PAG-AMPO SA MISYON

(Mission Prayer for 2021 Year of Missio Ad Gentes Cebuano Version)

Dios among mahigugmaong Amahan, imong gipadala ang imong Anak sa kalibutan
aron pagsangyaw sa Maayong Balita sa kaluwasan sa tanan ngadto sa mga
makasasala, kabus, gilupigan, masakiton ngadto sa mga gitalikdan ug gipasagdaan.
Iyang gihalad ang iyang kinabuhi didto sa krus alang kanato ug nabanhaw siya pag-
usab ngadto sa bag-ong kinabuhi aron pagtubos ug mahiuli kami kanimo.
Imong gipadala ang imong Balaang Espiritu ngadto sa mga Apostloes aron pagpadayon
sa pagtahas sa imong Anak ug paggiya sa tanan ngadto sa kaluwasan.

Kami magpasalamat kanimo Amahan sa pagdala kanamo gikan sa kangitngit; ngadto

sa kahayag.
Pinaagi sa imong mahigugmaong plano, lima ka gatus ka mga katuigan kaniadto. Mga
misyonero miabot sa among kayutaan aron pagsangyaw sa Ebanghelyo ni Jesus imong
Anak ngadto sa among mga katigulangan. Kadto naghimo kanamong imong katawhan
ug ang Simbahan.
Ang gasa sa pagtoo nag-uban kanamo lagpas Sa kangitngit ug kahayag. Mga
kapildihan ug kadaugan sa among kasaysayan isip imong katawhan. Ang among
pagtoo maoy among tinuod nga iwag nga nagbalwag sa kangitngit.

Bag-oha dinhi kanamo ang grasya sa imong Espiritu nga nagdasig kanamo nga
mosaksi ni Jesus imong Anak, ngadto sa kalibutan nga gigun-ob sa kahakog, kapintas,
inhustusya, sakit ug pag-antus.
Hinaot nga ang among pagtoo maghatod kanato sa kahiusa isip imong mga Anak nga
moatiman ug mopangga sa usag-usa.
Hinaot nga ang Balaang Espiritu mogahum kanato nga mahimong magsasangyaw sa
Maayong Balita ngadto sa among mga kasigsuonan sa Asya ug sa tanang kanasuran.
Gasahi kami ug tiunayng tinguha sa pagtabang sa uban nga mohangop sa pagtoo diha
sa Ginoong Jesus nga makaambit sa imong kamaya ug kinabuhi.

Hinaot nga ang Balaang Inahan ang Bituon sa Ebanghelisasyon, mag-uban kanamo sa
pag-ampo alang kanamo samtang kami magpakabuhi ug magpaambit sa among
pagtoo nagdto’s uban.
Hinaot nga ang among dili moparug nga gugma ug debosyon kaniya isip among
pinanggang Inahan, maghimo kanamong tinuod nga mga tinun-an ug mga saksi ni
Jesus ngadto sa tanan, kanunayng andam nga ipadala ug masinugtanon sa bisan
unsay isugo kanamo ni Jesus.

Kini among gipangayo pinaagi ni JesuCristo imong Anak, kinsa nagapuyo ug nagahari
uban kanimo diha sa kahiusa sa Espiritu Santo, Dios hangtud sa kahangturan. Amen.