PARTURE NI PARTANGIANGAN

PARTUMPOLON

APRI ANJUANRICO SIAHAAN

Dohot
DEWI SARTIKA SILABAN
HURIA KRISTEN BATAK PROTESTAN
MARSADA DIASPORA RESS. KOTA BATAK

Jumat 15 Desember 2023

Informasi :
Surat-surat na marhadomuan tu Partumpolon (Surat parhuriaon,
pandidion / malua ni pangoli / oroan dohot angka surat na hombar
tu partumpolon) nunga dipasahat hian tu Uluan ni Huria marhite
Sintua Sektor / Lingkungan
 Hatorangan : U = Uluan; H = Huria; P = Pangoli; O = Oroan; S = Sude
1. PANGARADEON :
U : Hamuna angka na pinarhamaol ni Debata. Na ro do hamu nuaeng tu bagas joro ni
Tuhanta, pabotohon dos ni tahimuna tu huria ni Tuhan i. Di sangkapi rohamuna,
nuaeng umpungka pardongan saripeon i, ala ni i asa hombar parsaripeonmuna i
songon pardongansaripeon ni halak Kristen, patupaonta ma partumpolon tu hamu
na dua sadarion, di jolo ni Tuhanta dohot di jolo ni huria on. Tapangido ma
panuturion sian Tuhanta, asa marture ulaonta sadari on, nang tu tingki na naeng
ro. Marende ma hita!
2. MARENDE BE.No. 565 : 1 + 4
Las rohangku lao mamuji Debata parholong i./ songon bunga na mangerbang di na binsar
ari i./arsak dosa, haporsuhon magi dibaen asiMi./las ni roha na manontong lehon di au
Tuhanhi …… Jongjong ……
Rap ma hita mangendehon sangap di goarNa i./ tapangiar soaranta lao mamuji Tuhan i./
sun do holong ni rohaNa na so marnamontok i./ I do pasadahon hita salelenglelengna i.
3. VOTUM – INTROITUS – TANGIANG
U : Marhitehite Goar ni Debata Ama, dohot Goar ni AnakNa, Tuhan Jesus Kristus dohot
Goar ni Tondi Parbadia, na tumompa langit dohot tano on.
H : Amen
U : Sai huambatambat do angka pathu sian nasa dalan na roa, asa huradoti hataMi.
Ndang dung manimbil ahu sian angka uhumMi, ai nunga dipodai Ho ahu.
H : Tumonggi do bagabagaMi didai aruarungku sian situak ni loba di pamanganku.
U : Binahen ni angka parentaM do ahu marroha, ala ni do umbahen huhagigihon nasa
dalan pangansion.
H : HataMi do sulusulu ni pathu jala hatiuron di dalanku.
U : Nunga pola huuarihon, jadi sai huhajongjongkon do: Mangaradoti angka uhum ni
hatigoranMi. Haleluya. Martangiang ma hita! Ale Debata Amanami na di banua
ginjang. Mauliate dohot pujipujian ma disombahon rohanami tu Ho, ala diramoti
Ho dongannami on : APRI ANJUANRICO SIAHAAN dohot DEWI SARTIKA SILABAN
sian na metmet sahat ro di sadari on. Nunga dos tahi nasida nadua, naeng
mardongan saripe, hombar tu tingki naung binuhul nasida. Na ro do nasida nuaeng
tu huriaM, mangido asi ni rohaM, asa tulus sangkap nasida i dibagasan lomo ni
rohaM, jala hombar tu ruhutruhut ni parhuriaon, di Huria Kristen Batak Protestan.
H : Paloas ma naposoM, manulingkiti parsitutuon ni holong nasida, asa marojahan tu
lomo ni rohaM, pardongan saripeon nasida.
U : TondiM Tondi Parbadia i ma, na margogoihon nasida, asa sian nasa roha nasida,
mangalusi sungkunsungkun sipasahaton tu nasida.
S : Tangihon ma tangiang pangidoannami, ala ni Anak haholongan ni rohaM, Tuhan
Jesus Kristus Tuhannami. Amen. Hundul
4. MARENDE BE. No. 766 : 1

Padan na uli; Ho ndang hulupahon ndang pola mabiar au di ngolungki./ nag pe

holan do dalan siboluson, ro do hatiuron sian langit i./ ho tung so huhalupahon,
 au do manogihon, au do mangondihon./ Ho tung so huhalupahon, au do
margogoihon, pos ma rohami
5. P A R P A D A N A N :
U : Hamu angka dongan sahaporseaon ! Tadok ma mauliate jala tasomba ma tongtong
Tuhanta Jesus Kristus, naung umpasupasuhon ragam ni pasupasu di bagasan
ngolunta on. Nuaeng pe, mangasahon gogo na pinasahat ni Tuhan Jesus tu
HuriaNa, naeng begeonta ma haradeon ni roha dohot pingkiran ni ianakhonta
naeng marsangkap laho pajongjong bagas marhite ulaon partumpolon sadari on,
na naeng hobasan ni hurianta HKBP.
P : Mauliate ma hupasahat tu Tuhanta! Huhatindangkon ma di tonga ni huria: Nunga
sian parsitutuon ni rohangku, jala dibagasan hahipason ni roha dohot pingkiran do
au sadari on, laho patupahon partumpolon hombar tu ruhut parhuriaon ni HKBP.
O : Mauliate ma hupasahat tu Tuhanta! Huhatindangkon ma di tonga ni huria: Nang
ahu pe nunga sian parsitutuon ni rohangku, jala dibagasan hahipason ni roha dohot
pingkiran au sadari on, laho patupahon partumpolon hombar tu ruhut parhuriaon
ni HKBP.
U : Antong sungkunonnami ma nuaeng, di jolo ni Debata dohot di jolomuna,
parsitutuon ni si : APRI ANJUANRICO SIAHAAN na naeng mardongan saripe dohot
si oAla ni i jongjong ma hamu nadua!
(….. Pangoli dohot Oroan manjaha Surat Parpadanan …..)
U : Nunga dibege jala dijaha hamu na dua, isi ni Surat Parpadanan i, na gabe padan na
so boi oseonmuna na dua, saleleng mangolu hamu tu joloan ni ari on.
Na manungkun ma ahu nuaeng tu ho, amang CRISTIAN MONANG MANURUNG di
jolo ni Debata dohot di jolo ni dongan na pungu dison, sian nasa roham do naeng
mardongansaripe tu si ERNITA ICA MARESSA on ?
P : Olo, sian nasa rohangku do, naeng mardongan saripe dohot ibana.
U : Boha, adong dope pangambati di sangkapmuna, naeng mardongan saripe?
P : Ndang adong be !
U : Mauliate ma ! Hamu angka dongan sahuria, nunga tangkas husulingkiti
parsitutuon ni si CRISTIAN MONANG MANURUNG jala nunga itabege alusna. Hita
ma sitindangi, di parsitutuonna tu joloan on.
H : Sai dipargogoi Tuhan i ma ibana, pasauthon padanna di jolo ni Tuhan i dohot tu
huriaNa.
U : Na manungkun ma ahu nuaeng tu ho inang ERNITA ICA MARESSA di jolo ni Debata
dohot di jolo ni dongan na pungu dison, sian nasa roham do naeng mardongan saripe
dohot si : CRISTIAN MONANG MANURUNG on ?
O : Olo, sian nasa rohangku do, naeng mardongan saripe dohot ibana.
U : Boha, adong dope pangambati di sangkapmuna naeng mardongan saripe?
O : Ndang adong be!
U : Mauliate ma! Hamu angka dongan sahuria, nunga tangkas husulingkiti parsitutuon
ni Si ERNITA ICA MARESSA jala nunga itabege alusna. Hita ma sitindangi di
parsitutuonna tu joloan on.
 H : Sai dipargogoi Tuhan i ma ibana, pasauthon padanna di jolo ni Tuhan i dohot tu
huria i.
U : Angkup ni i, tangkasannami do hamu saluhutna! Adong diboto hamu, dipasahat
manang di jalo, pangoli, CRISTIAN MONANG MANURUNG dohot oroan, ERNITA ICA
MARESSA , hata ni na asing, na boi mangambati sangkap ni roha nasida, naeng
mardongan saripe?
H : Ndang adong.
U : Mauliate ma! Antong, ro ma hamu na dua to jolo on, manandatangani Surat
parpadananmuna. Sai unang ma muba, sai unang ma mose, asa tiur pardongan
saripeonmuna tu joloan ni ari on.
(Pangoli dohot Oroan manandatangani Surat Parpadanan)
U : Ro ma hamu nang natoras ni pangoli dohot natoras ni oroan, saksi sian paranak
dohot parboru, suang songon i sintuana, gabe sitindangi di parpadanan nasida.
(Dung sidung di tandatangani, dipatangkas ma tingting I, II,
ari ni pamasumasuon, laos dipabotohon tu natorop)
6. K O O R :
7. MARENDE BE. No. 723 : 3 “Tu JoloM o Tuhan” BL.723
Tu joloM, O, Tuhan, tung marpadan do au. Ingkon Ho huihuthon tongtong. Ai
huboto tangkas, na martua do au, nang muse dohot di ngolungkon. Tung pogos
pe dison, manang sonang tahe, Marsigantung tu Ho sasude. Holan Ho huihuthon,
ndang be diringkon, Togutogu ma tu na ture.
8. J A M I T A :
9. MARENDE BE. No. 792 : 1-2 ( P. Pelean)
Pasupasu hami o Tuhan, sai usehon dameMi./ sai ampehon tanganMi Tuhan,
lehon tu au gogoMi./ di portibion, baen ma au Tuhan, habaoran ni las ni roha./ tu
na marsak i, tu na dangol i gabe pangapuli i./ pasupasu d.u..
Di portibi on, baen ma au Tuhan monang maralohon dosa./ dibaen gogomi, talu
musu i sibolis pangago i./ pasupasu d.u..
10. PARSURUON MARSIHOHOT DI PADAN : jongjong
U : Nunga simpul be ulaonta di Parpadanan ni anak dohot boru ni huria i, sadari on.
Sai di pargogoi Tuhanta ma hamu mangulahon padanmuna sadarion.
H : Ale Tuhan, asi ma rohaM, patulus ma sangkap nauli on di tongatonganami. Ramoti
ma hami saluhutna, lumobi anak dohot boru ni huriaMi.
U : Ingot hamu ma, na marpadan do hamu di jolo ni Debata, sai tongtong ma hamu
marpangunsandean tu Tuhanta Jesus Kristus. Jala, sai Ibana ma tanda di angka
dalan muna, asa marolopolop tondimuna.
H : (Mangendehon) BE.No. 467 : 2 ” Asi ni rohaM hupuji”
Sai ramoti ma rohangku, asa boi gohanMu au. Sai mabaor ma pasupasu nang
marhite sian au. IngananMu rohanami, TondiM i manggohi i. Pangke dohot
ngolunami gabe ulaulaM i.
11. TANGIANG PELEAN – ALE AMANAMI – PASUPASU – AMEN
13. MANDOK HATA HUHUASI : Sian Paranak dohot Sian Parboru