“Amahan, sa Imong mga Kamot Itugyan Ko ang Akong Espiritu!”
MAGBASA: (Manindog ang Tanan)
PAGBASA GIKAN SA SANTOS NGA EBANGELYO SUMALA NI SAN
LUCAS: Mga alas dose ang takna kadto sa dihang mihunongpagdan-ag ang adlaw ug mitabon ang kangitngit sa tiboukkayutaan hangtod sa alas tres; ug napikas ang tabil nganagbitay didto sa Templo. Unya misingit si Jesus pagkusog,“Amahan, itugyan ko sa imong mga kamot ang akongEspiritu!” Human siya makasulti niini, namatay siya (Lucas 23:44-46) PAMALANDONG: (Manglingkod ang tanan) (Basahon kini sa kampos apan sa makusog nga tingog.Paningkamotan sa magbasa nga magagikan gayod kini sa iyang kaugalingon nga puno sa kahulogan.) Ang Diyos nga nahimong tawo namatay? Dili baSupak sa tawhanong panghunahuna ang maong panghitabo sa kalbaryo? Dili ba ang kasakit ug pag- antus bunga man sa kalala sa sala? Dili baa ng kamatayon resulta man sa kamasupilon sa tawo nga buot kab-oton ang kalangitan aron siya magpakasama sa Diyos? Oo, tinoud, misteryosong di hingpit matugkad ang kamatayon sa Anak sa Diyos didto sa krus. Apan , igsoon, tuyo kini sa Diyos nga pillion niya ang pag- antus og kamatayon – silot nga angay unta kanatong mga maot nga makasasala aron angkonon ni Jesus ang silot sa sala, ug hatagan kita sa kahigayonan sa kaluwasan. Giisip siyang makasasala, aron kita himoong matarong. Giangkon niya ang atong kahuyang, aron kita, pinaagi sa iyang grasya, malig-on. Gidawat niya ang hukom sa mapintas nga kamatayon, aron madawat nato pagbalik ang kinabuhi sa kaluwasan nga gitagana nang daan gikan pa sa sinugdanan alang sa tanang mga pinanggang anak sa Diyos nga mao kita. “Amahan ko, sa imong mga kamut, itugyan ko ang akung kalag.” Adlaw-adlaw, giula ni Jesus ang iyang lawas ug dugo diha sa Santos nga Misa. Apan pila ka higayon nga giyam-iran ta ang iyang kamatayon? Pila ka higayon nga gipili natong mobiya sa pagsimba? Pila ka higayon wa ta mokalawat sa Iyang Lawas uban sa lunsayng kasingkasing? Pila ka higayon nga gipili nato ang sala imbis katarong, ang kahuyang imbis kalig-on, ang kamatayon imbis kinabuhi? Nakawang ba diay ang kamatayon sa atong Ginoo? Gikinahanglan pa ba diayng mokurog ang yuta, mangabuak ang bato, ug lamyon kita sa di maisip nga katalagman, ug kalason ang atong kinabuhi ug sa atong mga minahal, aron lamang mapugos usab kita sa pagtiyabaw “Amahan ko, sa imong mga kamut, itugyan ko ang akong kalag?” Wala makuntento ang mga sundalo sa pagsud-ong sa patay nang lawas ni Jesus nga nagbitay sa krus. Usa kanila milanit sa iyang bangkaw, ug gidughang si Jesus sa iyang kilid, ug dinhi mibuhagay ang dugo ug tubig (Juan 19:34). Sa matag saulod nato sa Santos nga Misa, hilom nga litukon sa pari ang pag-ampo nga nagkanayon, “Pinaagi sa misteryo niining tubig ug bino, makaambit kita sa pagka- Diyos ni Kristo, kinsa miambit sa atong pagkatawo.” Igsoon, kinabuhing Diyosnon ang buot idalit ni Kristo pinaagi sa iyang kamatayon. Ug kini dili unta makawang pinaagi sa atong pagmakuli pagsanong. Kinabuhin Diyosnon diha sa mga sakramento nga iyang gibilin. Kinabuhing Diyosnon diha sa Bunyag ug Kumpirma nga usahay makalimtan sa mga ginikanan nga kulang sa pagkabana. Kinabuhing Diyosnon diha sa sakramento sa Pagkumpisal nga sagad wa tagda sa kalibutan kansang kasingkasing daw gikublan na sa way kahadlok batok sa sala. Kinabuhing Diyosnon sa sakramento sa kasal nga gipakayano na lamang sa mg mansibado ug sa mga nagpuyo-puyo. Kinabuhing Diyosnon diha sa Orden sa Pagkapari nga gilikayan na sa mga batan-on. Kinabuhing Diyosnon diha sa hilog sa masakiton nga tungod sa pagpasagad usahay maapsan na lamang sa kalit na kamatayon. Kinabuhing Diyosnon maoy gasa gikan Kaniya kansang kamatayon nakalimtan na paghandom sa daghan tungod sa kalinga ug way pagkabana.