Taon 34 Blg.
21 Ika-33 Linggo sa Karaniwang Panahon (A) — Luntian
“W alang forever!”
Kamakaila’y nauso
itong paghihinagpis ng mga
taong bigo, lalo na sa larangan
ng pakikipag-relasyon. Talaga
bang walang forever? Ano ang
opinyon ng ating Kristiyanong
katuruan? Para sa isang
Kristiyano, ang paninindigang
“walang forever” ay medyo
tama pero medyo mali rin.
Medyo tama. Sapagkat kung
pagbabatayan natin ang ating
karanasan sa lupang ibabaw,
talagang lahat ng bagay
ay lumilipas at nababago.
Maaaring kitain at ariin ang
pera at yaman pero maari
ring manakaw o mawala.
Maaaring makamit ang poder
at posisyon ngunit maaari rin
itong itong maagaw at mawala.
Ang kalusugan at itsura ay
hindi makatatakas sa pag-usad
ng panahon. Ang pagka-uso
at reputasyon ay mauuwi rin
sa pagkalaos at pagtatapos.
Ang mga bundok at dagat,
ang mga lambak at ilog, ang
mga halaman at hayop, hindi
sila forever sapagkat patuloy
ang pagbabanyuhay ng sang-
nilikha.
Basahin ang pagninilay bago o pagkatapos lamang ng Misa upang
makabahagi nang taimtim sa Banal na Pagdiriwang.
Nobyembre 15, 2020
Walang
Forever
dito sa
LUPA
Ang mga damdamin, hindi
rin sila forever; maaring tu-
wang tuwa tayo kahapon pero
nalulungkot na ngayon, o galit
na galit kahapon pero takot na
takot naman ngayon. Normal
lamang na mabighani at ma-
humaling sa kasintahan mo
noon pero ngayong matagal
nang asawa’y nanananawa na
o nabuburyong. Kaya’t dito
talagang nasusubok ang mga
pagsasama at relasyon.
Hindi “mafo-forever” ang
mga bagay na ito kahit anong
pilit natin. Pero minsan
niloloko natin ang sarili natin.
Palibhasa’y walang forever sa
ibabaw ng lupa, “binabaon”
natin sila sa ilalim ng lupa,
tulad ng huling katiwala sa
talinhaga, sa pag-aakalang ma-
papanitili silang forever. Tina-
tago natin ang ating yaman sa
halip na linangin at ibahagi ito.
Sinasarili’t inaangkin natin ang
poder sa halip na gamitin ito sa
wagas na paglilingkod. Inaabu-
so natin ang kalikasan sa halip
na alagaan ito. Nag-aadik tayo
sa sarap at saya, o nagtatanim
tayo ng galit, o nag-iipon ng
lungkot, o nagtatago ng takot
sa halip na magbukas at mag-
alay ng sarili sa pagmamahal at
pagmamalasakit. Kinukulong
natin ang mga relasyon natin
sa mga guni-guni nating mga
pagaasam sa halip na maging
bukas sa pagtuklas ng misteryo
ng ating kapwa.
Sa lupa, wala talagang forever!
Pero para sa ating Kristiya-
no, mali pa rin ang sabihing,
“walang forever.” Alam nat-
ing may forever, subalit hindi
ito matatagpuan sa ibabaw ng
lupa, ni mababaon sa ilalim
nito. Ang forever ay biyayang
buhat sa langit! Ang totoong
tumatagal at hindi kumukupas
ay ang mahabaging pagmama-
hal at ang ganap na katarungan
ng ating Ama sa langit. Huwag
tayong mag-alinlangan. Tunay
na darating ang Diyos na nag-
mamahal at nagdadalang-awa
at kaligtasan, sa panahon at
paraan na hindi natin inaasa-
han. Hindi niya tayo pinaba-
bayaan, dahil Siya ang totoong
forever.
Kapag naputol ang kawing ng
pagtitiwala natin sa makalan-
git na Diyos na siyang totoong
forever, nahuhulog tayo sa tuk-
song magpaalipin at magpaku-
long sa mga bagay na makalu-
pa, na mabubuti at mahahalaga
naman ngunit hindi forever.
Ipinagkatiwala sila sa atin ng
tunay na May-ari hindi upang
itago natin o sarilinin kundi
upang payabungin, pagbunga-
hin, at ibahagi alang-alang na
rin sa ating ikaliligtas at ika-
bubuti. Walang forever sa lupa.
Pero may totoong forever: ang
pag-ibig ng Diyos.
—Fr. Joseph Don D. Zaldivar

PASIMULA
Antipona sa Pagpasok
(Jer 29:11,12,14)
(Basahin kung walang pambungad na awit)
Sinabi ng Poong banal, pag-asa’t
kapayapaan ang nais kong inyong
kamtan. Kayo’y aking paki­kinggan
at bibigyang kala­yaan.
Pagbati
(Gawin dito ang tanda ng krus)
P - Sumainyo ang Panginoon.
B - At sumaiyo rin.
Paunang Salita
(Maaaring basahin ito o isang katulad
na pahayag)
P - Ipina­ha­ha­yag sa talinghaga
ng mga talento na ang ating
pagbabantay at pag­h ahanda
a y n a n g a n g a h u ­lu g a n n g
paggamit nang mahusay sa
mga kaloob ng Diyos. Ibinigay
ng Diyos ang mga talento hindi
para lamang sa ating sariling
kapakanan kundi para ita­tatag
ang kanyang paghahari dito
sa mundo. Ang mga tunay na
alagad ng Panginoon ay totoong
maa­asahan kung ang mga biya­
yang tinanggap natin mula sa
kanya ay gagamitin para sa
pag-aaruga at pagmamalasakit
sa ating kapwa.
Pagsisisi
P - Mga kapatid, aminin natin ang
ating mga kasalanan upang tayo’y
maging marapat gumanap sa
banal na pagdiriwang. (Tumahimik)
B - Inaamin ko sa makapang­
yarihang Diyos at sa inyo, mga
kapatid, na lubha akong nag­
kasala, (dadagok sa dibdib) sa isip,
sa salita, at sa gawa, at sa aking
pagkukulang. Kaya isinasamo
ko sa mahal na Bir­heng Maria,
sa lahat ng mga ang­hel at mga
banal, at sa inyo, mga kapatid, na
ako’y ipana­langin sa Panginoong
ating Diyos.
P - Kaawaan tayo ng makapang­
yarihang Diyos, patawarin tayo sa
ating mga kasalanan, at patnu­bayan
tayo sa buhay na walang hanggan.
B - Amen.
P - Panginoon, kaawaan mo kami.
B - Panginoon, kaawaan mo kami.
P - Kristo, kaawaan mo kami.
B - Kristo, kaawaan mo kami.
P - Panginoon, kaawaan mo kami.
B - Panginoon, kaawaan mo kami.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong ang­
king kapurihan. Panginoong
Diyos, Hari ng langit, Diyos
Amang makapangyarihan sa
lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Pambungad na Panalangin
P - Manalangin tayo. (Tumahimik)
Ama naming makapangyari­
han, ipagkaloob mong lagi na­ming
ikaligayang ikaw ay pag­ling­kuran
sapagkat walang maliw at walang
kahulilip ang kasiyahan kapag
sumasamba sa iyong ka­pang­
ya­rihang nagpapairal sa tanang
sanlibutan sa pamamagitan ni
Hesukristo kasama ng Espiritu
Santo magpasawalang hanggan.
B - Amen.
PAgpapahayag
ng salita ng diyos
Unang Pagbasa [Kaw 31:10-13,
19-20, 30-31](Umupo)
Nagtatapos sa isang awit ng
papuri para sa huwarang ina
at asawa ang aklat ng Mga
Kawikaan. Inilalarawan siya
bilang babaeng ginagamit ang
kanyang mga talento para sa
ikabubuti ng kanyang pamilya
at ng mga mahihirap.
Pagbasa mula sa aklat ng Mga
Kawikaan
MAHIRAP makakita ng mabu­
ting asawa, higit sa mamaha­
l i n g a l a h a s a n g k a nya n g
halaga. Lubos ang tiwala ng
kanyang asawa, at saga­n ang
pakinabang ang maka­k amit
niya. Pinaglilingkuran niya ang
kanyang asawa habang sila’y
nabubuhay, pawang kabuti­han
ang ginagawa at di kasamaan.
Wala siyang tigil sa paggawa,
hindi na halos nagpapahinga,
humahabi ng kanyang lino at
saka ng lana. Siya’y gumagawa
ng mga sinulid, at humahabi
ng sariling damit. Matu­lungin
siya sa mahi­rap at sa nanga­
ngailangan ay bukas ang palad.
Magdaraya ang pang-akit at
kumu­kupas ang ganda ngunit
ang ba­b aing may takot sa
Panginoon ay pupurihin ng
balana. Ibunton sa kanya ang
lahat ng parangal, karapat-
dapat siya sa papuri ng bayan.
— Ang Salita ng Diyos.
B - Salamat sa Diyos.
Salmong Tugunan (Slm 127)
T - Mapalad ang sumusunod na
taong may takot sa Diyos.
1. Mapalad ang bawat tao na
sa Diyos ay may takot,/ ang
maalab na adhika’y sumunod
sa kanyang utos./ Hindi siya
magkukulang sa anumang
kailangan,/ ang buhay ay
maligaya’t uunlad ang kanyang
buhay. (T)
2. Sa tahanan, ang asawa’y
parang ubas na mabunga./
Bagong tanim na olibo sa may
dulang ang anak niya. (T)
3. Ang sinuman kung ang
Diyos buong pusong susundin,/
buhay niya ay uunlad at laging
pagpa­p alain./ Mula sa Sion,
pagpapala nawa ng Diyos ay
tanggapin./ At makita habang
buhay, pag-unlad ng Jerusalem.
(T)
Ikalawang Pagbasa (1 Tes 5:1-6)
Ipinaaalala ni San Pablo na
maging gising tayo para sa
pagdating ni Jesus. Nag­ha­handa
para sa araw ng Panginoon
silang mga nasa panig ng
liwanag.
Pagbasa mula sa unang sulat
ni Apostol San Pablo sa mga
taga-Tesalonica
MGA KAPATID: Hindi na kaila­
ngang isulat ko pa sa inyo kung
kailan magaganap ang mga bagay
na ito, sapagkat alam na ninyong
ang pagdating ng Araw ng Pangi­
noon ay tulad sa pagdating ng
mag­nanakaw. Kapag sinasabi
ng mga tao, “Tiwasay at panatag
ang lahat,” biglang darating ang
kapa­hamakan. Hindi sila makaii­
was sapagkat ang pagdating
nito’y tulad ng pagsum­p ong
ng pagda­ramdam ng babaing
manganga­n ak. Ngunit hindi
kayo nabubu­hay sa kadili­man,
mga kapatid, kaya’t hindi kayo
mabi­bigla sa Araw na yaon na
darating na parang magna­nakaw.
Kayong lahat ay kabilang sa
panig ng kaliwanagan—sa panig
ng araw—hindi sa panig ng
kadiliman o ng gabi. Kaya nga,
kailangang tayo’y manatiling
gising, laging handa, at malinaw
ang isip—di tulad ng iba.
— Ang Salita ng Diyos.
B - Salamat sa Diyos.
Aleluya [Juan 15: 4a, 5b] (Tumayo)
B - Aleluya! Aleluya! Sa Poon
ay manatili, siya’y sa atin lalagi
at ma­m ungang maluwalhati.
Aleluya! Aleluya!
Mabuting Balita (Mt 25:14-30)
P - Ang Mabuting Balita ng
Panginoon ayon kay San Mateo
B - Papuri sa iyo, Panginoon.
NOONG panahong iyon, sinabi ni
Hesus sa kanyang mga alagad ang
talinghagang ito: “Ang paghahari
ng Diyos ay maitutulad dito: May
isang taong maglalakbay, kaya
tinawag niya ang kanyang mga
alipin at ipinagkatiwala sa kanila
ang kanyang ari-arian. Binigyan
niya ng salapi ang bawat isa ayon
sa kanya-kanyang kakayahan:
binigyan niya ang isa ng liman­
libong piso, ang isa nama’y
dala­wanlibong piso, at ang isa
pa’y san­libong piso. Pagkata­pos,
siya’y umalis. Humayo agad ang
tumang­­­gap ng limanlibong piso
at ipinangalakal iyon. At nagtubo
siya ng limanlibong piso. Gayun
din naman, ang tumanggap ng
dalawanlibong piso ay nagtubo
ng dalawanlibong piso. Ngunit
ang tumanggap ng sanlibong piso
ay humukay sa lupa at itinago ang
salapi ng kanyang panginoon.
“Pagkaraan ng mahabang
pana­hon, bumalik ang panginoon
ng mga aliping iyon at pinapag­
sulit sila. Lumapit ang tumanggap
ng liman­libong piso. Wika niya,
‘Panginoon, heto po ang liman­
libong piso na bigay ninyo sa
akin. Heto pa po ang limanli­bong
pisong tinubo ko.’ Sinabi sa kanya
ng panginoon, ‘Magaling! Tapat
at mabuting alipin! Yamang na­
ging tapat ka sa kaunting halaga,
pamamahalain kita sa malaking
halaga. Makihati ka sa aking
kagalakan!’ Lumapit ang tumang­
gap ng dalawanlibong piso, at
ang sabi, ‘Panginoon, heto po
ang ibini­gay ninyong dalawan­li­
bong piso. Heto naman po ang
dalawan­libong pisong tinubo ko.’
Sinabi ng kan­yang panginoon,
‘Magaling! Tapat at mabuting
alipin! Naging tapat ka sa kaun­
ting halaga, kaya pamama­ha­lain
kita sa mala­king halaga. Makihati
ka sa aking kaga­lakan!’ At lumapit
naman ang tumang­gap ng sanli­
bong piso. ‘Alam ko pong kayo’y
mahigpit,’ aniya. ‘Guma­ga­pas
kayo sa hindi ninyo tinam­nan, at
nag-aani sa hindi ninyo hinasi­kan.
Natakot po ako, kaya’t ibinaon ko
sa lupa ang inyong salapi. Heto
na po ang sanlibong piso ninyo.’
‘Masama at tamad na alipin!’
tugon ng kanyang pangi­noon.
‘Alam mo palang guma­gapas ako
sa hindi ko tinam­nan at nag-aani
sa hindi ko hinasikan! Bakit hindi
mo iyan inilagak sa bangko, di
sana’y may nakuha akong tubo
nga­yon? Kunin ninyo sa kanya
ang sanli­bong piso at ibigay sa
may sam­punlibong piso. Sapagkat
ang may­roon ay bibigyan pa at
mana­na­gana; ngunit ang wala,
kahit ang kakaunting nasa kanya
ay kukunin pa. Itapon ninyo sa
kadili­man sa labas ang aliping
walang kabuluhan. Doo’y tata­
ngis siya at mag­ngangalit ang
kanyang ngipin.’”
— Ang Mabuting Balita ng
Panginoon.
B - Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B - Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay Hesu-
kristo, iisang Anak ng Diyos,
Panginoon nating lahat, nagkata-
wang-tao siya lalang ng Espiritu
Santo, ipinanganak ni Santa
Mariang Birhen. Pinagpakasakit
ni Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao,
nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa
lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman ako
sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao at sa buhay
na walang hanggan. Amen.
Panalangin ng Bayan
P - Manalangin tayo sa Ama
upang maging tapat at mahusay
tayo sa paggamit ng mga
pagkakataon at biyaya hanggang
sa pagdating ng kanyang Anak:
T - Panginoon, dinggin mo ang
aming panalangin.
L - Para kay Papa Francisco at
sa mga namumuno sa Sim­
bahan: Maging instrumento
nawa sila ng paglago ng ating
buhay pananampalataya at
mapagyaman ang kanilang
talento sa kanilang paglilingkod.
Manalangin tayo: (T)
L - Para sa mga pinuno ng ating
pama­h alaan: Mapakinggan
nawa nila ang tinig ng
mamamayan para sa kapakanan
ng bayan at hindi ng iilang tao na
naghahangad ng pagmamalabis
at kapangyarihang para sa
kanilang pansariling interest.
Manala­ngin tayo: (T)
L - Para sa mga biktima ng
pang-aapi at kawalang
katarungan: Makamit nawa nila
ang ipinaglalabang kalayaan at
hustisya laban sa pang-aabuso
ng mga mapagsamantala sa
bayan. Manala­ngin tayo: (T)
L - Para sa ating lahat na natitipon
ngayon: Magamit nawa natin ang
talentong ipinagkaloob sa atin
ng Diyos upang mapaglingkuran
ang ating kapwa nang may pag-
ibig at kaligayahan. Manalangin
tayo: (T)
L - Para sa mga yumao nating
mahal sa buhay: Makamtan
nawa nila ang biyaya ng Diyos
sa lahat ng mga talentong
kanilang ipinamalas noong sila
ay nabubuhay pa. Manalangin
tayo: (T)
P - Diyos naming Ama,
tunghayan mo ang mga
pangangailangan ng iyong
bayan na nagsusumamo sa iyo
sa pamamagitan ni Hesukristong
Anak mo at aming Panginoon.
B - Amen.
Pagdiriwang
ng huling hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Sambayanan
niyang banal.
Panalangin ukol sa mga Alay
P - Ama naming Lumikha,
ipag­k a­loob mo ang iyong
masinta­h ing pag­t ingin sa
aming mga alay upang ang
kagandahang-loob mo ay
a­ming makamtan at ang bunga
ng walang hanggang pag-iral
ay aming mapakinabangan sa
pama­m agitan ni Hesukristo
kasama ng Espiritu Santo mag-
pasawalang hangan.
B - Amen.
Prepasyo (Karaniwan V)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Pangi­noon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapangyari­
han, tunay ngang marapat na
ikaw ay aming pasalamatan.
Ikaw ang lumikha sa
tanan. Ikaw ang nagtakdang
magkaroon ng gabi at araw,
gayun din ng tag-init at tag-
ulan. Ikaw ang humu­b og sa
tao bilang iyong kawangis na
mapag­kakatiwa­laang manga­
siwa sa daig­dig. Ikaw ngayo’y
pinag­­liling­kuran sa pagganap sa
panana­gutan ng iyong pinagti­
tiwalaan sa pama­ma­gitan ng
Anak mong mahal.
Kaya kaisa ng mga anghel
na nagsisiawit ng papuri sa
iyo nang walang humpay sa
kalangitan, kami’y nagbubunyi
sa iyong kadakilaan:
B - Santo, Santo, Santo...(Lumuhod)
Pagbubunyi (Tumayo)
B - Si Kristo’y namantay! Si
Kristo’y nabuhay! Si Kristo’y
babalik sa wakas ng panahon!
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu-
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng kasalanan ng
sanlibutan. Mapalad ang mga
inaanyayahan sa kanyang piging.
B - Panginoon, hindi ako ka-
rapat-dapat na magpatulóy sa
iyo ngunit sa isang salita mo
lamang ay gagaling na ako.
Antipona sa Komunyon (Slm73:28)
Sa sarili’y hangarin ko sa piling
ng D’yos madako at panatag
ngang totoo ang aking pag-asang
ito na siya’y hindi maglililo.
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal, sa
pinagsaluhan naming banal na
pakikinabang ang amin nawang
pag-ibig ay lalong madag­dagan
ng ginawa namin sa pag-alala
sa Anak mong mahal na nag-
utos ipagdiwang ang Huling
Hapunan sa pama­magitan ni
Hesukristo kasama ng Espiritu
Santo magpa­sa­walang hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayong lahat at
hingin ang pagpapala ng Diyos.
(Tumahimik)
Ama naming mapagpala,
patnubayan mo ang mga pagsisikap
ng iyong sambayanan na sundin
ang loob mo at pakundangan sa
iyong pangako, marapatin mong
kamtin ang kahilingan ng tanang
dumadalangin sa pamamagitan
ni Hesukristo kasama ng Espiritu
Santo magpasawalang hanggan.
B - Amen.
P - Pagpalain kayo ng makapang-
yarihang Diyos, Ama at Anak
(†) at Espiritu Santo.
Pangwakas
P - Tapos na ang Banal na Misa.
Humayo kayo sa kapayapaan
ni Kristo.
B - Salamat sa Diyos.