REVISED ORATIO IMPERATA BATOK SA COVID-19 UG PAG-AMPO ALANG SA

MGA MEDICAL FRONTLINERS (CEBUANO VERSION)

Maloloy-on ug mapuangoron namong Amahan, midangop kami kanimo sa among

panginahanglan aron imo kaming panalipdan batok sa COVID-19, nga naghasol ug
gani mikalas na ug mga kinabuhi.

Nangaliyupo kami kanimo karon, nga imo kaming atimanon nga mahigugmaon. Iiway
ang kahadlok sa sakit ug kamatayon. Ibalik ang imong paglaum ug lig-ona ang among
pagtuo.

Naga-ampo kami nga imong giyahan sila nga gitahasan, sa pagkaplag sa tambal niining
maong sakit ug pagpakgang sa iyang pagkuyanap.

Mapasalamaton kami sa mga bakuna nga namugna, bunga sa giya sa imong balaang
mga kamot. Sa paggamit niining mga bakuna, aron sa pagsumpo sa pandemya sa
among nasud.

Naga-ampo kami alang sa mga Health Workers, nga nag-atiman sila sa mga
masakiton, diha sa kahanas ug kalooy. Hatagig sila’g kaayohan sa lawas ug hunahuna,
kalig-on sa ilang pagtahan sa kaugalingon, ug panalipod batok sa maong sakit.

Naga-ampo kami alang adtong nahiagom sa maong sakit, mahiuli na unta ang ilang
maayong panglawas. Panalipdi sila nga nag-atiman kanila, ihatag ang kalinaw ug
kinabuhing dayon alang sa mga nangamatay.

Hatagi kami sa grasya niining panahon sa dakong pagsulay, sa paglihok alang sa

kaayohan sa tanan, ug pagtabang sa mga nanginahanglan.

Himoa nga ang among pag-atiman sa kalooy sa matag-usa, magtabang kanamo sa

pagsagubang niining maong krisis, ug magdala kanamo ngadto sa pagbag-o sa
kaugalingon ug pagkabalaan.

Kini among gipangayo pinaagi sa among Ginoong Hesukristo, imong anak, nga
nagapuyo ug nagahari uban kanimo, dihaa sa kahiusa sa Espiritu Santo, Dios nga usa,
hangtud sa kahangturan. Amen.

Santa Maria, Kaayohan sa mga Masakiton, Ig-ampo mo kami.

San Jose, Ig-ampo mo kami.
San Rafael Arkanghel, Ig-ampo mo kami.
San Roque, Ig-ampo mo kami.
San Lorenzo Ruiz, Ig-ampo mo kami.
San Pedro Calungsod, Ig-ampo mo kami.

Translated by : Msgr. Prescilo Iral, DCS

Finalized by : Fr. Perfecto G. Ecat, DCS, JCL

Approved by : Most Rev. Antonieto D. Cabajog, DD

Bishop of Surigao