Slide TEXT 1 Good ___ brothers and sisters. Natapos na po ang Pasko at Bagong Taon, pero parang dama pa rin natin ang Pasko, di po ba?. Yun pong mga nagdaang linggo ng preparasyon para sa season na ito, hindi ba nakakamangha kung paano tayo lubos na naging busy? Kabi-kabilang shopping, pag-iisip ng mga pangregalo, pag-iisip din ng ihahanda sa Pasko’t Bagong Taon, paghahanda sa out-of-town trips, etc. 2 Pero, looking back, at siguro, para na rin sa isang mas malawak na perspective ngayong Bagong Taon, magbalik-tanaw tayo kung paano ba natin pinaghandaan ang pagdating ni Hesus. Hindi po siguro maiiwasan ang pagka-busy natin sa panahon ng Pasko. Busy sa pamilya, mga anak at inaanak, mga kaibigan at busy din ang iba sa mga gawaing Simbahan. 3 Sa gitna ng kasiyahang ito, ay ang katotohanang marami rin ang nag-iisa, nalulungkot, natatakot at nangungulila. Yung iba naman, maaring napapaligiran nga ng pansin at pagmamahal subali’t nahaharap sila sa mabigat na pagdurusa – may sakit na cancer, may asawang nasa bingit ng kamatayan, may anak na alibugha. 4 Mayroon din tayong mga kapatid na nasa war-torn areas, yung hindi natitigil ang digmaan. Lahat sila ay biktima ng kadilimang lumaganap dahil sa kasalanang nagawa at patuloy na ginagawa natin. Paano nga ba magdiriwang ang mga taong nasa ganitong nakahahapis na kalagayan? 5 Ito po ang sitwasyon ng mundo, kung kaya’t lalo lang nagiging mas obvious na kailangan talaga natin ng isang Tagapagligtas. Isang Mesiyas na mag-aalis ng kadiliman at magpapakita ng pag-asa, pagmamahal at daan kung saan wala nang lungkot, wala nang sakit, wala nang digmaaan at wala nang kasalanan. 6 Alalahanin natin na ang Mesiyas na pinakahintay-hintay ng mundo ay dumating, hindi bilang isang Hari. Bagkus, siya’y isinilang na isang munting sanggol na mahina at kailangan pa ng pag-aaruga. Lumaki Siya bilang isang paslit at isang abang karpintero sa mundong may mga ulila, may sakit, may digmaan, may poot at may pagkahapis. Emmanuel – God with us, ang Diyos ay kapiling natin. 7 Totoong ang Diyos ay dumating at bagama’t inako Niya ang lahat ng ating kasalanan, inatasan din Niya tayong maging munting “mesiyas” din sa ating kapuwa: Pakainin ang nagugutom, painumin ang nauuhaw, bisitahin ang may sakit at mga bilanggo, maging daan ng kapayapaan. 8 Kung kaya’t matapos tayong magsaya, mag-party, magpalitan ng regalo, magpakasasa sa pagkain at inumin nitong nakaraang Pasko’t Bagong Taon, huwag nating sayangin ang ginawa nating preparasyon noong Advent. Itanong natin sa ating sarili, “Handa ba akong maging “Kristo” sa aking kapuwa? Handa ba akong patuluyin si Kristo sa aking puso upang matularan ko ang Kanyang gawa at kaisipan? 9 Ngayong Bagong Taon, sana ay mapatunayan nga natin na si Kristo ay nasa atin. Emmanuel – God with us. Katulad ni Hesus, damayan nawa natin ang ating mga kapatid sa kanilang paghihirap; 10 Katulad ni Hesus, maging liwanag nawa tayo na magpapakita ng pag-asa sa natatakot, nalulungkot, naliligaw at nalilito.
11 Katulad ni Hesus, tanggapin nawa natin ang mga mumunting paghihirap
sa ating buhay at ialay ito bilang panalangin para sa nakararanas ng mas malubhang pagdurusa;
12 Katulad ni Hesus, nawa’y makapag-ambag tayo ng lunas sa mga hinaharap
na problema ng mga nakapaligid sa atin;
13 Katulad ni Hesus, makapaglaan nawa tayo ng ilang saglit, sa gitna ng ating
kabusy-han, na manalangin sa Diyos, sapagka’t higit itong mahalaga kaysa anumang tungkuling ating ginagampanan.
14 Sa ating pagpupunyagi na maging katulad ni Hesus, na laging dumadamay
sa mga kapos-palad, umaakay sa mga nawawala, nagbibigay awa sa mga api at saya sa mga nalulumbay, ay nagiging tunay na kapiling natin si Hesus. Nagaganap ang tunay na Emmanuel – God is with us, at napararating natin ang Diyos sa mga taong hindi Siya matagpuan. Manatili nawa Siya na kapiling natin sa buong taon at sa mga susunod pang panahon. Happy New Year po sa lahat!