Patnubay para sa Masiglang Pakikibahagi sa Pagdiriwang ng Banal na Misa

28 Pebrero 2021 Ika-2 Linggo ng Kuwaresma Taon B

Ang Nagpapasigla sa Kalooban ng mga Alagad

I
pinagdiriwang natin ngayon ang Ikalawang Linggo sa Panahon ng
Kuwaresma. Ito ay ang apatnapung araw ng pananalangin, pagpa-
pakasakit, at pagkakawanggawa bilang paghahanda sa pagdiriwang
ng pagpapakasakit, pagkamatay, pagkalibing, at muling pagkabuhay ng
Panginoong Hesukristo. Hindi madaling harapin ang mga katotohanang ito.
Ang mga ito ay mahirap kay Hesus at lalo nang mahirap para sa kanyang
mga alagad. Kaya kailangan ng mga alagad ng magpapasigla sa kanilang
kalooban. Ito ang diwa ng pagbabagong-anyo ni Hesus sa Bundok ng
Tabor. Hangad nitong palakasin ang loob nina Pedro, Santiago, at Juan.
May maluwalhating kahihinatnan ang mga paghihirap ng Panginoon. Hindi
ang madugong krus ng kahirapan ang katapusan kundi ang maluwalhating
libingang walang laman. Nananalig tayong ang ating mga pinagdaraanan
sa panahong ito ng pandemya ay may magandang mararating.

humingi tayo sa kanya ng tawad. Panalanging Pambungad

Pambungad
(Ipahahayag lamang kung walang
awiting nakahanda.)
Ako ay iyong tinawag upang
mukha moÊy mamalas. Ang mukha
mo ay marilag, nag-aangkin ng liwa-
nag. Ipakita moÊt ihayag.
Pagbati
P – Ang pagpapala ng ating
Panginoong Hesukristong nag-
bagong-anyo upang pasiglahin ang
kalooban ng kanyang mga alagad,
ang pag-ibig ng Diyos Ama, at ang
pakikipagkaisa ng Espiritu Santo
ay sumainyong lahat!
B – At sumaiyo rin!
Pagsisisi
P – Hangad nating hindi manghina
ang ating kalooban sa harap ng
mga paghihirap at pagsubok sa
buhay. Para sa kahinaan ng ating
tiwala sa dakilang balak ng Diyos,
(Manahimik saglit.)
P –Para sa aming kawalan ng
pananampalataya sa iyong
dakilang balak para sa a-
ming kaligtasan, Panginoon,
kaawaan mo kami!
B – Panginoon, kaawaan mo kami!
P –Para sa aming kakulangan ng
pag-asa sa mga patikim ng
iyong kaluwalhatian at ka-
pangyarihan, Kristo, kaawaan
mo kami!
B – Kristo, kaawaan mo kami!
P –Para sa aming kahinaan ng
pagmamahal sa iyo na siyang
nagbuwis ng buhay upang
mabigyan kami ng maaliwalas
na kinabukasan sa iyong Ka-
harian, Panginoon, kaawaan
mo kami!
B – Panginoon, kaawaan mo kami!
P – Kaawaan tayo ng makapang-
yarihang Diyos, patawarin tayo sa
ating mga sala, at patnubayan tayo
sa buhay na walang hanggan.
B – Amen!
P–Ama naming makapangya-
rihan, iniutos mong pakinggan
namin ang minamahal mong
Anak na iyong kinalulugdan.
Kami nawa’y makapakinabang sa
iyong Salita upang sa pagdalisay
nito sa aming kalooban kami ay
lumigaya sa pagkakita sa iyong
liwanag sa pamamagitan ni He-
sukristo kasama ng Espiritu Santo
magpasawalang hanggan.
B – Amen!
Unang Pagbasa Gen 22:1-2.9.
10-13.15-18
Ang ating sipi mula sa Aklat
ng Genesis ay naglalahad ng pag-
subok kay Abraham. Mahirap ang
kanyang pinagdaanan dahil nais
ng Diyos ang buhay ng kanyang
anak na si Isaac. Ang lugar kung
saan dapat inialay ang buhay ni
Isaac ay sa Bundok ng Kalbaryo

This issue of Patnubay sa Misa may be downloaded for free anywhere in the world. A “love offering” for the continuation of
our apostolate will be appreciated. Please, send your donation to “Word & Life Publications,” our Savings Account is BPI – #
3711-0028-46. Send us a copy of the deposit slip with your name and (email) address for proper acknowledgment. Thank You!
kung saan naman inialay ng Diyos
Ama ang Kanyang Anak na si
Hesus para sa ating kaligtasan.
L – Pagpapahayag mula sa Aklat
ng Genesis
Noong mga araw na yaon, sinu-
bok ng Diyos si Abraham. Tinawag
siya ng Diyos at tumugon naman
siya. Sinabi sa kanya, „Isama mo
ang pinakamamahal mong anak na
si Isaac, at magpunta kayo sa lupain
ng Moria.Umakyat kayo sa bundok
na ituturo ko sa iyo, at ihandog mo
siya sa akin.‰
Pagsapit nila sa dakong itinuro
ng Diyos, gumawa ng dambana si
Abraham. Nang sasaksakin na niya
ang bata, tinawag siya ng anghel
ng Panginoon at mula sa langit ay
sinabi: „Abraham, Abraham! Huwag
mong patayin ang bata. Huwag mo
siyang saktan! Naipakita mo nang
handa kang sumunod sa Diyos, sa-
pagkat hindi mo ipinagkait sa kanya
ang kaisa-isa at pinakamamahal
mong anak.‰
Paglingon niyaÊy may nakita
siyang isang lalaking tupa na ang
mga sungay ay napasabit sa mga
sanga ng kahoy. Ito ang kinuha ni
Abraham at inihandog kapalit ng
kanyang anak.
Mula sa langit, nagsalitang muli
kay Abraham ang anghel ng Pangi-
noon. Wika nito, „Akong Panginoon
ang nangangako sa iyo: yamang hindi
mo ipinagkait sa akin ang kaisa-
isa mong anak, pagpapalain kita.
Ang lahi moÊy magiging sindami
ng bituin sa langit at ng buhangin
sa dagat. Lulupigin nila ang mga
lunsod ng kanilang mga kaaway. Sa
pamamagitan ng iyong lahi, pagpa-
palain ang lahat ng bansa sa daigdig
sapagkat ikaw ay tumalima sa akin.‰
Ang Salita ng Diyos!
B – Salamat sa Diyos!
Salmong Tugunan
B –Sa piling ng Poong mahal,
ako’y laging mamumuhay!
* Laging buhay ang pag-asa,
patuloy ang pananalig, bagamat
ang aking sabiÊy, „AkoÊy ganap nang
28 Pebrero 2021
nalupig.‰ Masakit sa kalooban ng
Poon kung may papanaw, kahit ito ay
iisa, labis siyang magdaramdam.B.
* Panginoon, naririto akong in-
yong abang lingkod, katulad ng
aking ina, maglilingkod akong lubos.
Yamang akoÊy iniligtas, kinalinga
at tinubos. Ako ngayoÊy magha-
handog ng haing pasasalamat, ang
handog kong panalangiÊy sa iyo ko
ilalagak. B.
* Kapag nagsasama-sama ang
lahat ng iyong hirang, sa templo sa
Jerusalem, ay doon ko ibibigay ang
ano mang pangako kong sa iyo ay
binitiwan. B.
Ikalawang Pagbasa Ro 8:31-34
Ang ating pagbasa mula sa
Sulat sa mga Taga-Roma ay nag-
lalahad ng malaking pinuhunan
ni Kristo para sa ating kaligtasan.
Dahil dito, walang makapaghi-
hiwalay sa atin sa pag-ibig ng
Diyos. Ang malaking paghihirap
ni Hesus ay dahil sa kanyang
marubdob na pagmamahal sa
ating lahat.
L – Pagpapahayag mula sa Sulat
ni Apostol San Pablo sa mga
taga-Roma
Mga kapatid:
Kung ang Diyos ay panig sa atin,
sino ang laban sa atin?
Hindi niya ipinagkait ang sarili
niyang Anak kundi ibinigay para sa
ating lahat. Kung naipagkaloob niya
sa atin ang kanyang Anak, hindi ba
niya ipagkakaloob sa atin ang lahat
ng bagay, kasama ng kanyang Anak?
Sino ang maghaharap ng sakdal laban
sa mga hinirang ng Diyos, gayong
ang Diyos ang nagpapawalang-sala
sa kanila? Sino nga ang hahatol ng
kaparusahan? Si Kristo Hesus bang
nasa kanan ng Diyos? Siya pa nga
ang namatay at muling binuhay, at
ngayoÊy namamagitan para sa atin.
Ang Salita ng Diyos!
B – Salamat sa Diyos!
Awit-pambungad sa Mabuting
Balita
B –(Luwalhati at papuri sa iyo,
Panginoong Hesukristo!)
Sa ulap na maliwanag, ito ang
siyang pahayag; ang D’yos
Ama na nangusap: “Ito ang
mahal kong Anak; lugod kong
dinggin ng lahat.”
(Luwalhati at papuri sa iyo,
Panginoong Hesukristo!)
Mabuting Balita Mc 9:2-10
Ang ating Ebanghelyong mula
kay San Marcos ay naglalahad
ng pagbabagong-anyo ni Hesus
na nasaksihan nina Pedro, San-
tiago, at Juan. Sila rin ang tatlong
alagad na makasasaksi sa panan-
angis ni Hesus sa Halamanan ng
mga Olibo. Ang kaluwalhatian ni
Hesus na kanilang namalas ang
siyang magpapasigla sa kanilang
kalooban kapag dumating na ang
oras ng kanyang pagpapakasakit.
P – Ang Mabuting Balita ng Pa-
nginoon ayon kay San Marcos
B – Papuri sa iyo, Panginoon!
Noong panahong iyon, umakyat
si Hesus sa isang mataas na bun-
dok. Wala siyang isinama kundi
sina Pedro, Santiago at Juan. Sa-
mantalang silaÊy naroon, nakita
nilang nagbagong-anyo si Hesus,
nagningning ang kanyang kasuutan
na naging puting-puti, anupaÊt walang
sinumang makapagpapaputi nang
gayon. At nakita ng tatlong alagad
si Moises at si Elias, na nakikipag-
usap kay Hesus.
Sinabi ni Pedro kay Hesus,„Guro,
mabuti paÊy dumito na tayo. Gagawa
po kami ng tatlong kubol: isa sa inyo,
isa kay Moises at isa kay Elias.‰ Hindi
nalalaman ni Pedro ang kanyang
sinasabi sapagkaÊt masyado ang
takot niya at ng kanyang mga kasama.
At nililiman sila ng isang alapaap
at mula ritoÊy may tinig na nagsabi,
„Ito ang minamahal kong Anak.
Pakinggan ninyo siya!‰ Pagdaka,
tumingin ang mga alagad sa paligid
nila at nakitang wala na silang kasa-
ma roon kundi si Hesus.
Habang bumababa sila sa bun-
dok ay mahigpit na itinagubilin sa
kanila ni Hesus: „Huwag ninyong
sasabihin kaninuman ang inyong
nakita hanggaÊt hindi muling nabu-
buhay ang Anak ng Tao.‰ Sinunod
nila ang tagubiling ito, ngunit sila-
silaÊy nagtanungan kung ano ang
kahulugan ng sinabi niyang muling
pagkabuhay.
Ang Mabuting Balita ng Pa-
nginoon!
B – Pinupuri ka namin, Pangi-
noong Hesukristo!
Homiliya
Sumasampalataya
B – Sumasampalataya ako sa Di-
yos Amang makapangyarihan sa
lahat, na may gawa ng langit at lupa.
Sumasampalataya ako kay
Hesukristo, iisang Anak ng Diyos,
Panginoon nating lahat. Nagka-
tawang-tao siya lalang ng Espiritu
Santo, ipinanganak ni Santa Ma-
riang Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
Nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa lahat.
Doon magmumulang paririto at
huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng nanga-
matay na tao at sa buhay na walang
hanggan. Amen!
Panalangin ng Bayan
P –Idulog natin sa Diyos ang ating
hiling na mabigyan ng magpapa-
sigla sa ating kalooban kapag tayo
ay nahaharap sa mga pahirap at
pagsubok sa buhay. Ang ating
sasambitin ay:
B –Amang bukal ng lakas ng loob,
dinggin Mo kami!
* Para sa mga namumuno sa
Simbahan, upang maging masugid
silang alagad na nakikinig sa turo
ni Hesukristong siyang Mesiyas
at Tagapagligtas, manalangin tayo
sa Panginoon! B.
* Para sa lahat ng mga Kristiya-
no sa ating bayan, upang sa taong
ito ng paggunita sa pagdating ng
Pananampalatayang Kristiyano
sa ating kapuluan ay lalo nating
tupdin ang mga turo ni Kristong
magdadala ng kaganapan sa ating
mga mamamayan, manalangin
tayo sa Panginoon! B.
* Para sa mga namumuno sa
ating bansa, upang maitaguyod
nila nang buong tapang ang pag-
laban sa dilim at lungkot lalo na
sa gitna ng COVID-19 pandemic
at nang makabuo sila ng isang
lipunang puno ng mga alagad
ni Hesus, manalangin tayo sa
Panginoon! B.
* Para sa mga taong nagtalaga
ng sarili sa pagpapalaganap ng
Paghahari ng Diyos at naglingkod
sa panahong ito ng COVID-19
pandemic,upang gantimpalaan
sila ng Poong Maykapal para sa
kanilang mga paghihirap at pag-
sasakripisyo, manalangin tayo sa
Panginoon! B.
* Para sa ating lahat na nagka-
katipon sa pagdiriwang na ito,
upang lumakas ang ating loob
na batahin ang lahat ng hirap
para matamo ang kaligayahang
gantimpala ng Diyos para sa mga
tapat niyang alagad, manalangin
tayo sa Panginoon! B.
* Tahimik nating ipanalangin
ang ating mga sariling kahilingan.
(Tumigil sandali.)
Manalangin tayo! B.
P – Ama naming mapagpala,
isinugo mo ang Iyong Anak na lu-
bos mong kinalulugdan. Puspusin
Mo kami ng Banal na Espiritu at
nang kami’y maging masigasig
na alagad ng Iyong Anak na si
Hesukristong aming Tagapaglig-
tas at Panginoon magpasawalang
hanggan.
B – Amen!
P – Manalangin kayo . . .
B – Tanggapin nawa ng Pangi-
noon itong paghahain sa iyong
mga kamay sa kapurihan niya at
karangalan, sa ating kapakina-
bangan at sa buong Sambayanan
niyang banal.
Panalangin ukol sa mga Alay
P–Ama naming Lumikha, ang
paghahaing ito ay magdulot
nawa ng kapatawaran ng aming
mga kasalanan at magpabanal
sa aming buong katauhan para
sa pagdiriwang ng Pasko ng
Pagkabuhay sa pamamagitan ni
Hesukristo kasama ng Espiritu
Santo magpasawalang hanggan.
B – Amen!
Prepasyo ng Kuwaresma
P – Sumainyo ang Panginoon!
B – At sumaiyo rin!
P – Itaas sa Diyos ang inyong puso
at diwa!
B – Itinaas na namin sa Panginoon!
P – Pasalamatan natin ang Pangi-
noong ating Diyos!
B – Marapat na siya ay pasala-
matan!
P–Ama naming makapangya-
rihan, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
Nang maipagtapat niya sa
mga alagad na siya’y laang ma-
matay para sa lahat, sa kanila’y
kanyang ipinamalas ang kanyang
sariling puspos ng liwanag. Ang
iyong mga Utos at mga Propeta
ay pawang mga tagapagpatunay
niya sa pagkakatalagang para sa
kapwa’y magdusa upang akayin
ang lahat sa pagkabuhay na ma-
ligaya.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B – Santo, santo, santo Pangino-
ong Diyos ng mga hukbo. Napu-
puno ang langit at lupa ng kada-
kilaan mo. Osana sa kaitaasan!
Pinagpala ang naparirito sa
ngalan ng Panginoon. Osana sa
kaitaasan!
Pagbubunyi
B –Sa krus mo at pagkabuhay
kami’y natubos mong tunay,
Poong Hesus naming mahal,
iligtas mo kaming tanan ngayon
at magpakailanman.
B – Ama namin . . .
P – Hinihiling namin . . .
B – Sapagkat iyo ang kaharian at
ang kapangyarihan at ang kapu-
rihan magpakailanman! Amen!
Paanyaya sa Kapayapaan
Paghahati-hati sa Tinapay
B – Kordero ng Diyos na nag-aalis
ng mga kasalanan ng sanlibutan,
maawa ka sa amin. (2x)
Kordero ng Diyos na nag-aalis
ng mga kasalanan ng sanlibu-
tan, ipagkaloob mo sa amin ang
kapayapaan.
Paanyaya sa Pakikinabang
P – Ito si Hesus, ang pinakama-
mahal na Anak ng Diyos Ama.
Siya ang Kordero ng Diyos na
nag-aalis ng mga kasalanan ng
sanlibutan. Mapalad ang mga
inaanyayahan sa kanyang piging.
B – Panginoon, hindi ako kara-
pat-dapat na magpatuloy sa iyo
ngunit sa isang salita mo lamang
ay gagaling na ako.
Ika-2 Linggo ng Kuwaresma (B)
 Antipona ng Pakikinabang
(Ipahahayag lamang kung walang
awiting nakahanda.)
Ito ang Anak kong mahal, na aking
kinalulugdan ng buo kong kalooban.
Siya ay inyong pakinggan at sundin
sa pangangaral.
Panalangin Pagkapakinabang
P – Ama naming mapagmahal,
kaming pinapakinabang mo sa da-
kilang pagliliwanag sa bagong an-
yo ng iyong Anak ay tumatanaw
ng utang na loob sa iyo sapagkat
kahit ngayon pa man sa lupang
ibabaw pinapagsasalo mo na kami
sa kariktan ng kalangitan sa pama-
magitan ni Hesukristo kasama ng
Espiritu Santo magpasawalang
hanggan.
B – Amen!
P –Sumainyo ang Panginoon.
B –At sumaiyo rin!
P –Magsiyuko kayo at ipanala-
ngin ang pagpapala ng Diyos.
(Manahimik saglit.)
– Nagagalak kayo sa pagba-
bagong-anyo ng Panginoon.
Puspusin niya nawa kayo ng
kanyang liwanag sa inyong
buhay.
B –Amen!
P –Iadya niya nawa kayo sa lahat
ng masama at gabayan kayo
sa landas ng pagmamahal at
kapayapaan.
B –Amen!
P –Itulot niya nawa na kayo’y
maging bukal ng kasiyahan
at kaliwanagan para sa lahat
ng nagdurusa o nababalisa.
B –Amen!
P –Pagpalain kayo ng makapang-
yarihang Diyos: Ama, Anak,
at Espiritu Santo.
B –Amen!
P –Humayo kayo sa kapayapaan
upang mahalin at paglingkuran
ang Panginoon.
B – Salamat sa Diyos!
Don Bosco Compound, A. Arnaiz Ave. cor. Chino Roces Ave., Makati, Metro Manila
Postal Address: P.O. Box 1820, MCPO, 1258 Makati, Metro Manila, Philippines
WORD & LIFE Tel. Nos. 8894-5401; 8894-5402; 8892-2169 • Telefax: 8894-5241 • Website: www.wordandlife.org
PUBLICATIONS • E-mail: marketing@wordandlife.org; wordandlifepublications@gmail.com • FB: Word & Life Publications
• Editorial Team: Fr. S. Putzu, Fr. R. Lagaya, C. Valmonte, V. David, J. Domingo, A. Vergara, D. Daguio
• Illustrations: A. Sarmiento, B. Cleofe • Marketing: J. Feliciano • Circulation: R. Saldua
Ang Pagdating ng Pananampalatayang
Kristiyano sa Pilipinas
(P. René T. Lagaya, SDB)
ANG PAGTATATAG AT PAGLAGO NG DIYOSESIS NG CEBU
N agsimula ang kasaysayan ng Arsodiyosesis ng Cebu sapag-
bibinyag kay Haring Carlos at Reyna Juana noong ika-14 ng
Abril 1521. Ngunit ang naipunla sa araw na iyon ay hindi talagang
nagbunga dahil sa kakulangan ng pagtuturo hinggil sa pananam-
palatayang Kristiyano. Ang pagdating ni Miguel Lopez de Legazpi
noong taong 1565 ang siyang nagsimula sa pagpapalaganap ng
pananampalatayang Kristiyano sa Cebu at sa buong Pilipinas. Ang
naging sagisag ng pagiging Kristiyano ng Pilipinas ay ang imahe
ng Santo Niño na natagpuan ni Juan de Camus sa isa sa mga
bahay na nasunog sa Cebu. Ito ang regalo ni Ferdinand Magellan
kay Reyna Juana sa araw ng kanyang binyag.
Ang paglaganap ng pananampalatayang Kristiyano ay dahil sa
pagsisikap ng mga Fraileng Agustiniano. Sila ay mga kasama ni
Legazpi. Ang diyosesis ng Cebu ay itinatag noong ika-14 ng Agosto
1595, sa pamamagitan ng pahayag na Super Specula Militantis
Ecclesia ni Papa Clemente VIII, kasama ng mga diyosesis ng
Nueva Segovia at Nueva Caceres. Sakop ng diyosesis ang mga
isla sa kabisayaan, ang isla ng Mindanao, at ang Marianas. Sa Mari-
anas nag-alay ng buhay para sa pananampalatayang Kristiyano
noong 1672 ang Cebuanong katekistang si San Pedro Calungsod,
kasama ng paring Hesuwitang si San Diego de Sanvitores.
Ang Diyosesis ng Cebu ay hindi nabahiran ng mga kaguluhan sa
Kapitolyo ng bansa, ang lunsod ng Maynila. Ang kasaysayan ng
diyosesis ay puno ng mapayapa at malumanay na mga pangyayari
hinggil sa pagdating ng mga misyonero, pagtatatag ng iba’t ibang
simbahan, paaralan, at pook pangkawanggawa, pagdaraos ng
mga pagtitipong pansimbahan, at mga pagdiriwang, lalo na para
sa Santo Niño. Ang masayang pagdiriwang sa pista ng Santo Niño
ay ang Sinulog. Ilan sa mga magandang naitayo sa Cebu noong
panahon ng mga Kastila ay ang Basilika ng Santo Niño, ang Ospital
de Lazarinos, ang Casa de Socorro de Cebu, at ang Colegio de
San Carlos (ngayon ang University of San Carlos).
Ang unang obispo ng Cebu ay si Pedro de Agurto, O.S.A. Ang
katedral ng Diyosesis ng Cebu ay itinalaga kay San Vitalis ng
Milano. Nagpatawag siya ng Unang Sinodo ng Cebu noong taon
1600 upang ilatag ang mga patakaran ng Simbahan at sa pag-
papalaganap ng Pananampalatayang Kristiyano. Naging unang
Pilipinong obispo ng Cebu si Juan B. Gorordo noong taon 1910.
Noon namang ika-28 ng Abril 1936 ay naging arsodiyosesis ang
Cebu sa pasya ni Papa Pio XI. Kasama sa lalawigang pansimba-
han ng Cebu ang mga diyosesis ng Jaro, Calbayog, Zamboanga,
Bacolod, at Cagayan de Oro.
Ang pinakamatagal na naglingkod bilang arsobispo ng Cebu si
Julio Kardenal Rosales (1950-1983). Humalili sa kanya si Ricardo
Kardenal Vidal (1983-2010). Sila ang dalawang arsobispong na
pa sama sa Colegio ng mga Kardenal. Ngayon, ang Arsodiyose-
sis ng Cebu ang nangunguna sa paghahanda ng ika-500 Taon
ng Pagdating ng Pananampalatayang Kristiyano sa Pilipinas sa
pamumuno ng kasalukuyang Arsobispo, ang Kagalang-galang na
si Jose Palma.