p

 Ev: Habakuk 3 : 1 ­ 6                    Ep: Mateus 13 : 47 ­ 50

TOPIK:
DEBATA NA SANGAP MANGUHUMI SALUHUT BANGSO
 

0
 MINGGU, 24 NOPEMBER 2019

(U : Uluan ; R : Ruas ; SL : Song Leaders)

PA N G AR A D E O N :
1. Parhobas martangiang di bilut parhobasan.
2. Parhobas masuk tu gareja, mandapothon ingananna be (huhut Songleader
mangendehon BE. 860 ”MAULIATE PUJI TUHAN”).
01. Joujou Mamuji Debata:
U : Huria na hinaholongan dibagasan Jesus Kristus Tuhanta i. Tadok ma mauliate
sian nasa rohanta, ala asi dohot holong ni rohaNa na paloashon hita sahat tu
ujung taon parhuriaon on. Ibana do na pasahathon HataNa: Manang didia dua
tolu halak marpungu marhitehite goarHu, ditongatonga nasida do ahu. Antong
tapasahat ma dirinta tu Ibana. Martangiang na hohom ma hita di bagasan
rohanta, pahibulhon roha dohot pikiranta laho marparsaoran na badia rap
dohot Debata di tongatonga ni huriaNa.
(Martangiang na hohom, manghuling musik BE. No.227 sa ayat)
U : Antong, tapahibulma rohanta, asa dibagasan dame dohot las ni roha hita
patupahon parsombaonta tu Debata, Marende ma hita !
02. Marende BE. No. 834 : 1 - 3 “NA MASIHOL DO ROHANGKU”
♫♪♫
Na masihol do rohangku tu na sonang i,
Tu inganan ni Tuhanta i, tano on ro di sude na pangisina i
Susa sai susa rohangki
Reff: Marolopolop rohangki, di surgo di na sonang i,
Soada na hurang sabam sonang rohangki, molo dung sahat au tusi.
♫♪♫
Ai andigan idaonhu haholonganhi, raphon Jesus ale-alengki,
Haholongan na badia sian Jesus i, sonang sai sonang rohangki.
Reff: Marolop-olop ………
-----------------Musik--------------------- (Jongjong)
♫♪♫
Dina hundul au manatap dompak langit i, di na ro sibalik hunik i
Digombarhon i do ujung ni ngolunta i, ndang be mabiar au disi.
Reff: Marolop-olop ………
03. Votum – Introitus:
U : Marhitehite Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia na tumompa langit dohot tano on. Amen. Songon
on do hata ni Tuhan Jesus : Na monang i do siparulosan dohot angka ulos na
saksak, jala ndang sesaonKu goarna sian pustaha hangoluan, jala
1
 parhatopotonku do goarna di jolo ni Damang dohot di jolo ni angka
surusuruanNa. HALELUYA!
R : (Mangendehon) Haleluya! Haleluya! Haleluya!
U : Martangiang ma hita ! Ale Tuhan Jesus, Tuhan ni angka na mate dohot angka
na mangolu! Ho do nampuna hami, manang mangolu manang mate pe hami.
Nang pe mardalan hami di rura nilinggoman ni hamatean, ndang huhabiari
hami be hamatean, ai Ho do dongannami. Ndang tartiop hamatean manang
tanoman be hami, ai Ho do Tuhannami naung humophop hami, jala Ho
nampuna hami. Ro hami nuaeng tu Ho mangido: Sahat tu Ho ma tondinami
dohot dagingnami, asa di Ho hami manang na mangolu manang na mate pe. Sai
tiop ma tangannami, urupi hami marhitehite panghophopMi, asa sahat hami tu
hangoluan na so ra suda. A m e n (Hundul)
04. Marende BE. No. 135 : 2 - 3 “MARPUNGU DO DI JOLOMON” BL.206
♫♪♫
Na metmet di mulana i, sai dipararat Ho do i, i ma harajaonMu
Lam ganda do bilangan ni, na paboahon hataMi, baen sangap di goarMu
Jesus tulus baen sangkapMu, sosoanMu hajolmaon, asa olo paluaon.
♫♪♫
Ho do nampuna hami on, ro di sandok portibi on, Ho ingkon sombaonna
Nang lan dope na modom i, hinorhon ni jeana i, Ho do tangihononna
Ingkon monang Ho, o Tuhan maralohon, haholomon, Ho do Raja sioloan.
05. Patik:
U: Antong tangihon hamu ma hata ni Debata di hita sadarion na paingothon
huriaNa laho mangaradoti PatikNa, i ma na tarsurat di 1 Korintus 4:5,
songonon ma didok disi: Dibahen i, unang hamu manguhumi di na so
tingkina tagan so ro Tuhan i; patiuronNa do na buni di na holom, jala
papataronNa do tahitahi ni roha. Disi ma dapotan pujipujian ganup sian
Debata.
Antong, rap mangido gogo ma hita sian Tuhan Debata.
R: Ale Tuhan Debata sai pargogoi ma hami mangulahon na hombar tu
patikMi. Amen.
06. Marende BE. No. 213 : 3 - 4 “DUNG SONANG ROHANGKU” BL. 115
♫♪♫
Diporsan Tuhanku sandok dosangki, bolong tu na dao do dibaen
Nang sada na so jujuronNa be i, na martua tondingku nuaeng
Sonang do, sonang do, dipasonang tongtong rohangkon. (Jongjong)
♫♪♫
Mangolu nang mate di Jesus do au, Ibana haporusanki
HataNa sambing do partogi di au, ai na tau haposanku do i
Sonang do, sonang do, dipasonang tongtong rohangkon.
07. Manopoti Dosa
U : Tatopoti ma dosanta ! Martangiang ma hita !

2
 Ale Tuhan Debata, na badia jala na bonar. Parasi jala Partalup ni roha jala na
basar do Ho. Sai marpangulahi ma rohaM mida hami.

SL : (Mangendehon BE. No. 686 : 1 “RAMUN DO AU”)

♫♪♫
Ramun do au di joloMi, gok dosangki urasi au
O, Jesus, birubiru i, dison do au patau ma au.
R : Ale Debata Jahowa, sai sesa ma sude dosanami.
U : Ndang adong na hupangasahon hami dungkon ni asi ni rohaM, hatigoran na
pinatupa ni AnakMu do na hupangasahon hami tu joloM.
SL : (Mangendehon BE. No. 686 : 2 “RAMUN DO AU”)
♫♪♫
Na ro do au tu joloMi, gale do au, urupi au
O, Jesus, ala mudarMi, dison do au patau ma au.
R : Ale Debata Jahowa, sai sesa ma sude dosanami.
U : Dibahen i pasonang jala apuli ma hami angka na hinophop ni Tuhan Jesus
Kristus Tuhannami. Amen
R : (Mangendehon BE. No. 686 : 3 “RAMUN DO AU”)
♫♪♫
Ala denggan ni basaMi, ro au tu Ho, O Jesuski,
Parbadiai ma rohangki, dison do au patau ma au.
U : Tabege ma hata bagabaga taringot tu hasesaan ni dosa.
Songon on do Hata ni Tuhan Jesus : Ro ma hamu tu Ahu, hamu angka na loja
jala na sorat, hupasonang pe hamu. Buat hamu ma augangKu tu hamu, guruhon
hamu ma sian Ahu, ai na lambok do Ahu jala na serep marroha, asa dapotan
hasonangan tondimuna. Ai lambok do augangKu jala neang do dohot na
hupaporsanhon. Hasangapon ma di Debata na di ginjang !
R : A m e n (Hundul)
08. Marende BE. No. 495 : 4 – 5 “ MARINGAN DO DI SURGO I “ BL. 36
♫♪♫
Tarsurat dibukuNa i goarhu dimulana i.
:,: Ai na ringkot do roha ni i, naeng dohot au tu surgo i :,:
♫♪♫
Urupi au, o Tuhanki, marhaseanghon tingkingki.
:,: Sai lam pita baen tondingki, songon surusuruanMi.
09. Epistel:
U : Tabege ma hata ni Debata turpuk ni ari minggu on. I ma na tarsurat di Mateus
13 : 47 - 50. Marsorinsorin ma hita manjaha. Tudos do muse harajaon banua
ginjang i tu jala na sinampakkon tu laut, gabe marragamragam dapotsa.
R : Jadi dung gok, ditait ma tu darat, dung i hundul ma nasida mamilliti na
denggan, mandabuhonsa tu ingananna; alai dipambolonghon do anggo na
so hasea.
U : Songon i do masa sogot di ajal ni hasiangan on: Borhat do angka surusuruan i
manirangkon angka parjahat sian tongatonga ni angka partigor.

3
 R : Dung i dabuonna ma nasida tu liang pamurunan i; disi ma masa
angguhangguk dohot na patungoripon.
U : I do sahatna. Martua do angka na tumangihon Hata ni Debata jala na
umpeopsa.
R : A m e n.
10. Marende BE. No. 504 : 2 - 3 “DITOGU TUHAN JESUS AU” BL. 344
♫♪♫
Holom pe angka dalan i, dilinggom hamatean i.
Tiur pe angka ari i, tung guru do di Tuhanhi.
Reff : Ditogu togu Jesus au, tanganNa sai maniop au,
Tongtong ma siseanna au, paima boi tu surgo lao. (Jongjong)
♫♪♫
Gomos ditiop tanganki, so tung na silap langkangki.
Di nasa parsorionhi, Ibana haporusanhi.
Reff : Ditogutogu…
11. Manghatindanghon Haporseaon
U : Tahatindangkon ma haporseaonta i, songon na hinatindangkon ni donganta
sahaporseaon di sandok portibi on. Rap ma hita mandok:
H : Ahu porsea ......... (Hundul)

12. K O O R : a …… b …… c ……
13. Tingting ni Huria :
14. K O O R : d……. e …… f ……
15. Acara parningotan di na monding. (P: Parjamita ; R : Ruas)

A. Marende BE. 520 :1 + 3 ”PARTANGISAN DO HAPE” BL 357

♫♪♫
Partangisan do hape anggo hasiangan on;
Holso, arsak, sahit pe, sai manosak do tongtong
Ingkon songgop hamatean tu sudena jolma i;
Ai sude do na manean uhum ala dosa i.
♫♪♫
Unang marsak hita be naung mananda Jesus i;
Ai inganan na rade dapot ho di surgo i.
Tatadinghon pe luhutna, na diatas tano on;
Dapotonta di lambungNa hasonangan na tongtong.

P : Hamu angka dongan sahaporseaon di bagasan Goar ni Tuhanta Jesus Kristus.

Sadari on, ingotonta do angka donganta naung jumolo monding sian
tongatonganta di bagasan sataon parhuria on. Ndang na mangarungkari lungun,
manang sidangolon hita nuaeng disi. Ai tapatupa pe parningotan di angka
naung monding i, na paingothon hita do i, paboa hita pe monding do muse
songon donganta naung monding i, jala tahaporseai do, ndada hamatean ujung

4
 ni pardalananta, tung dalan hangoluan do i. Songon nidok ni Apostel Paulus tu
huria Tessalonik: ”Ai apala Tuhan i ma na tuat sogot sian banua ginjang,
mardongan soara ni sintua ni surusuruan ni Debata, dohot mardongan sarune ni
Debata, dung i, hehe ma jumolo angka na mate, angka na marhitehite Kristus”.

R : Mangendehon BE. 525: 1 “ NA LAHO MA AU” BL 361

♫♪♫
Na laho ma au tu na sonang diginjang, disurgo tutu sai na sonang ma au
O, ho donganki, na gok dosa, gok arsak, sai dohot ma ho, sai tu surgo ma lao.
Sai ro dohot ho, dohot ho, dohot ho, sai dohot ma ho, sai tu surgo ma lao.
U : Tabege ma angka goar ni ruas ni hurianta na marujung ngolu di bagasan sataon
parhuriaon sian ari 24 Nopember 2018 sahat tu ari 23 Nopember 2019 :

B. Uluan/Guru huria manjaha goar-goar ni na monding sian ari

24 Nopember 2018 sahat tu ari 23 Nopember 2019.
Asa torop ni ruas ni hurianta na marujung ngolu, ima : Naposo: ….halak, Ina:
….halak Ama: ….halak
(Ditingki manjaha angka goar, manghuling ma Orgel : angonangon
mangendehon BE No. 335:2 BL. 50.)

P: Nunga maradian nasida sian nasa ulaonna di portibi on. Alai nang pe ingkon
ampe tu ganup jolma hamatean i, songon naung masa tu angka haholongan ni
rohanta naung jumolo i. Dibagasan pangaramotion ni Debata do nang angka i
saluhutna. Ai Kristus do Tuhan ni na mangolu dohot na mate.
R : Ingkon sude do jolma mamolus hamatean i. Ndang mardia imbar manang
ise pe, na metmet nang na magodang, na mora nang na pogos, na sangap
nang na lea, na gogo dohot na gale.
P : Didok di Pangungkapon 20:12 ”Dung i huida ma angka naung mate i, angka
na metmet nang angka na balga, jongjong di jolo ni habangsa i; jadi diungkap
ma angka buku. Dung i diungkap ma sada buku na asing, i ma buku
hangoluan, gabe diuhumi ma angka na mate i marguru tu na tarsurat di bagasan
angka buku i, hombar tu na niulanasida be”. Antong rim ma hita jongjong.
Dibagasan unduk dohot serep ni roha, martangiang ma hita be di bagasan
rohanta, asa tongtong ingot hita pasahathon dirinta tu Tuhanta, sahat ro di
hasusuda ni bohalta be, laos mangendehon ”Sai masipaidaan”
R : Mangendehon BE. No. 347:1+3 “SAI MASIPAIDAAN” BL. 11
♫♪♫
Sai masipaidaan do na porsea i.
Dung sahat be langka na [Tu hasonangan i (2X)]
♫♪♫
Sai masipaidaan ma hita on muse.
Di lambung ni Tuhanta [Dung monang hita be (2x)]

5
 P : Martangiang ma hita: Ale Tuhan Debata, na sian nahinan jala na mangolu ro
di saleleng ni lelengna! Huingot hami sadari on angka na mate sian hami,
naung pajolohon tu lambungMu. Di Ho do anakhinsu ni banua ginjang, jala
diungkap Ho do i di angka na mangasahon Tuhan Jesus Kristus. Na rungka do
rohanami sadari on marningot ajalnami, dohot haheheon ni daging di ari
sogot. Mauliate ma rohanami tu Ho, ala ditubuhon Ho hami tu pangkirimon na
mangolu, gabe partohap hami di hangoluan na so ra suda. Ndada na mandele
hami di ari parningotan on, alai na malungun do hami di sambulo ni
tondinami. Nunga torop dongannami naung nialapMu; tau sipaingot do ujung
ni langkanasida di hami, bahen pangkirimon mida Tuhan Jesus di ujung ni
langkanami be. Sai sungguli ma rohanami mambahen tiruan na denggan di
angka pinomparnami. Sai apuli ma na marsak roha dohot angka na matean,
asa unang mangandungi jala mandele nasida. Sai taiti ma rohanasida
mamereng dompak ginjang. Sai lehon TondiM tu hami asa tangkas
dihatindangkon tu hami, naung dohot do hami AnakMu jala panean di arta na
di banua ginjang. Sai padao ma ganggu ni roha sian hami, asa hot
haporseaonnami maniop Tuhan Jesus Sipangolu i, andorang hubolus hami rura
linggoman ni hamatean i. Molo homur matanami be, ungkap ma mata ni
rohanami asa tangkas niida dalan tu hasonangan i. Molo hallang dilanami, so
binoto be mangkuling, pargogoi ma hami marhitehite TondiMi, asa tarjou
hami: Ale Amang, sahat tu tanganMu ma tondingku ! Sai patiur hian
rohanami, asa hobas langkanami jala sonang hami laho mate dibagasan Tuhan
Jesus Kristus, Tuhannami, A m e n. —Hundul—
16. Marende BE.522: 1---- “SURGO I SAMBULONTA DO I” BL.359
(P.Pelean 1a + 1b)
♫♪♫
Surgo i sambulonta do i, ndang adong be siaeon disi,
Na mamuji tongtong na disi, pinaluani Tuhanta i.
Reff : Surgo i, surgo i, ndang adong be siaeon disi,
Surgo i, surgo i, surgo i, ndang adong be siaeon disi.
♫♪♫
Na marloksa naung sahat tusi, tu inganan na sai denggan i.
Aut naung ro domu ma au dohot i, gok ma las ni rohangku disi.
Reff : Surgo i, surgo i……..
----------------Musik---------------------
♫♪♫
Na manghirim rohangku dison, paima sahat tusi nang au on.
Taiti au, ale Tuhan tusi, asa rap dohot Ho au disi.
Reff : Surgo i, surgo i……..
♫♪♫
Holan sada nama holsongki: Unang tading haholonganhi
Na tu au pinalumenhonMi: Nang nasida sai togu tusi.
Reff : Surgo i, surgo i……..
----------------Musik--------------------
17. Jamita : Habakuk 3 : 1 – 6
6
18. Marende BE. No. 471:1… “HUPILLIT JESUS DONGANHI” BL. 318
(P.Pelean II)
♫♪♫
Hupilit Jesus donganki lao mangoloi Ibana.
Nang muruk pe torop didi labangku do Ibana.
Reff : Di Ho ngolungku ro diajalhu Jesus di Ho au, mate, mangolu.
Di Ho ngolungku ro diajalhu Jesus di Ho au, mate, mangolu.
♫♪♫
Arga ditobus tondingki, na mate do Ibana,
Ngolungku hubaen upa nii, lao mangoloi hataNa
Reff : :,:Di Ho ngolungku…
----------------Musik---------------------
♫♪♫
Rohangku baen ingananMi, patiur ma langkangku,
Huhatindanghon ma disi: Ho Jesus palitongku,
Reff : :,: Di Ho ngolungku…
♫♪♫
Manghophop goarMi dison, sai i las ni rohangku.
Dung sahat au di surgo i, sai tongtong do dohononku:
Jesus ngolungku, hatuaonhu, Jesus di Ho au nasa diringku.
Jesus ngolungku, hatuaonhu, sangap di Ho, Jesusku, Tuhanhu!
----------------Musik--------------------- (Jongjong)
19. Manghangoluhon Hata ni Debata dohot Panimpuli:
U : Parangehon hamu ma Hata ni Debata, naung sahat tu hamu. “Ai anggo nunga
sanghambona hita dohot Ibana, di na rap mate hita dohot Ibana i, suang songon
i ma hita nang taringot tu haheheon”.
R : Asa hutanda Ibana dohot hagogoon ni haheheonna i, ro di hasasaor tu
angka haporsuhonna, di na gabe sapangalaho ahu dohot Ibana di
hamamatena i; anggiat sahat ahu tu haheheon na sian angka na mate!
U : Pinuji ma Debata, Ama ni Tuhanta Jesus Kristus, naung manubuhon hita
paduahalihon, sian godang ni asi ni rohana, marhitehite haheheon ni Jesus
Kristus sian angka na mate, asa marpangkirimon na mangolu hita saluhutna. Di
siteanon na manongtong, na so marlindang, na so ra malos, na sinimpan di
banua ginjang di hamu. Ai diramoti do hamu hinorhon ni gogo ni Debata
marhitehite haporseaon, asa sahat tu haluaon, naung rade sipapataron di tingki
na parpudi i.
R : Marende BE. No. 193 : 4 “MARIBAK LANGIT NI LANGITAN BL. 193
♫♪♫
Antong Ho ma nampuna ahu, saleleng au di tano on
Denggan ma au marpangalaho, pasangap goarMi tongtong
Sai tiruonhu ma pambaenMu, manghaholongi dongan i
Seahononhu ma diringku maniru Ho, o Tuhanhi.

20. Tangiang Pelean + Tangiang Ale Amanami + Pasupasu +

Ende: A m e n - a m e n - A m e n.