ANG NAHAUNANG PULONG

“Amahan,Pasayloa Sila Kay Wala Sila Mahibalo sa Ilang Gibuhat”

MAGBABASA:(Manindog ang tanan)

*PAGBASA GIKAN SA SANTOS NGA EBANGHELYO SUMALA NI SAN LUCAS:

Sa pag-abot nila sa dapit nga ginganlag “Ang Kalabera,” gilansang nila si jesus ug ang duha ka
kriminal ang usa sa iyang tuo ug ang usa sa iyang wala.Unya miingon si Jesus “Amahan Pasayloa
sila kay wala sila mahibalo sa ilang gibuhat” (Lucas 23:33-34).

PAMALANDONG:(Manglingkod ang tanan)

(Basahon kini sa kompas apan sa makusog nga tingog.

Paningkamotan sa mag basa nga magagikan gayod kini sa iyang kaugalingon nga puno nsa
kahulogan.)

Aduna akoy usa ka estorya nga isugilon kaninyo karon.Usa ka adlaw niana human sa Pasko sa
1980, ang amahan ni Wilma ggipusil atubangan sa ilang balay sa probinsya.Siya nakigdula uban
sa kinamanghurang anak sa iyang igsoonng babaye diha gayud sa atubangan sa pultahan diin
naigo siya sa us aka bala sa pistola nga miigo sa iyang utok nga maoy hinungdan sa iyang
hinanaling kamatayon.

Ang igsoonng lalaki ni Wilma gutong mobalus batok sa mabangis nga pagpatay sa ilang
amahan,mao nga ilang gipangita ang nagpatay sa ilang amahan,lakip na ang nag sugo
niini.Aduna silay “suspect”o gikatapahan tungod kay ang ilang mga silingan nga nakakita sap ag
pusil,naglarawan nga ang ilang amahan nakigsulti sa maong tawo saw ala pa siya pusila.

Human sap pag lubong, ang tibuok pamilya nagtigum apil niini ang mga igsoon ni Wilma nga
nag larawan sa pagpanimalus tungod sa kamatayon sa ilang amahan.
Apan ang ubang sakop sa pamilya gusto niya itugyan ngadto sa mga kamot sa Dios ang nag
patay sa ilang amahan.Hinuon,ang tanan nag-ampo sa paggiya sa Ginoo, nangamuyo kaniya
sapag-agak kanila sa sakto nga dalan,og ngadto sa mga igsoonng lalaki wala pagyud makahibalo
kon kinsa ang nagpatay sa ilang amahan; aduna lamamng silay gikatapahan.

Apan sa matag higayon nga mag-anibersayo sila sa “birthday” ug sumad sa kamatayon sa ilang
amahan, mag halad silag mga pag-ampo og Misa alang sa kapahulayang dayon sa kalag sa ilang
amahan.Wala sila mag baton og kaligutgut og pagdumot. Ila nang gipasaylo ang nagpatay ug
nag sugo sa pagpatay sa ilang amahan.

“Amahan, Pasayloa sila kay wala sila mahibalo sa ilang gibuhat.”

Tan-awa ra unsa ka manggiloy-on ug pagkama-pasayloon ang atong Ginoong Jesu Cristo.

Bisan klaro kayo nga ang nagpakaulaw,nagdagmal og naglansang kaniya sa krus nakahibalo sa
salaod nga ilang nahimo,apan gipanalipdan sila ni Jesus,gipakawalay sala sila ni Jesus,ug
gipasaylo pa sila sa walay gayoy kondisyon.

Ang mga tawo nga nag pasakit kaniya ug nag lansang kaniya sa krus, iya na gipasaylo
daan bisan wala pa sila nangayo ug pasaylo giha kaniya.Iya pang gihangyo ang Dios Amahan nga
pasayluon unta Niya ang mga tawo nga nag sakit ug nag lansang kaniya sa krus.

Mga igsoon ko dihani Cristo, pagkabulahan gayud natong mga tawo nga nakabaton og
Dios nga mahigugmaon, manggiloy-on ug mapasayloon. Pagkabulahan gayud natong mga tawo
kay pinalangga kita sa Dios labaw sa tanang mga butang ug mga binuhat sulod ning kalibutan.

“Amahan Pasayloa sila kay wala isla mahibalo sa ilang gibuhat”

Ang tinuod mao nga ang Dios maoy unang mipasaylo kanato. Ug tinabangan Sa iyang grasya, kita
usab makapasaylo sa mga tawo nga nakasala kanato. Ang Dios dli”maulahi kanato” Ang iyang
grasya kanunay gayong nag-una.
 Ang sambingay ni Cristo mahitungod sa ulipon nga wala mapasaylo makahatag kanatog
yawi sa hustong panabotn(cf.Mateo 18:21;CCC 2843)

Ang sambingay nagdala og tulo ka mahinungdanong kamatuoran.

Una, nga ang pasaylo sa Dios nag-una sa atong pagpasaylo

Ikaduha, nga ang tawhanong pagpasaylo nanukad diha sa gugma

Ikatulo, nga ang pasaylo sa Dios matuman lamang dinhi kanato ato kining dawaton ug
himuon nga kabahin sa atong pakiglambigit sa uban.

“Amahan,pasayloa sila kay wala sila mahibalo sa ilang gibuhat.”

Miingon siya: “Higugmaa ang imong kaaway.” Daw mura man kini og
binuang. Possible ba gud kining mahitabo? Ato kunong usisahon ang pangatarungan ni Jesus.Si
Jesus miingon nga kon mahigugma kamo sa mga tawo nga nahigugma kaninyo wala kamo’y
kalainan sa mga kobrador sa buhis ug mga Hentil kay sila nag buhat man niana.Apan kon kamo
mahigugma sa inyong kaaway, tungod niana, kamo nakahimo labaw sa inyong tawhanong
katakus ug kapasidad.Dalaygon kini kayo. Maghimo kitang hingpit ingon nga ang langitnong
Amahan hingpit.

Apan unsa man ang gikinahanglan sa tinuod nga paghigugma sa kaaway? Ang
gikinahanglan mao ang PAGPASAYLO. OO,ang pagpasaylo sa atong mga kaaway, ang
pagpasaylo niadtong nagdumot ug nag lutos kanato,pagpasaylo sa tawong nagsakit pag-ayo
kanato. Mao kini ang buot ipasabot ni Jesus sa dihang miingon Siya nga higugmaa ang

Imong kaaway.

Mga igsoon ko diha ni Cristo, ang “pagpasaylo” naglangkob dili lamang sa pagkuha sa
kaligutgut batok sa nakasala o sa dili pagpanimalos. Dili gani “paghikalimot” lamang sa sala
nga nabuhat. Kondili,nagkahulugan kini sa pagluwas sa makasasala, paglingkawas kaniya sa
tanang obligasyon, paghiuli sa naguba nga relasyon.

“Amahan,Pasayloa sila kay wala sila mahibalo sa ilang gibuhat.”

Ang pagpasaylo dili us aka pagbati,usa kini sa DESISYON.Usa kini ka desisyon nga atong
pagahimoon matag karon og unya.Ato kining makat-onan gikan sa gipakita ni Jesus. Mihimo sya
ug desisyon ug miingon,”Amahan,Pasayloa sila kay wala sila mahibalo sa ilang gibuhat.” Iya
kining nalitok sa iyang mga ngabil bisan tuod nagbitay sya sa ibabaw sa krus atubangan sa mga
tawo nga naglansang kaniya sa krus. Yano kayo niyang gipakita nga gusto siyang motunol ug
moagakay sa nagsakit kaniya diha sa iyang MAPASAYLOONG GUGMA.

Hinumdomi kini:Kona ng atong mga kasakitan ug mga pag-antus makatumbas gani sa kasakitan
nga naagwanta ni Jesus,tingale aduna kitay rason nga dili kita makapasaylo. Apan kondili,aduna
usab kitay igong rason sa pagpasaylo sa mga tawo nga nakasala kanato. Kon si Cristo, nga us aka
tawo, nakahimo sa pagpadayag sa pagpasaylo sa panahon sa iyang makauulaw nga kasinatian
ibabaw sa krus, nganong dili man kita makahimo sa ingon? Sa pagkatinood, si Wiliam Meninger
diha sa iyang libro “Ang Proseso sa pagpasaylo” nagsulat:”Ang pagpasaylo,gikinahanglan gayud
sa kinaiyahan sa lalaki ug babaye. Dili lamang kini balaanon, usa usab kini ka tawhanon. Ang
Ginoo nagsugo niini tungo kay kon dili kita makapasaylo, moubos ang atong pagkatawo,apan
kon kita makapasaylo, mosaka pa ang atong dignidad isip tawo nga gibuhat sa Dios sama sa
iyang larawan ug kasamahan.

“Amahan, Pasayloa sila kay wala sila mahibalo sa ilang gibuhat”

Daghang ginikanan ang wala pa makatungod sa ilang misyon. Labing tinuod, mapasaylo sila sa
maluloy-onong Ginoo. Apan alang sa bata nga wala magtubo sa kinabuhing Diosnon motuhop
kaha sa iyang kasingkasing ang diwa sa pasaylo?

Tungod sa kinaiya bsa tawo nga nahiagom sa sala nga panulondon, dili sayon ang
pagpinasayloay kon wala kini bansaya sa panimalay. Gani madungog man nato ang kabahin sa
mga magtiayon nga nagpinatyanay, sa mga bana ug asawa nga nagbudhiay.Bisan sa atong
kasilingan, makabungog ang kahilom niadtong mga igsoon nga nagbinungulay. Ug dili ba sagad
man natong hidunggan ang pagsinumbagay?
Diha sa banay makat-onan ang pagpasaylo. Apan ang pagpinasayloay kauban sa
panaghigugmaay. Kon adunay pagminahalay, sayon na ang pagpasayloay. U gang pagpasayloay
makapalambo sa paghigugmaay.

Mga igsoon ko diha ni Cristo:karon nga naghandum kita sa masakit ug mapait nga kamatayon ni
Cristo sa krus, gitudloan kita nga gipasaylo kita sa Dios. Sugdan ta usab ang pagpasaylo sa sakop
sa atong panimalay. Kinsa man kaha ang giisip mong kaaway? Ang imo ba kahang amahan o
inahan? Imo bang anak o igsoon? Uyoan o Iyaan? Paryente o silingan? O bisan kinsa siya. Ang
Dios nagtawag kanato karon nga kita makapasaylo sa tanan nga nakasala kanato karon nga kita
makapasaylo sa tanan nga nakasala kanato sa wala gayoy kondisyon.

Sama nga si Jesus nag-ampo sa iyang Amahan sa grasya pagpasaylo sa iyang mga kaaway,
kita usab, gitawag sap ag-ampo sa grasyo sa pagpasaylo sa sa mga tawo nga nagsakit
kanato.Oo, bisan ang atong desisyon sa pagpasaylo, usa ka grasya nga nagagikan sa atong
Ginoo. Kining maong grasya makatabang sa pag-ayo sa naguba natong relasyon sa atong isigka
tawo.Kining maong grasya makahimo ug milagro sa pakighiuli nato sa atong mga kaaway ug sa
mga tawo nga lisod kayo natong pasayloon ug higugmaon. Ginoo, mapaubsanon akong
mangayo sa imong kasingkasing sa pagpasaylo ug paghigugma sa tanan nga nakasala kanako.

Diha sa miaging tuig, atong gisaulog ang “Tuig sa Pagtuo”(Year of Faith)

Karong tuiga,atong gisaulog ang “Tuig sa mga Lagyo”(The Year of tge Laity).Nagsugod kini
niadtong Disyembre 1,2013 hangtud sa Nobyembre 2014. Ang tema niini mao: GITAWAG NGA
MABALAAN…GIPADALA NGA MGA BAYANI,” “Ang Balaang mga bayani” maon ang panaw sap
agtoo nga nagagamot diha sa mga sakramento sa Bunyag ug Kumpirma, nga nagatudlo sa mga
bili sa mga bayani nga naghalad sa ilang mga kinabuhi alang sa atong kagawasan ug niining
atong bag-ong panahon nga nagpuyo sa ilang pagtuo pinaagi sa ilang bayanihong mga buhat
diha sa ilang ordinaryong kinabuhi. Labot pa, mga modelo sa pagtuo ug pagkasumusunod nga
gipanguluhan sa atong Inahang Maria, nagtawag kanato sa pagkalat sa seryosong pagkahimong
balaan diha sa atong pagtuo ug mga bayani diha sa atong mga buhat. Sa katapusan, ang duh
aka tawag,isip us aka santo ug us aka bayani. Mao kana ang Espirito sa Dios, sa ngalan sa atong
Ginoong Jesukristo,pinaagi sa Espirito Santo nga nag palihok kanato aron kita mahimong
“Balaang Bayani.” Amen.
 IKADUHANG PULONG
“Sultihan ko ikaw, Karong Adlawa
Adto Ka sa Paraiso uban Kanako”
MAGBABASA: (Manindog ang tanan)
 PAGBASA GIKAN SA SANTOS NGA EBANGHELYO SUMALA NI SAN LUCAS:
Unya, usa sa mga kriminal na nagbitay didto mibugalbugal kaniya, “Dili ba ikaw
mao man ang Mesiyas?
Luwasa ang imong kaugalingon ug kami!”
Apan gibadlong siya sa iyang kauban nga nag-ingon, “Wala k aba mahadlok sa
Dios? Kita ania dinhi gisilotan sa mao rang silot. Apan ang silot natong duha angay
kanato, kay gisilotan man kita sibo sa atong nabuhat, apan siya walay sala.” Ug miingon
siya kang Jesus, “Sultihan ko ikaw, karong adlawa adto ka sa Paraiso uban kanako”
(Lucas 23:39-43).
PAMALANDONG: (Manglingkod ang tanan)
(Bashon kini sa kompas apan sa makusog nga tingog. Paningkamotan sa magbasa nga
magagikan gayod kini sa iyang kaugalingon nga puno sas kahulogan.)

Sa pagkadungog sa pagsulti ni Jesus sa pagpasaylo, usa sa duh aka kawatan nga

nagbitay sa krus duol ni Jesus naga-ingon lamang: “Jesus, hinumdomi intawn ako kun
maghari kana.” Usa kini ka kinasingkasing nga paghangyo. Tingale, mao lamang kini ang
kalipay nga iyang gipaabot gikan sa usa ka tawo nga mao pay ilang pagkita apan mituo
siya nga Siya Dios. Nakahibalo siya nga dili lamng siya kawatan kondili usa usab ka
makasasala. Ang laing criminal usab nagbitay sa walang bahin duol ni Jesus misinggit:
“Dili ba ikaw mao man ang Mesiyas? Luwasa ang imong kaugalingon ug kami.” Ang
maayong tulisan nibadlong sa iyang kauban nga nag-ingon:

“Wala ka ba mahadlok sa Dios? Kita ania dinhi gisilotan sa mao rang silot.
Apan ang silot natong duha angay kanato, kay gisilotan man kita sibo sa atong nabuhat,
apan siya walay sala.” (Lucas 23:40-41).

Uban sa tumang pagpaubos, kining maong maayong tulisan nakahibalo kon

kinsa siya, kon unsa ang iyang gibuhat ug kon dis-a siya gikan. Wala gayod siyay
ikapanghambong sa iyang kaugalingon og gusto siya nga ang iyang kaubang tulisan
makasabot usab sa iyang gihimo, og mag-usab usab siya sa iyang kinabuhi. Ang iya
lamang gipangayo ni Jesus mao ang paghinumdom kaniya kon moadto na siya sa Iyang
Ginharian. Ang iayng gipangandoy mao lamang nga mahinumduman lamang siya human
sa iyang kalibutanong kinabuhi.

Kining pagahinumduman kita maoy lawom nga pangindahay sulud sa atong

mga kasingkasing. Kon dili kita hinumduman panahon sa mga espesyal nga higayon sa
atong kinabuhi sama sa atong birthday, bation kitag kasakit, dili ba? Pila kaha ka mga
higayon nga nakalimtan kita sa atong minahal sa kinabuhi, mga higala, o mga kaila? Isip
tawhanon nga kinaiya, magpaabot kita nga hinumduman sa mga tawo tungod kay niining
paagiha mobati kita nga buhi ug gimahal. Ang binali niining tanan mao nga gusto kitang
mahinumduman sa mga tawo, pero daghang mga panahon nga kita hinuon ang daling
nalimot. Oo, dali ra kitang makalimot sa mga tawo nga suod kanato. Dili ba tinuod nga
daghang mga panahon nga dali ra kitang makalimot ngato sa mga tawo nga mipakita ug
maipabati kanatog gugma sama sa atong mga ginikanan, mga igsoong lalaki ug babaye,
mga higala og bisan sa atong kauban sa trabaho? Adunay us aka panultihon: “Ang
pagpasalamat mao ang tinuod nga paghinumdum nga kasingkasing.” Ang paghinumdum
mao ang pagkamapasalamaton. Mapasalamaton ba pod kita sa atong isigkatawo?

Apan si Jesus na mitanyag kanato og labaw pa sa paghinumdum. Siya

mihatag sa maayong kawatan sa Paraiso. Ato kanunay’ng nadungog nga ang maaayong
tulisan diha sa katapusan sa iyang pagginhawa nakakawat og us aka butang – iyang
gikawat ang LANGIT. Ug ang pagkawat sa langit sa pagkatinood us aka kalipay ug
katagbawan sa kalag na tawo. Apan ang ganti sa paraiso ngadto sa maayong tulisan
nagpasabut og dugang pang butang. Kini nagpakita unsa ka makanunayon ang iyang
pagdawat sa mga makasasala.

Oo, si Jesus modawat kanatong tanan ngadto sa iyang ginharian bisan unsa
pa ang atong gibuhat basta kay kita mangayo sa iyang mahigugmaong kalooy. Daghang
mga panahon, ang hinungdan nganong daghang mga tawo nga mahiadto sa Impiyerno
tungod kay ila kining kaugalingong pagpili. Mihukum sila nga sila magpakasala – silang
tanan tungod kay wala sila magpaubos sa pagdawat sa ilang mga kasaypanan ug
kapakyasan. Ilang gitugutan ang GARBO mopatigbaw sa ilang kinabuhi. Ug tungod
niini, ang Ginoo dili makasulod sa ilang kinabuhi. Hinumdumi ang tawag ni San Maeo:

“Unya mibiya si Jesus niadtong dapita ug samtang nagkalat siya, nakita niya ang us aka
kobrador sa buhis nga ginganlag Mateo, nga naglingkod sulod sa iyang opisina. Miingon
si Jesus kaniya, “Sunod kanako.” Ug mitindog si Mateo ug misunod kaniya. Samtang
nagkaon si Jesus didto sa balay ni Mateo, may daghang kobrador sa buhis ug mga
makasasala nga miduol ug misalo kaniya ug iyang mga tinun-an. Nakakita niini ang
pipila ka Pariseo ug miingon sa iyang mga tinun-an, “Nganong nakigsalo man ang inyong
Magtutudlo sa mga kobrador sa buhis ug sa mga makasasala?” Nakadungog si Jesus
kanila ug mitubag, “Ang mga tawo nga walay sakit wala magkinahanglag doctor, kondili
ang masakiton ra. Lakat ug susiha ninyo kon unsay kahulogan niining bahina sa
Kasulatan nga nag-ingon, “Wala ako magkinahanglan ug mga halad nga mananap,
kondili kaluoy.’ Kay wala ako moanhi aron pagtawag sa mga matarong, kondili sa mga
makasasala” (San Mateo 9:9-13).

Ang mga Pariseo nagtuo sa ilang kaugalingon nga matarong sila kayo. Ilang
gisalikway dili lamang ang mga makasasala apan lakip na niini ang moduol ug matabang
sa mga makasasala. Si Jesus nisupak sa ilang pamaagi pinaagi sa iyang pagpakig-uban sa
mga makasasala. Nakigsalo siya sa pagpangaon ni Mateo ug sa iyang mga higala. Wala
siya mahadlok nga hukman siya sa mga Pariseo nga nahugaw tungod sa iyang pagkuyog
sa mga “hugaw” nga mga makasasala ug mga kobrador sa buhis. Diha sa iyang pakig-
uban kanila, nitanyag siyag kalooy. Nitanyag siyag gugma.

Kitang tanan makasasala. Apan adunay mga tawo nga nagtuo nga tungod sa
ilang pagkamakasasala, lisud gayud kayo ang pagbalik ngadto sa Ginoo. Kabahin sa
atong Ginoo, wala kiniy problema. Siya maipalubong naghulat kanato nga magpaubos
kita sa sa atong kaugalingon og atong bag-ohon ang atong personal nga relasyon diha
kaniya. Ang problema anaa lamang kanato. Daghang mga panahon nga kon makasala
kita, bation nato ang dili na kita angayan madugtong pag-usab sa Ginoo. Tungod niini,
bation kitag kaulaw nga moduol sa Ginoo og sa pagtu-id ug pagtarong sa atong kinabuhi.
Sa unang bahin, dili gayud mayo nga bationkitag kaulaw sa pagbalik ngadto sa Ginoo.
Ug sa ikaduhang bahin, mosamot pa gayud kadautan kon ang ubang tawo kawad-an na sa
pagbati sa sala diha sa mga dautang buhat nga ilang nahimo. Kasagaran, ang atong garbo
maoy magpugong kanato sa pagsalikway sa sala. Atong tagaan og dakong luna ang
Ginoo nga maoy mobuntog sa mga sala pinaagi sa iyang mahigugmaong kalooy.

Usa ka klaro nga kamatuoran nga ang Dios andam kanunay sa iyang
mahigugmaong kalooy mao ang sacrament sa Pagkompisal. Si San Juan Maria Vianney
us aka santo nga pari nihatag og kasiguroan nga ang kalooy sa Dios anaa andam kanunay
sa matag us aka makasasala diha sa iyang panahon. Nagpakompisal siya sa iyang mga
parokyannos didto sa Ars, France, sa taas kayo nga mga oras matag adlaw. Daghang mga
tawo gikan sa nagkalain-laing dapit sa France niadto sa iyang parokya aron sa pagsinati
sa kalooy sa Dios pinaagi sa sakramento sa pagkompisal. Tungod niini, daghan kayo
ang nakabig ngadto sa atong Ginoo.

Ang sakramento sa pagkompisal kanunayng andam ug naghulat kanato.

Gihatagan kitag bulawanong kahigayonan nga makabalikkita ngadto sa Dios. Kita ang
makasasalang gihigugma sa Dios. Matud pa sa panultihon nga nag-ingon: “Ang kalooy
usa ka manggiangayong hangyo.” Ania kita sa atubangan sa mabination ug manggiloy-on
nga Dios – ang Dios nga ang Iyang tinguha mao nga kitang tanan makasulod sa
Gingharian sa langit. Sama sa maayong tulisan, atong ipaubos ang atong kaugalingon og
magsugod kita sa pagpangayo sa kalooy, pasaylo, panalangin ug mga grasya sa atong
Ginoong JesuKristo.

Ang “Tuig sa mga Laygo” us aka bahin sa pagpangandamalang sa ika

th
500 year anniversary sa Unang Misa ug Unang Pagbunyag dindi sa atong nasud. Matud
pa ni Archbishop Socarates B. Villegas, D.D., Archbishop of Lingayen-Dagupan ug
CBCP President, “His Holiness, Papa Francisco diha sa usa sa iyang mga homiliya sa
mga batan-on nagdasig kanila, “Lakaw, ayaw kahadlok, ug pag-alagad”. Ang iyang
makapadasig nga homiliya nagpadayon uban sa sugyot kon unsaon kini sa paghimo,
“Awiti ang Ginoo og bag-ong awit” (Salmo 95: 1). Unsa man kining bag-ong awit? Wala
kini magagikan sa mga pulong, dili kini ang tono, kini mao ang awit sa imong kinabuhi,
imong gitugutan ang imong kinabuhi nga matino nga uban ni Hesus, kini mao ang pag-
ambit sa iyang mga pagbati, sa iyang mga hunahuna, sa iyang mga buhat. (WYD 2013,
Brazil).

Matud pa ni Msgr. Jesse E. Mercado, D.D., Chairman, Episcopal Comission on the

laity, “Diha sa kahayag sa pagtawag kanato niining tuig sa mga Laygo, tuguti ako sa
pagpa-ambit kaninyo sa mga pulong sa atong Santo Papa Francisco nga nagkanayon,
“Kamo mao ang ggasa u gang bahandi diha sa Simbahan! Kanunay’ ang dad-a ang
gahum sa Ebanghelyo! Ayaw kamo kahadlok! Kanunay’ng bati-a ang kalipay ug kadasig
alang sa kahiusahan sa Simbahan!” (Angelus, 19 May 2013).

Matud pa usab ni Msgr. Jose Antonio Galves, Coordinator, HOLY-HEROES

Formation team, Lay (Laygo). . . Lay down your heart with the power of the Holy Spirit
at baptism; Lay (Laygo) … Lay down with your life with the power of the Holy Spirit at
confirmation; LAY (Laygo) … Lay down the foundation of our faith, as what our Mother
Mary did; LAY (Hinigugmang Laygo) … you are the key to communion of the future.

Adunay 12 ka gagmay’ng mga butang nga atong mahimo alang sa kaatohan sa

atong nasud nga Pilipinhon.
1. Follow traffic rules. Follow the law
2. Always ask for an official receipt
3. Don’t buy smuggled goods. Buy Local, Buy Filipino
4. Speak positively about us and our country
5. Respect your traffic officer, policeman & other public servants
6. Throw your garbage properly. Segregate, Recycle, Conserve
7. Support your Church
8. During elections, do your solemn duty
9. Pay your employees well
10. Pay you taxes
11. Adopt a scholar or a poor child
12. Be a good parent, teach your kids to love our country. (by Alexander
Lacson)

Niining atong pagsaulog sa tuigg sa mga Laygo, atong pangayoon ang

panalangin ug grasya sa atong Ginooong JesuKristo nga makabuhat kita
sa atong parte isip Pilipinong Laygo sa pagpauswag sa atong nasud og
nga ang tibuok katawhang Pilipino matuhop sa gugma sa Dios aron
kitang tanan magkinabuhing “Balaang mga Bayani.” Mag-ampo gayud
kita matag adlaw. Magrosaryo gayud kita matag adlaw. Amen.