Konteksto sa Pangangalagang Pangkalusugan

Epekto ng Pagkakaiba-iba ng Kultura:

Ang una sa mga nagiging epekto ng pagkakaiba-iba ng kultura sa komunikasyon sa

pangangalagang pangkalusugan ay nagkakaiba ang panuntunan sa pakikipag-ugnayan sa
pagitan ng manggagawa sa pangangalaga ng kalusugan at pasyente. Ikalawa, nahihirapan
ang mga pasyente na maunawaan ang ilan sa mga terminong medikal. Ikatlo, maaaring
hindi magbahagi ng preperensya at pananaw sa medikal ang pasyente dahil sa
impluwensiya ng kanyang kultura.

Paliwanag:

Upang maging mabisa ang aking pagharap sa sitwasyong ito, makakatulong ang
pagkakaroon ng tiwala sa mga kawani ng medikal upang malayang maihayag ang mga
pananaw at saloobin. Mahalaga ring igalang ang emosyon, pagkatao, paniniwala, at kultura
ng bawat isa. Isaalang-alang din ang epektibong pagtugon sa pagkakaiba sa wika, kultura,
at kakayahang magbasa at magsulat ng mga pasyente tungo sa pagkakaroon ng mabuting
komunikasyon.

Edukasyonal na Konteksto

Epekto ng Pagkakaiba-iba ng Kultura:

Ang una sa mga nagiging epekto ng pagkakaiba-iba ng kultura sa komunikasyon sa

edukasyon ay ang pagkakaroon ng iba’t ibang estilo sa komunikasyon sa pagitan ng guro at
mag-aaral. Ikalawa, ang mga magulang at mag-aaral ay may iba’t ibang ekspektasyon sa
pakikipag-ugnayan nila sa mga guro. Ikatlo, maaaring makaranas ng paunang husga ang
mga estudyante at magdudulot ito ng negatibong epekto sa mag-aaral.

Paliwanag:

Upang maging mabisa ang aking pagharap sa sitwasyong ito, makakatulong ang
pagkakaroon ng malawak na pang-unawa at pagrespeto sa kultura ng bawat isa. Maging
mapagmatyag sa mga gawi, kilos at kaugalin ng bawat indibidwal upang malaman ang
angkop na pamamaraan upang mapabuti ang pakikipag-ugnayan sa kabila ng pagkakaiba.
Dapat matuto tayong tanggapin at bigyang halaga ang kultura ng iba at gamitin ang mga
pagkakaiba natin sa kultura upang mapaunlad ang ating kaalaman.

Konteksto sa Pagnenegosyo
Epekto ng Pagkakaiba-iba ng Kultura:

Ang una sa mga nagiging epekto ng pagkakaiba-iba ng kultura sa komunikasyon sa

pagnenegosyo ay istiryotipo. May posibilidad na gumawa ng konklusyon ang mga tao at
hatulan ang kakayahang makipag-usap ng mga taong may ibang lahi at kultura sa kanila
batay sa mga uri ng mga karanasang mayroon sila dati. Ikalawa, lenggwahe at punto.
Nagkakaroon ng suliranin sa pakikipagkomunikasyon dahil may ilang mga taong may
negatibong reaksyon sa iba’t ibang punto ng mga taong may ibang lahi at kultura sa kanila.
Ikatlo, pagkakaiba sa interpretasyon at pamamaraan ng pakikipagkomunikasyon sa mga
miyebro na maaaring maging hadlang sa mabisang pagpapatakbo ng negosyo.

Paliwanag:

Upang maging mabisa ang aking pagharap sa sitwasyong ito, makakatulong ang
pagkakaroon ng bukas na isipan dahil hindi ito ang oras upang hatulan ang mga tao batay
sa kanilang mga kultura. Itatrato ko ang bawat isa nang pantay-pantay, may katapatan, may
pagtitiwala at may paggalang. Papahalagahan ko ang saloobin ng bawat isa at ako ay
makikipagtalastasan sa isang tapat at bukas na komunikasyon.