MINGGU XV DUNG TRINITATIS

MINGGU PARALEALEON
(PARTNERSHIP)
HKI - EKK HAMM JERMAN
MINGGU, 17 SEPTEMBER 2023
Ojahan: “Marsada Roha Huhut Patutoru Diri”
(P = Paragenda; H = Huria)
I. Pangaradeon
P : Dongan sahaporseaon dibagasan Kristus Jesus, di minggunta sadarion dibagasan gok las
niroha do hita marningot jala manghalashon naung boho 45 Taon Paralealeonta dohot
donganta sahaporseaon na di EKK Hamm Jerman. Tapuji ma Tuhan i Ama ni Tuhanta
Jesus Kristus naung mamillit dohot mangihoti parhahamaranggion ni hurianta HKI dohot
donganta na di EKK Hamm Jerman sian mulai taon 1978 sahat tu taon 2023 on. Anggiat
ma lam tu dengganna jala lam tu hontotna paralealeon Huria ni Tuhanta na dua on tu
joloan ni ari, jala goarni Tuhan Jesus ma na marsangap marhite paralealeon ni HKI dohot
EKK Hamm Jerman, Amen.
Alani tapaserep ma rohanta diadopan ni Debata mandok mauliate marhite ulaon Minggu
Paralealeon na tapatupa sadarion huhut mangendehon “Dalam Yesus Kita Bersaudara”!
P+H : (Mangendehon: “Dalam Yesus Kita Bersaudara”) (Jongjong)
Dalam Yesus, kita bersaudara! Dalam Yesus, kita bersaudara!
Dalam Yesus, kita bersaudara sekarang dan selamanya!
Dalam Yesus, kita bersaudara!

II. Ulaon Minggu

1. Votum:
P : Marhitehite Goar ni Debata Jahowa Ama i, dohot Goar ni AnakNa Tuhan Jesus Kristus,
dohot Goar ni Tondi Parbadia na manompa langit dohot tano on, dipasaor ma dameNa tu
tondimuna (tondinta). Amen.
P+H : Ale Jesus Tuhannami, bereng hami na dison; pinarmahan-Mi do hami saluhutna na dison;
sai asi rohaM di hami, sai pangolu hami on. Amen. (Hundul)
2. Marende: BE. No. 6 : 1 “Puji Jahowa Na Sangap”
Puji Jahowa na sangap huhut marmulia,
Hamu sude na parroha na ringgas na ria
Marpungu be, marolopolop sude, hamu sude manisia.
Lobe den Herren, den machtigen konigder Ehren
Meine geliebete seele, das ist mein Begehren
Kommet Zuhauf, Psalter und Harfe, Wacht auf, Lasset den Lobgesang horen.
3. Ayat Dohot Tangiang
 P : Ingot hamu ma holong ni roha sama dongan Kristen! Masijolojoloanan ma hamu
masipasangapan! (Rom 12:10).
Martangiang ma hita!:
Ale Tuhan Jahowa, huparhatopot hami ma tu joloM, tung so margogo do hami mangula
ragam ni sude ulaon nami ianggo so Ho na margogoihon hami. Alani i asi ma rohaM di
hami lehon ma gogo dohot bisuk na sian banua ginjang asa marroha mauliate hami
dijoloM huhut margogo mangulahon lomo ni rohaM. Dongani ma hami asa manongtong
manghaporseai hataM, marhite Tuhan Jesus Kristus Tuhan nami. Amen.
Didongani Tuhan Debata ma hamu (hita) saluhutna, Amen.
Haleluya, Haleluya, Haleluya.
P+H : (Mangendehon) : Haleluya, Haleluya, Haleluya
4. Manjaha Singkat Ni Patik
P : Tangihon hamu ma Singkat Ni Patik di Minggunta sadarion, i ma na tarsurat di Epesus
4:2-3, songon on ma hataNa: “Martoruk ni roha situtu, marlambok jala marlambas ni roha,
masihaehean dibagasan roha na holong! Haringgashon hamu ma mangaradoti hasadaon
ni tondi, pinadomu ni dame!” I do sahatna, rap ma hita mangido!
P+H : Ale Tuhan Debata! Sai pargogoi ma hami mangulahon angka na hombar tu HataMi, Amen.
5. Marende: BE. No. 4 : 1 “Sai Puji Debata”
Sai puji Debata dibaen asi rohaNa.
Huhut tongtong basa di nasa tinompaNa.
Ria ma hita be mamuji Debata;
Ai sesa do nuaeng dosanta i dibaen
Nun danket alle Gott, mit Herzen, mund und Handen,
Der grobe Dinge tut, an uns und allen Enden
Der uns von Mutterleib, und Kindesbeinen an
Unzahlig viel zugut, bis hierher hat getan.
6. Manopoti Dosa (Jongjong)
P : Angka dongan na hinaholongan, rap ma hita manopoti dosanta tu adopan ni Tuhanta! Ale
TUHAN Debata, Parasiroha jala Pardenggan basa na sumurung! Na ro do hami tu joloM
mangundukhon jala marhatopothon saluhut dosa dohot angka pangalaosionnami. Jotjot
do huulahon hami angka ulaon na maralo tu hataM dohot lomo ni rohaM. Asi ma rohaM,
ale TUHAN Jahowa, sai unang paingot ingot angka dosa dohot pangalaosion nami i. Sai
ingot ma hami hombar tu asi ni rohaM na balga i. Sai togu togu ma hami tu bagasan
hasintonganMu. Sai ajari ma hami marhite hite hatigoranMu, asa hot haporseaon naung ni
lehonMi tu hami, jala tongtong huingot hami holong ni rohaM, ai Ho do Debata ni hatuaon
nami, ala anakMu TUHAN Jesus Kristus TUHAN nami, Amen.
P+H : (Marende BE. No. 733 “Dulo ma au on o Tuhan”)
Dulo ma au on o Tuhan, bege anggukhon; Ro do ho tu angka dongan, topot ma au on;
Jesus Tuhan bege anggukhon, ro do Ho tu angka dongan topot nang au on
P : Tatangihon ma hata ni Tuhanta ima baga baga ni Debata taringot tu hasesaan ni dosanta:
 “Ai munsat pe angka dolok, jala humuntal angka robean, alai anggo asi asingku na so
tupa munsat sian Ho jala padan ni hadameonKu na so tupa humordit, ninna Jahowa siasii
ho” (Jesaya 54:10). Hasangapon ma di Debata na di ginjang!
P+H : Amen. (Hundul)
7. Marende: BE/BN. HKI No. 424 : 1 “Soara Ni Tondi”
Soara ni Tondi ni Tuhanta i jotjot dilaosi, ditulak ho i.
Sai tanda jeamu, pauba roham, dapothon Tuhanmu, sisesa dosam.
Suara Roh Tuhan lembut firmanNya. Sering kau abaikan, tak kau acuhkan.
Kenallah dosamu, bertobatlah kau. Sambutlah Tuhanmu, Jurus’lamatmu.
8. Epistel
P : Hata ni Debata na gabe turpuk ni Epistel na tarsurat di Jesaya 45:20-25.
Martua ma angka na umbege jala na umpeop Hata ni Debata! Amen.
9. Marende: BE. No. 123 : 1 - 2 “Ale Dongan Na Saroha”
1. Ale dongan na saroha manjalahi dame i,
dompak Jesus tapasada holong ni rohanta i
Ai Ibana do ulunta hita do ruasNa i,
Tuhan Jesus do gurunta hita siseanNa i.
2. Tanda asi ni rohaNa na bagas na timbo i.
Tanda holong ni rohaNa, na so hadodoan i
Didongani Debatanta, Ama na sumurung i,
Dohot Jesus pe Tuhanta, hita na porsea i.
10. Manghatindanghon Haporseaon (Jongjong)
P : Rap ma hita manghatindangkon Haporseaonta i!
P+H : Ahu porsea di Debata Jahowa … Amen. (Hundul)
11. Marende: BE No. 848: 1 - 3 “Dison adong huboan Tuhan” (Pelean I, II)
1. Dison adong huboan Tuhan, parbue ni ngolungku na so tardok nian.
Sadia ma argana Tuhan molo sai nirajuman sude denggan BasaM.
Jalo ma Tuhan, sai las ma rohaM
2. Tanganku na metmet da Tuhan, na so hea mansari dope au on Tuhan
Rohangku ma hulehon Tuhan, na boi pelehononku gabe las ni rohaM.
Jalo ma Tuhan, sai las ma rohaM
3. Huingot do hataM da Tuhan, ingkon sarihononhon anggiM na metmet an
Ampehon ma tanganMu sangkan, itak na otik I unang suda nian
Jalo ma Tuhan, sai las ma rohaM.
12. Jamita: Pilipi 2:1–11
13. Marende: BE. No. 656:1 “Parhahamaranggion”
Parhahamaranggion i, lam hot jala togu , Singkop ma hasadaon i, di Jesus i burju
Rap sauduran hita be marholong na tutu. Mardame marlasroha ma di Jesus i tutu.
14. Tingting
a. Manjaha Tingting Huria
 b. Manjaha Hata Huhuasi Ni:
- Superintendent Evangelischer Kirchenkreis HAMM
- Ephorus HKI
c. Tangiang (Manangianghon tingting Huria dohot Paralealeon ni HKI-EKK Hamm Jerman)
15. Marende: BE/BN-HKI. No. 463:1-2 “PasupasuM TongosonMu” (Kolekte tu Zending HKI)
PasupasuM tongosonMu I do didok hataMi,
Suru tondiM na badia, bosur ma baen rohangki.
HagogoonMu, songgop ma tu rohangkon.
Unang sai holan manetek, gohi sandok diringkon.
Tuhan b’rikanlah berkatMu, demikian janjiMu.
Curahkan RohMu yang kudus. Puaskanlah hatiku.
Kuat kuasaMu, diamlah dihatiku.
Janganlah hanya menetes, biar tercurah penuh.
-Musik-
Buat ma angka pangambat, unang songsong dalan i.
Mual ni aek hangoluan ringkot do di rohangki.
HagogoonMu, songgop ma tu rohangkon.
Unang sai holan manetek, gohi sandok diringkon.
Jauhkan dariku penghalang, terbukalah jalanku.
B’rikanlah air kehidupan, menyegarkan hatiku.
Kuat kuasaMu, diamlah dihatiku.
Janganlah hanya menetes, biar tercurah penuh.
16. Tangiang Panutup (Jongjong)
P : (Manjaha Tangiang Pelean sian Agenda, dung i diuduti ma dohot tangiang panimpuli
Minggu na ditoru on)
Tuhan Debata Jahowa Parasiroha na sumurung jala parholong ni roha rodi saleleng ni
lelengna. Mandok mauliate do hami tu joloM marhite ende pujian, tangiang dohot pelean
na hupasahat hami tu Ho di Minggu Paralealeon na hupatupa hami sadarion.
Huparhatopot hami ma tu joloM, paboa Ho do ale Jahowa na marmahani HuriaM HKI
dohot EKK-Hamm Jerman maraleale saleleng na 45 taon on dohot na manumpahi ulaon
Parbarita Naulion di HKI di Indonesia dohot di EKK-Hamm di tano Jerman. Patogu ma
haporseaon nami Tuhan huhut ihoti paralealeon ni HuriaM HKI dohot EKK-Hamm Jerman
asa tongtong masitumpahan di bagasan holong ni rohaM, asa marsangap GoarMu jala
marlas roha nang HuriaM di bagasan Goar ni AnakMu Tuhan Jesus Kristus tangihon jala
oloi ma pangidoan nami. Amen.
Rap ma hita mandok ma hita di tangiang hatopanta i!
P+H : Ale Amanami… Amen.
P : (Pasahat Pasupasu)
P+H : (Mangendehon) Amen, Amen, Amen.

-----ooooo00000ooooo-----