TATA IBADAH PAGI

Pesta Olob-Olob Jemaat GKPS

Minggu, 7 Agustus 2022

Tema:
“Hasadaon pakon Pangidangion na Marbuah” (Kolosse 1:10)
Subtema:
“Mangarahkon Kuria Marsitungkolan pakon Marsipatoguhan ampa Marsipardiateian
Mandompakkon Paruntolon ni Goluh"

0
Praeludium
- Haganup sipartugas mambahen persiapan i ruang konsistori & sosialisasi
tata ibadah
- Barisan prosesi irik mandodingkon Haleluya No. 417:1, 2, & 4, “Marhata
Giring-Giring”
(Ayat 1 idodingkon Inang)
Marhata giring-giring bapa, mandilo roh marminggu
Sai ulang hita tading bapa, bai ontangan ni Jesus
Ai in do arta sijengesan, na gok malas ni uhur
(Riap haganup) Reff:
Naima tongon! Eta ma da! Tapang hita marminggu
(Ayat 2 idodingkon Bapa)
Dear ma ham marhobas inang, ase borhat sonari
Riap pakon niombah inang, on ma da panorangni
Odor lao hu gareja inang, tapang hita sonari
(Riap haganup) Reff:
Naima tongon! Eta ma da! Tapang hita marminggu
(ayat 4 idodingkon haganup)
Sirsir ma hita on haganup, tangihon ma ambilan
Manjalo malas uhurta rup, pasu-pasu ni Tuhan
Manompa paruhuran talup, lao mangirikhon Tuhan
(Riap haganup)Reff:
Naima tongon! Eta ma da! Tapang hita marminggu

Tingting

1. Votum – Introitus – Tonggo

P : Riap ma hita jongjong!
Ibagas Goran ni Naibata Bapa, pakon Tuhan Jesus Kristus, ampa Tonduy
Napansing, Sitompa langit pakon tanoh on. Amen.
Jahowa do gogohku pakon gantarhu; hu Bani do mangarap uhurhu gabe
iurupi do ahu.
K : Halani ai marolob-olob do uhurhu, anjaha hupuji ma Ia marhitei dodingku.
P : Jahowa do pargogoh bani bangsa-Ni, anjaha batar-batar hatuahon do Ia bani
na mininakan-Ni.
K : Paluah Ham ma bangsa-Mu anjaha pasu-pasu ma pusaka-Mu
P : Sai parmahani anjaha ombah Ham ma sidea ronsi sadokah ni dokahni.
Haleluya, Haleluya, Haleluya
1
P+K : (Mandodingkon) Haleluya…Haleluya…Haleluya
P : Martonggo ma hita!
Ham Naibata Bapanami, Tuhan pardear layak janah na unjah mambere pasu-
pasu. Isarihon Ham do hanami pakon haganup na tinompa-Mu marhitei
bagei ni pasu-pasu pakon sibere-bere na madear. Domma 119 tahun
Ambilan na madear in das i tanoh Simalungun, janah sonai ma dokahni
homa Ham mangkasomani, mampargogohi ampakon mamasu-masu hanami
kuria GKPS. Halani ai,ajari Ham ma hanami marhitei Tonduy-Mu, ase
lambin ibotoh hanami mangkargahon pakon mamakeihon pasu-pasu-Mu in
gabe hasangapon ni goran-Mu. Paruhuri Ham ma hanami na martumpu bani
panorang on, ase lambin iidah hanami banggal ni kuasa-Mu bani haganupan
na hinorjahonnami na dob boi mambere buah na madear. Paingat Ham ma
homa hanami Tuhan, ase lambin isaksihon hanami habanggalon-Mu hubani
dunia on marhitei ganupan pasu-pasu na dob iondoskon Ham hubannami.
Ibagas uhur na martarimakasih pakon marolob-olob do nuan hanami mamuji
pakon pasangapkon Ham. Amen.
2. Doding Haleluya No.395 :1-2, “Pasangap ma Tuhanta”
Pasangap ma Tuhanta marhasoman arbab pakon doding
Sombahkon ma pujian marhiteihon inggou maraloling
Dear ma riap mandoding haganupan malas uhur rap mangolobkon
Porini adong pusok ni paruhuran roh do Tuhan lao patorsahon
Dodingkon doding baru marhasoman sora na marlurlur
Pamaling ma soramu songon parmaling ni taur-taur
Dear ma riap mandoding haganupan malas uhur rap mangolobkon
Porini adong pusok ni paruhuran roh do Tuhan lao patorsahon
3. Hasasapan ni Dousa
P : Riap ma hita jongjong!
....... ( hening ±10 detik ).......
Ham Tuhan Naibata Bapanami na i nagori atas, paridop ni uhur mangidah
hanami. Ham Bapa, jongjong do nuan hanami i lobei-lobei-Mu,
mambobankon dirinami na so talup, halani buei ni dousanami. Ham Tuhan,
holong ma Ham hubannami pardousa on...

K :

2
 ....... ( hening ± 10 detik ).......
P : Hata-Mu do mangkatahon ase marsihaholongan hanami. Tapi gati ope
marsipakulah-kulah janah sitonggor jumbak hanamimandompakkon
hasomannami. Lang ope sauhur hanami laho mangihutkon Ham. HamTuhan,
holong ma Ham hubannami pardousa on...
K : (Mandodingkon) Tuhan holong ma Ham...
....... ( hening ± 10 detik ).......
P : Ham Tuhan, domma 119 Tahun Ambilan Namadear ipabotohkon Ham
hubani kuriaMu. Isuruh Ham do juakjuak-Mu Pdt. August Theis na hun
Jerman pakon Pdt. Jaulung Wismar Saragih rap pakon ompungnami na lobei
na adong i tanoh Simalungun laho pasaudkon harosuhMu i tanoh Simalungun,
ase itanda janah ibotoh hanami ise Sipaluah bani goluhnami. Tapi, gati
tumang do lang ihargahon hanami hata-Mu in ampakon halojaon ni ganup
suruhanMu in. Ham Tuhan, holong ma Ham hubannami pardousa on...
K : (Mandodingkon) Tuhan holong ma Ham...
....... ( hening ± 10 detik ).......
P: Ham Bapa, ipasingat Ham do hanami marhitei tema GKPS ase haganup kuria-
Mu GKPS, lambin manjaga hasadaonnami janah lambin ringgas homa
mangidangi Ham tanda ni buah ni haporsayaonnami na dob matoras. Tapi,
gati do hanami kahou ampa lepak, halani lang ihorjahon hanami ajar pakon
ojurMu in. Halani ai, gabe lepak ma parsahap sonai homa pangabaknami
samah hanami, tarlobih hu Bamu. Ham Tuhan, holong ma Ham hubannami
pardousa on...
K : (Mandodingkon) Tuhan holong ma Ham...
....... ( hening ± 10 detik ).......
P : Nuan isopotkon hanami ma haganup dousanami in i lobei-Mu. Marpangulaki
ma uhur-Mu mangidah hahurangannami Tuhan. Idop ma uhur-Mu, sasap Ham
ma dousanami. Ibagas goran ni Anak-Mu Jesus Kristus Tuhan anjaha
Sipaluah hanami. Amen.
Tangar anjaha haporsayai hita ma Hata ni Naibata, bagah-bagah pasal
hasasapan ni dousa na tarsurat bani Jesaya 44:22,
Domma Hupasisi salahmu songon hombun, anjaha songon hombun na
manorap dousamu. Mulak ma ho hu Bangku, ai Au do na manobus ho.
3
 Ibagas holong ni Naibata, domma isasap haganup dousanta. Halani ai,
pataridahkon hita ma tanda-tanda ni pargoluhon na bayu. Hasangapon ma
bani Naibata i babou.
P+K :

(hundul kuria)

4. Doding Haleluya No. 488 : 1 – 2 (Irik mangondoskon boras tenger)

Pesta bolon marpariama, ganup hasoman parjuma in
In ma da na ringgas marhorja manuan omei i juma Niin
Sai marmegah mangolobkon, GoranNi Tuhanta in
Parsimada bai hagoluhan, idopni uhur tumang do in
Pesta bolon marpariama, na mangirikhon Tuhanta in
In ma da na ringgas marhorja, mangambilankon hataNi in
Sai marmegah mangolobkon, GoranNi Tuhanta in
Parsimada bai hagoluhan, idopni uhur tumang do in

5. Pandidion Dakdanak
a. Pengantar
b. Doding Haleluya 94:1-2
1. O Jesus sol tardidi, na etek-etek on
Sai roh Ham manorihsi, roh Ham manjalo on
2. Iboan natorasni sidea on hujon,
ai sol ondoskononni, Bamu dakdanak on.
c. Onjolan ni Pandidion
d. Hata Haporsayaon
e. Sungkun-sungkun ampa Pengakuan
f. Pandidion Napansing
g. Doding Haleluya 95:6
Ondos ma hulobei-Mu Jesus, pangindoannami
Togu ma das hu Bamu haganup niombah nami,

4
 Ampa gorannin o Tuhan hubai buku hagoluhan!
h. Tonggo
6. Acara khusus
- Mambasa/ Manaksihon Video Tonah ni Pimpinan Sinode GKPS
- Mandodingkon Kanon Olob-olob
- Tonggo Pangapition
7. Doding Haleluya No. 408:1-2, “Haleluya Puji ma Tuhan”

Haleluya puji ma Tuhan, pasangap marhiteihon gondrang na laingan

Irandu pakon inggou na lurlur homa tangaron
Dodingkon ma doding na baru, Puji ma Ia bai hotakNi na ibabou
Janah olobkon ma riap marmalas uhur.
Sai tarbarita baen goran-Ni, Gok halongangan ganup jadi-jadian-Ni
Puji Tuhan Haleluya!
Marmegah gok tarima kasih, Halani ganup pasu-pasu ‘ge layak-Ni
Hubanta na totap sirsir tong mambalosi.
Tunggung tumang do tong Tuhanta, Ia do Raja ni ganup sagala raja
Ningon hu Bani do unduk ganup marsombah
Sai tarbarita baen goran-Ni , gok halongangan ganup jadi-jadian-Ni
Puji Tuhan Haleluya

8. Ambilan: Psalmen 50:1-6

9. Patumpu Galangan
Prb : Paima iondoskon hita galanganta, tangar hita ma lobei hata ni Naibata na
gabe onjolan banta laho manggalang, aima na tarsurat bani: Psalmen
50:23,“Ise na manggalangkon banggal ni uhur, ai do na pasangapkon Ahu,
anjaha ise na mardalan ibagas hapintoron, hubani do patalaron-Ku
hatuahon-Ku”.Sonari ondoskon hita ma galanganta!
Prb+K : Mandodingkon : “Galangan”

5
10. Tonggo Galangan - Tonggo Panutup – Pasu-pasu
Prb : Riap ma hita jongjong!
Diatei tupa ma hatahononnami Bamu Tuhan, halani marhitei Ambilan na
Madear humbani 119 tahun na salpu na dob ondos i tanoh Simalungun,
sonari domma lambin martambah halak na porsaya hu Bamu, janah lang
pitah i tanoh Simalungun tumang be sidea tapi domma das hu desa na ualuh
na manghaporsayai paboa pitah Ham do hansa haluahon.
K : Gabe talar ma panandaionnami hu Bamu Tuhan. Ambilan na Madear na
ijalo hanami sadari on pe pasingatkon hanami do, ase gabe saksi-Mu ma
hanami mambaritahon holong ampa hasintongan na humBamu in, ase riap
manggoluh ibagas Ham hanami, janah riap maluah ma homa hanami ibagas
Tuhan Jesus Kristus Sipaluah in.
Prb : Ham Tuhan Naibata Bapanami, bani panorang pesta olob-olobnami sadari
on, ijon iondoskon hanami do galangannami huBamu, aima goluh pakon
pasu-pasu na dob binere-Mu hubannami. Papansing Ham ma galangan na
ginalangkonnami on gabe galangan na misbou i lobei-lobei-Mu.

6
K : Lambin ihargahon hanami tongon dear ni layak pakon pasu-pasu-Mu,
marhitei na pasaudkon harosuh-Mu humbani gogoh, pingkiran ampa
sinadongannami.
Prb : Tarima kasih ma Bamu Tuhan, gok ma malas ni uhurnami bani haganup
pasu-pasu-Mu in.
K : (Mandodingkon Haleluya. No. 5:4, “Hupuji Holong ni Atei-Mu”)
Bamu sadokah ni dokahni, au on o Jesus Tuhankin
Ham ma lah haganup ompungni, gogohku pakon artangkin
Ai iberehon Ham daroh-Mu, manggalar utang ni dousangku
Prb : Ham Bapanami na i nagori atas. Sai na papansing ma goran-Mu! Sai roh ma
harajaon-Mu. Sai saud ma harosuh ni uhur-Mu i nagori tongah on songon na
i nagori atas! Bere Ham ma bannami sadari on hagoluhan ari-ari. Sasap Ham
ma dousanami songon panasapnami bani dousa ni hasoman na mardousa
dompak hanami! Ulang hanami bobai Ham hu parlajouan! Paluah Ham ma
hanami humbani pangagou!
K : (Mandodingkon)Ai Ham do simada harajaon, pakon hagogohon
ampa hasangapon sadokah ni dokahni.Amen
Prb : Kuria na hinaholongan ni Tuhan Jesus Kristus, “Laho ma nasiam, janah,
totap ma nasiam, ulang mubah-ubah, anjaha lambin surung ma ibagas
horja ni Tuhan in, ai ibotoh nasiam, sedo na soya halojaonnasiam ibagas
Tuhan in”.
Jalo nasiam (hita) ma pasu-pasu humbani Tuhan Naibata:
Ipasu- pasu anjaha iparorot Tuhan Naibata ma ham (hita).
Isondangkon Tuhan Naibata ma bohi-Ni hu bamu (hu banta).
Janah maidop ma uhur-Ni mangidah ham (hita).
Idompakkon Tuhan Naibata ma bohi-Ni hu bamu (hu banta).
Janah ipasorap ma damei-Ni bani tonduymu (tonduyta bei). Amen
K : (Mandodingkon)Amen... Amen... Amen

7
8