HKBP TRIDARMA – RESORT KEBAYORAN

DISTRIK VIII DKI JAKARTA

PARTURE NI MINGGU PESTA I PARNINGOTAN DI HAHEHEON NI

TUHAN JESUS
DOHOT PESTA PARHEHEON PAROMPUAN HKBP TRIDARMA 2022

TOPIK :

“NUNGA HEHE JESUS I”

Lukas 24:1-12

Minggu, 17 April 2022

ACARA MINGGU PESTA I PARNINGOTAN HAHEHEON NI TUHAN

JESUS
DOHOT PESTA PARHEHEON PAROMPUAN HKBP TRIDARMA 2022
MINGGU, 17 APRIL 2022
==========================================================
=
(P= Paragenda; W= angka Parompuan; B= angka Baoa; H= Huria; S= Sude)
01. PROSESI: Di na bongot Paragenda, Pandita dohot angka parhobas sian pintu
utama diuduti dohot punguan parompuan, jongjong ma sude ruas …
Dung sahat di langgatan dipasahat angka utusan parompuan ma Lilin,
​
Salib dohot Bibel tu Paragenda… (huria hundul)
 P : ​ ​
Huria na hinaholongan ni Tuhan Jesus Kristus. Parhalado HKBP
Tridarma mandok: Selamat Ari Minggu ma tu ganup ruas ni huria na ro
mandohoti parmingguon sadari on, lumobi ma i tu angka ruas na sahali on dope
ro mandohoti parmingguon di garejanta on. Debata ma mamasumasu hita
saluhutna. Nuaeng tabege ma jolo Koor Parompuan na pasahathon ende
pujipujian tu Debata dohot sekaligus manjou hita asa mambuka roha dohot
pikiranta laho marsomba di jolo ni Debata…
(marende ma Koor Parompuan, dung i hundul ma nasida).
Nunga hujalo hami sian punguan Parompuan tolu tanda hadirion ni Tuhanta
Jesus Kristus i ma: LILIN, SALIB dohot BIBEL. Ai LILIN i do tanda ni
hatiuron di bagasan Jesus Kristus, SALIB i do tanda ni hamatean dohot
haheheon ni Jesus Kristus, BIBEL i do tanda ni Hata ni Debata na gabe daging
di bagasan Jesus Kristus. Mangolu pe hita di portibion holan mangasahon asi ni
roha ni Debata do, naung pahothon haporseaonta taringot tu Tuhanta Jesus
Kristus naung hehe sian angka na mate, manaluhon huaso dosa dohot hamatean.
Alani i hupasahat hami ma tu hamu: SELAMAT PASKAH MA DI HAMU SUDE.

S ​: ​Selamat Paskah ma nang di hamu angka parhaladonami!

P : ​ ​
Di parpunguanta sadarion muse dijou do hita asa marlas ni roha rap
dohot angka parompuan ni hurianta na mamestahon Pesta Parheheon Parompuan
HKBP na bolon i. Jala marhite Pesta Paskah dohot Pesta Parheheon Parompuan
HKBP Tridarma on dijou do hita raphon nasida asa tongtong sada rohanta di
ngolu ni parhahamaranggion na gok dame dohot holong masihaholongan, huhut
ma tahatindangkon: NUNGA HEHE JESUS I.
​Antong, tasomba jala tapuji ma Debata marhite ende Nunga Hehe
Kristus i.

02. Marende BE. No. 633 : 1- 3 “Nunga Hehe Kristus i” ​ ​

Nunga hehe Kristus i, Haleluya. Sian hamatean i, haleluya.
Parlangitan jouhon ma, haleluya. Tano on alusi ma, Haleluya
------------------jongjong--------
Singkop panghophopNa i, Haleluya. Gok hamonanganNa i, Haleluya
Sondang haluaon i, Haleluya. Patiur dalanta i, Haleluya

03. Votum – Introitus – Tangiang

L : ​ ​
Marhitehite Goar ni Debata Ama dohot Goar ni AnakNa Tuhan
Jesus Kristus dohot Goar ni Tondi Porbadia na tumompa langit dohot tano on.
Amen. Haleluya! Di Tuhan Debatanta i do hatuaon dohot hasangapon dohot
hamuliaon dohot hagogoon. Na pahehehon Tuhan Jesus, i do pahehehon dohot
hita sogot ala ni Tuhan Jesus. Haleluya.
S ​: ​( Mangendehon) : Haleluya, Haleluya, Haleluya
L ​: ​Martangiang ma hita. Ale Tuhan Jesus, Tuhannami! Na mandok
mauliate do hami tu Ho, ala ditaluhon Ho do dosa dohot hamatean marhitehite
hamamateMi, ala disondangi Ho tanomannami, asa marpangkirimon na mangolu
hami ala ni haheheonMi. Ndang be mabiar hami mida hamatean, ai Ho do
Ulunami, ruasMu do hami. Dipaunsat Ho do hami sian haholomon tu hatiuron.
Sian hamatean tu hangoluan. Antong pargogoi ma hami mamuji dohot mangoloi
Ho ariari, pasangaphon Ho di bagasan haporseaon na mangolu, paima sahat
hami tu lambungMu. Amen. ​ (Hundul)

04. Marende BE. No.96 :1 “Nunga Talu Hamatean”

Nunga talu hamatean dibaen Tuhan Jesus i. Ai na hehe do Ibana
songon na nidokNa i. :,: Haleluya, haleluya nunga hehe Jesus i :,:

05. P a t i k (Psalmen 96: 2-3)

L : ​ ​
Patik ni Debata di Pesta Parjolo parningotan ari haheheon ni Tuhan
Jesus, ima na tarsurat di Psalmen 96:2-3: Endehon hamu ma Jahowa, puji hamu
ma goarNa, baritahon hamu ma hatuaonNa ganup ari. Pajojor hamu ma di
tongatonga ni angka parbegu hamuliaonNa i, di tongatonga ni saluhut bangso
halongangan, angka na binahenNa i.
​ ​Antong rap mangido gogo ma hita tu Debata mangulahon patikNa i.
 S : ​ ​
ALE TUHAN DEBATA, SAI PARGOGOI MA HAMI
MANGULAHON NA HOMBAR TU PATIKMI. AMEN.

06. Marende BE. No. 627 : 1 “Jesus Naung Hehe”

Jesus naung hehe Haleluya, puji, endehon haleluya. Hamonangan ni Tuhanta i na
manaluhon sibolis i. Las ma roham puji ma Tuhan i, ala naung talu hamatean i. Sesa
dosanta haleluya, mangolu Jesus Haleluya. ​ (Jongjong)

07. Manopoti dosa :

P : ​ ​
Tatopoti ma dosanta di adopan ni Debata: Ale Tuhan Debata,
Amanami, Parasi roha na sumurung ! Na pungu do hami di joloM martangiang
tu Ho, mangido sian nasa rohanami, hasesaan ni dosanami saluhutna.
H ​: ​Asi ma rohaM Tuhan, sai sesa ma dosanami.
P : ​ ​
Huparhatopot hami do, ala hurang marurat HataM di rohanami, di na
ro manosak hamaolon dohot parungkilon, gabe olo do hami madabu tu
pandelean ala ganggu rohanami di hagogoonMu mangurupi hami.
H : ​ ​
Patiur ma mata ni haporseaonnami Tuhan, marnida na sai tongtong
do Ho rap dohot hami di sude partingkian dohot inganan.
P : ​ ​
Tatap ma hami marhitehite asi ni rohaM, jala sesa ma dosanami
saluhutna, ala ni panghophop ni Anak haholongan ni rohaM, Tuhan Jesus
Kristus Sipangolu hami, Amen. Bagabaga ni Debata taringot tu hasesaan ni
dosanta: Ise be mangaluhon angka na pinillit ni Debata? Debata do na mintori.
Ise do na mandabu uhum hamagoan? Kristus Jesus do naung mate ; alai ndada
holan i, naung mulak mangolu do, jala di siamun ni Debata do Ibana
mangondihon hita. ​Hasangapon ma di Debata di ginjang !
H ​: ​Amen ​ (Hundul)

08. Marende BE. No. 93 : 2 “Pesta Paska Hatuaon” BL. 94 ​ ​

Talu ho banua toru, ndang tarbahen tiopanmu. Raja Siparngolu i, Raja
Siparngolu i. Hamatean, hamagoan, na so pola habiaran; nunga talu i sude.

11. REFLEKSI PASKAH:

P : ​ ​
Di ngolu on, ingkon adopanta do hamatean, huaso hagogoon na so
tarida, parhuaso na mangasa gogo, angka na naeng masa di jolo na so taboto,
tarmasuk pandemi Covid 19, na manghorhon torop agoan hosa. Molo dibahen
pamarenta usaho asa humatop masyarakat Indonesia taruli di vaksin, sada usaho
do i asa sisi sian ngolunta pandemi Covid 19.
H ​: ​Ale Jesus Kristus, Ho do haheheon dohot hangoluan di hami.
P : ​ ​
Haheheon ni Jesus manaluhon hamatean, patangkashon na so adong
na boi manirang hita sian holong ni roha ni Tuhanta i. Di halak na porsea, sorop
ni hamatean dohot dosa na manghorhon hamatean nunga ditaluhon Jesus marhite
haheheonNa. Nunga talu be hamatean. Jo hamatean di dia hamonanganMi? Jo
hamatean di dia soropmi? (1 Kor 15:54b-55). Dibagasan panogunoguon di
holongNa, taula ma ulaonta, nang pe ragam hamaolon, parungkilon na marganti
soring mangarongom ngolunta.
H ​
: ​
Ale Jesus Kristus, Ho do panghirimonnami, togutogu ma hami
dibagasan holongMu.
P : ​ ​
Tuhan Jesus na manaluhon hamatean i, Ibana do Parmahan na
denggan di ngolunta. Jumpa loja hita di paraloan ni haporseaon mandalani ngolu
on, Ibana do pasabam rohanta. Jumpa taadopi ragam na pasorat hita di ngolu on,
Ibana do mandongani hita, tungkot dohot batahiNa do mangapuli hita. Di
pardalanan ni ngolu on unang marnaloja hita mangula lomo ni roha ni Tuhanta.
Ala taboto, ndang pasombuon ni Tuhan i hita manabur dibagasan iluilu, gabe
manggotil sisoada. Molo tahalojahon manabur dibagasan iluilu, tontu jaloonta
do pasupasu sian Tuhanta.
H ​
: ​
(mangendehon) BE. 759:1,4 “Jahowa Siparmahan au-2”
Jahowa Siparmahan au, ndang na hurangan au. Tongon dibaen na lomak i
pangolu tondingki.

Di rura hamatean pe ndang be mabiar au. Ai disondangi do sude, sonang

mardalan au.
12. Epistel : (Psalmen 103:1-5)
L : ​ ​
Hata ni Debata turpuk di Pesta Parjolo Haheheon ni Tuhan Jesus,
ima na tarsurat di Psalmen 103:1-5: Puji ma Jahowa, ale tondingku, jala nasa
rohangku di bagasan mamuji goarNa na badia i.
R : ​ ​
Puji ma Jahowa, ale tondingku, jala unang tung halupahon denggan
ni basaNa sudena.
L ​
: ​Ibana do manesa dosam sudena, Ibana pamalum angka sahitmu
sudena.
R : ​ ​
Ibana paluahon ngolum sian hamagoan, Ibana martumpalhon tu ho
denggan basa dohot asi ni roha.
L ​
: ​
Ibana pamahap roham marhitehite denggan basa, asa mulak poso ho,
songon pidong rajawali. Ima sahatna, Martua do angka na tumangihon hata ni
Debata jala na umpeopsa. Amen.

12. K o o r

13. Marende BE. No. 92:1-2 “Puji ma na manaluhon” BL. 178

Puji ma na manaluhon dosa hamatean i. Puji ma na pangoluhon saluhut pardosa i.
Jesus na dung mate i las roham o huriaNa. Ala na mamillit Ho Jesus i mangolu do.
​
---------jongjong-----
Tole hita mangendehon halalas ni roha i. Dohot marolopolophon sangap ni na
monang i. Na tongtong mangolu i tole hita mangendehon, halalas ni roha i di
parngolu Jesus i.

14. Manghatindanghon Haporseaon

L ​
: ​
Tahatindanghon ma haporseaonta i songon na hinatindanghon ni
donganta sahaporseaon di sandok portibion, rap ma hita mandok:

R ​: ​Ahu porsea………du. ​(Hundul)

15. K o o r

16. Tingting

17. KANTATA PUNGUAN PAROMPUAN HKBP TRIDARMA

18. Marende BE. No. 90 :1---”Sai Tapuji Debatanta” ​ (Pelean

Ia,Ib) ​
Sai tapuji Debatanta Ale hajolmaon i Ai naung hehe do Tuhanta sian hamatean i.
Dipasidung Jesus i ulaonNa sasude. Patupahon haluaon di saluhut hajolmaon
------elekton/musik----- ​
Anggo utang ni dosangku digarari Jesus i. I do haporseaonku di na tinaonNa i. Nunga
tulus patik i nunga mintop rimas i. Di na hehe i Ibana ro di au hangoluanNa
-----elekton/musik------ ​
On tongtong di halashon Nunga hehe Jesuski. Dohot ma hamu donganku, angka na
tinobus i. Sai tapuji Debata, sai tadok Haleluya. Na mangolu do Tuhanta, ala ni sai
las rohanta.

19. Jamita: (Lukas 24:1-12)

20. Marende BE. No. 95 : 1 --- “Haleluya Taendehon” BL. 222 ​ ​

(P. Pelean tu Kategorial Parompuan HKBP)
Haleluya ! Taendehon nuaeng di ari haheheon, Tuhanta Siparmonang i. Ai malua do
Ibana, haruar sian tanomanNa, na talu hamatean i. Sun ulaonNa i dibaen Tuhanta i,
haleluya, Naung sahat di Tuhanta i; upaNa na sumurung i.
-----elekton/musik----- ​
Na so pola habiaran ni hitaon be hamatean, ai hita pe sai hehe do. Molo burju
 taihuthon Tuhanta i di parungkilon sai ingkon tu lambungNa ro. Diboan Jesus i do
hita on muse tu lambungNa. Parmonang i sai saut ma i binaen ni hagogoonMi.
​
------elekton/musik---
Ale ari haheheon boha ulaning hilalaon ni rohangkon di tingkiMi. Ndang hapalang
las ni roha di hasosohot ni na roa ro di sude na hansit i. O Jesus togu ma bangsoM tu
Debata tu na sonang. O Rajangki naung hehe i, pasahat au tu lambungMi.

21. Tangiang Panutup : Pelean – Agenda - Ale Amanami – Pasupasu

Praeses dohot sude Pangula na gok se-HKBP Distrik VIII DKI Jakarta
pasahathon tu sude ruas ni Hurianta:
SELAMAT PASKAH

Pendeta dohot sude Parhalado HKBP Tridarma - Resort Kebayoran

mandok: SELAMAT PARHEHEON PAROMPUAN
6 | Acara Ibadah Paskah I di HKBP Distrik VIII DKI Jakarta 2022