Chat par ak chaarpai padi hai us sanjay naam ka ak ladka pet ke bal leta hua hai !

Subah -
subah ka samay hai bahin paas main kuch shrab ki khali botlen padi hui hain ! Logon aur
gadiyon ke aane jane ki aawaz aa rahi hai . Sanjay karbaten badal - badal ke so rha hai .
Sanjay ke ghar se thodi doori par ak tempo aakar rukta hai usme ghar ka sara saman bhra
hua hai . Temo ke andar se ak lambi dadhi rakhe hue q mulla ji utarte hain. Tempo enjan ki
aawaz zada one ke karn sanjay ak baar uthkar mulla ji aur unki gharbali ko dekhta hai . Fir so
jata hai .  Mulla ji ke sath me unki ladki bhi hai . Jiska naam ruksaar hai . Vo bhi tempo se
utarkar khidki ke paas main hi khdi ho jati hai . Mulla ji paas main hi baithe logon se baat
karne lagte hain . Enjen ki aawaz zada hone ke karan sanjay uthkar mulla ji ko hi dekhne
lagta hai . Vo baat kar rahe hote hain banha par kai log baithe hue Hain. Mulla ji ak rikse pe
baithe hue aadmi se baat kar rahe hain . 

Rahisuddin - bhaiya is saman ko us bale ghar ke andar pahuchane ke liye koi mazdoor
milega . 

Rikshe bala rikshe utarkar temo ke paas jakar us saman ko dekhta hue 

Rikshebala - hum hi pahucha denge .

Rahisuddin - pese 
Rikshebala - pese..... 1200 rupay de dena 
Rahisuddin - bhai zada mang rahe hain aap 
 
Sanjay ye nazara apni chat se letkar dekhta hua . Apni takiya ke niche se ak mo. Nikal kar no.
Dayal karta hai. No. Samne baithe logon main ak ladke ke paas jakar lagta hai . Ladka
ruksaar ko dekh rha hai . Tabhi acchanak uska fone ring karta hai . Jeb se fone nikal kar
dekhta hai . Fir samne chat par sanjay ko dekhkar fone ko uthata hai. 
  
Ladka - ram ram bhaiya
Sanjay  - ram ram pta bhool gaye hain ka .
Ladka -( mulla ji ke taraf dekhkar fir umesh ke taraf dekhta hua.   ) nahi .. bhaiya 

Sanjay - fir rishtedari main aaye hain ka .

Manish  fir umesh se nazren htakar ruksaar ko dekhne lagta hai , ruksaar bhi ak baar ladke
ke taraf dekhkar , halke se muskurati  hai . Driver gadi ke piche ka dala kholta hai . 

Sanjay - bolti kahe band ho gyi hai . 

Manish - haan bhaiya vo , vo kirayedar hain . 
Sanjay - kirayedar  
Manish - haan bhaiya ....
 
Vaise hi ruksaar hath main ak chota sa bag lekar apne papa ko dene ke liye badhti hai . 
Sanjay manish se  kuch aur kahne ko hota hai . Vaise hi Ruksaar ko dekhta hai aur  Sidhe
uthker chaarpai pe khda ho jata hai niche patla nekar aur baniyaan pahan rakha hai . 

Sanjay - ye Kon hai . 

Manish - bhaiya .... maal
Sanjay -  ka....
Manish - maalllllll
Sanjay - fir bol ak baar ...... manish ko dekhte hue . Manish chup ho jata hai . Sanjay ke chere
ke taraf dekhte hue 
Sanjay - tumhari bhabhi hai ...... kon... 
Manish - bhabhi .....
Manish kaan main fone lagaye sanjay ko hi dekh rha hota hai . Vaise hi ruksaar manish ko
dekhti hai manish ko kahin aur dekhta dekh apne abbu ke taraf ak baar dhire se dekhti hai
rahisuddin saman ko utarba rahe hain fir  sanjay ke taraf dekhti hai . Apne munh ko dupatte
se dhk kar muskurati hai . 
Tabhi sanjay niche kuch phna dekh halki si smile ke sath apne tahmal ko uthata hua sidoyon
se niche utrta hai.      Cut to - 

Day -  
kuch ladke pahlwani kar rahe hain . Usme jo refri kar rahen hain vo sanjay ke pita  hain . Vo
unhe ladne ke davn bta rahe hain . Tabhi fone par ring hoti hai . Vo fone ko jakar jeb se
nikalte hain . Fone ko uthakar ! 
  
Refri -  haan , utha soker ya nahi ! 
Mummi - haan utih gva hai . Panjiri ka saman le aiyo . 

Refri fone ko gusse main kat karke jeb main. Daal lete hain. Aur ladkon ko dekhte hain sab
ladke kasrat kar rahe hain . Kuch ak dusre ko pakad kar davn lga rahe . Refri   apne kurte ko
utarkar pahnte hue. Saikil uhaker chal deta hai.          Cut to 

               Sanjay home , day 

Sanjay apne balon ko sishe main dekhkar bna rha ghar main sanjay ke bade bhai ki garbali
ke baccha hua hai to garme kuch polrogram ki teyari chal rahi hai. Maa samjha rahi hai .
Sanjay ko .

Maa - dekh  aaj kahin mat jana . Aur tere papa bhi aa rahe hain . 

Ghar ke andar kuch log tent ka saman lekar aa rahe hain . Tabhi sanjay ke pita ki saikil aa kar
rukti hai .                          Cut to 

Sanjay chupchap khda hua hai .papa ak side  main bethkar gali de rahe hain . Bhai , maa ,
sab paas main hi khade hain . Bahar se jo saman le le kar aa rahe hain . Vo ruk ruk ke dekhte
ja rahe hain . 

Papa - bhosdi ke tip tap banke kanha chal

Diye , hun..... lete - lete khate raho pade - pade sote , tumhari ak din fat - fat na jaye to
humse kahna . Kab tak karauge matar gasti
Hamhu dekht hain . 
 
Tab tak piche se kuch bachhon ki aawaz aati hai . 
 
Bacche - Buaa aaye gain , bua aaye gayin
 
Bua ki uamr 50 - 55 saal hai . Hath main ak kapde ka thela pakad rkha hai . Vo vidhva hain .
Sanjay ke papa chair se uthkar unke pair ko chute hain. 

Bua - acche raho , acche raho 

 
Sanjay bhi badhkar bua ke pairon ko chuta hai . Pith ko sahlati hui . 

Bua - kaisa Hai . 

Sanjay -(  halki muskurahat ke sath ) accha hun . ( bolkar bade bhai se ) 
Sanjay - bhaiya. .... 

Sab dekhne lagte hain . Papa bhi ghoor rahe hain . 

  
Bhaiya - kya  
Sanjay - 100 rupay 

Bhai jeb se pars nikal kar usme se ak 100 ka note nikal kar use pakda deta hai . Papa use
ghoor ke dekh rahe hain . Tabhi bhai bua se 

Bhaiya - aap chorahe par jab utri thi , tabhi fone kar diya hota hum aapko sikil se le aate
aakar . 
Bua - accha , lalla aajo shrir main , chalbe ki jaan hai. 
 
Hansti hain , sanjay darwaze se bahar nikal jata hai . Pita sanjay ko dekh rahe hain . 
                                                Cut to . 

 
Sanjay gaaon ki galiyon  se guzarta hua chala aa rha galiyon main log baithe hain . Ja rahe
hain , aa rahe hain hai , tabhi achanak ak gali main mudta hai ., bahin par kuch log baithe
hue chilm pi rahe hain ,  sanjay baithta hai , ak aadmi unmese chilm main dam marte hue .

Aadmi - Jai bhole ki , kaahu lala kaise ho  

Sanjay - ( chilam ko lete hue ) badhiya 

Aur dam ko khinchkar chilam aage logon ke taraf bdha kar chalne ko hota hai . Tabhi dusra
aadmi . 

Aadmi -2  kanha chal diye 

Sanjay - kahun na vinod se mile khatir ja rahe the . 

Bolker banha se chal deta hai .  Cut to 

                     Vinod , home -  day 

Vinod ki ghrbali hath main danda pakde vinod se kuch pta kar rahi hai , vinod bahut hi bhola
vyakti hai. Gharbali vinod ko danda dikhate hue . 

Gharbali - kanha hai  

Vinod - hume ka pta 
  
Sanjay lagbhag vinod ke ghar ke paas aa chuka hai . 

Gharbali - meri amma ki aakhiri nishani thi 

Vinod - to hum ka karenge tumhari Amma ki nishani ko . 
Gharbali - to dharti nigalgo ki aasman khaigo . 
Vinod - hame nai pta . 

Sanjay darwaje par aakar vinod ke ghar ke darwajon ki daraaz se dekh rha hota hai . Tabhi
vinod ki gharbali danda uthakar puchte hue 

Gharbali - nai to hamme pta hai . 

Vaise hi bahar se sanjay darwaje ki kundi khatkhta deta hai . Kundi ki aawaz sunte hi gharbali
dande ko ak tarf rakhte hue darwaze ko jakar kholti hai . Bahar sanjay khada hua hai .

Sanjay - namaste , bhabhi 

Gharbali -namaste , kaho ka kaam hai  
Sanjay - vo sikil panchar ho gyi hai . 
Gharbali - to sikil dukaan pe theek hogi , ya ghar ma 
Sanjay - sikil dukan pe hi hai , vinod ko bulane aaya tha , papa akhade main jane ko baithe
hain. 
 
Gharbali -(  vinod ke taraf dekh kar ) jaao.....

( Vinod chupchap kisi galti kiye bacche ke tarah sanjay ke sath chla jata hai . ) 

Sanjay - chalo .....

 
Vinod sanjay ke sath  gali se hoker dukan ki taraf chal deta hai . 

Vinod - kaise panchar ho gya . 

Sanjay - kya 
Vinod - sikil , 

Sanjay uski aankho main dekhti hue , halki smile ke sath . 

Sanjay - Bhabhi bhi marti hai . 

Vinod - (  sakpkata hua ) kise 

Sanjay - kise ....... 

Vinod ke kandddhe main hath daal kar , use

Apne taraf khinchkar , 

Sanjay - accha .....hunnnn...( muskurata hai )

Vinod - kisi se kahna nahi yaar .....
Sanjay - kahunga kisse yaar , magar 

( vinod baat ko katta hua ) 

Vinod - chod yaar .....

Sanjay - teri marji ....  
 
 Tabhi sanjay ki nazar samne padti hai .  Samne se ruksaar ke papa ak riksha par baith kar
market ke taraf se ghar ja rahe hain .   Hath main ak tarpal hai , Sanjay unhe ak nazar
dekhkar . Vinod ki peeth thapthpakar 
Sanjay - tu chal main aata hun . 

                                                          Cut to 

            Sanjay home ,  tenish evning

Sanjay apni chat ke upar reling se tika khda hua , idhar udhar dekh rha hai . Piche ke  jis ghar
main akar ruksaar rahi hai , uski chat ke uppar ruksaar aur uski ammi , abba  dono chat ke
upar tarpal ko bandh rahe hain . Ruksaar tarpal ke ak kone ko pakad kar sanjay ko dekh kar
 dhime - dhime se dekh kar muskura rahi hai. Azaan ki aawaz bhi aa rahi hai. Kuch ladkiyan
bagal ki chat par baithkar duptte main kadhai kar rahi hain . Sanjay bhi ruksaar ko dekhkar
muskura rha hai . Niche gali main ak thele bala aaya hua hai , us par vo bindi , jhumke ka
saman Bech rha hai . Usme ak Saund bhi lga hua hai . Jis par ak gana baj rha , vo mere
samne baethi hai magar , usse kuch baat na ho paai hai  , gaane ki awaaz tez hai .
Rahisuddin ruksaar se . 

Rahisuddin - kaske khinch

Ruksaar - ji abbu 
Ruksaar ghbrakar abbu ko akdam se dekhkar tarpal ko aur kaskar khinchti hai . 
Abbu apne taraf ka kona bandh kar , ruksaar ke taraf ke rassi ko bandhne ke liye jese hi aate
hain . Vaise hi sanjay par nazar padti hai . Sanjay abbu ko dekhkar idhar udhar tahlne lagta
hai tabhi , ammi ruksaar se 

Ammi - ja niche ja kar chay bna le , tere abbu aa rahe honge . 

 
Ruksaar hath ka Kona ammi ko pakdakar niche sanjay ko dekhti hui  chumban ka ishara
karke niche chali jati hai . Sanjay bahin chat pe let jata hai . Uske chumban ka ishara dekh kar
.                      Cut to

            Sanjay home,  night , party 

 
Ghar main cahal pahal hai , ghar main kuch ledis baith kar dholak bja rahi hain usme sanjay
ki maa , dadi , aur bhabhi god main baccha liye bethi hai , sanjay ka bda bhai logon ko khana
khila rha hai ,  snjay ke pita ak kursi par baith kar nimantran likh rahe hain . Tabhi ak aadmi
aakar unhe nimantran ke pese deta hai ,  bda bhai bhi udhr hi dekh kar smile kar rha hai . 
  
Aadmi 3 - aur pahlwan ji ka haal chal hain 
Papa - badiya hain , apne sunao 
  
Aadmi peson ko badhate hue , 

Aadmi 3 - apne bhi sab badiya hain . 

Tabhi sanjay upar se utarta hua aata hai , akdam se vo bahar jane ko hota hai tabhi bda bhai
sanjay ko dekh leta hai . Aawaz lagata hai . 

Bda bhai - sanjay 

Sanjay - haan bhaiya
Bda bhai - kanha ja rahe ho 
Sanjay - kahin nahi , bas aise hi 
Bda bhai - dekho , mehman aa ja rahe hain . Khana pina khilbao sabko 
Sanjay - ji bhaiya 
Sanjay bhai ke hath se khane ka donga , lekar , sabko khana khilane lagta hai , tabhi sanjay
ke papa bade bhai se . 

Papa - lalla 
Bda bhai - haan , papa 
Papa - (  bag ko hath main dekar ) lo zra dekho main abhi aata hun . 

Sanjay dekhta rahta hai . Jese hi bhai bhi idhar udhar dekhne lagta hai , tabhi hath ka donga
ak ladke ko pakda kar , chup chaap vanha se nikal leta hai .           
                                                 Cut to 

 
              Ruksaar ,  gali  night  

Sanjay ruksaar ki gali main andhere main , khda hai , ruksaar dhire se nikal ke dekhti hai ,
sanjay use bahar aane ka ishara karta hai , vo sar ko hilakar mna karti hai . Sanjay use ak
parchi dikhata hai . Ruksaar parchi ko dekhkar aane ka ishara karti hai , aur ghar ke  andar
jakar ammi se .
 
Ruksaar - ammi abbu se tel ke liye to bola hi nahi . 
Ammi - abhi jakar le aati hun 
Ruksaar - main le aaun jakar 
Ammi - batuye se pese nikal le 

                                                    Cut to 

             Market muton - shop night

Ak bakra kta hua latka hai , kasai usi bakre se muton kaat - kaat ke banch rha hai .
Rahisuddin usi shop pe muton ko lene ke liye khade hue hain . Rahisuddin se pahle kasai
muton ko ak bhabhi ke liye bazan kar rha hai . 

Bhabhi - kaleji daal dena 

Kasai - are bhabhi , aaj to aadhi kaleji daal di hai . 
Bhabhi - tab koi ahsaan kar diya , yanha par puri kaleji dalne bale bhi baithe hain . 
Kasai - ( muskurake ) are bhabhi puri kaleji hum tumko de denge , to inko kya denge 

Bhabhi peson ko badhate hue kasai ke hath se theli ko jhtke main lekar.  
Bhabhi - hun......
 
karke chali jati hai , jidhr bhabhi ja rahi hai bahin par ak moter sikil aakar rukti . Uspe par se
ak sabil naam ka aadmi muh main paan hai , vo utrkar bhabhi ko dekhte hue , muton ki
dukaan pe kasai se bolte hue  aakar rukta hai . 

Sabil - bade jhatke maar ke chal rahi hain .tumahari bhabhi 

Kasai - ( hanste hue ) haan mulla ji , kitna 
Rahisuddin - aadha kilo 
  
Sabil rahisudin gour se dekhta hai . Rahisuddin bhi sabil ko dekhte hain . Tabhi sabil ak dam
se .

Sabil - slabalekum rahisuddin bhai ...

Rahisuddin - balekum salam ...
Sabil - pahchana 
Rahisuddin - maafi chahunga , nahi pahchaan paya aapko . 

Kasai muton ko kaat kar bazan karne main lga hua hai. 

Sabil - are main , sabil hasan 

Rahisuddin - sabil hasan ( yaad karte hue ) 
Naam to suna suna sa lag rha hai . 
Sabil - naam suna suna lag rha hai ya main dekha dekha bhi lag rha hun . 

Kasai muton ko ak theli main bharkar rahisuddin ke taraf bdhata hua , 

Kasai - lijiye 
Rahisuddin - ji 

Rahisuddin muton ko uthakar thele main rakhkar 500 ka note bdha dete hain . Kasai note ko
hath main lekar . Sabil se 

Kasai - chay pil bai jaye sabil bhai ( baki pese rahisuddin ko lotate hue ) 
Sabil - nahi bhai , idhar se guzar rha tha to mulakat kar lun , aur kismat dekho yanha purani
jaan pahchaan mil gayi . 

Rahisuddin ke taraf dekhta hua , rahisuddin,  sabil dono hanste hain , chal dete hain . Tabhi
rahisuddin 

Rahisuddin - vaise maine aapko kahin dekha to hai 

Sabil - lo btao , abhi mile to theek se 2 saal bhi nahi hue . Hum apne mamu ke yanha aaye
the aapke gaon mahmoodganj , aapke pados bala hi to makan tha unka . 
Rahisuddin - are haan...... yaad aaya vo doctor sahab ke yanha . 
Sabil - ( hansta hua ) ji .... vaise yanha kaise aana hua . 
Rahisuddin - ab janab yahin aa gya hun . 
Sabil - matlab 
Rahisuddin - matlab yahi masjid ke paas main ak ghar kiraye par liya hai . 
Sabil - aur banha
Rahisuddin - use bench diya hai , kaam dhanda halka chal rha tha . Aur koi kaam kagji kaam
hota to yahin aana padta tha . To socha yanhi par ak chota mota chay ka kaam daal Lunga,  
aage chalkar Allah ne caha to ak makan bhi bna Lunga  , 
Sabil - insha allah , vaise masjid .....

Tabhi sabil ka fone ring karta hai , sabil fone ko nikal kar 
 
Sabil - aata hun , aata hun yaar 

Fone ko kat karke rakhte hue 

Sabil - aadmi ko zra bhi sbr nahi hota . 

rahisuddin - kon tha 
Sabil - are koi nahi , charger ka miter khrab ho gya hai ak jagah bahi theek karne ja rha hun .
Vaise aap pedal hain . Kya 
Rahisuddin - ji... haan 

Sabil apni moter sikil ko start karta hua 

 
Sabil - bethiye  
Rahisuddin - are aap kyun taklif lenge 
Sabil - isme taklif ki kon si baat , jidhr aap ja rahe hain udhar hi main ja rha hun , bethiye aap
chod dunga . 

Rahisuddin baat karte karte baith jate hain. Sabil bike ko bdha deta hai 
                                                       Cut to 

             Ruksaar home ,  gali night

Gali main bahut halki roshni hai sanjay ne ruksaar ke hath ko pakad rkha hai . Ruksaar apne
hath ko chuda rahi hai . Sanjay use apni taraf khinchte hue . 

Sanjay - door se koi bhi kis kar sakta hai , ab kar 

Ruksaar - abbu bazar gaye hain , dekho aate honge 
Sanjay - jhoot...... ( fir khinchta hai ) 
Ruksaar - dekh aise karoge to main dekhungi bhi nahi . 
Sanjay - kis ke taraf 

( Ruksaar muskurate hue chudati hai )

Sanjay - bol na kis ke taraf 

Ruksaar - teri taraf 
Sanjay - accha. ...

Apne taraf khinch kar jor se uske honthon par kis karta hai . Vaise hi jis taraf ruksaar ka
chehra hai . Usi taraf se moter sikil aati dekhti hai , vo apne aapko chudati hui . 

Ruksaar - dekho koi aa rha hai 

Sanjay - to aane do 

Ruksaar dhkka dete hue bhagti hai tabhi fir sanjay use pakad ke jeb se parchi nikal kar use
pakda deta hai . Ruksaar parchi pakad ke ghar bhaag jati hai .

 Moter sikil sidhe ruksaar ke ghar ke samne aakar rukti hai . Rksaar ghbrakar ak kamre ke
andar jane ko hoti hai vaise hi darwaje ki kundi khtakti hai . Vo dawaje ke taraf mud ke
dekhti hai . Ruksaar ke chere par pasina aa jata hai . Darwaje ki kunddi fir khtakti hai . Sath
main aawaz bhi aati hai .

Rahisuddin - ruksaar. .....

 
Ruksaar dari hui darwaje ko jakar kholti hai . Sath main koi aur bhi hai dekhkar thoda shaant
ho jati hai . 

Rahisuddin - sukriya sabil bhai 

Sabil - sharminda mat kijiye 
Rahisuddin - hahahah , aaiye chay pani kar lijiye 
Sbail - ( hanskar ) chay to aapke hathon ki pini hai , par fir kisi din , 

Ruksaar ke taraf ishara karta hue 

Sabil - ye....
Rahisuddin - yahi hai meri ladki ruksaar 

Ruksaar sabil ko salam karti hai 

Ruksaar - slabalekum  
Sabil - balekum salam jiti raho 

Tabhi fir sabil ka fone ring karta hai. Sabil fone ki Display ko rahisuddin ke taraf dikhata hai .
Bike ko ghumakar chla jata hai . 
                                                    Cut to 

 
Rahisuddin ghar ke andar jakar apne kurte ko utarte hue . Ruksaar se 

Rahisuddin  - tumhari ammi kanha hain . 

Ruksaar muton ko pani main dhulne ke liye dalte hue . 

Ruksaar -  masjid gyi hain , niyaaz  lagbane 

Rahisuddin  - ( jor se hanste hue ) tumhari ammi 
 
Tabhi fir darwaje ki kunndi khtakti hai rahisuddin darwaje ki aawaz sunkar 

Rahisuddin - jao tumhari ammi hongi . 

Ruksaar jakar darwaje ko kholti hai . Ammi andar aati hain ammi ke hathon main ak plat hai.
Uske upar ak safi padi hui hai. Us plat main jalebiyan hain . Andar aakar vo plat se jalebi ka
ak pees uthakar rahisuddin ko deti hain . Rahisuddin let jate hain . Ammi ko dekhkar 

Ammi - kya hua 

Rahisuddin - kuch nahi 
Ammi - tabiyat to theek hai
Rahisuddin - ( karahte hue ) haannn .....
Ammi - 2 rupay ki dwa to le nahi sakte ho 
Rahisuddin - ( karbat badalte hue ) par dwa Lani kiski hai .
Ammi - kiski ye bhi humko hi btana padega 

Sath main kaam bhi karti ja rahi hain . Rahisuddin uthkar paas main piche aakar ammi ki
kamar main , hath daalte hue , ruksaar kichan se sirf unki aawaz ko sun kar dhire dhire
muskura rahi hai . 
 
Rahisuddin  - vaise  ak baat kahen 
Ammi - nahi do kaho 
 ( sath main kapdon ko sambhalti ja rahi hain . Rahisuddin thoda gal ko gal se bhidakr ) 
Rahisuddin - aaj tak jawani ke tarah hi bhav khati ho 
Ammi - ( qmar ko chudate hue ) are chodo ghar main bacche hain . Ye to dekh liya karo 
Rahisuddin - bacche hain kiske
( qmar ko aur kaske pakadte hue )
Ammi - are Hato.....

Rahisuddin ko dhkka dekar , ammi ruksaar ke paas jakar baith jati hai . Ammi aur ruksaar
dono ak dusre ko dekhkar muskurate hain . 
                                                   Cut to 
                  Vinod shop ,  night 
 
 Market main lagbhag sari dukane band ho chuki hain . Vinod ki dukan khuli hai . Sanjay
vinod dono paas main hi baithe chilam pi rahe hain. Sath main baat bhi kar rahe hain . 

Vinod - ( nashe main ) yaar azib zindgi di hai , upar balene  ( thoda rukkar ) vaise aaj ka to ho
gya. 
( Chilm ko bdhate hue , sanjay chilm ko lekar usme muskurate hue dam lagata hai. ) 

Vinod - muskura lo bhaiya , vaqt - vaqt ki baat hai . 

Sanjay - are yaar , hansi to tumhari gharbali ko yaad karke aa rahi hai ,vaise tere papa kanha
hain . 

Vinod - aaj raat ko vo bhi aa jayen gye .... 

Tabhi fir sanjay hansta hai. 

Vinod chilam ko sanjay pakdata hai aur jhatke se satr ko girake , usme tala dalta hai , sanjay
use dekhte hue . 

Sanjay - par vo to kashi gaye hue the  

Vinod - ( tale ko lgakar uthte hue ) haan yaar , magar vanha se bhi bapas aa rahe hain . 

Sanjay chilm ko jhtke main , khali karta hue dono chal dete hain . 

Sanjay - kyun 

Vinod - unhone kashi pahunchte hi koi guru kar liye . Usne ,  unse kha aapne apne tirth ko
pahchaan hi nahi paya . Vo aapke maa  - baap the , aapki unki seva karte bahin se aapka
udhaar hota , vahin se aapka udhaar 
Hota , vahin se aapko swarg milta , 

Sanjay - to unohone kya kha 

Vinod - kya kah sakte hain , hume to aisa lag rha hai jese picnic pe gaye the . 

Sanjay - ( fir zor se hansta hua ) vaise ak baat to hai , jo us pandit ne bola hai , vo Sach hai ki
nahi , 

Dono ruk jate hain , vinod snajay ki aankho main dekta hai , sanjay halki si smile ke sath uski
peeth ko thonkta hua , 
 
Sanjay - chal subah milta hun .
                                                         Cut to 

                    Village gali - night

Sanjay apne gaon ki ak kisi gali main chalta aa rha hai . Tabhi samne se ak qasim naam ka
 ladka bhagta hua aakar , paas main hi ghar ke paas chip jata hai . Uske theek piche hi ak
 bulat gadi ki halki si roshni dikhti hui hai gadi aakar vo bhi sanjay ke paas main hi rukti hai .
Us par do contestable baithe hue Hain.  Piche bale conestable ke hath main ak bag hai uske
andar ganja hai , Vo dono sanjay ki aankho main dekhte hue . Bike ko start karke nikal jate
hain. 
Contestable - haan , pahlwan ji , idhar kisi ko jate hue dekha . 

Sanjay uske sawal ke anusaar uska jbaba deta hai 

Sajay - nahi , 

Constable  use upar se niche tak tikhi nazron se chek karta hai , aur sidha idhar udhar
dekhta hua nikal jata hai . Vahin pe khda hua unhe jate hue dekhta rahta hai . Jab vo dikhna
band ho jate hain tabhi aawaz lagata hai . 

Sanjay - chale gaye .....

Ghar ke piche se qasim apne kapdon ko jhdta hua nikalta hai . Sanjay use dekhta hai . qasim
uske paas akar uske kandhe pe hath rakhkar thonkte hue . 

Qasim - tu apni dileri ke naam par pure gaon main charchit hai . Ye suna tha magar aaj dekh
bhi liya ,

Thoda rukkar got se ak katta nikalkar use dekhte hue , 

Qasim - kabhi kisi bhi chiz ki zarurat ho to , bhole ke mandir chale aana , aur khaaskar paisa 

Qasim Apne hath ko aage bdhta hai , sanjay ke  taraf milane ke liye  , sanjay usko dekhta hai
fir ak nazar hath ko dekhta hai kuch der fir chal deta hai .       
                                                       Cut to ......

                  Sanjay home , night

Ghar ke andar sab so rahe hain . Sanjay ki dadi darwaje ke paas leti hui hain . Sanjay darwaje
par darwaje ko dhire - dhire khatkhtate hue .

Sanjay - dadi...... o dadi  -2

Dadi halke se darwaje ki taraf dekhti hai , pure ghar ki lite band hai . Dadi ke paas ak mitti ke
tel ki dibbi rakhi hui hai , vo bahut dhime dhime jal rahi hai . Dadi bister se halke se uthti
hain aur darwaje ko khol ke sanjay se 

Dadi - khana kha liya 

Sanjay - haan kha liya 

Bolta hua  Sanjay dhire se ghar andar aakar dadi ke mathe par kis karta hai , kundi band
karta hai chpke chupke chat par jakar so apni khat pe shrt nikal kar aise hi daal deta hai .
Pant bhi aise hi nikal kar side main daal deta hai khat pe baithkar ruksaar ke ghar ke taraf
dekhta hai . Uske ghar main ak balb ki roshni jal rahi hoti hai . Vo kuch pal use dekhta hai
kuch palon ke baad balb band ho jata hota hai . Sanjay let ko chadar odhta hai .                        
            
                                                        Cut to.....
                        6 month after 
    Rahisuddin tea sttal , market morning 
  
Rahisuddin ne market main ak chay ki dukaan kholi hai . Tahnd ka musam hai .    4 - 5 log
baithkar chay bhi pi rahe hain. Paas main hi baith kar sabil bhi chay pi rha hai . Rahisuddin
chay ko ak kanch ke gilash main chan rahe hain . Aur hansh hansh ke dono log baat bhi kar
rahe hain . 
 
Sabil - rahisuddin bhai , chay ke andar jo ye keshar ki khushboo aati hai . Tumhari kasam dil
ko chu jati hai .
  
Isi beech sanjay bhi dukaan par aa jata hai 
Ak chay ka rahisuddin ko ishara karta hai . Rahisuddin chay ko chan rahe hote hain usi main
se ak gilash chay ka uthakar . Sanjay ke taraf bdha dete hain . sanjay chay ko lekar sabil ke
paas main khali padi jagah main baith jata hai . Sbil rahisuddin ki beaten chalti ja rahi hain . 
Rahisuddin - sabil bhai , nikah bagera ke bare main kuch socha 
Sabil - usme kya sochna sab sucha suchya hai . 
Rahisuddin - matlab 
Sabil - matlab yahi  ki jisne karli usne kya kar liya , haan jisne nahi ki usne bhale hi kuch kar
liya ho . 

Rahisuddin ka chehra halka sa utar jata hai . 

  
Sanjay un logon ki baton ko dhyan se sun rha hota hai . Vaise hi sanjay ka fone ring karta hai
. Sabil aur rahisuddin dono sanjay ko dekhne lagte hain. Sanjay jeb se fone ko nikalta hua
Rahisuddin ke taraf dekhta hai . Fir screen par dekh kar rahisuddin ke taraf dekhta hai halki
si smile karta hai . Screen par MY JAAN likh kar aa rha hai . Sabil bhi ak baar screen par
dekhkar sanjay ko  dekhkar smile karta hai . Umesh fone kat karke gilash ko rakh kar sidhe
rod par hote hue nikal jata hai . Rod par chal rahi bheed main chalne lagta hai . 
                                                     Cut to ...

                     Vinod shop , day 

Vinod ak bike ko sanbhal rha hai. Uska aakhiri bolt ko kaskar do chele hain . Unse kehta hai . 

Vinod - pane se kaskar side main lgado 

 
Dukan ke corner par ak kursi padi hai . Ak par sanjay baitha chilam pi rha hai . Fone par
ruksaar se baat bhi karta ja rha hai . Ruksaar ghar pe bister par leti hui hai ,  Dusri kursi par
aakar vinod bhi baith jata hai . Sanjay kash khinchkar chilam vinod ke taraf bdha deta hai .
Vinod chilam ko  khinchata hai . 

Sanjay - dekh teri yahi baat galat lagti hai . 

Ruksaar - to main kya karun 
Sanjay - tu milna chahti hai ya nahi 
Ruksaar -  tumhe har samay milne ki kyun padi rahti hai .   
Sanjay - accha tu ak baat bta , tune kabhi suna hai jo pyar karte hain , unke dil main milne ki
hasrat nahi hoti. 
Ruksaar - ( cup ) 
Sanjay - bol na , 
Ruksaar  - ( chup )  
Sanjay -  siri farhaad , heer ranjha , laila majnu , romiyo juliyat inke naam sune hai tune 
Ruksaar - haan 

Sanjay fir chilam ko vinod ke taraf bdhate hue 

Sanjay - ye sab mile tab inke naam bane , main tujhse bahut pyar karta hun . Ak nazar main
hi tu mere dil pe utar gyi thi . Bahut bahut bahut pyar karta .
Vinod ki nazar samne padti hai . 

Vinod -  papa aa gaye 

Sanjay jaldi baldi chilam ko uthakar jeb main daal leta hai . Aur khda ho jata hai , papa ka
sctoor aakar akdam paas main aakar rukta hai. Vinod ke papa sanjay ko dekhne lagte hain.
 Vinod sikil ko sanbhal new lagta hai . Sanjay chalte chalte  .

Sanjay - to 120 ka aayega nya tube 

Vinod - ( haklata hua ) haan , accha bala rokstar ka 
Sanjay - theek hai , ( papa ko dekhte hue ) namaste ankal ji 
Vinod papa - ( ghoor ke dekhte hue ) namste 

Sanjay banha se nikal jata hai . 

                                                 Cut to ... 

                   On the way , day 

Sanjay market se hoker ja rha hai . Tabhi uski nazar bheed main khade qasim par padti hai .
Uske sath main ak ladki bhi hai uska naam ishiqa hai , ishiqa ak bag ko pakad ke khadi hai ,
tabhi do ladke bike lekar aate hain . Vo badle main ak chota bag dete hain . Aur ishiqa apne
hath ka bag use pakda deti hai . Vo bike ko lekar chale jate hain . Qasim bhi ak side main lagi
chaar pahiye ki gadi main jaakar baith jata hai . Ishiqa bhi baith jati hai . Samne ak janha par
gadi khadi hai uske bagal main ak paan ki dukaan hai. Us dukaan se paan bala utarkar aata
hai . Hath main uske do sigret ki dibbi hain vo shise se unko andar deta hai . Qasim kuch
paise use pakdata hai . Sanjay samne se khade hokar dekh rha hota hai , tabhi qasim gadi
start karke chalne ko hota hai , tabhi sanjay ke upar nazar padti hai . Qasim gadi main
akdam se brake lagata hai . Ishiqa ki bhi nazar sanjay ke upar padti hai , Qasim halki si smile
karta hai . Aur gadi ko lekar nikal jata hai . Sanjay fir ghar ke taraf chal deta hai . 

                                                       Cut to ...

                 Sanjay home , evening 

Sanjay ke papa baithe hue hain . Bacche khel rahe hain . Sanjay ki maa bhi ak side main
baithi hui hain . Sanjay ki dadi bhi ak chaarpai par baithi hui hain . Kuch log sanjay ki shaadi
ke liye dekhne aaye hain . Vo log bhi baithe hue Hain.  Sath main unke ak ledis bhi hai . Sab
chay pi rahe hain .

Ladki maa  - lalla ki koi foto bagera hai ka

Dadi - foto khinchbata kanha hai .

Bacche dhire dhire hanste hain . Snajay ke papa dadi ke taraf dekhte hain . Tabhi dadi chup
ho jati hai .

Papa - haan , foto to hogi bahut pahle khinch bai thi ramlila main . 
Mummi - are vo foto to bahut purani hai . 
Ladki papa - are koi baat nahi , lalla hai kanha 
Papa - idhar hi kahin gya hoga kisi kaam se  
Ladki maa - pdhai kitni ki hai bhiya ne 
Papa - hai school tak , uske baad 
Tabhi ladki ke papa baat ko katte hain .

Ladki papa - are haan bhiya , kaam bhi zaruri hai sath sath main nahi to vyah ke baad
parivaar ko kon sanbhalega . 

Papa - ( halke se muskurate hue ) bilkul

Isi beech sanjay bhi aa jata hai . Ghar andar mahmano ko dekh sahm jata hai . Sab sanjay ko
hi dekhne lagte hain . Sanjay dhire se namaste karta hai . Aur sidhi se chuchaap chat par
chadh jata hai . Ladki ki maa use dekhti rahti hain . Jab vo chat par chadh jata tab vo kahti
hain . 

Ladki maa - ye.......

Papa -haan yahi hai
Ladki papa - ( ladki ki mummi ki aankho main dekhkar sanjay ke papa se ) kaam dhaam 
Tabhi bacche namkin biscuit ke liye aapas main ladne lagte hain . Sab unhe bchate hain .  
                                                         Cut to...

                  Sanjay tenish - evning 

  
Aasman main patange ud rahi hain . Shaam
Ka samay hai . Sab apni - apni chaton pe baithe hue hain . Nagma apni kuch saheliyon ke
sath apni chat par baith kar kadhai kar rahi hai , sanjay apni chat se kabhi patango kabhi
ruksaar ko dekhkar fone par baat kar rha hai . Ruksaar apne fone ko duptte main dwa kar
idhar udhar dekhte hue baat kar rahi hai . Kuch lal Mirch chat ke upar sukhne ke liye padi
hain . Vo unhe hath se chla bhi rahi hai . 

Ruksaar - tum fone kyun baar baar kat kar rahe the 
Sanjay - tumhar papa ke sath bizi tha 
Rksaar - mazak mat kiya karo 
Sanjay - kabhi kabhi main sach bhi bolta hun
Ruksaar - kya bol rahe the abbu 
Sanjay - pahle kis do
Ruksaar - batao....
Sanjay - pahle kis 
Ruksaar - batao 
Sanjay - kis  
Ruksaar  - hum fone kaat denge 
Sanjay - kaat do 

Ruksaar sanjay ko dekhkar halki si smile ke sath kis karti hai . 

Ruksaar - I love you 

Sanjay ruksaar  ko dekh kar smile karta hai 

Ruksaar - ab batao abbu kya bol rahe the

Sanjay - tumhare abbu  
Ruksaar - ( gusse se )  haannn......
Sanjay - gusse main aur gulabi ho jati ho .
Ruksaar - bataoge ya nahi .
Sanjay - bol rahe the , hmari ladki tumhari yaadon main tadapti rahti hai . Barat lekar aao aur
nikah krake le jao . 
Ruksaar - nahi btaoge 
 
Bol kar fone kaat deti hai . Vaise hi sanjay ki bhabhi chat ke upar aa jati hain. Sanjay kuch
ishara kar rha hota hai ruksaar ko , vo aakar dekhte hue umesh se 

Bhabhi - lage raho , lage raho do do ak teyari upar chal rahi hai , ak ki niche  
Sanjay - ( shrmake ) nahi bhabhi vo bas aise hi 
Bhabhi - papa ko bulaun .... 

( muskrate hue mazak main  kahne ko hoti hai , vaise hi sanjay bhabhi ka hath pakad ke ) 

Sanjay - Bhabhi.....
 
Vaise hi niche se sanjay ke papa ki aawaz aati hai . 

Papa - sanjay..
Bhabhi - chalo , niche chalo papa bula rahe hain . 

Ruksaar samne se dekh rahi hai . Sanjay bhi ruksaar ko dekhta hua .

Bhabhi - aap chalo main aata hun .

Bhabhi ne kuch kapdon ko hath main utha rkha hai jo chat par sookh rahe the . Vo  sanjay
aur ruksaar ko dekhti hui niche utarti hain . Sanjay ruksaar no. Fir se dayal karta hai . Tabhi
fir niche se papa ki aawaz aati hai . 

Papa - mar gaye ho ka upar 

Sanjay - aa rahe hain . 
Tab tak fir ruksaar fone ko risive kar leti hai . 
 
Ruksaar - ( gusse se ) kya hai 
Sanjay - main niche ja rha hun papa bula rahe hain . 
Ruksaar - to jao na... 

Fone ko kat deti hai , umesh niche utarne lagta hai . Vaise hi papa ki aawaz fir aati 

Papa - upar ka tel lga rahe ho . Bhosdi ke . Hum to parshaan ho gaye hain . Aesi aulaad paida
karke
                                                    Cut to ....
  
Sanjay khda hua hai . Parivaar ke sabhi log chupchaap dekh rahe hain . Papa sanjay par
bhadak rahe hain. 

Papa - barbad ho gaye hain. Tere chakkar main . Tere alava aur bhi log hain is parivaar main
, unke liye bhi sochna hai hame . Kaam dhaam karle kuch sirf teri aawaragardi ke chakkar
main lot gaye hain. Ladki bale . 

Sanjay - hame shaadi nahi karni abhi 

Papa - kya 
Sanjay - haan , aur baar baar zid mat kijiye 
Jis din hmara man hoga , us din aap logon ko bta ke karunga shadi . 
Papa - to ab tu apni marzi se shaadi karega 
Sanjay - haan 
Papa - ( garm hoker ) chal abhi nikal ghar se , isi vaqt , is ghar main tera koi kaam nahi hai . 

Parivaar ke sabhi log chupchaap khade dekh rahe haan  , sanjay bhi abhi bahin pe khda hua
hai . 

Papa - sunai nahi diya 

Sanjay bahar ke taraf chalne lagta hai. Tabhi sanjay ki maa sanjay ko rokne ko hoti hai vaise
hi sanjay ke papa unka hath pakad lete hain . 

Papa - ( maa se ) andar chal , 

Sanjay tab tak gate ke paas pahunch jata hai 

Papa -  ( sanjay se ) aur sun dubara is darwaje par kadam mat rakhna . Meri is ghar main laas
padi ho dekhne mat aana 
( sabko dekh kar ) aur na hi tum main se koi isse rishta rakhega samjhe , aaj se hum sab tere
liye mar gaye hain . 

Sabki aankho se aansu nikal aate hain . Sanjay ak baar sabko dekhkar chuchaap chla jata hai
. 
                                                       Cut to ...

                   On the way , night

Sanjay apni gali se sidha ja rha hota hai . Tabhi achanak nazar ruksaar ki maa par padti hai .
Unhone hath main kuch pakad rkha hai . Vo market ke taraf ja rahi hain . Sanjay unhe
dekhkar jeb se fone nikal kar Ruksaar ka no. Dayal karta hai . Ruksaar gahr pe khane ki teyari
kar rahi hai . Uske dono hathon main aata lga hua hai . Tabhi ruksaar ka fone ring karta hai .
Ruksaar uthkar fone ko dekhti hai . Aur apne hathon ko saaf karti hai . Tab tak fone ka ring
hona band ho jata hai . Ruksaar fir aata lagane lagti hai hai , idhar snajay dekhta hai fone
nahi utha vo fone ko jeb main rakhkar ruksaar ke ghar ki taraf chal deta hai . 
                                                   Cut to ... 

                Sanjay home , night 

Sanjay ke papa bister par baithe hue Hain. Sanjay ki maa khane ki thali lakar unhe deti hain .
Papa khane ko khana suru karte hain . Vaise hi sanjay ki maa .

Maa - ( darti hui ) kanha jayega itni raat main . 

Sanjay ke papa unhe ak nazar ghoor ke dekhte hain . Aur thali ko uthakar zor se fenkte hain .
                          
                                                     Cut to....

                Ruksaar home , night

Sanjay ruksaar ke ghar ke pass aa chuka hai . Ruksaar roti ko senk rahi hai . Chulhe main .
 Ghar ka darwaja khula hua hai . Sanjay sidhe ghar ke andar aa jata hai . Ruksaar sanjay ko
dekhkar dar jati hai . Darwaje par bhaag kar jati hai gali main idhar udhar dekhti hai ,
darwaaje ko band kar deti Hai . Akdam se sanjay ke paas aakar 

Ruksaar - tum pagal ho gaye ho kya 

Sanjay - kyon
Ruksaar - kisi ne dekh liya hoga to 
Sanjay - kya dekh lega 
Ruksaar - jaao tum , koi aa jayga 
Sanjay - tu mere sath chalegi 
Ruksaar - kanha 
Sanjay - janha main chalun 
Ruksaar - tum jao main fone pe btati hun.
Sanjay - fone pe nahi , abhi bta 

Sanjay ruksaar ka hath pakad ke apni taraf khinch leta hai . Uske honthon se honth sta kar
kis karta hai . Ruksaar bhi darwaje ke taraf dekhte hue kis kar rahi hai . Thoda chudane ki bhi
kosis kar rahi hai manish  sanjay kis karte karte use god main utha leta hai . Bister tak lekar
jata hai . Bister par litata hai . Vaise hi darwaje ki kundi khtakti hai.  Ruksaar akdam se
utarkar khadi ho jati hai . Sanjay se bolti hai . 

Ruksaar - kya karun btao , btao kya karun 

Kuch sochti hai 

Ruksaar - jao chat ke piche ke raste se nikal jao . 

Sanjay bhagta hua  . Chat pe chad jata hai piche jakar idhar udhar dekhkar sidhe kud jata hai
.
                                                  Cut to ..... 

Ruksaar jaldi baldi apne kapdon ko  sanbhalti hui . Chera utra hua , aakar darwaje ko kholti
hai . Samne sabil khda hua hai . Ruksaar sabil ko dekhkar. 

Ruksaar - slabalekum chacha

Sabil - balekum salam, balekum salam,  vo dudh bala dolu dena beta . 
Sabil - ji chacha abhi lai 

Rukasaar andar jakar dudh ka dolu lakar sabil ko pakda deti hai . Sabil dolu lekar chala jata
hai . Ruksaar darwaja band karke . Fone uthakar sanjay ka no. Dayal karti hai . Sanjay
ruksaar ki dukaan ke taraf Langdata hua  ja rha hai . Tabhi sanjay ka fone ring karta hai .
Sanjay fone ko nikal kar uthate hue . 

Sanjay - fone aa gya to matlab sahi hai . 

Ruksaar - haan , aur tum 
Sanjay - meri mat puch ...

Sanjay fone ko kat kar deta hai . Tabhi fir fone ring karta hai . Abki sanjay jeb se fone nikal
kar uski battery nikal kar switch off kar deta hai .                                  
                                                   Cut to ....

Ruksaar ki ammi ak thele ak palithin main  kuch subjiyan pakde hue ghar bapas aa rahi
Hain . Samne se tab tak sanjay langdata hua aa jata hai . Ruksaar ki ammi use kuch pal tak
dekhti hai . Sanjay bhi unhe ak nazar dekh kar stall par padi balch par baith jata hai . Ammi
side ghar nikal jati hai . 

Sanjay - ak chay dena chacha 

Bol kar jeb se mo. Nikal kar . Fone ko on karta hai . Jeb pars nikal kar usme se ak no . Nikal
kar dayal karta hai . Ye no. Qasim ka hai .                        
                                                       Cut to 

Qasim bhole baba ke mandir ke piche bane ak kamre main baitha hai. Qasim ke paas kuch
ladke baithe hue Hain. Jo bade bade paikton main ganja ko bhar rahe hain. Kuch ladke
pakton ko bag ke andar rakh rahe hain . Qasim ke fone par ring hoti hai . Piche se logon ke
gane bajane ki aawaz aa rahi hai .  Qasim fone ko risiv karke 

Qasim - hello 
Sanjay - kanha hai qasim 
Qasim - kon 
Sanjay - sanjay 
Qasim - kon sanjay  
Sanjay - tujhe raat ko police se bachane bala sanjay 

Rahisuddin sanjay ko dekhte hue chay ka gilash bdhate hain. Sanjay baat karte karte chay le
leta hai . 

Qasim - o.....bol sanjay kya baat hai 

Sanjay - mujhe tumse milna hai 
Qasim - kyun 
Sanjay - kaam hai 
Qasim - ( thoda sochta hua ) theek hai , bhole ke mandir pe aakar call kar 

Sanjay fone ko kat karke mo. Ko jeb main daal leta hai. Gilash ko side main rakhta   hua . Jeb
se nikal kar chay ke peson ko badhata hai . Rahisuddin peson ko lete hue 

Rahisuddin - tum masjid ke paas rahte ho 

Sanjay - nahi  
Rahisuddin - maine tumhe banha dekha hai shayad  
Sanjay - dekha hoga  
Rahisuddin - ( kuch bache hue peson ko bapas karte hue ) tum muslim ho 
Sanjay - kyun , apni ladki ka mere sath nikah karenge 

Rahisuddin use aktak dekte rah jate hain , sanjay uske haton se baki ke pese le leta hai. Aur
jeb main rakhte hue rod ke dusri side main jakar khda ho jata hai . Samne se ak riksha aa rha
hota hai . Use vo hath deta hai . Magar vo sanjay ko ignore karke chla jata hai . Samne se
Rahisuddin use dekh rha hai . Vo fir rikshe bale ko hath deta hai . Abki ye rikshewala rukta
hai . 

Sanjay - bhole ke mandir chaloge 

Rikshebala bina kuch bole rikshe ko bdha deta hai . Sanjay ki nazar fir rahisuddin par jati hai
vo aktak use dekh rahe hain . Sanjay jeb se mo . Ko fir se nikal kar . Vinod ke no . Ko dayal
karta hai. Tabhi sabil ki moter sikil aakar rahisuddin ki dukan par rukti hai , sanjay use
dekhkar Sidhe rod se hote hue vinod  ke ghar ke taraf nikal jata hai .
        
                                                         Cut to ....

                 Ruksaar home - night 

 
Rukasar ro rahi hai , fone ko lga rahi hai , fone kabrej se bahar bta rha hai . Tabhi ammi aa
jati hain . Ruksaar fone ko chipati hue aansu ko pochti hai . Ammi sabji ki theli ko rakhkar . 

Ammi - ruksaar ak gilash pani dede 

Ruksaar - lai ammi 
 
Ruksaar pani ko bharne ke liye nal par jati hai .                                                    Cut to ...

                   Vinod home , night

Sanjay vinod ke ghar ke samne ke rod se chla aa rha hai . Vinod ke pita gate ke paas ka
chaarpai par lete hue hain . Unke paas main unka purane time ka chamkila scooter khda hua
hai . Vinod ke papa kharrante maar maar ke so rahe hain. Sanjay us sctoor ko dekhta hai .
 Fir vinod ke ghar ke piche jata hai . Idhar udhar dekhkar fir chat ke taraf dekhta hai .  Side
main diwaar par
 Kuch int ke robe nikle hue hain. Sanjay un robon ko pakad pakad ke upar ki aur chadhne
lagta hai . Magar aadhi diwaar par chadhte hi sanjay ka pair silip ho jata hai . Magar upar ke
robon ko hathon se kaskar  pakde hone ke khatir bach jata hai . Fir jese tese karke apne
aapko sanbhalta hai . Fir dhire dhire chadhne lagta hai . Aur upar chadh jata hai . Vinod
chaarpai par pair felay so rha hai . Sanjay uske paas main jakar uske muhn par halke se
thappad marta hai .  Vinod ak dam se uthkar baith jata jata hai .  Umesh uska munh akdam
se haton se dwakar uske chere ko apni taraf ghumata hai  . 

Sanjay - teri gharbali kanha hai .

Vinod - niche , magar tu itni Raat ko
Sanjay - haan , yaar 
Vinod - par aaya kidhar se 
Sanjay - piche se 
Vinod - kya 
Sanjay - haan yaar , sun mujhe abhi bhole ke mandir par jana hai.  
Vinod - kyun 
Sanjay - thoda kaam hai 
Vinod - kya kaam hai ......... accha Jugad se milne 
Sanjay - nahi 
Vinod - nahi , to yanha kyun aaya 
Sanjay - yaar teri ak madad chahiye 
Vinod - dekh bhai itni nahi raat ko main teri koi madad nahi kar sakta 

Vinod  ki baat ko sunkar sanjay chalne ko hota hai . Tabhi vinod Uska piche hath pakad leta
 hai . 
  
Vinod - par baat kya hai . 
Sanjay - main ghar chod ke aaya hun 
Vinod -kya pagal ho gay hai 
Sanjay - haa yaar main pagal ho gya hun mujhe abhi bhole ke mandir main pahunch na hai ,
Qasim se milne 
Vinod - kya , marne ka plan bnakar aaya hai . .  
Sanjay - mar to ghar se nikalte hi gya tha ab tu bta 

   Vinod kuch sochta hai . Tabhi fir sanjay 

Sanjay - chalun main . 

Vinod - ( samjhata hua ) sun ..........par mujhe kya karna hoga 
Sanjay - apne scooter se mujhe bhole ke mandir tak chod de 
Vinod - kya .... marbayega mujhe 

Sanjay chupchaap use dekhta rahta hai 

Vinod - ( kuch secend baad ) yaar buddhe ne dekh liya to Gand main danda daal dega 

Sanjay use kuch pal dekhta rahta hai . Fir uthkar jese hi utarne ko hota hai . 

Vinod - sun..... tu Gate par aa 

 
Vinod sidhiyon se utarkar niche aata hai . Sanjay gate ke paas khda hai . Vinod papa ko pahle
dekhta hai . Papa dusri side main muhn karke so rahe hain . Vinod gate ko halke se kholkar
sanjay ko andar aane ka ishara karta hai   dono chupke chupke sctoor ko bahar nikalte hain..