Department of Education

Region III
DIVISION OF CITY OF SAN FERNANDO

Self-Instructional Packets

Edukasyon sa Pagpapakatao 10
Ikaapat na Markahan – Ikaapat na Linggo

(SIPacks)
Mungkahing Timeline sa Pagsagot ng SIPacks sa ESP 10
BAWAT LINGGO
A. Balik-aral sa nakaraang aralin at/o pagsisimula ng Alalahanin
bagong aralin Sagutan
Unang B. Paghahabi ng layunin sa aralin
Basahin
Araw (Ano ang inaasahang Maipamamalas Mo?)
C. Pag-uugnay ng mga halimbawa sa bagong aralin
Sagutan
(Pagtuklas ng Dating Kaalaman)
D. Pagtatalakay ng bagong konsepto at paglalahad ng
Ikalawang bagong kasanayan #1 (Paglinang ng Kaalaman, Sagutan
Kakayahan at Pag-unawa)
Araw
E. Pagtatalakay ng bagong konsepto at paglalahad ng
Sagutan
bagong kaalaman #2 (Integration of GMRC)
Ikatlong Basahin at
F. Paglinang ng Kabihasaan (Pagpapalalim)
Araw Unawain
G. Paglalapat ng aralin sa pang-araw-araw na buhay
Ikaapat Sagutan
(Pagsasabuhay)
na Araw H. Paglalahat ng Aralin (Paghinuha ng Batayang
Pag-isipan
Konsepto)
Ikalimang I. Pagtataya ng Aralin (Pagganap/Pagninilay) Sagutan
Sagutan ayon sa
Araw J. Karagdagang gawain para sa takdang-aralin
pangangailangan

*maaaring sagutin ang mga gawain sa EsP ayon sa itinakdang oras ng

inyong paaralan

1
Gawain 2: Pagsusuri ng Sitwasyon
Panuto: Basahin ang sitwasyon sa ibaba at magtala ng mga maaaring mong gawain
o ang iyong magiging pasiya. Tukuyin kung ano ang naging batayan sa pagbuo ng
pasiya. Gawin ito sa iyong sagutang papel.

Sitwasyon Pasiya Batayan ng isasagawang

pasiya
1. Niyaya ka ng iyong
kasintahan sa kanilang
bahay ngunit siya lamang
mag-isa roon at wala ang
kaniyang mga magulang.
Ano ang iyong gagawin?

2. Tinanong ka ng iyong
Tiyahin kung nais mong
kumita ng pera at ipinakita sa
iyo ang isang malaswang
video na ayon sa kaniya ay
kailangang gayahin mo. Ano
ang iyong magiging tugon sa
kaniya?

3. May sama ng loob ang

iyong ate sa kaniyang
bestfriend at dahil ikaw ay
may talento sa pag eedit ng
video nais niyang iedit mo
ang isang malaswang video
gamit ang mukha ng
kaniyang bestfriend. Ano ang
gagawin mo?
Gabay na Katanungan
1. Naging madali ba para sa iyong gawan ng pasiya ang mga sitwasyon?
Pangatwiranan.
2. Nangyayari ba sa totoong buhay ang mga nasa sitwasyon?

2
 3. Kung may mga kapwa kabataan kang nahaharap sa parehong sitwasyon, ano
ang iyong maipapayo sa kanila?

B. Pagtatalakay ng Bagong Konsepto at Paglalahad ng Bagong Kasanayan #2

(Integration of GMRC)
Gawain 3: May Kasabihan Tayo
Panuto: Basahing mabuti ang pahayag na nasa kahon at suriin ang larawan.

"Ang pagrespeto sa isang tao ay nagpapahiwatig ng kalidad ng iyong pagkatao."

- Mohammad Rishad Sakhi

Pagnilayan ang sumusunod na tanong:

1. Ano ang ipinahihiwatig ng larawan at ng pahayag ni Sakhi?

2. Bakit mahalagang igalang ang dignidad ng iyong kapwa?
3. Bakit mahalagang makilala natin ang ating sarili?
4. Kung ikaw ang tatanungin, alam mo na ba kung ano ang iyong layunin kung
bakit ka nilikha ng Diyos?
5. Paano mo maipakikita ang kahalagahan at paggalang mo sa iyong pagkatao
batay sa paglikha sa iyo ng Diyos?
Paggalang sa Dignidad
Ang tao ay nilikha ng Diyos na taglay ang pagkakaroon ng dignidad. Ano nga
ba ang dignidad? Ang dignidad ay galing sa salitang Latin na dignitas, mula sa
dignus, ibig sabihin “karapat-dapat”. Ang dignidad ay nangangahulugang pagiging
karapat-dapat ng tao sa pagpapahalaga at paggalang mula sa kaniyang kapwa.
Lahat ng tao, anoman ang kaniyang gulang, anyo, antas ng kalinangan,
at kakayahan ay may dignidad. May mga katangian ang taong nakapagpabubukod-
tangi sa kaniya kung ihahalintulad sa ibang nilikha. Sapagkat mayroon siyang isip na
nagbibigay sa kaniya ng kakayahang umunawa ng konsepto, mangatuwiran,

3
magmuni-muni, at pumili nang malaya. May likas na kakayahan siyang hubugin at
paunlarin ang kaniyang sarili gamit ito.
Dahil sa dignidad, lahat ay nagkakaroon ng karapatang umunlad sa
paraang hindi makasasakit o makasasama sa ibang tao. Nangingibabaw ang
paggalang at pakikipagkapatiran, dahil sa mata ng Diyos, pantay-pantay ang lahat.
Samakatuwid, kailangan mong tuparin ang iyong tungkuling ituring ang iyong kapwa
bilang natatanging anak ng Diyos na may dignidad. Mapangangalagaan ang tunay
na dignidad ng tao sa pamamagitan ng pagtingin sa bawat taong kaugnay ng Diyos.

C. Paglinang ng Kabihasaan (Pagpapalalim)

Basahin ang sanaysay.
Noong nakaraang modyul ay natukoy at nasuri mo ang iba’t ibang isyu tungkol
sa sekswalidad (Pre-marital Sex, Pornograpiya, Pang-aabusong Sekswal, at
Prostitusyon). Nalaman mo ang iba’t ibang epekto sa mga taong sangkot sa mga ito
gayundin ang iba’t ibang pananaw na kaugnay ng mga isyung ito. Mahihinuha mo rin
sa mga paglalahad na ang mga isyung sekswal na ito ay hindi nararapat gawin. Ano
ba ang katotohanang ipinahahayag ng mga isyung ito? Sa malalim na pagtingin, ano
ang epekto ng mga isyung nabanggit sa pagkatao o dignidad ng tao?
Ang pagpayag, pagsasagawa, at pagiging kaugnay sa mga isyung
pansekswalidad ay nagsasawalang-bahala sa katotohanang nilikha ng Diyos ang
taong mabuti at tumutungo sa sariling kaganapan, at ang pagtungo sa kaganapang
ito ay malaya at may kamalayan.

SEKSWALIDAD
Ito ay kaloob ng Diyos sa tao. Ito ay mabuti at magdadala sa bawat isa sa
layuning makamit at madama ang tunay na pagmamahal na siya namang dahilan
kung bakit nilalang tayo ng Diyos. Nararapat na gamitin sa mabuti ang mga
kakayahang sekswal kabilang na ang ating katawan.
Dalawang layunin ng sekswal na faculdado ng isang babae at lalaking
pinagbuklod ng kasal o pag-iisang dibdib:
1. Ang magkaroon ng anak (procreative)
2. Mapag-isa (unitive)
Anomang layuning taliwas sa dalawang nabanggit ay magdadala sa
katotohanang mali ang kilos sa paggamit ng sekswalidad ng tao. Halimbawa na rito
ay ang pakikipagtalik kahit hindi pa kasal, prostitusyon, pornograpiya, at pang-
aabusong sekswal. Ang mga isyung ito ay humaharap sa maling paggamit ng ating
sekswalidad na nauuwi sa kawalan ng paggalang sa dignidad ng tao.
Sa pagsasagawa sa mga isyung nabanggit, ano nga ba ang dapat gawin
ng isang kabataang tulad mo?
1. Alamin ang layunin sa pagsasagawa nito. Ang layunin ba ay mabuti?
2. Paano ang pamamaraan? Ang paraan ba ay mabuti?

4
 3. Tignan ang pagpapasiya kung ito ay nasa mataas o mababang
pagpapahalaga.
Narito ang ilang etikal na prinsipyo na maaari mong gabay bilang kabataan.
1. Tandaang ang sekswalidad ay isang banal na bahagi ng ating pagkatao.
Kailangan ng tao ang matibay na paninindigan para sa marangal na
sekswalidad.
2. Maging kritikal sa pagsusuri sa mga nakikita ukol sa mga isyung may
kinalaman sa pakikipagtalik lalo na sa ipinapakita sa telebisyon at social
media.
3. Magkaroon ng mainam na pananaw ukol sa sariling sekswalidad at
sekswalidad ng iba. Makatutulong ito upang tratuhin natin ang ating kapwa,
babae man o lalaki, ng may paggalang at dignidad. Ipahayag ang sariling
sekswalidad sa mabuting pamamaraan.
Layunin ng taong ipahayag ang kaniyang pagkatao o kaya’y pagmamahal.
Ngunit kung sa pagpapahayag nito, ang pamamaraan ay hindi mabuti, hindi rin
maituturing na mabuti ang kilos. Dagdag pa rito, nararapat ding tingnan kung ang
pinipili ba ay may mas mataas o mababang pagpapahalaga. Maaari mong
pagpasiyahang gamitin ang mga seksuwal mong kakayahan ngunit nararapat mong
isipin kung ano ang tunay na halaga at layunin ng paggamit mo nito.
Paano magbubunga nang mabuti ang isasagawa mong pasiya lalo na kung ito ay
may kinalaman sa mga isyung seksuwal?
1. Maging bukas sa mga pinagdaraanang problema.
2. Huwag ilihim o itago ang mga problema.
3. Maghanap at paligiran mo ang iyong sarili ng mga kapamilya at mga
kaibigang mapagkakatiwalaan.
4. Maghanap ng propesyonal na tulong kung sakaling ikaw ay lulong sa mga
pang-aabusong ito.
Tayahin ang iyong Pag-unawa:
Ano ang naunawaan mo sa iyong binasa? Upang masubok ang lalim ng iyong
naunawaan, sagutin mo ang sumusunod na tanong at isulat ito sa iyong sagutang
papel.
1. Ano ang mga maling pananaw ng kabataan sa mga isyung sekswalidad na
kanilang kinakaharap ngayon? Ipaliwanang ang bawat isa.
2. Ano ang mga katotohanan ukol sa dignidad ng taong nababalewala sa mga
isyung tungkol sa sekswalidad? Pangatwiranan.
3. Bilang kabataan, anong posisyon o mabuting pasiya ang maaari mong gawin
bilang paggalang sa dignidad at sekswalidad?