Taon 37 Blg.
28 Simbang Gabi | Misa de Gallo — Puti
Kalooban ng Diyos
M ahalaga ang naging papel
ni Maria sa kasaysayan
ng kaligtasan. Kahit na siya ay
itinakda ng Diyos na maging
ina ng ating Panginoong
Hesukristo, nirespeto pa rin ng
Diyos ang kanyang kalayaan.
Kaya naman noong dinalaw
siya ng Anghel Gabriel upang
ipaabot ang mensaheng siya
ay ipagbubuntis niya ang ating
Panginoong Hesus, hindi agad
“oo” ang sagot ni Maria kundi
pagtatanong kung paano
ito mangyayari gayong wala
namang gumalaw sa kanyang
lalaki. Bandang huli, tumugon
si Maria sa tawag ng Diyos.
Kaya naman sa tuwing sasapit
ang kapaskuhan mas nabibigyan
natin ang kahalagahan ng
pagtugon ni Maria.
Ngayong araw, karapat-
dapat din nating pasalamatan
si San Jose sa pagtugon niya
sa paanyaya ng Diyos na
tumayo bilang ama ni Hesus
at tumayong asawa ni Maria.
Paano na lang kung hindi?
Sa ating ebanghelyo, sa una,
nais takasan ni San Jose si
Maria noong nalaman niyang
ipinagbubunitis ni Maria si
Hesus. Kung tutuusin, may
karapatan naman si San Jose
na hindi panagutan si Maria
sapagkat hindi naman talaga
siya ang ama ng dinadala ni
Maria. May malaking panganib
kung tuluyan ngang tinakasan
ni San Jose si Maria. Maaaring
tuluyang namatay si Maria sa
pamamagitan ng pagbato ayon
sa batas ng mga sinaunang mga
Hudyo. Buti na lang, naiba ang
MALAMAN ANG
by Fr. Amado L.
P. Sebastian M. Gadia III, SSP
naratibo noong nagpakita kay
San Jose ang isang anghel ng
Panginoon sa isang panaginip.
“Jose, anak ni David, huwag
kang matakot na tuluyang
pakasalan si Maria sapagkat
siya’y naglihi sa pamamagitan
ng Espiritu Santo. Manganganak
siya ng isang lalaki at ito’y
papangalanan mong Hesus.”
Lumakas at naging buo ang loob
ni San Jose at pinakasalan niya
si Maria.
Tunay, kung gaano kahalaga
ang pagtugon ni Maria sa
kasaysayan ng kaligtasan,
ganoon din kahalaga ang
pagtugon ni San Jose. Ang
Disyembre 18, 2023
katauhan ng ating Panginoong
Hesukristo ang patunay ng
kanilang pagtugon.
Mga kapatid, ang kasaysayan
ng kaligtasan ay hindi natapos
noong ipinako ang ating
Panginoong Hesukristo. Ang
Picardal,
kaligtasan CSsR
ay patuloy na
nangyayari at patuloy tayong
nakikibahagi dito. Nais ng
Diyos ang ating buong pusong
pagtugon upang maisakatuparan
ang kanyang kalooban. At ang
paanyayang ito ay alok para
sa lahat, makasalanan man o
hindi. Iginagalang ng Diyos ang
ating kalayaan sapagkat ayaw
ng Diyos na sumusunod lamang
tayo sa kanya dahil sa takot. Ang
pagtugon nina Maria at Jose ay
bunga ng kanilang pagmamahal
at malayang pagpili sa Diyos.
Sinasalamin nila ang pag-ibig
na unang ipinagkaloob ng
Diyos. Ito ang dahilan kung
bakit mayroong pasko: Pag-
ibig ng Diyos sa pagka-Diyos at
pagkatao ni Hesus.
Mga kapatid, ang pag-alam
at pag-unawa sa kalooban ng
Diyos ang una nating misyon.
Tandaan nating ipinakikita
at ipinaaalam ng Diyos ang
kanyang kalooban maging sa
mga ordinaryong pangyayari sa
ating buhay gaya na lamang ng
nangyari kay San Jose. Sa kabila
ng ingay ng pagdiriwang natin
ng kapaskuhan, mahalagang
maglaan tayo ng oras para sa
katahimkan at kapayapaan ng
ating puso upang malaman at
maunawaan natin ang kalooban
ng Diyos sa bawat araw ng ating
buhay.

PASIMULA
Antipona sa Pagpasok
(Is 45:8)
(Basahin kung walang pambungad na awit.)
Pumatak na waring ulan mag-
mula sa kalangitan, nawa’y
umusbong din naman mula sa
lupang taniman ang Manunubos
ng tanan.
Pagbati
(Gawin dito ang tanda ng krus.)
P—Sumainyo ang Panginoon.
B—At sumaiyo rin.
Paunang Salita
(Maaaring gamitin ito o kahalintulad
na pahayag.)
P— Hinirang si Jose bilang
ama ni Hesus dito sa mundo sa
pamamagitan ng pagpapahayag
ng Anghel sa panaginip. Siya
ang magiging tagapangalaga ng
Banal na Mag-anak. Matapos
niyang tanggapin ang mensahe
mula sa Anghel, tinupad ni
Jose ang kalooban ng Diyos
na kalingain si Maria at ang
Dakilang Sanggol.
Ating hangaan ang pagiging
bukas at masunurin ni Jose.
Manalangin táyong matulad sa
kanya, upang atin ding matupad
ang kalooban ng Diyos sa ating
buhay.
Pagsisisi
P—Mga kapatid, aminin natin ang
ating mga kasalanan upang tayo’y
maging marapat gumanap sa banal
na pagdiriwang. (Tumahimik)
B — Inaamin ko sa maka-
pangyarihang Diyos, at sa inyo,
mga kapatid, na lubha akong
nagkasala (dadagok sa dibdib) sa
isip, sa salita, sa gawa at sa aking
pagkukulang. Kaya isinasamo ko
sa Mahal na Birheng Maria, sa
lahat ng mga anghel at mga banal
at sa inyo, mga kapatid, na ako’y
ipanalangin sa Panginoong ating
Diyos.
P—Kaawaan tayo ng makapang­
yarihang Diyos, patawarin tayo
sa ating mga kasalanan, at patnu­
bayan tayo sa buhay na walang
hanggan.
B—Amen.
P—Panginoon, kaawaan mo kami.
B—Panginoon, kaawaan mo kami.
P—Kristo, kaawaan mo kami.
B—Kristo, kaawaan mo kami.
P—Panginoon, kaawaan mo kami.
B—Panginoon, kaawaan mo kami.
Gloria
B—Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin, pina-
sasalamatan ka namin dahil sa
dakila mong angking kapurihan.
Panginoong Diyos, Hari ng langit,
Diyos Amang makapangyarihan
sa lahat. Panginoong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng mga
kasalanan ng sanlibutan, maawa ka
sa amin. Ikaw na nag-aalis ng mga
kasalanan ng sanlibutan, tanggapin
mo ang aming kahilingan. Ikaw
na naluluklok sa kanan ng Ama,
maawa ka sa amin. Sapagkat ikaw
lamang ang banal, ikaw lamang
ang Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa kada-
kilaan ng Diyos Ama. Amen.
Pambungad na Panalangin
P—Manalangin tayo.
(Tumahimik)
Ama naming makapang-
yarihan, niloob mong ang
iyong Salita na ibinalita ng
anghel ay maging taong totoo
sa sinapupunan ng Mahal na
Birhen. Ipagkaloob mong kaming
sumasampalatayang siya’y Ina
ng Diyos ay matulungan niyang
dumalangin sa iyo sa pama­
magitan ni Hesukristo kasama ng
Espiritu Santo magpasawalang
hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (Jer 23:5–8)
(Umupo)
Ayon sa propesiya ni Jeremias,
isisilang ang isang hari mula
sa angkan ni David. Ito ang
maghahatid ng bagong pag-asa
at bagong buhay para sa Israel.
Pagbasa mula sa aklat ni Propeta
Jeremias
“NALALAPIT na ang araw,”
s a b i n g Pa n g i n o o n , “ n a
pasisibulin ko mula sa lahi
ni David ang isang sangang
matuwid, isang hari na buong
karunungang maghahari.
Pa i i r a l i n n i y a s a b u o n g
lupain ang batas at kataru­
ngan. Magiging matiwasay ang
Juda sa panahon ng kanyang
pamamahala, at ang Israel ay
mapayapang mamumuhay.
Ito ang pangalang itatawag
sa kanya: ‘Ang Panginoon ay
Matuwid.’”
Sinasabi ng Panginoon,
“Darating nga ang panahon na
ang mga tao’y di na manunumpa
nang ganito: ‘Nariya’t buhay
ang Pangi-noong nagpalaya
sa Israel mula sa Egipto.’ Sa
halip, sasabihin nila, ‘Saksi ko
ang Panginoon na nagpalaya
sa mga Israelita mula sa lupain
sa hilaga at sa lahat ng lupaing
pinagtapunan ko sa kanila.
Babalik sila sa sariling lupa at
doon muling mamumuhay.’”
—Ang Salita ng Diyos.
B—Salamat sa Diyos.
Salmong Tugunan (Slm 71)
T—Mabubuhay s’yang marangal
at sasagana kailanman.
1. Turuan mo yaong haring
humatol ng katuwiran,/ sa
taglay mong katarungan, O
Diyos, siya’y bahaginan;/ upang
siya’y maging tapat mamahala
sa ’yong bayan,/ at pati sa
mahihirap maging tapat siyang
tunay. (T)
2. Kanya namang ililigtas ang
sinumang tumatawag,/ lalo
yaong nalimot nang mga táong
mahihirap;/ sa ganitong mga
tao siya’y lubhang nahahabag;/
sa kanila tumutulong, upang
sila ay maligtas. (T)
3. Ang Poong Diyos ng Israel,
purihin ng taong madla;/
ang kahanga-hangang bagay
tanging siya ang may gawa./
Ang dakilang ngalan niya ay
purihin kailanman,/ at siya
ay dakilain nitong buong
sanlibutan!/ Amen! Amen! (T)
Aleluya (Tumayo)
B — Aleluya! Aleluya! Namu­
muno ng Israel, nagbigay-utos
sa amin, halina’t kami’y sagipin.
Aleluya! Aleluya!
Mabuting Balita (Mt 1:18-24)
P — Ang Mabuting Balita ng
Panginoon ayon kay San Juan
B—Papuri sa iyo, Panginoon.
GANITO ang pagkapanganak
kay Hesukristo. Si Maria na
kanyang ina at si Jose na
nakatakda nang pakasal. Ngunit
bago sila nakasal, si Maria’y
natagpuang nagdadalang-tao.
Ito’y sa pamamagitan ng Espiritu
Santo. Isang taong matuwid
i t o n g s i Jo s e n a k a nya n g
magiging asawa, ngunit ayaw
niyang mapahiya si Maria, kaya
ipinasiya niyang hiwalayan ito
nang lihim. Samantalang iniisip
ni Jose ito, napakita sa kanya sa
panaginip ang isang anghel ng
Panginoon. Sabi nito sa kanya,
“Jose, anak ni David, huwag
kang matakot na tuluyang
pakasalan si Maria, sapagkat
siya’y naglihi sa pamamagitan
ng Espiritu Santo. Manganganak
siya ng isang lalaki at ito’y
pangangalanan mong Hesus,
sapagkat siya ang magliligtas
sa kanyang bayan sa kanilang
mga kasalanan.”
Nangyari ang lahat ng ito
upang matupad ang sinabi ng
Panginoon sa pamamagitan ng
propeta:“Maglilihi ang isang
dalaga at manganganak ng
isang lalaki, at tatawagin itong
‘Emmanuel,’ ang kahuluga’y
‘Kasama natin ang Diyos.’”
Nang magising si Jose,
sinunod niya ang utos ng
anghel ng Panginoon; pi-
nakasalan niya si Maria. Ngunit
hindi ginalaw ni Jose si Maria
hanggang sa maipanganak nito
ang isang sanggol na lalaki na
pinangalanan niyang Hesus.
— Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Panalangin ng Bayan
P—Pinagkatiwalaan ng Diyos si
San Jose bilang haligi ng tahanan
ng Banal na Mag-anak. Sa tulong
ng kanyang panalangin, dumulog
tayo sa Diyos na kailanma’y
hindi nagpapabaya. Sa bawat
panalangin ating itutugon:
T—Ama, dinggin mo ang aming
panalangin.
L — Para kay Francisco na
aming Santo Papa, kay N. na
aming obispo, mga pari, at mga
lalaking relihiyoso: Masalamin
nawa nila ang dakilang pag-
ibig mo sa pamamagitan ng
kanilang makaamang pagkalinga.
Manalangin tayo: (T)
L — Para sa mga kawani ng
pamahalaan: Matularan nawa nila
ang katapatan ni San Jose nang sa
gayon kanilang magawa rin ang
kalooban at kagustuhan mo para sa
aming bayan. Manalangin tayo: (T)
L — Para sa mga haligi ng
tahanan: Maipadama nawa
nila ang kanilang pag-ibig at
pag-aaruga sa kanilang pamilya
sa pamamagitan ng kanilang
pagsusumikap at mabuting
pamumuhay. Manalangin tayo:
(T)
L — Para sa mga dumaranas ng
matinding pagsubok sa kanilang
buhay: Makatagpo nawa sila ng
pag-asa at pananampalataya sa
pamamagitan ng panalangin ni
San Jose. Manalangin tayo: (T)
L — Para sa namayapa na:
Masumpungan nawa nila ang
kaharian at kaningningan mo,
O Diyos, na hindi nagmamaliw
kailanman. Manalangin tayo: (T)
L—Sa ilang sandali ng
katahimikan, ating ipa-
nalangin ang iba pang mga
pangangailangan ng ating
pamayanan pati na rin ang
ating pansariling kahilingan
(Tumahimik). Manalangin tayo:(T)
P—O Diyos, tulungan mo
kaming magkaisa bilang iisang
mag-anak sa ilalim ng iyong
makaamang pag-aaruga. Turuan
mo kaming matulad kay San
Jose na siyang naging tapat at
masunurin sa kanyang mga
pangako sa iyo.
Hinihiling namin ito sa
pama­magitan ni Hesukristong
aming Panginoon.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P—Ama naming Lumikha, ang
mga alay naming nakahain sa
iyong dambana ay pabanalin
nawa ng paglukob ng Banal
na Espiritu na pumuspos sa
sinapupunan ng Mahal na Bir-
heng Maria upang magdalang-
tao at magsilang sa iyong
Anak na siyang namamagitan
magpasawalang hanggan.
B—Amen.
Adbiyento II: Ang paghihintay
para sa dalawang pagdating ni Kristo
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa
Panginoon.
P — Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapang­
yarihan, tunay ngang marapat
na ikaw ay aming pasalamatan
sa pamamagitan ni Hesukristo
na aming Panginoon.
Ang pagsusugo mo sa kanya
ay ipinahayag ng lahat ng mga
propeta. Ang pagsilang niya’y
pinanabikan ng Mahal na
Birheng kanyang Inang tunay
sa kapangyarihan ng Espiritung
Banal. Ang pagdating niya’y
inilahad ni San Juan Bautista
sa kanyang pagbibinyag. Nga­
yong pinaghahandaan namin
ang maligayang araw ng kan­
yang pagsilang, kami’y nana­
nabik at nananalanging lubos
na makaharap sa kanyang
kadakilaan.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit at
lupa ng kadakilaan mo! Osana
sa kaitaasan! Pinagpala ang
naparirito sa ngalan ng Panginoon!
Osana sa Kaitaasan! (Lumuhod)
Pagbubunyi (Tumayo)
B—Aming ipinahahayag na
namatay ang ‘yong Anak,
nabuhay bilang Mesiyas, at
magbabalik sa wakas upang
mahayag sa lahat.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon (Is 7:14)
Maglilihi itong birhen at
magsisilang ng supling na
tatawaging Emman’wel, taguring
ibig sabihi’y “Ang Diyos ay
sumasaatin.”
Panalangin Pagkapakinabang
(Tumayo)
P— Manalangin tayo. (Tumahimik)
Ama naming mapagmahal,
sa aming pagsasalo sa banal na
hain lagi nawa naming madama
a n g i yo n g k a g a n d a h a n g -
loob upang kami’y magkamit
ng kaligtasan pakundangan
sa pagkakatawang-tao ng
iyong Anak ngayong aming
ginugunita ang kanyang Ina sa
pamamagitan din ni Hesukristo
kasama ng Espiritu Santo
magpasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo saman-
talang iginagawad ang pag- papala.
(Tumahimik)
Ama naming mapagpala,
nililingap mo at dinadalisay
ang iyong mga anak. Itaguyod
mo ng iyong kanang kamay
ang iyong sambayanan upang
makasapit sa iyong inilaang
b u h a y s a p a m a ­m a g i t a n
ni Hesukristo kasama ng
Espiritu Santo magpasawalang
hanggan.
B—Amen.
Pangwakas
P—Tapos na ang Misa. Humayo
kayo at patuloy na hanapin
at sundin ang kalooban ng
Panginoon sa inyong buhay.
B—Salamat sa Diyos.

BE A PAULINE PRIEST OR A BROTHER

If you are a Grade 12 student, a college student, or a young professional, male, single, and interested to become
a priest or a brother involved in the apostolate of social communication, we invite you to journey with us.
Contact us: SSP VOCATION DIRECTOR (02) 8895-9701 | 0962-046-5506 | 0915-842-0546

SAMBUHAY MISSALETTE STAFF

Editor: Fr. Oliver Vergel O. Par, SSP Subscription Office

Managing Editor: Cl. Vinz Anthony Aurellano, SSP (ST PAULS Diffusion)
Associate Editors: Fr. Apolinar Castor, SSP
7708 St. Paul Road,
Ian Gabriel Ceblano San Antonio Village,
Fr. Rollin Flores, SSP 1203 Makati City
Fr. Joseph Javillo, SSP Tels.: (02)895-9701 to 04
DL (02)895-7222
Proofreader: Ms. Marissa Reyes-Dela Cruz Fax: (0/2)890-7131
Lay-out Artists: Cl. Melvin Dela Cruz, SSP E-mail: sambuhay@stpauls.ph
Cl. Anjon Frederick Mamunta, SSP

TO SHOP ONLINE visit: Bibles • Religious books • The Youngster • Hãlo • Sambuhay • Pandasal
www.stpauls.ph • 365 Days with the Lord • Simbahay • Religious Articles
• Altar and Church Vestments