Bilang isang indibidwal na nabiyayaan ng hindi mabilang na pagpapala mula sa

programang ito, ang Seminary and Institute program, ako ay lubos na nagagalak upang

gampanan itong natatanging asaynment. Masasabi ngang noong ako ay inatasan ni President

Donayre, naroon ang kasiyahan sapagkat nakikita kong isa na naman itong pagkakataong

maibagahagi ang aking patotoo sa ating Tagapagligtas na si HesuKristo, sa Kanyang Simbahan,

at sa Kanyang Ebanghelyo. Sa pagkakataong iyon, alam kong sa pamamagitan ni President

Donayre, ako ay iniimbitahan ng ating Ama sa Langit. Bilang tugon, ako ay sumang-ayon,

isang malugod na pagsang-ayong sumasalamin sa mga katagang, “Narito ako; isugo ninyo

ako.”-bagay na siyang kinaiikutan ng adhikaing atin ngayong idinadaraos, ang pagtatapos ng

Seminary and Institute 2020 sa ating estaka, ang Phils. Ballesteros Stake.

Matatagpuan sa 2 Nephi 16:8, “Narinig ko rin ang tinig ng Panginoon, sinasabing: Sino

ang aking isusugo, at sino ang susugo para sa atin? Pagkatapos sinabi ko: Narito ako; isugo

ninyo ako.” “Also I heard the voice of the Lord, saying:  aWhom shall I send, and who will go

for us? Then I said: Here am I; send me.” Bilang tema, makikitaan ang pahayag na ito ng

mga salitang nagpapakita ng matibay na pananampalataya, malalim na kumpiyansa sa sarili

at nag-aalab na tapang at lakas ng loob. Ito ang mga katagang Narito ako; isugo ninyo ako.

(Here am I; send me).

Sa ating lahat, lalo na sa mga magsisipagtapos, nasa atin na ba ang CONFIDENCE para

sabihin ang pahayag na ito? Sa estado ng ating pananampalataya at nibel ng ating pamumuhay

ngayon, naroon na nga kaya ang nag-aalab na tapang at lakas ng loob para tumugon sa

imbitasyon ng Diyos kung “Sino ang Kanyang isusugo, at sino ang susugo para sa atin?”
 Katulad ni Isaiah, ang batang Samuel sa tahanan ni Eli (1 Samuel 3:4-10), at maging si

Jesus Christ sa pre-mortal council (Abraham 3:27) ay tumugon nang walang pag-aalinlangan sa

mga misyong naiatas sa kanila, mga gawaing kanilang matagumpay na naisagawa dahil sa

kanilang tapat na pagsangguni at pagtugon ng HERE AM I, SEND ME.

Habang ating pinagsasaluhan ang diwa nitong espiritwal na kabanata ng ating buhay,

ating ilagay ang ating mga sarili sa kalagayang natataya natin kung karapat-dapat na ba tayo sa

pagtugon ng “Here am I, send me.”, o sa mas personal na pagsisipi, HERE I AM, SEND ME!

Sa lahat ng gawaing nakaukol at naghihintay sa atin, nais kong bigyang diin ang

Misionary Work. Isang napakadakilang gawain ng Panginoon na ipinagkakatiwala sa atin,

lalong lalo na sa inyo. Sino pa ba ang mas handang maglingkod sa mission kundi ang mga

bagong graduate ng Seminary? Ang tanong, handa ba talaga tayo? O di kaya’y ang dapat kong

tanungin, ay mayroon ba tayong pagnanais para maglingkod? Tunay ngang isa itong hamon,

isang napakalaking hamon! Marahil ang pagsasabi ng HERE I AM, SEND ME ay naghuhudyat

sa ating pagkukusa upang maglingkod tungo sa kahandahan natin lalo na sa pagbibigay ng ating

panahon sa full-time mission. Masasabi kong ang pag-angkin at pagsasapuso sa linyahang ito,

ay nagtatatag ng isang responsibilidad- ang responsibilidad para maghanda! Alam kong ang

PAGHAHANDA o PREPARATION ay isang susi upang magkaroon tayo, tulad ng nasabi ko

kanina, ng matibay na pananampalataya, malalim na kumpiyansa sa sarili at nag-aalab na

tapang at lakas ng loob upang buong puso nating maiiulat sa Kanya na Narito tayo at handang

maglingkod, handang tawagin bilang mga full-time missionary- HERE I AM, SEND ME!

“Narito ako, isugo niyo ako dahil ako ay handing-handa na, dalisay at karapat-dapat.”
 Mahalaga na ang paghahanda ay nasisimulan sa murang edad ng ating kabataan. Sabi nga

ni Alma, “O, pakatandaan, anak ko, at matuto ng karunungan sa iyong kabataan; oo, matuto sa

iyong kabataan na sumunod sa mga kautusan ng Diyos.” (Alma 37:35). Kalakip lahat ang mga

aral ni HesuKristo na palagiang ipinapaalala sa atin ng ating mga guro sa ating mga klase, ay

nagsisilbing palatandaan sa ating napakamakabuluhang paghahanda sa gawaing misyunero at

iba pang dakilang Gawaing kailangan nating gawin.

Bilang produkto ng Seminary, naging mas handa ako sa paglilingkod bilang full-time

missionary. Napakaraming pagkakataon sa mission ko, maging sa aking pag-aaral ang aking

napagtagumpayan dahil sa mga katotohanan na natutuhan ko sa Seminary-mga katotohanang

nagpapatibay sa akin upang maging karapat-dapat ding sambiting “Here I am, send me”.

Ito ang totoong simbahan ni Jesus Christ. Nagtataglay ng tunay na salita ng Diyos ang

Book of Mormon. Totoong tinawag na propeta si Joseph Smith, maging ang buhay na

propetang si President Russell M. Nelson.

Alam kong napakalaking advantage at blessing ang makatapos ng Seminary at Institute

courses, kaya naman maging mitsa nawa ito upang patuloy tayong maghanda at maging dalisay

at karapat-dapat sa Kanyang paggabay at pagmamahal.

Maging handa, maging dalisay, at maging karapat-dapat sa pagtugon sa Panginoon ng

“HERE I AM, SEND ME”…

…sa pangalan Niya, maging si HesuKristo, amen.