Pamagat: (INI)LIHIM SA DAGAT: MGA SALAYSAY NG PAGSUBOK AT PAKIKIBAKA

NG MGA PILIPINONG SEAMAN

May Akda: Joanne Visaya Manzano

Buod
Layunin ng may akda sa pag-aaral ng ito na maibahagi ang mga dinanas ng mga

seaman sa pagsakay ng barko. Ginamit rin ng may akda ang ITF2 Bulletin ng mga Marino

na naglalaman ng mga panayam mula sa mga migranteng sumasakay sa barkong

naglalayag sa karagatan ng daigdig. Ginamit din na batayan ang nakalap na mga salaysay

sa pagpapaliwanag at pagsusuri sa natatanging kalagayan ng pagtatrabaho sa barko.

Nailahad din ang salaysay ng mga marino tungkol sa karanasan nila sa karagatan at

dayuhang lupain. Nakapanayam ang mga opisyal at ratings (hindi opisyal) na umuokupa sa

iba’t ibang departamento1 sa barko.

Sa pananaliksik na ito, inilahad ng may akda ang paraan ng pakikibaka ng mga

Pilipinong seaman upang pangingibabawan ang mga pagsubok sa dagat, barko, at

dayuhang lupain. Sa partikular, pinagtuunan ang seaman bilang Overseas Filipino Worker

(OFW) na binigyang-kahulugan sa Republic Act 10022 bilang “may trabaho sa barkong may

biyahe sa ibayong dagat, hindi kasama rito ang mga barko ng pamahalaan na naglalakbay

para sa layuning militar at layuning hindi-komersyal” at mga sasakyang dagat na tanker,

container, bulk carrier, at general cargo 3 na bumubuo sa pinakamaraming bilang ng barko

sa daigdig.

Sa konklusyon ng may akda, sinabi niyang mahalagang pakinggan ang tinig ng mga

seaman upang ilarawan nila ang kanilang kalagayan, tugma man o taliwas sa

representasyon ng estado at iba pang mga institusyon. Sinabi rin na mahalaga na

maibahagi ng seaman ang kanyang kwento upang maibahagi rin niya ang kanyang buhay

sa publiko. Dahil dito, maipaalam rin niya ang tungkol sa mga pangarap at pagsubok na

pinagdaanan sa pag asang mauunawaan at makikipagkaisa sa kanya ang mas maraming

mamamayan.
Pagsusuri
Sa inilahad ng may akda, sinabing ginugugol ng mga seaman ang kalakhan ng

kanilang panahon sa karagatan ng daigdig. Ako ay sang ayon nito. Sa aking karanasan na

ang kapatid ng aking ina ay isang seaman din, sa isang buong taon, halos ilan lamang na

panahon ang kanilang naranas na nakatapak sa lupa. Gugol halos ang kanilang panahon sa

dagat dahil sa importanteng mahatid ang kalakal sa tamang destinasyon. Dahil dito, halos

buong panahon na sila ay nagtatrabaho ay naglalakbay sa gitna ng karagatan.

Maraming mga Pilipino ang nangangarap na maging seaman dahil sa mataas na

sweldo nito at makapaglakbay sa iba’t ibang bansa. Ngunit lingid nito, sa inilahad ng may

akda, hindi rin maikaila ang mga karanasang kanilang nadanas habang sila ay nasa gitna ng

karagatan, malayo sa kanilang mga mahal sa buhay at malayo sa proteksyon ng ating

pamahalaan.

Sa mga nabanggit ng may akda, hilo, lungkot, at panganib ang isa sa mga hamon

ng mga seaman sa kanilang panahon ng paglalayag. Hilo doon sa mga seaman na bago

lamang sa kanila ang paglalayag sa barko. Ayon sa may akda, umabot sa puntong

nagsusuka na sila ng berdeng kulay na likido dahil wala nang mailabas sa kanilang tiyan. Ito

ay napakahirap na hamon dahil mahirap magtrabaho ng may iniindang karamdaman subalit

nalalagpasan naman sa paglipas ng panahon.

Isa rin sa mga hamon na nararanasan ng ating mga seaman na nabanggit ng may

akda ang lungkot. Mahirap kalabanin ang lungkot dahil ito ay pumapatay sa pagganyak ng

isang tao lalong lalo na kung siya ay mahina sa aspetong emosyonal, spiritual at kaisipan.

Nasabi sa pananaliksik na ang iba ay nawawalan ng katinuan sa pag-iisip nang dahil lamang

sa kalungkutan. Kalungkutan na dala sa gustong makasama ang pamilya pagkatapos ng

buong araw na pagtatrabaho sa barko at makausap ang mga mahal sa buhay. Ngunt laking

pasasalamat sa modernong panahon ngayon kung saan ay maibsan ng panandalian ang

lungkot ng ating mga seaman. Ngayong panahon, lalo na sa mga barkong naglalayag sa

ibang bansa or international, may Cable TV at internet na magagamit ang ating mga seaman

kung saan ang internet ay kanilang ginagamit sa pagvi video call ng kanilang mga mahal sa
buhay kahit nasa gitna ng karagatan. Malaking tulong ito upang palagiang komunikasyon ng

mga seaman at kahit sa maikling panahon at sa anumang oras, makausap nila ang mga

taong kanilang namimiss. Bukod sa komunikasyon, pwede na ring maging libangan ito sa

pamamagitan ng panunuod ng mga online videos o programa. Naghahawi ito ng lungkot at

nagbibigay aliw habang sila ay nakalayag sa karagatan. Sabi na rin sa kapatid ng aking ina,

meron din silang Playstation sa barko na ginagamit nila sa paglalaro ng online games. Ito ay

nasa Gaming Room ng barko. Meron ding computer at Karaoke system kung saan, alam

naman natin na ang mga Pilipino ay mahilig sa musika. Malaking tulong ito upang malimutan

ang lungkot na nadarama ng pagkalayo sa pamilya.

Ang isa pang nabanggit na hamon ay ang panganib. Ito ay dulot ng iba’t ibang

kadahilanan. Isa na dito ang bagyo at ang mga pirata.

Ang bagyo ay parte na ng ating kalikasan na kung minsan ay hindi maiiwasan ng

barkong naglalayag lalong lalo na kung ang mga kargamento na sakay ay kinakailangan na

madaliin na ihatid sa destinasyon. Sa nasabi ng may akda, nasa kapitan ng barko pa rin ang

pinal na desisyon sa rutang tatahakin. Dahil dito, masasabing lantad ang ating mga seaman

sa pang-aabuso, kung meron man, habang nasa katubigan at gitna ng dagat. Ika nga, nasa

kamay ng kapitan ng barko ang buhay ng kanyang mga marino.

Isang panganib din and dulot ng mga pirata. Sila ay umaakyat ng walang pahintulot

sa barko upang magnakaw. Hindi rin maiiwasan na makitil ang buhay ng seaman kung ito ay

magtangkang salbahin ang barko kung dadating sa punto na nakawin ng mga pirata ang

mismong barko.

At dahil sa modernisasyon sa panahon ngayon, may mga gamit na ang barko upang

makahingi ng saklolo sa madaling paraan kung ito ay nasa kalagitnaan ng panganib. Meron

na ngayong application na mada download sa mga aparato katulad ng VesselFinder kung

saan, gamit nito, ay makapagbigay agad ng tumpak na lokasyon ng barko gamit lamang ang

GPS. Meron na ding tinatawag na Electronic Chart Display System or ECDIS kung saan ay

computerized at digitized na ag navigation system ng barko. Malaking tulong ito upang

maging tumpak at maiwasan ang ika nga, human error, sa paglalayag ng barko. Ito rin ay in-

sync sa GPS ng barko.