CRM

АНХЛАН
НЭВТРҮҮЛЭГЧИД
ЗОРИУЛСАН
ЦАХИМ НОМ
 АГУУЛГА
CRM гэж юу вэ?

Ямар компаниуд CRM

ашигладаг вэ?

CRM-ын 4 ашиг тус

CRM-д шаардлагатай 9 зүйл

Дүгнэлт ба зөвлөмж

CRM-ын квадрантууд

Бидний тухай
 CRM гэж юу вэ?

Аливаа бизнес урт хугацаанд амжилттай оршин

тогтнох гол үндэс суурь нь хэрэглэгчид нь байдаг.
Хэрэглэгчидтэй утсаар, уулзалтаар, лангуу болон
кассан дээр, онлайн шоп, фэйсбүүк, и-мэйл, SMS,
мессенжер, чатботоор маркетинг, борлуулалт,
үйлчилгээний төрөл бүрийн харилцаа байнга үүсдэг.

"Customer Relationship Management (CRM) буюу

Хэрэглэгчтэй харилцах менежмент нь
хэрэглэгчтэйгээ үүсэх бүхий л харилцааг мэдээллийн
технологийн дэвшлийг ашиглан үр ашигтай хийн
бизнесийн процессыг боловсронгуй болгох явц юм." 

CRM систем нэвтрүүлэх гол зорилго нь борлуулалт,

маркетинг, үйлчилгээний багуудад хэрэглэгчтэй
зохион байгуулалттай, үр дүнтэй харилцааг үүсгэх
боломжийг олгох явдал юм.

Маркетингийн багийн хувьд CRM системийн гол

хэрэглээ нь бүтээгдэхүүн, үйлчилгээний мэдээлэл
авсан, зорилтот бүлгийн боломжит худалдан
авагчдыг борлуулалт руу хөтлөх, борлуулалтын багт
хурдан гуурхай шилжүүлэн өгөхөд оршино.

Борлуулалтын багийн хувьд боломжит худалдан

авагчдыг олж тогтоох, холбогдох, тэдэнтэй үүссэн
бүхий л харилцаагаа хөтлөн удирдахад ашигладаг.
CRM-гүй үед хэнтэй хэзээ хаана уулзаж юу ярьснаа,
ямар санал өгснөө, хэнд юу илгээснээ эргэж харахын
тулд утас, дэвтэр, эксел, мессенжер, и-мэйлээсээ
хайх хэрэг гардаг. 
 Ямар компаниуд
CRM ашигладаг вэ?

Хэрэглэгчидтэйгээ үр ашигтай харилцаа холбоо

тогтоохыг хүсэж буй бүх л байгууллага CRM
системийг ашиглаж болох хэдий ч дараах төрлийн
компаниудад илүү тохиромжтой. Үүнд:
Бүх төрлийн байгууллагад чиглэсэн B2B бизнес.
Борлуулалтын цикл урт, худалдан авалтын
шийдвэр хэд хэдэн үе шаттайгаар хэд хэдэн
этгээдийн оролцоотойгоор гардаг.
Худалдан авалтын шийдвэр импульсаар гардаг
бус B2C бизнес. Жишээ нь: үл хөдлөх, эм, эрүүл
мэндийн бүтээгдэхүүн, эмнэлэг, банк санхүү,
даатгал, сургалт, автомашин, гэх мэт.
Цахим худалдаа, хэрэглэгчийн бүртгэл, лоялти,
захиалга, хүргэлт, засвар үйлчилгээ, санал
гомдлын харилцаа тогтмол гардаг бизнесүүд.

CRM систем таны бизнест хэрэгтэй эсэхийг

тогтоох өөр нэгэн арга нь CRM шийдэл нь болдог
асуудлууд танайд тулгардаг эсэх юм:
Боломжит болон бодит хэрэглэгчдийн мэдээллийн
сан хэрэгтэй юу? Хэрэглэгчдийн мэдээллийг цаас,
эксел гэх мэт олон янзын аргаар бүртгэдэг үү?
Хэрэглэгч танай маркетинг, борлуулалт,
үйлчилгээ багтай харилцаа үүсгэх хэрэг гардаг уу?
Та борлуулалтын багаа хэр бүтээмжтэй, үр
дүнтэй ажиллаж байгааг цаг тухайд нь үнэлж
дүгнэхэд хүндрэлтэй байдаг уу?

Хэрвээ дээрх асуултуудын ихэнхэд нь ТИЙМ гэж

хариулсан бол CRM систем нэвтрүүлэхэд
тохиромжтой, үр өгөөжтэй байж чадна.
 CRM системийн 4 ашиг тус

1. Маркетинг, борлуулалтын багуудад аль алинд

нь боломжит хэрэглэгчийн мэдээлэл өгдөг.
Маркетингийн үр дүнд танай бүтээгдэхүүн,
үйлчилгээг сонирхож буй боломжит хэрэглэгчийн
мэдээллийг бүрдүүлэн борлуулалтад өгөх,
борлуулалтын өгөгдлөөс аль сэжим худалдан авалт
хийж буй тогтоосноор маркетингийн үр өгөөжийг
тодорхойлох зэрэг боломжуудыг CRM систем
олгодог.

2. Маркетинг, борлуулалт, үйлчилгээний

харилцан уялдаа холбоог бий болгодог.
Маркетинг ба борлуулалт
хамтарч ажиллаж байж
бизнесийн амжилтыг
авчирдаг. Энэ уялдааг бий
болгож чадсан компаниудын
борлуулалт жилд дунджаар
20% өсдөг ажээ.
CRM систем энэ уялдааны
үндэс суурь нь болж өгдөг.

3.  Борлуулалтын үйл явцыг оновчтой болгодог.

CRM нэвтрүүлснээр маркетингаас худалдан авалт
хийх магадлал өндөртэй боломжит хэрэглэгчдийн
сэжмийг илүү бодитой үнэлэн шүүж борлуулалтад цаг
алдалгүй тухай бүрт өгөхөд тусална.
Мөн борлуулалтынханд хэнтэй түрүүлж холбогдох,
уулзалт, танилцуулга хийх зэрэг сэжмийн ач
холбогдлын эрэмбийг оновчтой тогтооход тусалдаг.
 CRM системийн 4 ашиг тус

4. Маркетинг, борлуулалтын эргэх холбоог

үүсгэснээр ажлын үр өгөөжөө хэмжих, дүгнэх,
сайжруулах боломжтой.
Маркетинг, зар сурталчилгааны программ, сувгуудыг
CRM системтэй холбосноор кампанит ажлуудынхаа
хөрөнгө оруулалтын үр өгөөжийг (ROI) борлуулалтын
үр дүнд суурилан тооцох боломж нэмэгдэнэ.

Энэ нь маркетингийн багт 2 чухал боломжийг олгоно:

1. Хэрэглэгчдийг шууд, идэвхи сонирхлын болон
худалдан авалтын өгөгдөлд суурилан нарийвчлан
сегментчилэн чиглүүлснээр маркетингийн
идэвхижүүлэлтүүдийг оновчтой хийх боломжтой.
2. Худалдан авалтын өгөгдлийг шинжилснээр чухам
аль маркетингийн сувгууд, контент,
сурталчилгаа, кампанит ажлууд борлуулалтад
илүү нөлөөлснийг өгснийг олж тодорхойлон дараа
дараагийн кампанит ажлуудыг илүү үр
дүнтэй хийхэд тусална.
 CRM-д зайлшгүй байх 9 зүйл

Хэрвээ та CRM системийг байгууллагадаа

нэвтрүүлэхдээ ямар програм хангамж сонгохоо
шийдэх хэрэгтэй байгаа бол дараах 9 зүйлээр
шинжээд үзээрэй.

1. Контакт менежмент
CRM систем нь борлуулагчдад хэрэглэгчийн
бүртгэлийг бий болгож ирээдүйн болон одоогийн
хэрэглэгчдийн мэдээллүүдийг агуулсан, мэдээллийн
сан бүтээж өгдөг. Иймд CRM систем хэрэглэгчийн
мэдээллийн санг танд хэрэгтэй талбаруудаар
бүрдүүлэх боломжтой байх ёстой.

2. Борлуулалтын хэлцлийн үе шатууд

CRM системд байгууллагын борлуулалтын үе
шатуудад тохируулан өөрчлөлт хийх боломжтой
байх нь чухал.
Амжилттай борлуулалт хийхэд шаардлагатай үе
шат бүрийг тодорхойлж программд оруулан,
борлуулагч хэлцлээ шат ахиулах бүртээ
шаардлагатай өгөгдлүүдийг оруулах боломжтой
байх хэрэгтэй. 
 CRM-д зайлшгүй байх 9 зүйл

3. Хяналтын самбар
Борлуулалтынхан болон удирдлагууд өдөр тутам
олон тооны хэмжүүр үзүүлэлтүүдийг хянах шаардлага
гардаг. Тухайн сарын борлуулалтын явц, төлөв,
хэлцлүүд хаана яваа, хаана асуудал байгаа, хаана
боломж байгаа, бүтээмжийн үзүүлэлтүүдийг тухайн
бүрд харах хянах боломжтой байх нь чухал. 
 CRM-д зайлшгүй байх 9 зүйл

4. Үүрэг даалгавар, ажлын менежмент

Борлуулалтынхан уулзалт хийх, үнийн санал,
танилцуулга, гэрээний ноорог, нэхэмжлэх бэлтгэх,
илгээх, утсаар ярьж уулзалт товлох гэх мэт олон
ажлуудыг өдөр тутам хийдэг.
Хийх ажлуудаа зохион байгуулалтай, эмх цэгцтэй
удирдан, цаг хугацаанд нь хийхэд туслах хэрэгсэл
нэн чухал.
CRM системд Task Management буюу ажил, үүрэг
даалгаврын менежментийн багаж хэрэгсэл байх нь
борлуулалтын илүү олон хэлцлүүдийг алдалгүй
амжилттай хаахад тусална.

5. Маркетинг, борлуулалтын материал

Судалдаагаар борлуулалтынхан ажлын цагийнхаа
31%-ийг бүтээгдэхүүн, үйлчилгээний танилцуулга,
үнийн санал, презентац, демо, кэйс судалгаа, и-мэйл,
гэрээ, нэхэмжлэх гэх зэргийг хийх, хайхад
зарцуулдаг гэж судалгаагаар гардаг ажээ. Иймд CRM
систем нь боломжит худалдан авагчтай дэрээх
материалуудыг хуваалцах үйл явцыг хурдан хялбар
болгодог байх нь чухал. 
 CRM-д зайлшгүй байх 9 зүйл

6. Автоматаар өгөгдөл бүрдүүлэх

CRM систем нэвтрүүлэх нэг гол шалтгаан нь
одоогийн болон ирээдүйн боломжит хэрэглэгчийн
бүхий л өгөгдлийг бүртгэн мэдээллийн сан
бүрдүүлэх явдал юм. Овог нэр, утасны дугаар, и-
мэйл хаягаас эхлээд үүссэн харилцаа (дуудлага,
уулзалт, мессенжер чат, илгээсэн ба авсан и-мэйл,
хэлцэл, худалдан авалт, гомдол гэх мэт) бүрийг
бүртгэх нь уг хэрэглэгчийн үүсэн харилцааг 360
хэмээр бүрэн дүүрэн харахад тусалдаг.
Өгөгдөл бүртгэх үйл явц аль болох автомат, хялбар
байх тусам алдаа багатай, бүрэн дүүрэн байж
чадна. Дараах төрлийн өгөгдлийн бүртгэл хийх
боломжууд гол чухал нь:
Нэр, утас, и-мэйл, албан тушаал, хүйс гэх зэрэг
мэдээллүүдийг вэб сайт, фэйсбүүк, чатбот
зэргээс бүрдүүлэн автоматаар оруулах.
Байгууллагын утас, мессенжер болон и-мэйлийн
системтэй холбосноор хэрэглэгчдийн хийсэн
авсан дуудлагууд, илгээсэн авсан и-мэйлүүд,
мессенжер чат зэргийг тухайн хэрэглэгчийн
хуудсанд бүртгэх.
 CRM-д зайлшгүй байх 9 зүйл

7. Тайлагнал 
CRM системд үүссэн сэжмийн тоо, тухайн сар,
жилийн борлуулалтын гүйцэтгэл, бүтээмж зэрэг
хэрэгцээтэй тайлан мэдээллийг гаргах боломжтой
байдаг нь гүйцэтгэлээ дүгнэх, тайлагнах, шийдвэр
гаргахад тусалдаг.

8. Гар утаснаас хэрэглэх боломжтой байх

CRM системийг компьютерээс төдийгүй гар утас,
таблетаа ашиглан апп хэлбэрээр ашиглах
боломжтой байх нь чухал. Ялангуяа борлуулалтын
ажилтнууд нь оффисоос гадуур явж уулзалт,
танилцуулга хийж ажилладаг бол зайлшгүй
гаардлагатай. CRM гар утсаар хандах боломж
борлуулалтыг 15% -иар нэмэгдүүлсэн кэйс судалгаа ч
байдаг.

9. Маркетингтай уялдаа, холбоотой байх

Маркетинг, борлуулалтын програмууд харилцан
уялдаа, холбоотой байх нь борлуулалтыг өсгөж
алдагдсан боломжийг бууруулдаг. Маркетингаас
үүссэн худалдан авалт хийх магадлал өндөртэй
боломжит хэрэглэгчийг цаг алдалгүй борлуулалтын
багт мэдээлэл сайтайгаар шилжүүлэн өгөхөд CRM
тусална.
 Дүгнэлт ба зөвлөмж

Шинэ мянганы бизнесүүд үйл ажиллагаагаа хэрэглэгч

төвтэй явуулахад маркетинг, борлуулалт,
харилцагчийн үйлчилгээний багуудын харилцан
уялдаатай, цогц ажиллагаа тун чухал бөгөөд үүний
суурь платформ нь CRM систем юм. 
Дижитал шилжилтийн нэгэн зайлшгүй чухал суурь
платформ болох CRM системийн шийдлээ сонгохдоо
дээр дурдсан 9-өөс гадна дараах зүйлст мөн
анхаараарай:
Борлуулалтын төдийгүй бүхий л ажилтнууд хэт
олон функцтэй, сурахад болон ашиглахад
төвөгтэй програм хангамжуудыг ажилдаа
хэрэглэхээс "төвөгшөөдөг" тул энгийн, сурахад
хялбар байх нь нэн чухал. 
Бизнесийн програм хангамжийн мэдээллийн
порталуудын тойм, квадрант, CRM хэрэглэгчдийн
сэтгэгдэл, үнэлгээ, үнийн харьцуулалтууд хийх.
Үүлэн тооцоолол танайд тохиромжтой юу?
Хэрэв танай бизнес 1000-аас цөөн ажилтантай
бол үүлэн тооцоололд суурилсан шийдлүүд илүү
тохиромжтой. Олон мянган ажилтантай
корпорациуд харин өөрийн дата төв,
серверүүдэд суурилсан шийдэл сонгох нь илүү
түгээмэл.

Дараах холбоосоор зочлон борлуулалт, CRM сэдэвт

зөвлөгөө, нийтлэлүүдтэй танилцаарай:
https://www.bzp.mn/sales
 CRM-ын квадрант

www.g2.com/categories/crm
 Бидний тухай

Бизнесийн амжилтыг инбаундаар...

Бид дижитал маркетинг, вэб

сайт хийх, хэрэглэгчтэй
харилцах менежментийн
систем (HubSpot CRM)
нэвтрүүлэх, чатбот хийх
үйлчилгээ, сургалтуудыг санал
болгодог.

Бид маркетингийн
технологийн тэргүүлэх
шийдлүүд болох HubSpot,
Databox, ManyChat, Integromat
компаниудын партнер,
агентлаг юм.

УТАС, И-МЭЙЛ, ВЭБ: СОШИАЛ: ХАЯГ:

77001623, 99091623 Facebook: bzpmn Twin Tower 1 - 405

info@bzp.mn, Messenger: m.me/bzp.mn Сөүлийн гудамж 10-1
batzorig@bzp.mn Linkedin: company/bzp- СБД 2-р хороо
www.bzp.mn consulting-llc Улаанбаатар хот.