Anjun juli Rampa Menua

Anjun ga anjun juli,

Sayau sesayau ga jelu empeliau,
Ga udu makai buah kemayau,
Ga udu engkayau sebelah pun sibau,
Iya makai lemai hari,
Anjun ga anjun juli.

Anjun ga anjun juli,

Lendu lelendu ga burung puyu,
Angin beresi datai ari kayu,
Kampung jerung mayuh jelu,
Burung terebai nangga hari,
Anjun ga anjun juli.

Anjun ga anjun juli,

Ligau leligau ga ala ligau,
Buah kayu diempa empeliau,
Kayu ditebang nadai endur diau,
Bala jelu nyau abis lari,
Anjun ga anjun juli.

Anjun ga anjun juli,

Kisuh kekisuh ga ala kisuh,
Sungai pemandi nyau abis keruh
Nadai agi endur sida Iguh nyuluh,
Bala jelu sungai abis mati,
Anjun ga anjun juli.

Anjun ga anjun juli,

Pengawa enda manah patut dibantah,
Udu ngasuh menua kamah,
Parit penuh enggau sampah,
Penyakit ngasuh mensia mati,
Anjun ga anjun juli.
Leka Digaga: Pengajar Stanley Amsnov Gasah