Ang aking Lolo at Lola

Ako ay isang simpleng bata,

Mapalad na nabigyan ng mga biyaya
Isa na rito ang aking lolo’t lola,
Na siyang kumumpleto sa aming pamilya

Sila ang aking pangalawang magulang,

Sa pagmamahal, hindi sila nagkulang
Kanilang paalala, kahit may kalumaan,
Aking sinusunod para sa kaligtasan

Matatanda man sila sa ating paningin,

Ngunit di nakakalimot pagdating sa mga bilin
Ganoon kalinis ang kanilang hangarin,
Mapabuti lamang lahat ng mga supling

Kaya’t abot langit ang aking pasasalamat,

Kay lolo’t lola, buhay ko’y naging sapat
Paggalang sa kanila’y aking uunahin,
Habang buhay ko silang mamahalin

Kaya’t aanhin pa ang yaman sa mundo,

Kung mayroong mapagmahal na lola’t lolo
Kagandahang asal ang kanilang pamana,
Na aking dadalhin hanggang sa pagtanda
G-19 Rosales, Aila Marie A. 7D Mahinahon