MOTBUNG BAPTIST CHURCH TBA

NUTE SEMINAR (DATE 9-11/2/2022)

Topic: Inneipu chunga Nute mopohna
By: Mrs. Kimboi Singsit

Ichennau India gamsunga kivaihomna lenpen chu Indian Parliament ahi. Hiche kivaihomna’a mopo
alenpen chu President leh Prime Minister ahin, amani letna a gamsung kivaihom ahi. Hiche tobang gol
hin, insunga ima jouse hung kondohna abul hi Minu leh Mipa ahin amani vaihomna’a inchen um ahi.
Hiche insung kivaihomna’a minu leh mipa akilungtoa ahile inchen akhangtouvin hinla akilungto lhon
louva ahile insung chu achimsa khopi gal le tol in alonvuh a melmate soh le kol a hentanga umtobang ahi.
Hiche thudola hin, semtilin Pathenin Adam anasemin chujou chun akithopi dingin Eve asempeh’in ahile
Adam jong akipah lheh jengin ahi. Hitobang gol hin tuni chan hin, Numeite hi pasal sangin boltheina,
seitheina, hetna chule adang danga tampi neijong leuhen semtila Pasal kithopi ding leh monpi dinga sem
ihijeh uhin Nuten inneipu chunga ichan gei mopohna inei uvem ti tampi umjongle noija hin point phabep
kahin pen vekhomu hite.
1. Numei hi Pasal dinga kisem ahi (Gen. 2:18)
2. Inneipu thua nun ding ahi (1 Pet.3:1; Col.3:18; Eph. 5:22-24; Esther.1:1-22)
3. Inneipu monpi leh kisonpi thei minu hiding (Prov. 31:11-31, 12:4; Exo. 4:24-26)
4. A tahsanlou inneipu inei khah le tahsan na apuilut ding ( 1 Cor. 7;13,14,16; 1 Pet.3:1-6)
5. Inneipu toh midang kikah’a chamna sem ding (1 Sam. 25:2-42)
6. Inneipu toh kilungto ding (Acts 18:2, 18)
7. Inneipu lolhinna dinga minu mopohna let dan
8. Inneipu dudan nehle chah’a lunglhaisah jing ding
9. Inneipu kilompi ho avon ho vettup peh jing di (Prov.31:23)
10. Inneipu deidan jepma kivon ding
11. Inneipu toh tahsa lam leh lhagao lama kivop khom jing ding (1 Pet. 3:1,2)
12. Kihetthemto louna ho aphatcha minu hina’a suhtoh loi ding
13. Milah’a inneipu mitmona thu seile lou ding chule kinahpi lou ding
14. Inneipu toh midang ginmo lou ding
15. Neile gou ninglhin mana inneipu to ikah nom jeng ahipoi
16. Chate masanga inneipu toh kinelsang chule aphalou lama kinah lou ding (Prov.21:19 , 27:15)
17. I-inneipu toh midang tekah lou ding
18. Numei in ilei kituhtang ding (James 3:5-12)
19. Numei kholai halen lou ding
20. Inneipu vailhun vaikon hetpeh’a kamnema lemna nei ding
21. Inneipu thilpha lama tilkhou jing minu hiding (Mtt. 14:6-8)
22. Inneipu lungmonpi le tahsan um minu hiding (Prov. 31:11)
23. Inneipu hetpeh louva thillenpi johle choh chule business bollouvin aphai
24. Inneipu itahsan dan ikineppi dan hetsah ji in aphai
25. Inneipu adia phat peh jing ding
Inneipi tehon tunin bolthei tampin inei uve, insung /inneipu te asedeh achimdeh ahitah jongle Nehemiah
in hunguvin Jerusalem kulpi kaipha kit taote ati bangin eihon jong Nehemiah lungchang pu in inneipu
sesa insung chimsa ho sempha dingin panla leuhen Pathenin nikhat teng jona eipeh ding ahi.