Taon 35 Blg.
69 Ika-14 na Linggo sa Karaniwang Panahon (K) — Luntian
L igaya
N akatatawang isipin
gaano man ka-moderno ang
panahon, may mga tanong pa
na
rin na hindi pa rin mabigyang-
tugon. Isa sa mga pinakamailap
na usapin ay ang ating pagha-
hanap sa kaligayahan. Para sa
iba, maaaring ang kaligayahan
ay isang emosyong nadarama na
parang pagkabilis-bilis lumipas
sa tuwing mahaharap tayo sa
pagsubok. Sa kabilang banda,
maaaring ito naman ay isang
disposisyon ng ating pag-iral,
isang desisyon na araw-araw
kailangang gawin at panindigan.
Marahil para sa ilan, ang
kaligayahan ay matatagpuan
sa pera, sa kapangyarihan, o sa
katanyagang panlipunan.
Mukhang mas mahirap
hanapin ngayon ang kaligayahan
dahil sa hirap ng pang-araw-araw
na pamumuhay na pinaigting pa
ng ating karanasan ng pandemya.
Sa ating paghahanap ng
kaligayahan at kaginhawaan sa
buhay na ito, bakit tila ba’y mas
maraming sakit at hilahil ang ating
inaani? Totoo kaya ang sinabi
ni Chris Gardner sa pelikulang
“The Pursuit of Happyness”
na ang kaligayahan ay atin
lamang mapagsusumikapang
matamo ngunit hindi kailanman
makakamit? Kung hanggang
Tunay
na
Cl. Russel Matthew
Patolot, SSP
ngayon ay nagtatanong tayo
kung saan at paano liligaya
ngunit nakakaligtaan kung
kanino, maaaring mali ang ating
unang hakbang sa paglutas ng
katanungan.
Pinaaalalahanan tayo ng
ating mga pagbasa na ang tunay
na ligaya ay yaong nakabatay
sa pinakamahalagang “sino”
sa ating buhay—ang Diyos. Sa
kabila ng pasakit at hilahil, laging
may dahilan upang magalak dahil
hindi niya tayo pinababayaan.
Naranasan ito ng Israel sa
pangakong aliw ng Diyos sa gitna
ng karanasan ng pagkasubasob at
pagkalugmok. Naransan din ito
ni Apostol San Pablo kaya kahit
siya’y hirap sa pagmimisyon,
hindi niya ito inalintana;
bagkus kanyang ipinagbunyi
ang kanyang paghihirap bilang
pakikiisa sa Krus ni Hesus. Ito
rin ang karanasan ng pitumpu’t
dalawang hinirang ni Hesus dahil
sa kabila ng banta ng kawalang-
pakialam at tahasang pagtatakwil
sa kanila dahil sa Mabuting
Balita, maligaya pa rin nilang
ginawa ang tungkuling iniatas.
Kilala tayong mga Pilipino
bilang isang masayahing lahi
na kaya pa ring ngumiti sa gitna
ng kalungkutan at trahedya. Ito
marahil ay naka-ugat sa isang mas
Hulyo 3, 2022
malalim na pag-unawa natin sa
misteryo ng paghihirap. Madalas,
ginagamit natin ang salitang
“paghihirap” sa tuwing tayo’y
nakatuon sa ating pansariling
karansan lamang. Kaya talagang
mahirap maging mapayapa
at maligaya sa pagbagtas ng
ating pinagdaraanan. Ngunit
sa sandaling matatagpuan
natin ang kahulugan ng ating
paghihirap sa punto de vista ng
pakikipag-kapwa, ito ay nagiging
“pagpapakasakit” dahil hindi na
lamang tayo nakatuon sa ating
sarili—nakatuon na rin tayo sa
ating kapwa. Ang krus ay nagiging
mas magaan—at nagiging mas
kaaya-aya—kapag sama-sama
nating binubuhat, lalo na kung
ating mababanaag na si Hesus
mismo ang nangunguna sa ating
pagbubuhat.
Malinaw din tayong
pinapaalalahan ni Hesus na
ang kaligayahan ay hindi
siguradong makakamtan kahit
na ibinuhos na natin ang ating
buong lakas, dunong, at talino
sa ating pagtalima sa kanya.
Minsan, kaya tayo madaling
panghinaan ng loob ay dahil
madali tayong madismaya sa
tuwing hindi natin nakukuha ang
mga inaasahan nating bunga ng
ating pagpupunyagi. Hindi atin
ang gawain—ito ay sa Kanya;
hindi atin ang bunga—ito ay
sa Kanya. Hindi tayo hinirang
upang maging matagumpay sa
ating tungkulin; hinirang tayo
upang maging tapat.
Ang tunay na Kristiyano ay
siyang laging masayahin sa harap
ng kalungkutan at kapighatian
ng mundo dahil batid niya na
sa gitna ng mga ito, naroroon
pa rin ang Kristong kanyang
pinaglilingkuran at minamahal.
At ang kaligayahang ito na bunga
ng pag-ibig ay nag-iiwan ng
marka! Tayo nawa ay maging
pilat at marka ng ligaya at pag-
ibig ni Kristo sa isa’t isa.

PASIMULA
Antipona sa Pagpasok
(Slm 48:9–10)
(Basahin kung walang pambungad na awit)
Sa iyong templo, Poong
D’yos, aming isinasaloob
ang ’yong pag-ibig na lubos.
Papuri ng sansinukob sa
malasakit mong taos.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring basahin ito o isang katulad
na pahayag)
P—Kaakibat ng pagiging
Kristiyano ang pagpapahayag
ng Mabuting Balita sa ating
kapwa. Sa Ebanghelyo,
humirang ang Panginoon ng
pitumpu’t dalawang alagad
para mauna sa mga bayan
ng Israel kung saan pupunta
rin siya.
Ang pagpapahayag ng
Ebanghelyo ay hindi lamang
iginawad sa Labindalawa. Ito
ay para sa lahat. Sa misyong ito,
nakikibahagi tayo sa gawaing
pagliligtas ng Panginoon.
Ipanalangin natin ang isa’t-isa
upang ating mapanindigan ang
ating pagsunod kay Kristo.
Pagsisisi
P—Mga kapatid, aminin natin
ang ating mga kasalanan
upang tayo’y maging marapat
gumanap sa banal na pag-
diriwang.(Tumahimik)
B—Inaamin ko sa makapang-
yarihang Diyos at sa inyo,
mga kapatid, na lubha akong
nagkasala (dadagok sa dibdib)
sa isip, sa salita, sa gawa at
sa aking pagkukulang. Kaya
isinasamo ko sa Mahal na
Birheng Maria, sa lahat ng
mga anghel at mga banal at
sa inyo, mga kapatid, na ako’y
ipanalangin sa Panginoong
ating Diyos.
P—Kaawaan tayo ng
makapang­y arihang Diyos,
patawarin tayo sa ating mga
kasalanan, at patnu­ba­yan tayo
sa buhay na walang hanggan.
B—Amen.
P—Panginoon, kaawaan mo kami.
B—Panginoon, kaawaan mo kami.
P—Kristo, kaawaan mo kami.
B—Kristo, kaawaan mo kami.
P—Panginoon, kaawaan mo kami.
B—Panginoon, kaawaan mo kami.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking
kapurihan. Panginoong Diyos,
Hari ng langit, Diyos Amang
makapangyarihan sa lahat.
Pa ng in o o ng He s u k ri s to,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Pambungad na Panalangin
P—Manalangin tayo. (Tumahimik)
Ama naming makapangya-
rihan, pakundangan sa
pagpapakumbaba ng Anak
mong masunurin ibinangon
mo sa pagkadapa ang
sangkatauhang masuwayin.
Ipagkaloob mo sa amin
ang banal na kagalakan
upang kaming sinagip mo
sa kaalipinan ay magkamit
ng iyong ligayang walang
katapusan sa pamamagitan
ni Hesukristo kasama ng
Espiritu Santo magpasawalang
hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (Is 66:10–14k)
(Umupo)
Inilalarawan ng Diyos ang
Jerusalem tulad ng isang anak
na matagal nang naghihirap.
Ang Diyos ang kanyang magiging
ina na buong pagmamahal na
mag-aaruga sa kanya. Magiging
maunlad, malakas, at malusog
muli ang Jerusalem.
Pagbasa mula sa aklat ni
propeta Isaias
MAGALAK ang lahat, magalak
kayo dahil sa Jerusalem,
ang lahat sa inyo na may
pagmamahal, wagas ang
pagtingin; kayo’y makigalak
at makipagsaya, lahat kayong
tumangis para sa kanya.
Ta t a m a s a h i n n i n y o a n g
kasaganaan niya tulad ng
sanggol sa dibdib ng kanyang
ina. Sabi pa ng Panginoon:
“Padadalhan kita ng walang
katapusang pag-unlad. Ang
kayamanan ng ibang bansa
ay dadaloy sa iyong tila agos
ng ilog. Ang makakatulad
mo’y sanggol na buong
pagmamahal na inaaruga
ng kanyang ina. Aaliwin kita
sa Jerusalem, tulad ng pag-
aliw ng ina sa kanyang anak.
Ikaw’y magagalak pag nakita
mo ang lahat ng ito, ikaw ay
lalakas at lulusog, sa gayun,
malalaman mong akong
Panginoon ang kumakalinga
sa mga tumatalima sa akin.”
—Ang Salita ng Diyos.
B—Salamat sa Diyos.
Salmong Tugunan (Slm 65)
T—Sangkalupaang nilalang
galak sa Poo’y isigaw.
1. Sumigaw sa galak ang mga
nilalang!/ At purihin ang Diyos
na may kagalakan;/ wagas na
pagpuri sa kanya’y ibigay!/
Ito ang sabihin sa Diyos na
Dakila:/ “Ang mga gawa mo
ay kahanga-hanga.” (T)
2. Ang lahat sa lupa ika’y
sinasamba,/ awit ng papuri
yaong kinakanta;/ ang iyong
pangala’y pinupuri nila./ Ang
ginawa ng Diyos, lapit at
pagmasdan,/ ang kahanga-
hangang ginawa sa tanan. (T)
3. Naging tuyong lupa kahit
yaong tubig,/ at ang nuno
natin ay doon tumawid;/ kaya
naman tayo’y nagalak nang
labis./ Siya’y naghaharing may
lakas ang bisig. (T)
4. Lapit at makinig, ang
nagpaparangal/ sa Diyos, at
sa inyo’y aking isasaysay/
ang kanyang ginawang mga
kabutihan./ Purihin ang Diyos!
Siya’y papurihan,/ yamang
ang daing ko’y kanyang
pinakinggan,/ at ang pag-ibig
n’ya ay aking kinamtan. (T)
Ikalawang Pagbasa
(Gal 6:14–18)
Isa na lamang ang ipinagma-
malaki ni San Pablo ngayon. Ito’y
walang iba kun’di ang krus ni
Hesukristo, ang krus na nagdulot
ng kaligtasan sa lahat ng tao.
Pagbasa mula sa sulat ni
Apostol San Pablo sa mga
taga-Galacia
MGA KAPATID: Ang krus
lamang ng ating Panginoong
Hesukristo ang siya kong
ipinagmamapuri. Sapagkat sa
pamamagitan ng kanyang krus,
ang sanlibuta’y patay na para
sa akin at ako’y patay na para
sa sanlibutan. Hindi mahalaga
kung tuli man o hindi ang
isang tao. Ang mahalaga’y
ang pagiging bagong nilalang.
Sa lahat ng namumuhay ayon
sa tuntuning ito, at sa mga
nananatiling tapat na bayan
ng Diyos, nawa’y sumakanila
ang kapayapaan at pagpapala
ng Diyos!
Kaya mula ngayon, huwag
nang dagdagan ninuman ang
aking tiisin. Sapat na ang
mga pilat ko, para makilalang
ako’y alipin ni Hesus.
Mga kapatid, sumainyo
nawang lahat ang pagpapala
n g a t i n g Pa n g i n o o n g
Hesukristo. Amen.
—Ang Salita ng Diyos.
B—Salamat sa Diyos.
Aleluya (Col 3:15a, 16a) (Tumayo)
B—Aleluya! Aleluya! Kapa-
yapaan ni Kristo at Salita
n’yang totoo nawa’y manahan
sa inyo. Aleluya! Aleluya!
Mabuting Balita (Lc 10:1–9)
P—Ang Mabuting Balita ng
Pangi­noon ayon kay San Lucas
B—Papuri sa iyo, Panginoon.
NOONG panahong iyon, ang
Panginoon ay humirang pa ng
pitumpu’t dalawa. Pinauna
niya sila nang dala-dalawa
sa bawat bayan at pook na
patutunguhan niya. Sinabi
niya sa kanila, “Sagana ang
aanihin, ngunit kakaunti ang
mga manggagawa. Idalangin
ninyo sa may-ari na magpadala
siya ng mga manggagawa sa
kanyang bukirin. Humayo
kayo! Sinusugo ko kayong
parang mga kordero sa gitna
ng mga asong-gubat. Huwag
kayong magdala ng lukbutan,
supot, o panyapak. Huwag na
kayong titigil sa daan upang
makipagbatian kaninuman.
Pagpasok ninyo sa alinmang
b a h a y, s a b i h i n m u n a
ninyo, ‘Maghari nawa ang
kapayapaan sa bahay na ito!’
Kung maibigin sa kapayapaan
ang nakatira roon, sasakanila
ang kapayapaan; ngunit kung
hindi, hindi sila magkakamit
nito. Manatili kayo sa bahay
na inyong tinutuluyan; kanin
ninyo at inumin ang anumang
idulot sa inyo—sapagkat
ang manggagawa ay may
karapatang tumanggap ng
kanyang upa. Huwag kayong
magpapalipat-lipat ng bahay.
Kapag tinanggap kayo sa
alinmang bayan, kanin ninyo
ang anumang ihain sa inyo;
pagalingin ninyo ang mga
maysakit doon, at sabihin
sa bayan, ‘Nalalapit na ang
paghahari ng Diyos sa inyo.’”
—Ang Mabuting Balita ng
Panginoon.
B—Pinupuri ka namin,
Panginoong Hesukristo.
Homiliya (Umupo)
Pagpapahayag ng
Pana­nam­­palataya (Tumayo)
B—Sumasampalataya ako
s a D i yo s A m a n g m a k a -
pangyarihan sa lahat, na may
gawa ng langit at lupa.
Sumasampalataya ako
kay Hesukristo, iisang Anak
ng Diyos, Panginoon nating
lahat. Nagkatawang-tao siya
lalang ng Espiritu Santo,
ipinanganak ni Santa Mariang
Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog
sa kinaroroonan ng mga
yumao. Nang may ikatlong
araw nabuhay na mag-uli.
Umakyat sa langit. Naluluklok
sa kanan ng Diyos Amang
makapangyarihan sa lahat.
Doon magmumulang paririto
at huhukom sa nanga­bubuhay
at nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao at sa buhay
na walang hanggan. Amen.
Panalangin ng Bayan
P—Ama, patuloy ka nawang
magsugo ng mga mabubuting
manggagawa sa iyong
ubasan. Taos-puso nawa
naming paglingkuran ang
iyong kawan upang patuloy
naming maipahayag nang may
tapang ang Mabuting Balita
mo. Buong pagtitiwala tayong
manalangin:
T—Panginoon, dinggin mo
ang iyong bayan.
L—Maisabuhay nawa ng mga
namumuno sa Simbahan at
sa pamahalaan ang radikal
na mensahe ng Ebanghelyo
hindi man sila maunawaan
at kilalanin. Manalangin
tayo: (T)
L—Matanto nawa ng aming
mga lingkod-bayan na sila
may mga misyronero rin;
tinawag upang maging buhay
na saksi ng Mabuting Balita
ng katotohanan sa pulitika,
ekonomiya, industriya ng
kalakaran, edukasyon, agham
at komunikasyon. Manalangin
tayo: (T)
L—Patuloy nawang madama
ang awa at pakikiisa mo,
O Diyos, sa iyong kawan
sa pamamagitan ng mga
apostolado ng mga misyonero,
relihiyoso’t relihiyosa. Huwag
nawa silang panghinaan ng
loob sa kabila ng pagtatakwil
o pagtalikod ng mga taong
nais nilang paglingkuran.
Manalangin tayo: (T)
L—Maipahayag nawa ng
bawat Kristiyanong Pamilya
si Hesus, kahit na ang Krus
ay mistulang mukha ng
paghihirap at kahihiyan sa
iilan. Manalangin tayo: (T)
L—Makasumpong nawa ng
kapayapaan at pagpapatawad
ang mga kapatid naming
yumao sa liwanag na dulot
mo, Ama. Manalangin tayo: (T)
L—Sa ilang sandali ng
katahimikan itaas natin sa
Diyos ang ating personal
na kahilingan gayundin
ang mga taong lubos na
nangangailangan ng ating
panalangin (Tumahimik) .
Manalangin tayo: (T)
P — Ama, maipagpatuloy
nawa namin ang misyon ni
Hesus upang kami’y maging
karapat-dapat na tawaging mga
anak mo sa pamamagitan ni
Hesukristong aming Panginoon.
B—Amen.
PAGDIRIWANG NG
HULING HAPUnan
Paghahain ng Alay
(Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan, sa ating
kapaki­nabangan at sa buong
Samba­yanan niyang banal.
Panalangin ukol sa mga Alay
P—Ama naming Lumikha,
ang paghahain namin sa iyong
ngalan ay siya nawang sa
ami’y dumalisay upang ito ay
maging pagganap araw-araw
ng aming paglipat sa buhay
sa kalangitan sa pamamagitan
ni Hesukristo kasama ng
Espiritu Santo magpasawalang
hanggan.
B—Amen.
Prepasyo (Karaniwan VIII)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­
noon.
P—Pasalamatan natin ang
Pangi­noong ating Diyos.
B—Marapat na siya ay pasala­
matan.
P—Ama naming maka­
pangyarihan, tunay ngang
marapat na ikaw ay aming
pasalamatan.
Ang iyong mga supling
na nagtaksil ay nagbabalik
ngayon sa iyong paggiliw
bunga ng malasakit ng Anak
mong masunurin at ng
Espiritung bigay upang lahat
ay kupkupin. Kaming mga
tinubos ng Anak mong mahal
ay niloob mong magtipon at
magkapisan upang magsalo
sa masaganang hapag ng
buhay. Kaisa ng Anak mo at
ng Espiritu Santo ang iyong
sambayana’y nagpupuri sa
iyo. Nagkakapisan ngayon
ang bumubuo sa Katawan ni
Kristo. Nagkakatipon ngayon
ang pinananahanan ng iyong
Espiritu.
Kaya kaisa ng mga anghel
na nagsisiawit ng papuri sa
iyo nang walang humpay sa
kalangitan, kami’y nagbubunyi
sa iyong kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit
at lupa ng kaluwalhatian
mo! Osana sa kaitaasan!
Pinagpala ang naparirito sa
ngalan ng Panginoon! Osana
sa kaitaasan! (Lumuhod)
Pagbubunyi (Tumayo)
B—Aming ipinahahayag na
nama­tay ang ‘yong Anak,
nabu­h ay bilang Mesiyas at
magba­b alik sa wakas para
mahayag sa lahat.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian
at ang kapangyarihan at ang
kapu­­rihan magpakailanman!
Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Di-
yos. Ito ang nag-aalis ng mga
kasalanan ng sanlibutan. Ma-
palad ang mga inaanyayahan
sa kanyang piging.
B—Panginoon, hindi ako
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 34:9)
Lasapin ninyo at tikman ang
sarap ng pagmamahal ng
Panginoong Maykapal. Malaki
ang kapalaran pag s’ya’y
pinagtiwalaan.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
kaming iyong pinapakinabang
ay l o o b i n m o n g l a g i n g
lumingon sa pinanggalingan
ng tinanggap namin
ngayon para pagsaluhan sa
pamamagitan ni Hesukristo
kasama ng Espiritu Santo
magpasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo habang
iginagawad ang pagbabasbas.
(Tumahimik)
Ama naming mapagpala,
ipagkaloob mong makilala ng
iyong bayan ang ipinahayag
na sinasampalatayanan at
mahalin ang tinanggap sa
pagdiriwang na banal na
pakikinabang sa pamamagitan
ni Hesukristo kasama ng
Espiritu Santo magpasawalang
hanggan.
B—Amen.
P — Pa g p a l a i n k a y o n g
makapangyarihang Diyos,
Ama at Anak (†) at Espiritu
Santo.
B—Amen.
Pangwakas
P — Ta p o s n a a n g M i s a .
Humayo kayong taglay ang
k a p aya p a a n u p a n g a n g
Panginoon ay mahalin at
paglingkuran.
B—Salamat sa Diyos.