BMC, nagpuon na sa COVID-19 Testing, guidelines nai-released. .

Press Release, May 28,2020

An Bicol Medical Center (BMC) kan siyudad nin Naga nagpuon na sa COVID-19 Testing ngunyan sa paagi
kan Rapid PCR Testing o GeneXpert Testing pakatapos marisibi an lisensya para mag-operar (LTO) hali sa
Health Facility and Services Regulatory Bureau (HFSRB) kas udma, May 27, 2020. Kinaamayan, nakaresibi
nin sertipikasyon hali sa Research Institute for Tropical Medicine (RITM) pakatapos mag-agi o undergo sa
proficiency asin competency assessment.

Sa per guidelines na ipinaluwas kan Department of Health Center for Health Development-Bicol, an BMC
testing laboratory ma-cater sag abos na probinsya kan Camarines Sur kaiba na an Siyudad nin Naga asin
Camarines Norte. An testing gigibuhon puon Martes hanggang Dominggo sa oras na 6:00 nin aga
hanggang 6:00 nin hapon kaiba an mga aldaw na holiday. An lunes naka schedule bilang
decontamination kan laboratory.

Alas nuwebe nin aga (9:00 AM) an Cut-off time kan pagresibi nin specimens na hali sa Camarines Sur
kaiba an siyudad nin Naga samantalang Alas Dose nin pagkaudto (12:00 NN) an cut-off time kan
Camarines Norte. An mga samples na naresibi lampas sa cut-off kan oras, ipo-proseso sa masunod na
aldaw.

Dahil sa limitadong kapasidad, 40 na sample sana ang kayang e-test kada aldaw sa Dose oras na
operasyon gamit an 4-placer GeneXpert Testing Machine. Pareho an Camarines sur dangan siyudad nin
Naga na an may 15 alloted slots samantalang an Camarines Norte may allotted slots na sampulo (10).
An probinsiya/ siyudad pwede magpadara lampas sa saindang allocated slots pero ini maitatao sa mga
masuruod na aldaw.

An pasilidad tig-advised na makikordinar sa Bicol Medical Center Hospital Epidemiology and Surveillance
Unit (HESU) asin sa Regional Epidemiology and Surveillance Unit (RESU) bago magpadara kan saindang
samples sa BMC testing laboratory.

An BRDL sa ngunyan nag-provide nin training para sa PCR Testing.

An Bicol Regionla Diagnostic and Reference Laboratory (BRDRL) kan siyudad nin Legazpi na-recognize
kan Department of Health (DOH) bilang saro sa siyam na training provider na Hands-on sa PCR Testing
kan bansa , Per Department Circular no. 2020-0205 kan Mayo 7, 2020. Ini bilang argumento kan RITM
asin NTCBB-UP-NIH sa pagprovide nin training para sa mga aplikante sa Testing Laboratories.

An mga aplikante na interesado na mag-undergo nin hands-on PCR Training sa nabanggit na sub-
national laboratoty dapat mag-signify kan saindang intent sa paagi kan pagsurant nin letter of request na
naka-addressed sa Ofiice of the Secretary, Public Health Services Team. An Assistant Health Secretary of
the Public Health Services Team dapat maki-coordinate asin match sa aplikante kan sub-national COVID-
19 testing center na pinaka-accessible para digdi.

An BRDRL dapat magsunod sa programa kan Research Institute for Tropical Medicine (RITM) bilang
training provider. An sertipiko kan training na itatao kan BRDRL dapat inako bilang compliance sa DOH
licensing requirements.