Brahmara ngisep sari.

Mogi tan kacakra bawa,

Kawitan warga sari.

Purwa kaning,

Angripta rum,

Ning wana wukir

Kahadang labuh

Kartika panadenging sari,

Angayon tangguli ketur,

Anggringgring jangga mure.

Sukania arja winangun,

Winarmana sari,

Rumrumning puspa priyaka,

Ingoling tangi,

Sampuning riris sumawur,

Munggwing srengganing rejeng.

II. Kidung Wargasari, rikala mebyakawon.

1. Pabyakawonane katur,

Keastawa hyang suryane,

Toya pangesengan iku,

Lara roga papa klesi,

Pamurtining hyang agni,

Maka pangadosan camah,

Ong raja ditya centakeku,

Ang ah prelaya candra geni.

2. Byakawon mangkin katur,

Margiyang ya peraslise,

Penglukatan anggen dumun,

Pabersihan sanjiwani,

Ka surya margiyan riin,

Ring khayangan pangubengan,

Raris mider sampun,

Pupute di jaba sami.

3. Pemerayascitane katur,

Maring hyang candra lintange,

Dasa malane kalebur,

Matemahan ening jati,

Kasiratin sanjiwani,
Biakta temah surya candra,

Rikala pari sudeku,

Sang hyang taya sida murda murti.

4. Prayascitane katur,

Margiyang ya peraslise,

Kelemigine puniku,

Ka surya margiyang riin,

Pengastungkarane sami,

Surya candra teranggana,

Pengelukatan puniku,

Geseng mangda bersih.

5. Pakelemigianne katur,

Ngastawa hyang teranggana,

Nganyudang leteh hyang wisnu,

Pekulun hyang janur kuning,

Kaswargan ida nurunin,

Turun dewa makabehan,

Hyang brahma, hyang wisnu,

Mukti ya namah swaheki.

Rikala Mecaru

1. Dina mangikin karya neku,

Ginelar sampun bantene,

Butha yadnya karya mungguh

Padana ring bhutabhuti,

Resi mangku miwah sutri

Ngaturang palaba reko,

Pangastawa puput,

Ngaturang palaba mangkin.

2. Daksina gede pamucuk,

Huluning upakarane,

Munggah suci taler sámpun,

Pamuga kalane malih,

Resi ganane utami,

Caru siap waria lima,

Bebek bulu sikep Sampun,

dasar carune utami.

3. Ka surya dumun umatur,

Manunas waranugrahane,

Tri dewata sakti mulus,

Jadma pada astiti bakti,

Panglungsure kalugrahin,

Panglukatan sarwa camah,

kalane pralina iku,

Ung Siwa amer ta nadi.

4 Ancangane Sampun rawuh,

Pakemnit miluah kalane,

Sami pada sampun kumpul,

pada manganutang linggih,

Padingkrak pada padingkrik,

Tuhu sada solah kawot,

Resi mangkune kawuwus,

Ngoncar weda mantra sandi.

5. Katuran ganjarane sampun,

Panca warna palabane,

Ring Lutara ireng iku,

Maring wetan laba putih,

Kidul abang laba neki,

Maring kulon laba jenar,

Rikeng madia katur,

Mancawarna laba neki.

6. Palabane sampun katur,

Pada kenak penampine,

Sami pada arsa ndulu,

Sami pada nanggap becik,

Palabane wus cumawis,

katuran mawali reko,

Wusan ngarerimuh,

Tan wenang nyengkalen mangkin.

7. Hyang Kala katuran mantuk,

Pada ngelingang linggihe,

Mahideran mangkin mantuk,

Niki palabane ambil,

Bekelang pada mawali,

Mangda rahayu karyane,

Kenak Hyang Kala mantuk,

Sang makarya manggih werdi.

Rikala Nyapsap

1. Ung sanghyang yasa pakulun,

Katuran we payapsape,

Ketampalan larene mur,

Mangda kedas ening jati,

Lunga bersih teka barsih,

Saluwir ginawe Yase,

Sami ya tan pata letuh,

Kayangan tigane nyulig.

Ngaug Sundu.

Tadah woh mangkin katur,

Sajangkep upakarana,

Jlaran pangaug sunduk,

Hyang naga raja kastuti,

Lan arda nareswari,

Kadi sakti maha gurua,

Ngewangun sarwa winangun,

Ang, Ah, mantrane Sujati.

Mulang Pancer

Padagingan pancere puput,

Sampun kastawayang reke,

Mejaya-jayane puput,

Kayangane kaiderin,

Wargasari kadulurin,

Maka pakukuh khayangan,

Meras dasar sampun puput,

Mangda sida pada suci.

Pengurip - urip.

1. Ung ya marya ya man tigeku,

Ung jumeneng sanghyang uripe,

Hyang bayu jumeneng iku,

Ring sariran winangun iki,

Pada makedap - kedapan mangkin,

Panguripe sampun margiang,

Pangendaning sanghyang tuduh,

Sanghyang urip mangebekin.

2. Gumine suba mabayu,

Bedawang dadi dasare,

Bedawang nala puniku

Naga kalih mangelilitin,

Ngentegang Ibu Prathiwi,

Brahma Wisnu muang Iswara,

Mahadewa iku,

Siwa ring madya melinggih.

Pamelaspas
1. Pamlaspase mangkin katur,

Sapajeg upakarane,

Daksina maka panghulu,

Kukus arum muang astanggi,

katur ring sang trayo dasa saksi,

Kasaksenin de-tri purusa,

Ring kang-kinarya nireku,

Ang, ah, purip dewane sami.

2. Lis degdeg lis tahun katur,

Lawat nyuh lawat buahe,

Tangga menek tangga tuwun,

Trebesan danu trebesan bukit,

Sarining tirta pangening-ngening,

Yeh empl katur katur ring yasa,

Pada tanmirudeng ulun,

Tirta suda mala suci.

Rikala Mendak Bhatara.

1. Asep pajati wus katur,

Mendak Ida bhatarane,

Paneteg lan Canang arum,

canang gantal canang Sari,

Parekan pada manangkil,

Pedek sami nunas ica,

Ngad pada manyungsung,

Ngaturang palinggih.

2 Tengeran bhatara rawuh,

Ketug linuh manggalane,

Kilat tatit kuwung-kuwung,

Dumilah ngadeg ring langit,

Riris maduluran angin,

Mangalinus maring jagat,

Rempak taru rubuh,

Katibanan angin.

3. Bhatara makire tedun,

Anglayang di ambarane,

Busanane sarwa murub,

Tur anunggang wyalapati,

Warnane angreseng hati,

Risampun prapti ring pura,

Ancangan tumurun,

Natasang palinggih.