PARTORDING NI PARMINGGUON

DI MINGGU UJUNG TAON PARHURIAON

(PARNINGOTAN DI ANGKA NAUNG MONDING)

Ev. Psalmen 90 : 1 - 12 Ep. Pangungkapon 1 : 4 - 8

TOPIK:
AJARI MA HAMI MAMILANGI ANGKA ARIARINAMI
AJARLAH KAMI MENGHITUNG HARI-HARI KAMI

HURIA KRISTEN BATAK PROTESTAN

Minggu, 21 Nopember 2021
01. PAMUHAI :
U : Horas jala selamat ari Minggu ma di hamuna angka dongan na hinaholongan
ni Tuhanta. Nunga bongot hita sadari on tu Minggu Ujung Taon Parhuriaon.
Laos di Minggu sadari on do hita marningot angka donganta ruas ni huria
naung monding dibagasan na sataon parhuriaon on. Antong aha ma
sidohononta taringot tusi ?
R : Martingki be do luhutna na tinompa. Martiti be do huhut nasa
sangkapsangkap di hasiangan on. Martiti be do: Na tubu dohot na mate; na
manuan dohot na mangurati na sinuan i. Laho salpu do sogot langit dohot
tano on, alai Hata ni Debatanta ndang olo salpu, sai na hot do i ro di saleleng
ni lelengna
U : Sai burju ma ho rasirasa mate, dung i lehononHu ma tu ho tumpal hangoluan
i. Luhutma hita manghirim di tumpal i marhite haporseaonta na manongtong
saleleng ni lelengna. Tapuji ma Debatanta, taendehon ma Ibana sitompa
daging dohot tondinta, marende ma hita.

02. Marende BE No. 464 : 1,3 Huboan Ma Diringku BL. 313

 Huboan ma diringku, Tuhan, hibul tu Ho.
Ai au do tinobusMu, Umbaen tarbaen au ro.
Pagalak ma rohangku, dison managam, au
Tondi Mi ma suru, na boi manggomgom au.
----Jongjong---
 Ho sipalua ahu, sun hinagogoMi
HataM do huhaposi, Na so boi muba i.
Pagalak ma rohangku, dison managam, au
Tondi Mi ma suru, na boi manggomgom au.

03. VOTUM – INTROITUS – TANGIANG:

U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Porbadia na tumompa langit dohot tano on. Amen.
Songon duhutduhut do saluhut daging jala songon bungabunga ni duhutduhut
i do saluhut hasangapon ni jolma. Nunga malos duhutduhut i jala nunga
marurus bungabungana i, alai na hot do Hata ni Tuhan i ro di saleleng ni
lelengna. Sai burju ma ho rasirasa mate, dung i lehononKu ma tu ho tumpal
hangoluan. Haleluya
R : (Mangendehon): Haleluya, Haleluya, Haleluya!

1
 U : Martangiang ma hita : Ale Tuhan Jesus, Tuhan ni angka na mate dohot
angka na mangolu ! Ho do nampuna hami, manang mangolu manang mate
pe hami. Nang pe mardalan hami di rura nilinggoman ni hamatean, ndang
huhabiari hami be hamatean, ai Ho do dongannami. Ndang tartiop hamatean
manang tanoman be hami, ai Ho do Tuhannami naung humophop hami, jala
Ho nampuna hami. Ro hami nuaeng tu Ho mangido : Sahat tu Ho ma
tondinami dohot dagingnami, asa di Ho hami manang na mangolu manang na
mate pe. Sai tiop ma tangannami, urupi hami marhitehite panghophopMi, asa
sahat hami tu hangoluan na so ra suda. Amen. (Hundul)

04. Marende BE No. 267 : 6 O Tuhan Sulingkit Ma Au BL. 100

 Tu Ho, o Tuhanku au lao Dung suda bohalhu dison.
Pargogo, parbasa do Ho
Ramoti, dongani. Urupi ma hami Sai togu au on
Ramoti, dongani. Urupi ma hami Sai togu au on

05. PATIK:
U : Tangihon hamu ma Patik ni Debata di Minggu Ujung Taon Parhuriaon sadari
on, i ma na tarsurat di Konfessi HKBP Taon 1951 Bindu 16. Taringot tu
Parningotan di na monding. Tahaporseai jala tahatindanghon do : Ampe do tu
jolma : mate sahali, dung i uhum i. Na maradian nama ibana sian ulaonna.
Jala Jesus Kristus do Tuhan ni na mangolu dohot na mate. Asa ia tabahen pe
parningotan di angka na monding, na marningot ajalta sandiri do hita disi
dohot pahothon rohanta do i di ngolu parungkilon on. Marhite poda on : Taalo
jala tatulak do poda hasipelebeguon na mandok : Adong pardomuan ni tondi
ni naung mate dohot jolma na mangolu. Songoni poda na mandok : Laos
tinggal di tanoman i do tondi ni na mate i. Laos songon i taalo jala tatulak do
poda ni Rom Katholik na mamodahon : Api pangurason manang ari
parpitapitaan na ingkon boluson mangurasi tondi ni naung mate asa tu
hangoluan, jala na boi patupahon Misa di na mate, dohot na manangianghon
naung mate i asa humatop malua sian api pangurasan. Laos songon i na
martangiang tu tondi ni na badia naung mate dohot na manghirim taripar
hagogoon dohot habadiaon ni angka naung mate, tanomanna, ulosna,
barangbarangna, holiholina manang parmanomanoan. (Antong rap mangido
gogo ma hita tu adopan ni Debata).
R : Ale Tuhan Debata, sai pargogoi ma hami mangulahon na hombar tu PatikMi.
Amen.
2
06. Marende BE No. 174 : 1+3 Torop Dope Nasiat i BL. 184.
 Torop do pe na siat i Di hasampuran rea
I pe hamu pardosa i Sai olo ma porsea
Ai Debata manjou hamu Tu hasonangan situtu
Hamu, hamu Dijou Debatamu.
---Jongjong---
 Pardosa ho didok roham, na so tama be dohot?
Ndang pola ala ni dosam, umbaen na sundat bongot.
Ai nunga sae do dosam i, digarar Tuhan Jesus i
Naung sae, naung sae, naung sae do dosami.

07. MANOPOTI DOSA:

U : Huria na hinaholongan ni Tuhanta, tapahohom ma rohanta di adopan ni
Tuhanta, tatopoti ma sandok dosanta na godang i. Martangiang ma hita: Ale
Tuhan Debata, Pargogo na so hatudosan, Parasi roha na sumurung, Ama ni
Tuhan Jesus Kristus Sipangolu hami ! Hami, halak pardosa na dangol on ro
tu jolo ni habangsa habadiaonMi manopoti jala manganggukhon dosanami.
Mansai jotjot huarsahi hami Ho marhitehite pingkiran dohot hata dohot
pambahenannami na roa i. Ndang huhaholongi hami Ho sian nasa rohanami
dohot nasa ateatenami dohot nasa tondinami dohot nasa gogonami; nang
dongannami, ndang doshon dirinami hubahen hami. Dibahen i tama do
rimasanMu jala uhumanMu hami tu hamatean saleleng ni lelengna i. Alai na
maporus ma hami nuaeng tu asi ni rohaM na godang i mangido sian nasa
rohanami hasesaan ni dosanami saluhutna. Sai urupi ma hami paubahon
rohanami ala n i Tuhan Jesus Kristus. Anak haholongan ni RohaM, Sipangolu
hami dohot ala ni GoarMu na badia i. Ale Tuhan, sai asi ma rohaM di hami
halak na dangol on. Amen.

R : (Mangendehon): BE. 452 : 2 NA RO PANDAONI BOLON I

 Tung sae do dosa i sude ai nunga mate Jesus.
Ndang jujuronNa i muse, parholong roha Jesus.
Uli ni barita i, lasniroha bolon i.
Sai dipuji rohangki, Jesus, Jesus, Jesus.
U : Tabege ma hata bagabaga taringot tu hasesaan ni dosa: Songon on do Hata
ni Tuhan Jahowa: Nunga diarsahi Ho Ahu marhite sian angka dosam, jala
nunga dilojai ho Ahu marhite sian angka hajahatonmu. Ahu tutu, Ahu sandiri
3
 manalesei angka pangalaosim ala ni hadirionKu, jala ndang be
Hupaingotingot angka dosam. Hasangapon ma di Debata na di ginjang!
R : Amen (Hundul)

08. Marende BE No. 392 : 3 SAI PASIAT TUHAN JESUS BL. 261
 Ai sadia leleng nari laos so putus rohami.
Unang toishon so tung salpu, tingki parasian i.
Sai pasiat Tuhan Jesus, jangkon i tu rohami.
Nunga tingki parasian, sotung jolo salpu i.

09. E P I S T E L :
U : Tabege ma Hata ni Debata turpuk ni ari Minggu Ujung Taon Parhuriaon sadari
on, ima na tarsurat di Pangungkapon 1 : 4 - 8. Ahu surat ni si Johannes
mandapothon na pitu huria na di Asia: Asi ni roha ma di hamu dohot dame sian
Ibana na mangolu i, naung mangolu hian jala na naeng ro, nang sian na pitu
Tondi na di adopan ni habangsaNa,
R : nang sian Jesus Kristus, Sitindangi haposan i, na parjolo tubu sian angka naung
mate, Sigomgom angka raja ni tano on ! Ibana do mangkaholongi hita jala
dipalua hita sian dosanta marhitehite mudarNa.
U : Dijadihon do hita gabe harajaon hamalimon di Debata, Amana i: Di Ibana ma
hasangapon dohot hagogoon ro di salelenglelengna ! Amen.
R : Ida ma, na ro ma Ibana di bagasan ombun ! Idaon ni nasa mata do Ibana, nang
angka naung manullang Ibana, gabe mangangguhi be ma saluhut bangso ni
tano on mida Ibana. I ma tutu. Amen.
U : Ahu do Bonana jala Ujungna, ninna Tuhan Debata, Debata nuaeng, Debata
naung adong hian, na naeng ro i, Sigomgom saluhutna ! I do sahatna: Martua
ma angka na tumangihon Hata ni Debata jala na umpeopsa. Amen.

10. Marende BE No. 229 : 1 “Sai Martua Do Sudena” (BL. 181) ---Jongjong---
 Sai martua do sudena Na so sauduran i
Dohot halak na sumurut Sian na porsea i
Na so olo mangihuthon Tahi ni na jahat i
Na so olo sahundulan Dohot panginsahi i.
11. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok:
R : Ahu Porsea….. (Hundul)
4
12. TINGTING :

13. PARNINGOTAN DI ANGKA NAUNG MONDING:

a. Marende BE No. 835: 1,3 NUNGA LAO, NUNGA LAO
 Nunga lao, nunga lao dongan deba tu na dao
Mandapothon Debatanta, dialapi suruanNa
Tu Banua Ginjang i, tu Banua Ginjang i

 Tua ni i, tua ni i saluhutna na porsea

Di Jesus Kristus Tuhanta, hangoluan salelengna
Do pinaradeNa i, do pinaradeNa i.

b. Manjaha goar ni angka naung monding:

Hamu angka dongan sahaporseaon na hinaholongan ni Tuhan Jesus Kristus.
Molo tapatupa pe sadari on parningotan ni angka na monding ndang na
mangarungkari sidangolon parningotan on. Alai marhite parningotan ni angka
na monding on ingotonta ma hita pe na ingkon marujung do di tingki na be
songon angka donganta naung parjolo monding i. Ndang sihabiaran be sorop
ni hamatean i ai nunga dipatunduk Tuhan Jesus Kristus marhitehite
haheheonNa sian na mate. "Jo hamatean, didia hamonanganmi? Jo hamatean,
didia soropmi?" Alai dosa do sorop ni hamatean, jala patik i do gogo ni dosa i.
Alai mauliate ma di Debata, na pamonang hita marhitehite Tuhanta Jesus
Kristus ! Antong tabegema nuaeng goar ni angka donganta naung jumolo
monding, mulai sian 29 Nopember 2020 sahat tu 21 Nopember 2021. Goar
nasida i ma:

GOAR NA TUTUP
NO TUBU MONDING
MONDING UMUR WILAYAH
1. - - - - -

c. Mangendehon BE No. 347: 1 & 3 BL. 11 (Jongjong)

 Sai masipaidaan do na porsea i, dung sahat be langkana tu hasonangan
i, tu hasonangan i, tu hasonangan i.
 Sai masipaidaan ma hita on muse, di lambung ni Tuhanta. Dung monang
hita be, dung monang hita be, dung monang hita be.
5
14. TANGIANG SIAN AGENDA HKBP: (Hundul)

15. Marende BE No. 522: 1-- SURGO I SAMBULONTA DO I BL. 359

(Pelean I a – I b)

 Surgo i sambulonta do i, ndang adong be siaeon disi,

Na mamuji tongtong na disi, pinalua ni Tuhanta i.
Surgo i, surgo i, ndang adong be siaeon disi,
Surgo i, surgo i, surgo i, ndang adong be siaeon disi.

 Na marloksa naung sahat tusi, tu inganan na sai denggan i.

Aut naung domu ma au dohot i, gok las ni rohangku disi.
Surgo i, surgo i, ndang adong be siaeon disi,
Surgo i, surgo i, surgo i, ndang adong be siaeon disi.
------Musik-------

 Na manghirim rohangku dison, paima sahat tusi nang au on.

Taiti au, ale Tuhan tusi, asa rap dohot Ho au disi.
Surgo i, surgo i, ndang adong be siaeon disi,
Surgo i, surgo i, surgo i, ndang adong be siaeon disi.

16. JAMITA: Psalmen 90 : 1 - 12.

17. Marende BE No. 539: 1— “Sai Hutagam” BL. 371.

(Pelean II tu Kantor Pusat HKBP)
 Sai hutagam do Tuhanku, Sai masihol rohangki
Diharoro ni Tuhanku songon na nidokNa i.
Sai mardongan olopolop huriaM managam Ho.
Maranata, ro, o Tuhan, Amen, sai tibu ma ro !

 Las ni roha ndang hapalang do manggohi rohangki.

Dung binege soaraNa di na ro Tuhanta i.
Sai mardongan olopolop huriaM managam Ho.
Maranata, ro, o Tuhan, Amen, sai tibu ma ro !
---Musik---

6
  Sai rade, ale tondingku, tagam panjouonNa i,
Sai tu langit an manomu ho di Jesus Tuhanmi.
Sai mardongan olopolop huriaM managam Ho.
Maranata, ro, o Tuhan, Amen, sai tibu ma ro !

 Ai tagamon nunga borhat, Ho, Tuhanku, sian i?

So tung unang au tarlalap, tading di na rodop i.
Sai mardongan olopolop huriaM managam Ho.
Maranata, ro, o Tuhan, Amen, sai tibu ma ro !

16. PANGUJUNGI: (Jongjong)

U : Nunga tabege Hata ni Debata tu hita di minggu ujung taon parhuriaon sadari
on na manjou hita asa tongtong tabilangi angka ari na pinasahat ni Tuhanta
tu hita. Alani tung tangkas ma taingot be ujung ni partingkianta di hasiangan
on. Tangkas ma taparhaseang tingki parasian na sian Debata. Gomos ma
parsirangguthon jala taelekhon di bagasan haporseaon asi ni roha ni Debata
marhite panghophopion ni Tuhanta Jesus Kristus naung manggarar utang ni
dosa dohot hajahatonta i.
R : Ale Tuhan Debata, urupi ma hami mamilangi angka ariari ni ngolunami.
U : Pangido ma roha bisuk sian Tuhan Debata marhite pangajarion ni Tondi
Parbadia na sai mamparrohai angka na porsea asa lam tau hita mandalani
angka ariari ni ngolunta. Di bagasan jala marhite asi ni rohaNa, ndang
hamatean i be ujung ni parlangkaanta alai pamoluson ma i laho mamongoti
bagas ni Damang tu ngolu saleleng ni lelengna.
R : (Mangendehon) BE No. 802: 1 Pangke Tingkim Saonari
 Pangke tingkim saonari, dapothon ma Tuhan i,
Unang godang sidalian, ingot jempek ngolumi.
Nunga rade hasonangan, di surgo i, di surgo i,
Unang adong nanggo sada Naso parjambar disi.

U : Tangiang Panutup.