PAUNANG SALITA

Ang mga Detalyadong Banghay Aralin na ito sa Filipino 8 ay nilikha, winasto,

tinaya, at nirepaso ng mga guro sa pampublikong paaralan, mga tagapangasiwa at mga
superbisor ng Sangay ng Lungsod ng Malaybalay.

Ito ay nilikha ng mga guro sa iba’t ibang paaralan sa Dibisyon ng Malaybalay

upang (a) matugunan ang mga kakulangan sa mga kagamitang panturo at pagkatuto ng
mga mag-aaral; (b) maibigay ang pangangailangan at mahasa ang kakayahan at
interes ng mga mag-aaral sa ika-21 na siglo; (c) mailahad sa mga guro ang makalidad
na kagamitan na angkop at naaayon sa Kurikulum sa K-12; at (d) mapaunlad ang
kalidad sa pagtuturo gamit ang mga makabagong stratehiya.

Ang mga kompetensing ginamit sa banghay-aralin na ito ay nakabase sa

Curriculum Guide sa Ikalawang Markahan sa Modyul 2. Ito’y tungkol sa mga akdang
pampanitikang lumaganap sa Panahon ng Amerikano, Komonwelt at sa kasalukuyan.
Malinang din ng mga mag-aaral ang kanilang mga kasanayan sa gramatika at retorika
tungkol sa mga hudyat na pagsang-ayon at pagsalungat, kaantasan ng pang-uri at ang
iba’t ibang paraan ng pagpahayag upang mahasa ang kakayahan, mapaunlad ang
kaalaman, kasanayan, pagpapahalaga, at saloobin ng bawat mag-aaral sa Ikawalong
baitang.

Ang mga kagamitang panturong ito ay nangangailangan ng pagpapatunay ng

kabihasaan. Hinihikayat ang mga guro na gamitin at baguhin ang ibang nilalaman nang
naaayon sa kanilang karanasan at kasanayan ng mga mag-aaral. Habang sinusulat ito,
adhikain naming na makapag-ambag ng tagumpay sa pagtuturo, ngunit pumupugay sa
mga makapagpupuno sa anumang kakulangan nito upang lubos na maging
makahulugan at makabuluhan ang ginawang banghay-aralin. Maaari ninyong ipadala
ang inyong puna at mungkahi tungkol dito sa pamamagitan ng pag-email sa
mlyblycity.lrmds@gmail.com.