Taon 37 Blg.
26 Simbang Gabi | Misa de Gallo — Puti
SI HESUS ANG PUNO’T DULO NG
PAGDIRIWANG
P. Micha Miguel L. Competente, SSP
“A ng hindi marunong lumingon
sa pinanggalingan ay ‘di
makararating sa paroroonan.”
Angkop na angkop ang
kawikaang ito sa ating Ebanghelyo
ngayong Linggo. Ipapahayag
ni Hesus ang pinagmulan ng
kanyang misyon at patotoo, at ito
ay galing mula sa kanyang Ama.
Makikita natin na muli’t muli
niyang babalikan ang puno’t dulo
ng lahat ng kanyang mabubuting
gawain. Hindi siya gumagawa
ng mga mabubuting bagay para
sa kanyang sarili lamang kundi
upang maisakatuparan ang
kalooban ng kanyang Ama. Hindi
pinatotohanan ni Hesus ang
kanyang sarili sa pamamagitan ng
kanyang mga pagpaparangal at
gawa kundi ang Diyos Ama ang
siyang nagpapatotoo sa kanya.
Ang lahat ng kay at si Hesus ay
may kaugnayan at may buong
pakikipagkaisa sa Ama at sa Espiritu
Santo dahil sila ay iisang Diyos. At
ito ang magdadala sa kanya upang
maiskatuparan niya ang kanyang
misyon—ang kaligtasan ng buong
sanlibutan.
Sa kabilang banda naman, si
Juan Bautista ay isang huwarang
saksi dahil sa kanyang mga patotoo
ukol kay Hesus. Siya ang naghanda
ng daan upang maramdaman at
makilala ng mga tao na mayroong
darating na mas higit pa sa kanya at
Disyembre 16, 2023
National Youth Day
“hindi siya karapat-dapat magkalag
by Fr. Amado L.
ng tali ng kanyang panyapak” (Jn
1:27). Ngunit naririnig natin na hindi
Picardal, CSsR
tumatanggap si Hesus ng patotoo
mula sa tao tulad ng kay Juan.
Subalit hindi ito nangangahulugang
walang silbi ang pagpapatotoo ni
Juan. Bagkus sinabi ito ni Hesus
upang hikayatin na ibaling ang
kanilang atensyon sa pinagmulan
ng pagpapatotoo ni Juan at hindi sa
kanyang personalidad at pagiging
karapat-dapat. Isinalarawan ni
Hesus si Juan na “parang maningas
na ilaw” dahil siya ang nagsilbing
pansalamantalang liwanag upang
ang madidilim na puso’t isipan
ng mga tao ay maging handa at
makarating sa tunay at pinagmulan
ng lahat ng liwanag: si Hesus.
Makikita din natin ang kagandahan
ng ginawa ni Juan sapagkat ipinakita
niya ang pagbabahagi ng natanggap
niyang liwanag sa mga nawawalan
ng pag-asa at katarungan. Si Hesus
at si Juan ay kapwa marunong
lumingon sa pinagmulan ng
kanilang gawain at misyon: si
Hesus sa Ama, at si Juan kay Hesus.
Hindi nila sinasarili ang kanilang
tinanggap; bagkus, ibinabahagi nila
ito sa iba tulad ng pagbabahagi sa
kanila ng nagkaloob sa kanila.
Sa unang Pagbasa, pina-
paalalahan ni propeta Isaias ang
sambayanang Israel na lumingon
sa kanilang pinaggalinggan na
kung saan sila ay nakaranas ng
katarungan at katwiran. Ito ay
dahil sa problemang kanilang
kinahaharap matapos ang kanilang
pagkakatapon sa Babilonia. Sa
kabila nito, ang Diyos ay hindi
nagsasawang lumingon din sa kanila
sa kabila ng hindi nila pagtugon
sa kanyang tawag. Kung sa mula’t
mula pa lamang ay ipinakita na ng
Diyos ang kanyang katarungan sa
mga Israelita, hindi ba’t gayon din
ang dapat nilang gawin lalo na sa
mga hindi napapabilang sa kanilang
komunidad?
Mga kapatid, sa ating pagninilay
sa mga ito ngayong malapit na
ang Pasko, binabalikan ba natin
ang puno’t dulo ng ating pagiging
Kristiyano? Papaano ba natin
tinitingnan ang dahilan ng lahat ng
ating pagdiriwang at paghahanda?
At sa anong paraan ba natin
pinatotohanan ang ating paniniwala
kay Hesus lalo na sa mga hindi
napapabilang sa ating komunidad?
Ang lahat ba ng mga mabubuting
bagay na ating tinanggap ay para
lamang sa atin o para rin sa iba?
Hinahamon tayo ngayon na
lumingon muli sa ating pinagmulan
at ang dahilan kung bakit natin
ipagdiriwang ang nalalapit na
kapaskuhan. Upang sa gayon
marating din natin ang tunay nating
hantungan, ang buhay na walang
hanggan.
 PASIMULA
Antipona sa Pagpasok
(Is 45:8)
(Basahin kung walang pambungad na awit.)
Pumatak na waring ulan mag-
mula sa kalangitan, nawa’y
umusbong din naman mula sa
lupang taniman ang Manunubos
ng tanan.
Pagbati
(Gawin dito ang tanda ng krus.)
P—Sumainyo ang Panginoon.
B—At sumaiyo rin.
Paunang Salita
(Maaaring gamitin ito o kahalintulad
na pahayag.)
P—Sinisimulan natin ngayon
ang mga Simbang Gabi. Iniaalay
natin sa Mahal na Birheng Maria
ang siyam na araw ng ating
paghahanda para sa pagdating
ng pinananabikan nating
Mesiyas.
Sa kabila ng ating masayang
paghahanda para sa darating
na Pasko, inaanyayahan táyong
magpakumbaba at magbalik-
loob sa Diyos. Hari nawa’y
maging karapat-dapat ang ating
mga puso na maging sabsaban
ni Hesus. Taimtim nawa tayong
manalangin at magbigay puri
sa Ama na siyang nagbigay ng
kanyang Anak para sa ating
kaligtasan.
Pagsisisi
P—Mga kapatid, aminin natin ang
ating mga kasalanan upang tayo’y
maging marapat sa pagdiriwang
ng banal na paghahaing nag-
dudulot ng kapatawaran ng
Maykapal. (Tumahimik)
P—Panginoon, kami’y nagkasala
sa iyo.
B—Panginoon, kaawaan mo kami.
P—Kaya naman, Panginoon, ipakita
mo na ang pag-ibig mong wagas.
B — Kami ay lingapin at sa
kahirapan ay iyong iligtas.
P—Kaawaan tayo ng makapang-
yarihang Diyos, patawarin tayo
sa ating mga kasalanan, at
patnubayan tayo sa buhay na
walang hanggan.
B—Amen.
Gloria
B—Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin, pina-
sasalamatan ka namin dahil sa
dakila mong angking kapurihan.
Panginoong Diyos, Hari ng langit,
Diyos Amang makapangyarihan
sa lahat. Panginoong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng mga
kasalanan ng sanlibutan, maawa ka
sa amin. Ikaw na nag-aalis ng mga
kasalanan ng sanlibutan, tanggapin
mo ang aming kahilingan. Ikaw
na naluluklok sa kanan ng Ama,
maawa ka sa amin. Sapagkat ikaw
lamang ang banal, ikaw lamang
ang Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa kada-
kilaan ng Diyos Ama. Amen.
Pambungad na Panalangin
P—Manalangin tayo. (Tumahimik)
Ama naming makapang-
yarihan, niloob mong ang
iyong Salita na ibinalita ng
anghel ay maging taong totoo
sa sinapupunan ng Mahal
na Birhen. Ipagkaloob mong
kaming sumasampalatayang
siya’y Ina ng Diyos ay matu-
lungan niyang dumalangin
sa iyo sa pama­m agitan ni
Hesukristo kasama ng Espiritu
Santo magpasawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa
(Is 56:1–3a, 6–8)(Umupo)
Sa pamamagitan ni Isaias, ipina­
pakita sa atin ng Diyos ang hantu­
ngan ng mga taong matuwid at tapat
sa kanyang kalooban. Sila’y titipunin
niya sa bahay-dalanginan kasama
ng lahat ng mga bansa.
Pagbasa mula sa aklat ni Propeta
Isaias
ANG SABI ng Panginoon sa
kanyang bayan: “Ayon sa
katarungan at laging matuwid
ang inyong gagawin. Ang
pagliligtas ko’y di na magluluwat,
ito ay darating, ito’y mahahayag
sa inyong paningin. Mapalad
ang táong gumagawa nito, ang
anak ng táong ang tuntuni’y ito.
Ginaganap niya ang marapat
gawin sa Araw ng Pamamahinga,
sa gawang masama, ang kanyang
sarili’y iniiwas. Di dapat sabihin
ng isang dayuhang nakipagkaisa
sa bayan ng Diyos, na siya’y
hindi papayagan ng Panginoon
na makisama sa pagsamba ng
kanyang bayan.”
Ito naman ang sabi ng
Panginoon sa mga dáting
dayuhan na ngayo’y kabílang
sa kanyang bayan, buong
pusong naglilingkod sa
kanya, nangingilin sa Araw ng
Pamamahinga; at matapat na
nag-iingat sa kanyang tipan:
“Dadalhin ko kayo sa Sion,
sa aking banal na bundok.
Ipadarama ko sa inyo ang
kagalakan sa aking Templo.
Tatanggapin ko ang inyong
mga handog, at ang Templo ko’y
tatawaging bahay-dalanginan ng
lahat ng bansa.”
Ipinangako pa ng Panginoon,
sa mga Israelitang ibinalik niya
mula sa pagkatapon, na marami
pa siyang isasama sa kanila para
mapabilang sa kanyang bayan.
—Ang Salita ng Diyos.
B—Salamat sa Diyos.
Salmong Tugunan (Slm 66)
T—Nawa’y magpuri sa iyo ang
lahat ng mga tao.
R. Casupanan

  
F Gm
     

Na wa'y mag pu ri sa 'yo
C F
    
4
   
ang la hat ng ta o.
1. O Diyos, pagpalain kami’t
kahabagan,/ kami Panginoo’y
iyong kaawaan,/ upang sa daigdig
mabatid ng lahat/ ang iyong
kalooban at ang pagliligtas. (T)
2. Nawa’y purihin ka ng mga
nilikha,/ ’pagkat matuwid kang
humatol sa madla;/ ikaw ang
patnubay ng lahat ng bansa. (T)
3. Nag-aning mabuti ang mga
lupain,/ pinagpala kami ng
Panginoon, Diyos namin!/ Ang
lahat sa ami’y iyong pinagpala,/
nawa’y igalang ka ng lahat ng
bansa. (T)
Aleluya (Tumayo)
B—Aleluya! Aleluya! Halina’t
kami ay dalawin. Kapayapaan
mo’y dalhin upang umiral sa
amin. Aleluya! Aleluya!
Mabuting Balita (Jn 5:33–36)
P — Ang Mabuting Balita ng
Panginoon ayon kay San Juan
B—Papuri sa iyo, Panginoon.
N O O N G p a n a h o n g i yo n ,
sinabi ni Hesus sa mga Judio,
“Nagpasugo kayo kay Juan,
at nagpatotoo siya tungkol sa
katotohanan. Hindi sa kailangan
ko ang patotoo ng tao; sinasabi
ko lamang ito para maligtas kayo.
Si Juan ay parang maningas na
ilaw na nag­lili­wanag noon, at
kayo’y sanda­ling nasiyahan sa
kanyang liwanag. Ngunit may
patotoo tungkol sa akin na higit sa
pato­too ni Juan: ang mga gawang
ipina­ga­gawa sa akin ng Ama, at
siya ko namang ginaganap—
iyan ang nagpa­patotoo na ako’y
sinugo niya.”
— Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Panalangin ng Bayan
P— Mga kapatid, humiling tayo
sa ating Ama ng kaloobang
handang magpatotoo sa kanyang
kapayapaan sa ating bawat salita
at gawa. Tayo’y dumalangin:
T—Ama, bigyan mo kami ng
kapayapaan
L—Para sa Simbahan: Gawin
mong daluyan ng iyong
kapayapaan sina Papa Francisco,
mga obispo, pari, diyakono, at
mga layko sa kanilang pagtutulad
sa salita’t gawa ng iyong Anak.
Manalangin tayo: (T)
L — Para sa lahat ng lingkod-
bayan: Pagkalooban mo sila
ng pusong palaging pinipili
ang kapayapaan. Manalangin
tayo: (T)
L—Para sa aming natitipon dito
ngayon: Pagkalooban mo kami
ng payapang puso at isip upang
amin ding piliin ang kapayapaan
sa tuwina. Manalangin tayo: (T)
L—Para sa mga mahal naming
namayapa na: Pahimlayin mo
sila sa iyong walang hanggang
k a p aya p a a n . M a n a l a n g i n
tayo: (T)
L — Sa ilang sandali ng kata-
himikan, ating ipanalangin ang
iba pang mga pangangailangan
ng ating pamayanan pati na rin
ang ating pansariling kahilingan
(Tumahimik). Manalangin tayo:
(T)
P—Diyos naming Ama, tulutan
m o k a m i n g k a p aya p a a n
upang buong kalooban at
diwa kaming magalak habang
kami’y umaantabay sa pagdating
ng aming Tagapagligtas, sa
pamamagitan ni Kristo na aming
Panginoon. Amen.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P—Ama naming Lumikha, ang
mga alay naming nakahain sa
iyong dambana ay pabanalin
nawa ng paglukob ng Banal
na Espiritu na pumuspos sa
sinapupunan ng Mahal na Bir-
heng Maria upang magdalang-
tao at magsilang sa iyong
Anak na siyang namamagitan
magpasawalang hanggan.
B—Amen.
Adbiyento II: Ang paghihintay
para sa dalawang pagdating ni
Kristo
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa
Panginoon.
P — Pasalamatan natin ang
Panginoong ating Diyos.
B—Marapat na siya ay pasala­
matan.
P — Ama naming makapang­
yarihan, tunay ngang marapat
na ikaw ay aming pasalamatan
sa pamamagitan ni Hesukristo
na aming Panginoon.
Ang pagsusugo mo sa kanya
ay ipinahayag ng lahat ng mga
propeta. Ang pagsilang niya’y
pinanabikan ng Mahal na
Birheng kanyang Inang tunay
sa kapangyarihan ng Espiritung
Banal. Ang pagdating niya’y
inilahad ni San Juan Bautista
sa kanyang pagbibinyag. Nga­
yong pinaghahandaan namin
ang maligayang araw ng kan­
yang pagsilang, kami’y nana­
nabik at nananalanging lubos
na makaharap sa kanyang
kadakilaan.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit at
lupa ng kadakilaan mo! Osana
sa kaitaasan! Pinagpala ang
naparirito sa ngalan ng Panginoon!
Osana sa Kaitaasan! (Lumuhod)
Pagbubunyi (Tumayo)
B — Si Kristo’y namatay! Si
Kristo’y nabuhay! Si Kristo’y
babalik, sa wakas ng panahon!
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon (Is 7:14)
Maglilihi itong birhen at
magsisilang ng supling na
tatawaging Emman’wel, taguring
ibig sabihi’y “Ang Diyos ay
sumasaatin.”
Panalangin Pagkapakinabang
(Tumayo)
P— Manalangin tayo. (Tumahimik)
Ama naming mapagmahal, sa
aming pagsasalo sa banal na hain
lagi nawa naming madama ang
iyong kagandahang-loob upang
kami’y magkamit ng kaligtasan
pakundangan sa pagkakatawang-
tao ng iyong Anak ngayong aming
ginugunita ang kanyang Ina sa
pamamagitan din ni Hesukristo
kasama ng Espiritu Santo
magpasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Yumuko kayo’t hingin ang
biyaya ng Diyos. (Tumahimik)
Ang makapangyarihang
Diyos Ama ng Bugtong na Anak
na naparito na noon at hinihintay
nating bumalik ngayon ay siya
nawang magpabanal sa inyo
pakundangan sa liwanag ng
kanyang pagdating at siya
r i n n awa n g p u m u s p o s s a
inyo sa pagpapala ngayon at
magpasawalang hanggan.
B—Amen.
P—Patatagin nawa niya kayo sa
pananampalataya, paligayahin
sa pag-asa, at pakilusin sa pag-
ibig na puspos ng sigla ngayon
at magpasawalang hanggan.
B—Amen.
P — K ay o n g n a g a g a l a k s a
pagdating ng nagkatawang-taong
Manunubos ay puspusin nawa
niya ng gantimpalang búhay
na ‘di matatapos kapag siya’y
dumating nang may kadakilaang
lubos magpasawalang hanggan.
B—Amen.
P — A t p a g p a l a i n k ayo n g
makapangyarihang Diyos, Ama
at Anak (†) at Espiritu Santo.
B—Amen.
Pangwakas
P—Tapos na ang banal na Misa.
Humayo kayong taglay ang pag-
ibig upang ang Diyos ay mahalin
at paglingkuran.
B—Salamat sa Diyos.

THINKING OF WHAT TO GIVE THIS CHRISTMAS AND NEW YEAR?

PANDASAL 2024 IS NOW AVAILABLE!

SAMBUHAY MISSALETTE STAFF

Editor: Fr. Oliver Vergel O. Par, SSP Subscription Office

Managing Editor: Cl. Vinz Anthony Aurellano, SSP (ST PAULS Diffusion)
Associate Editors: Fr. Apolinar Castor, SSP
7708 St. Paul Road,
Ian Gabriel Ceblano San Antonio Village,
Fr. Rollin Flores, SSP 1203 Makati City
Fr. Joseph Javillo, SSP Tels.: (02)895-9701 to 04
DL (02)895-7222
Proofreader: Ms. Marissa Reyes-Dela Cruz Fax: (0/2)890-7131
Lay-out Artists: Cl. Melvin Dela Cruz, SSP E-mail: sambuhay@stpauls.ph
Cl. Anjon Frederick Mamunta, SSP