IVETO ANG VAPE BILL

Marami ang humihiling kay President Duterte na I-veto o ibasura niya

ang Senate Bill No. 2239(Vaporized Nicotine and Non Nicotine Products
Regulation Act)na ipinasa ng Senador noong Disyembre 2021.Bababa na
sa pwesto si President Duterte sa Hunyo 30 at may maganda siyang
maiiwan kung hindi niya lalagdaan ang nasabing panukalang batas na
kahit saang anggulo tignan,walang kapakinabangan.

Ang masama pa sa panukalang ito,binabaan pa ang edad ng mga

kabataan na makabibili at makaga-gamit ng vape.Mula 21-
anyos,ginawang 18-anyos ang makaka-access. Isang tuwirang paghikayat
sa mga kabataan na magbisyo.

Nang ipasa ang Vape Bill,maraming health advocates at iba pang sector
ang umalma. Sinabi ng mga doktor na delikado ang vape sa kalusugan.
Katulad ng sigarilyo, mapanganib ang paggamit nito. Sinabi ng
Department of Health (DOH),kumokontra ang panukalang batas sa pinu-
promote ng pamahalaan na mapangalagaan ang kalusugan ng publiko.
Nagtagumpay na anila ang bansa sa pagkontrol sa tabako pero
nagkakandarapa naman para isulong ang paggamit ng vape.

Ayon sa mga pag-aaral,ang vape ay may sangkap na chemicals na gaya

ng nicotine,propylene glycol,carbonyls at carbon monoxide na nakaka-
addict at nagiging dahilan ng cancer. Noong 2018,nakapagtala ang
Pilipinas kauna-unahang e-cigarette associated lung injury na
kinasangkutan ng 16-anyos na babae sa Visayas. Ayon sa report,second
hand smoke ang tumama sa babae na nalanghap sa mga kasama sa
bahay na gumagamit ng vape.

Maigting ang panawagan nang maraming sector at mga tanggapan ng

pamahalaan na ibasura ni President Duterte ang Vape Bill. Isa ang
Deparment of Education(DepEd) sa nananawagan sa presidente. Ayon sa
DepED,nararapat protektahan ang mga kabataan sa bisyong ito. Mahigit
na 40 medical groups ang humiling sa presidente na ibasura ang
kontrobersyal na panukala sa vape.

Galit si President Duterte sa illegal drugs,sa sigarilyo at syempre sa vape.

Kung marami ang mananawagan na huwag niyang lagdaan ang Vape
Bill,makikinig at susunod ang presidente sa boses ng nakararami. Mag-
alsa boses ang lahat para ibasura ang Vape Bill.