Taon 34 Blg 24 Dakilang Kapistahan ng Kalinis-linisang Paglilihi kay Maria — Puti
I sang lalaki ang lumusot sa
imburnal. May nagmagandang
loob tumulong sa kanya; hinatak at
iniahon siya mula sa imburnal kaya
siya “nakaligtas”. Walang ano-
ano’y may isang babae naman ang
papalapit sa direksyon ng butas,
subalit malayo pa lamang siya
roon, may pumigil at nagbabala
na sa kanya. Hindi siya tulad ng
lalaking nalugmok sa putik; una
sa lahat, nakaligtas mula sa dungis
ng putik ang babae.
Inilalarawan sa atin ng sanaysay
na ito kung paanong iniligtas ng
Diyos Ama at ni Hesus si Maria
mula sa bahid ng kasalanang
mana. Ito ang inihayag ng katuruan
ukol sa kalinis-linisang paglilihi
kay Maria sa dokumentong
Ineffabilis Deus na ipinahayag ni
Papa Pio IX noong 1854: “Ang
pinagpalang Birheng Maria ay ‘di
nagmana ng kasalanang orihinal
magmula nang ipaglihi siya
dahil sa katangi-tanging biyaya
ng Diyos na makapangyarihan
pakundangan sa mga karapatan
ni Hesukristong Mananakop ng
sangkatauhan” (Katesismo ng
Simbahang Katolika, 491).
Ayon kay John Duns Scotus
(1265-1308), isang Pransiskano,
kinikilala ang isang manggagamot
sa husay nitong makapagpagaling
ng maysakit subalit higit siyang
hahangaan kung mahahadlangan
niya ang pagkakasakit ng tao. “Si
Maria mula pa sa mga unang sandali
sa sinapupunan ng kanyang ina, ay
‘biniyayaan’ na ng Diyos bilang
paghahanda sa kanyang misyon
na maging ina ng bugtong na Anak
ng Diyos ayon sa laman. Walang
pagkakataon na siya ay naliliman
ng kasalanan.” (Katesismo para sa
mga Pilipinong Katoliko, 394).
Basahin ang pagninilay bago o pagkatapos lamang ng Misa upang
makabahagi nang taimtim at ganap sa Banal na Pagdiriwang.
PUNô
NG
Grasya
Tinawag ni anghel Gabriel si
Maria na “napupuno ng grasya.”
Salin ang mga salitang ito, “puno
ng grasya,” mula sa salitang
Griyego na kecharitomene.
Mula ito sa salitang charitoo na
nangangahulugang “punuin o
pagkalooban ng grasya.” Puspos
ng grasya si Maria mula pa sa
sinapupunan ng kanyang ina.
Puspos pa rin ng grasya si Maria
sa lahat ng yugto ng kanyang
buhay, malungkot man o masaya.
Puspos pa rin ng grasya si Maria
hanggang ngayon, at patuloy na
dumadaloy ang grasya para sa
ating kapakanan.
Nilabag ba ng Diyos ang
kalayaan ni Maria nang siya’y
ihanda sa kanyang misyon para
maging ina ng bugtong na anak
Disyembre 8, 2020
ng Diyos na puspos ng grasya?
Wala nang hihigit na kalayaan
para sa sinumang napapalapit kay
Hesus at sa Diyos. Naganap kay
Maria ang sukdulan ng kalayaan
na maaaring matamo ng tao.
Sa aklat ni Obispo Fulton
Sheen na The World’s First Love,
iniligtas daw ng Diyos si Maria sa
kasalanang mana upang palakasin
ang loob ng mga mahihina at
bigyang pag-asa ang mga
nagkakasala: “Isang sulyap sa
kanya, at batid nating ang isang
taong hindi mabuti ay maaaring
magbago; isang dalangin sa kanya,
at batid nating sapagkat siya’s
walang sala, tayo rin ay maaaring
umiwas sa pagiging makasalanan.”
Sa Lourdes, Pransya noong
1858 nagpakita ang Mahal na
Birhen kay Bernadette Soubirous
at nagpakilala bilang Inmaculada
Conception. Nagpakita rin si
Maria kay Catherine Labouré
noong 1830 at tinuruan siya nitong
manalangin: “Maria, ipinaglihing
walang sala, ipanalangin mo kami
at lahat ng tumatawag sa iyo.”
Sa tulong ni Maria, makikita
natin ang liwanag na hinihintay
nating Pasko. Kung malapit lang
tayo kay Maria, siguradong
hahantong tayo sa anak niyang si
Hesus. Si Maria ang pambihirang
dangal ng ating lahi. Pinatunayan
niya ito sa kanyang pakikinig sa
kalooban ng Diyos at tapat na
pagsunod dito. Sa gitna ng mga
pangamba at dilim na nakakanlong
sa paligid natin ngayon, may pag-
asa pa rin tayo sapagkat kasama
natin si Maria na maglalapit sa
atin kay Hesus at sa bawat tao.
—Fr. Paul J. Marquez, SSP
 PASIMULA
Antipona sa Pagpasok
(Is 61:10)
(Basahin kung walang pambungad na awit)
Nagagalak ako sa Diyos na sa
akin ay nagsuot ng damit ng
pagkatubos at ng kagandahang-
loob nang hirangin akong lubos.
Pagbati
(Gawin dito ang tanda ng krus)
P - Sumainyo ang Panginoon.
B - At sumaiyo rin.
Paunang Salita
(Maaaring basahin ito o isang katulad
na pahayag)
P - Ipinagdiriwang natin ngayon
ang Dakilang Kapistahan ng
Kalinis-linisang Paglilihi sa Mahal
na Birheng Maria. Ang paglilihi
kay Maria, na naging malaya sa
anumang bahid ng kasalanan, ay
bahagi ng plano ng Diyos upang
karapat-dapat siyang maging Ina
ng Tagapagligtas. Ipinapaalala
sa atin ng Diyos ang kanyang
katapatan sa pagtupad ng panga-
kong supilin ang kasamaan. Sa
pagsugo niya sa kanyang anak
na si Hesus, minarapat din niyang
makibahagi si Maria sa misyon
ng kailgtasan.
Pagsisisi
P - Mga kapatid, tinipon tayo bilang
mga kaanib ng angkan ng Diyos
kaya dumulog tayo sa maawaing
Panginoong nagpapatawad ng
lubos. (Tumahimik)
P - Sinugong Tagapagpagaling
sa mga nagsisisi, Panginoon,
kaawaan mo kami.
B - Panginoon, kaawaan mo kami.
P - Dumating naTagapag-anyayang
mga makasalana’y magsisi, Kristo,
kaawaan mo kami.
B - Kristo, kaawaan mo kami.
P - Nakaluklok ka sa kanan ng
Diyos Ama para ipamagitan kami,
Panginoon, kaawaan mo kami.
B - Panginoon, kaawaan mo kami.
P - Kaawaan tayo ng makapang­
yarihang Diyos, patawarin tayo sa
ating mga kasalanan, at patnu­bayan
tayo sa buhay na walang hanggan.
B - Amen.
Gloria
Papuri sa Diyos sa kaitaasan
at sa lupa’y kapayapaan sa
mga táong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin,
dahil sa dakila mong ang­
king kapurihan. Panginoong
Diyos, Hari ng langit, Diyos
Amang makapangyarihan sa
lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Pambungad na Panalangin
P - Manalangin tayo. (Tumahimik)
Ama naming maka­p ang­
yarihan, para sa iyong Anak ay
inilaan mong maging marapat na
tahanan ang Mahal na Birheng
ipinaglihing walang minanang
kasalanan at siya’y ibinukod
mo para huwag madamay
sa pagkamasuwayin ng lahat
pakundangan sa kamatayang
aakuin ng iyong Anak. Bilang
tugon sa kanyang pagdalangin,
loobin mong kami’y maging
dalisay upang kami’y maging
dapat na makadulog sa iyong
harapan sa pamamagitan ni
Hesukristo kasama ng Espiritu
Santo magpasawalang hanggan.
B - Amen.
PAgpapahayag
ng salita ng diyos
Unang Pagbasa
[Gen 3:9-15, 20] (Umupo)
Pinakinggan ng babae ang
panunukso ng ahas at nailayo sa
kabutihan ng Diyos ang kanyang
lipi. Subalit hindi itinakwil ng
Diyos ang sangkatauhan: isang
bagong Eva ang magsisilang ng
sanggol na susupil sa kasamaan.
Pagbasa mula sa aklat ng Genesis
PAGKAKAIN ni Adan sa bunga ng
puno, tinawag siya ng Panginoon
at tinanong, “Saan ka naroon?”
“Natakot po ako nang marinig
ko kayong nasa hardin; nagtago
po ako sapagkat ako’y hubad,”
tugon ng lalaki.
“Sinong may sabi sa iyong
hubad ka?” tanong ng Diyos.
“Bakit, kumain ka ba ng bungang
ipinagbabawal ko?”
“Kasi, pinakain po ako ng
babaing ibinigay ninyo sa akin,”
tugon ng lalaki.
“Bakit mo naman ginawa
iyon?” tanong ng Diyos sa babae.
“Mangyari po’y nilinlang ako
ng ahas, kaya ako natuksong
kumain,” tugon naman niya.
At sinabi ng Panginoon sa
ahas: “Sa iyong ginawa’y may
parusang dapat, na tanging ikaw
lang yaong magdaranas; ikaw
ay gagapang, ang hatol kong
gawad, at alikabok ang pagkaing
dapat. Kayo ng babae’y laging
mag-aaway, binhi mo’t binhi
niya’y laging maglalaban. Ito
ang dudurog ng ulo mong iyan,
at ang sakong niya’y ikaw ang
tutuklaw.”
Eva ang itinawag ni Adan sa
kanyang asawa, sapagkat ito ang
ina ng sangkatauhan.
— Ang Salita ng Diyos.
B - Salamat sa Diyos.
Salmong Tugunan (Slm 97)
T - Umawit sa D’yos ng awa, ang
gawain n’ya’y dakila.
1. Umawit ng bagong awit at
sa Poon ay ialay,/ pagkat yaong
ginawa n’ya ay kahanga-hangang
tunay!/ Sa sariling lakas niya at
taglay na kabanalan,/ walang
hirap na natamo yaong hangad
na tagumpay. (T)
2. Ang tagumpay niyang ito’y siya
na rin ang naghayag,/ sa harap
ng mga bansa’y nahayag ang
pagliligtas./ Ang pangako sa Israel
lubos niyang tinutupad. (T)
3. Tapat siya sa kanila at ang pag-
ibig ay wagas./ Ang tagumpay ng
ating Diyos kahit saan ay namalas!/
Magkaingay na may galak, yaong
lahat sa daigdig;/ ang Poon ay buong
galak na purihin sa pag-awit! (T)
Ikalawang Pagbasa
(Ef 1:3-6, 11-12)
Ipinahayag ni Pablo kung paano
hinirang ng Diyos ang kanyang
mga lingkod. Isa itong paalala
kung paano inihanda ng Diyos si
Maria bilang ina ng Tagapagligtas.
Pagbasa mula sa sulat ni Apostol
San Pablo sa mga taga-Efeso
MAGPASALAMAT tayo sa Diyos
at Ama ng ating Panginoong
Hesukristo! Pinagkalooban niya
tayo ng lahat ng pagpapalang
espirituwal dahil sa ating
pakikipag-isa kay Kristo. At sa
atin ngang pagkikipag-isang
ito, hinirang na niya tayo bago
pa nilikha ang sanlibutan
upang maging banal at walang
kapintasan sa harapan niya.
Dahil sa pag-ibig ng Diyos, tayo’y
kanyang itinalaga upang maging
mga anak niya sa pamamagitan
ni Hesukristo. Iyan ang kanyang
layunin at kalooban. Purihin
natin siya dahil sa kanyang
kahanga-hangang pagkalinga sa
atin sa pamamagitan ng kanyang
minamahal na Anak!
At dahil kay Kristo, kami’y
naging bayan ng Diyos na
nagsagawa ng lahat ng bagay
ayon sa kanyang panukala at
kalooban. Nangyari ito nang
kami’y hirangin niya noon
pang una—kaming mga unang
umasa kay Kristo—sa lalong
ikadadakila niya.
— Ang Salita ng Diyos.
B - Salamat sa Diyos.
Aleluya [Lc 1:28] (Tumayo)
B - Aleluya! Aleluya! Aba,
Ginoong Maria, napupuno ka
ng grasya, D’yos ay kapiling mo
t’wina. Aleluya! Aleluya!
Mabuting Balita (Lc 1:26-38)
P - Ang Mabuting Balita ng
Panginoon ayon kay San Lucas
B - Papuri sa iyo, Panginoon.
NOONG panahong iyon, ang
anghel Gabriel ay sinugo ng
Diyos sa Nazaret, Galilea, sa
isang dalaga na ang pangala’y
Maria. Siya’y nakatakdang ikasal
kay Jose, isang lalaki buhat sa
lipi ni Haring David. Paglapit
ng anghel sa kinaroroonan ng
dalaga, binati niya ito.
“Matuwa ka! Ikaw ay kalugud-
lugod sa Diyos,” wika niya.
“Sumasaiyo ang Panginoon!”
Nagulumihanan si Maria sa gayong
pangungusap, at inisip niyang
mabuti kung ano ang kahulugan
niyon. Kaya’t sinabi sa kanya ng
anghel, “Huwag kang matakot,
Maria, sapagkat kinalulugdan
ka ng Diyos. Makinig ka! Ikaw
ay maglilihi at manganganak ng
isang lalaki, at siya’y tatawagin
mong Hesus. Magiging dakila
siya, at tatawaging Anak ng
Kataas-taasan. Ibibigay sa kanya
ng Panginoong Diyos ang trono
ng kanyang amang si David.
Maghahari siya sa angkan ni
Jacob magpakailanman, at ang
kanyang paghahari ay walang
hanggan.”
“Paanong mangyayari ito,
gayong ako’y dalaga?” tanong
ni Maria. Sumagot ang anghel,
“Bababa sa iyo ang Espiritu Santo,
at lililiman ka ng kapangyarihan
ng Kataas-taasan. Kaya’t banal ang
ipanganganak mo at tatawaging
Anak ng Diyos. Natatandaan
mo ang iyong kamag-anak na
si Elisabet? Alam ng lahat na
siya’y baog, ngunit naglihi siya
sa kabila ng kanyang katandaan.
At ngayo’y ikaanim na buwan na
ng kanyang pagdadalantao—
sapagkat walang hindi ma-
pangyayari ang Diyos.”
Sumagot si Maria, “Ako’y
alipin ng Panginoon. Mangyari
sa akin ang iyong sinabi.” At
nilisan siya ng anghel.
—Ang Mabuting Balita ng Pangi-
noon.
B - Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B - Sumasampalataya ako sa Diyos
Amang makapangyarihan sa
lahat, na may gawa ng langit
at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat.
Nagkatawang-tao siya lalang
ng Espiritu Santo, ipinanganak
ni Santa Mariang Birhen.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga
yumao. Nang may ikatlong araw
nabuhay na mag-uli. Umakyat sa
langit. Naluluklok sa kanan ng
Diyos Amang makapangyarihan sa
lahat. Doon magmumulang paririto
at huhukom sa nangabubuhay at
nangamatay na tao.
Sumasampalataya naman ako
sa Diyos Espiritu Santo, sa banal na
Simbahang Katolika, sa kasamahan
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao, at sa
buhay na walang hanggan. Amen.
Panalangin ng Bayan
P - Sa pamamagitan ng kanyang
kalinis-linisang paglilihi, hinirang
si Maria bilang makabagong
Eva tanda ng bagong simula
ng ating paglalakbay tungo sa
buhay kabanalan. Kaisa niya,
manalangin táyo sa ating Ama:
T - Panginoon, dinggin mo kami.
L - Para sa Santo Papa Francisco,
si N. na aming obispo, mga pari,
diyakono at relihiyoso’t relihiyosa:
Lumago nawa sila sa pamamagitan
ng halimbawa ni Maria, tungo
sa kabanalan at pag-asa. Kami’y
dumadalangin: (T)
L - Para sa lahat ng mga bansa:
Marating nawa natin ang kapa-
yapaan sa pamamagitan ng
pagkakaisa at kapatiran. Kami’y
dumadalangin: (T)
L - Para sa lahat ng mananam-
palatayang Kristiyano: Maging
gabay nawa natin si Maria sa ating
paglalakbay tungo sa Diyos sa isip,
puso, diwa’t panalangin. Kami’y
dumadalangin: (T)
L - Para sa bansang Pilipinas,
Pueblo Amante de Maria o
bayang sumisinta kay Maria:
Maiadya nawa tayo sa anumang
uri ng sakit at makamit ang
lubos na paghilom. Kami’y
dumadalangin: (T)
L - Para sa mga Yumao: Maka-
himlay nawa sila sa piling ni Maria,
ng mga banal, at ng Diyos. Kami’y
dumadalangin: (T)
L - Sa ilang sandali ng katahimikan,
ating ipanalangin ang iba pang
mga pangangailangan ng ating
pamayanan pati na rin ang ating
pansariling kahilingan. Kami’y
dumadalangin: (T)
P - O Diyos, pakinggan mo ang
aming mga panalanging kaisa ni
Maria, na siyang hinirang mong
maging kalinis-linisang ina ng
iyong Anak na si Hesukristo,
na nabubuhay at naghahari
kaisa mo at ng Espiritu Santo
magpasawalang hanggan.
B - Amen.
 Pagdiriwang
ng huling hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­nabangan at sa buong
Sambayanan niyang banal.
Panalangin ukol sa mga Alay
P - Ama naming Lumikha, ang
handog na nagliligtas ay aming
inihahain sa iyong dambana
ngayong dakilang kapistahan ng
Kalinis-linisang Paglilihi sa Mahal
na Birhen. Tanggapin mo ito at
ipagkaloob mo pakundangan
sa kanyang kahilingan na
katulad ng pagkasagip mo
sa kanya sa pagkasangkot sa
pagsuway ng tanan kaming
mga sumasampalataya sa iyong
kaloob sa kanya ay mahango sa
tanang kasalanan. Iniluluhog
namin ito sa pamamagitan ni
Hesukristo kasama ng Espiritu
Santo magpasawalang hanggan.
B - Amen.
Prepasyo (Ang Misteryo ni Maria
at ng Sambayanan)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Pangi­noon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming maka­p ang­
yarihan, tunay ngang marapat
na ikaw ay aming pasalamatan.
Di mo itinulot masangkot sa
dating pagsuway ang Mahal na
Birheng kabanal-banalan na iyong
lubos na kinalulugdan upang sa
Anak mo’y siya ang magluwal. Sa
kanya’y mababanaag ang Sam-
bayanang kabyak na dalisay at
walang bahid-kataksilan laang
magbigay nang puspos kalinisan
sa mga nananabik sa Anak mong
mahal na Korderong nag-aalis sa
aming kasalanan. Ang Mahal na
Birhen nga’y iyong inilaang maging
katuwang at huwaran sa katapatan.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B - Santo, Santo, Santo Panginoong
Diyos ng mga hukbo! Napupuno
ang langit at lupa ng kadakilaan mo!
Osana sa kaitaasan! Pinagpala ang
naparirito sa ngalan ng Panginoon!
Osana sa Kaitaasan! (Lumuhod)
Pagbubunyi (Tumayo)
B - Aming ipinahahayag na
namatay ang ‘yong Anak, nabuhay
bilang Mesiyas, at magbabalik sa
wakas upang mahayag sa lahat.
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng kasalanan ng
sanlibutan. Mapalad ang mga
inaanyayahan sa kanyang piging.
B - Panginoon, hindi ako karapat-
dapat na magpatulóy sa iyo
ngunit sa isang salita mo lamang
ay gagaling na ako.
Antipona sa Komunyon
Paksang isinasalaysay ang iyong
kadakilaan, O Maria, Birheng
Mahal, ’pagkat ikaw ang nagluwal
sa araw ng kaligtasan.
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal,
ang tinanggap namin ngayong
banal na pakikinabang ay lumunas
nawa sa mga sugat na likha ng
kasalanan na di mo itinulot
manahin ni Mariang Birheng
mahal na ipinaglihing may tanging
kadalisayan sa pamamagitan ni
Hesukristo kasama ng Espiritu
Santo magpasawalang hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayong lahat at
hingin ang pagpapala ng Diyos.
(Tumahimik)
Ama naming mapagpala,
makaisa nawa sa kagalakan
ng Mahal na Birheng Maria sa
kalangitan ang iyong sambayanang
nagdiwang sa kanyang karangalan
at ipahintulot mong sa iyong piling
ay magkapisan sa pamamagitan
ni Hesukristo kasama ng Espiritu
Santo magpasawalang hanggan.
B - Amen.
P - Pagpalain kayo ng makapang-
yarihang Diyos, Ama at Anak (†)
at Espiritu Santo.
B - Amen.
Pangwakas
P - Tapos na ang Banal na Misa.
Humayo kayong mapayapa.
B - Salamat sa Diyos.