig, habag,
pagpapatawad. Ibinubunyag din nito ang isang paghahatol, na ang Diyos, sa kanyang
paghatol sa atin, ay minamahal tayo. Tandaan natin ito: hinahatulan tayo ng Diyos sa
pagmamahal niya sa atin. Kung tatanggapin ko ang kanyang pag-ibig, maliligtas ako; kung
tatanggihan ko ito, ako’y susumpain, hindi ng Diyos kundi ng aking sarili, sapagkat hindi
nagsusumpa ang Diyos, tanging nagmamahal at nagliligtas lamang siya.
Minamahal na mga kapatid, ang salita ng Krus ay siya ring tugon na iniaalay ng mga
Kristiyano sa harap ng kasamaan, ang kasamaan na patuloy na umiiral sa atin at sa ating
paligid. Kailangang tumugon ang mga Kristiyano sa kasaman sa pamamagitan ng kabutihan,
pinapasan ang Krus tulad ng ginawa ni Kristo. Sa gabing ito napakinggan natin ang patotoong
ibinigay ng mga kapatid nating taga Lebanon: bumuo sila ng magagandang mga panalangin
at mga pagninilay. Taus-puso natin silang pinasasalamatan para sa kanilang ginawa at para
sa knilang patotoo. Nasaksihan natin ito nang dumalaw si Papa Benedicto XVI sa Lebanon:
nakita natin ang maganda at matibay na ugnayan at pagkakapatiran ng mga Kristiyano sa
lupaing iyon at ang pakikipagkaibigan ng mga kapatid nating Muslim at marami pang iba.
Ang okasyong iyon ay isang hudyat sa Gitnang Silangan at sa buong daigdig: isang tanda
ng pag-asa.
Ipagpapatuloy natin ngayon sa ating araw-araw na buhay ang Via Crucis na ito.
Magkakasama tayong tumahak sa daan ng Krus at gawin natin ito taglay sa ating mga puso
ang salitang ito ng pag-ibig at pagpapatawad. Sumulong tayo habang hinihintay ang muling
pagkabuhay ni Hesus na nagmahal sa atin nang labis. Siya ay pawang pagmamahal!

SAMBUHAY Subscription Office (ST PAULS Diffusion): 7708 St. Paul Road, San Antonio Village, 1203 Makati City
• Tels.: 895-9701 to 04 • DL 895-7222 • Fax: (0/2)890-7131 • E-mail: sambuhay@stpauls.ph • Editor: Paul J. Mar-
quez, SSP • Managing Editor: Dindo D. Purto, SSP • Staff: Brian L. Tayag, SSP, Micha Miguel Competente, SSP ST PAULS

For homebound Catholics, the Sambuhay TV Mass is also available via www.ssp.ph