Pagkakakilanlan

Katauhan, kagustuhan, at kasarian

Mga bagay na para sa ibang tao ay mahirap ipangalandakan

Impormasyon na sa iba ay simple lamang Kasarian, lalaki, babae, bakla at tomboy

At para sa iba ay napakahirap na ipaalam Meron pang biseksuwal, at mga transgender

Paano kung isa ako sa mga ito?

Katauhan, ito and mental at moral ng isang tao Handa ba ang tao sa mga paligid ko?

Ito ang likas na ikinatatangi ng isang tao

Paano nga ba alamin ang pagkatao Pagkakalilanlan, nararapat na bang ipubliko?

Kung ikaw mismo ay hindi sigurado O ito muna ay itago sa mga malapit sa puso

Pagkakalilanlan ilalahad o itatago?

Kagustuhan, ito ang mga nais, hangad, ibig at kailangan Panginoon kami nawa’y tulungan mo

Hindi lang ng pisikal, pati na rin emosyonal Nawa’y mahanap ang kasiyahan na ipinangako mo

Ano nga ba ang uunahin?

Pansariling kagustuhan? O ang sayo ay inaasahan?

 ANG PANIMULA

HANGAD Sa buhay ng tao, tayo ay madaming mga pangangailangan,

NA madami din tayong mga hangad sa buhay na nais makamit balang

araw. Sa kwentong ito inyong malalaman ang isa sa mga hangad ng

PAGTANGGAP
mga kapatid natin na kabilang sa LGBTQ community. Ito ay ang
pagtanggap. Isang simpleng bagay para sa karamihan, ngunit ito ay
isa sa mga bagay na mahirap makamit ng mga kapatid nating
kasama sa komunidad na ito. Malalaman natin sa kwentong ito ang
epekto ng mga bagay na simple o wala lang sa ibang tao. Ang
kwentong ito ay patungkol sa buhay ni Nimae, isang simpleng babae
na nagbago ang buhay nang makilala niya ang isa pang babae na
nagngangalang Fulin. Ano ang naging epekto ni Fulin sa kanyang
buhay? Ano ang naging reaksyon ng kanyang pamilya sa kanyang
napiling daan? Ating basahin ang kanyang kwento.
 Sa isang bayan ng Ilocos sur, nakatira ang dalagang nag-
ngangalang, Nimae. Sisimulan natin ang kanyang kwento nung siya
ay nasa sekondarya pa lamang. Siya ay isa sa mga aktibong mag-
aaral ng kanyang paaralan. Mula sa unang taon nya sa sekondarya
ay kabilang na siya sa Konseho ng mga Estudyante. Dito ay aktibo rin
siya na sumali sa mga paligsahan sa paaralan tulad ng Sepak. Siya ay
naglaro ng Sepak mula sa pangalawang baitang sa sekondarya. Dito
palang na yugto ng kanyang buhay ay nakaranas na siya ng
diskriminasyon. May mga kamag-aral siya na palaging siyang
ibinubukod sa kanila. Sa buong yugto ng kanyang buhay sa
Sekondarya, nakaranas siya ng halo-halong saya at lungkot. Ngunit
sa yugtong ito ng buhay siya, nasa likod lamang niya ang kanyang
ina at pamilya na sumusoporta sa kanya. Sa loob loob ni Nimae ay
meron nang kuryusidad na namumuo, minsan ay nakakaramdam
siya ng paghanga sa ibang kababaihan.
Ngunit ang kanyang kuryusidad ay pinasintabi.
Sapagkat ,nung siya ay nagtapos ng sekondarya, siya ay nagkaroon
ng kasintahan. Sa una ay masaya sapagkat sila ay magkasama.
Ngunit ng maglaon ay nagkaroon ng lamat ang kanilang relasyon.
Sila ay magkaiba ng piniling paaralan sa kolehiyo. Ang kanyang
kasintahan ay nagtungo sa Cavite, at si Nimae naman ay nag-aral sa
La Union. Sa unang mga buwan ay napanatili pa nila ang kanilang
komunikasyon. Si Nimae ay nagsimulang mag-aral ng pag-iinhinyero.
Ang simula ng kanyang Kolehiyo ay masaya, siya ay may
kasintahan na pinangakuan siya ng tuloy-tuloy na komunikasyon.
Ang kanyang ina ay may mataas na kompyansa para sa kanya. Para
kay Nimae ang lahat ay nasa tamang kalalagyan. Isang panimulang
masaya at may pagmamahal.
Ang unang semestre sa kanyang unang taon sa kolehiyo ay
masaya at malungkot para sa kanya. Masaya dahil ang kanyang
pagpupursige sa paaralan ay napalitan ng maayos na mga marka.
Malungkot dahil ang kanyang relasyon sa kanyang kasintahan ay
lumalabo na. Palagi silang walang oras para sa isa’t isa, na naging
dahilan upang putulin nila ang kanilang ugnayan sa isa’t isa.
Pagkatapos ng kanyang relasyon sa kanyang unang
kasintahan ay muling bumalik ang kanyang kuryusidad. Kuryusidad
sa mga kapwa niyang mga babae. Isang babae sa kanyang bahay-
panuluyan ay napapansin niya minsan, Fulin ang kanyang ngalan.
Ngunit sa una, siya ay natatarayan at sa palagay niya ay isa itong
mahiyain na tao. Kabaliktaran sa kanya na pala-kaibigan na tao.
Sa ikalawang semestre ng kanyang unang taon sa kolehiyo
ay nagkaroon ang paaralan ng paligsahan. Ito ay paligsahan ng
tatlong departamento ng kolehiyo. Sila ni Fulin ay magkaiba ng
departamento ngunit magkakampi ang mga ito. Dito na nagsimula
ang kanilang istorya.
 Habang ang paligsahan ay nangyayari, nagiging mas malapit
sila Nimae at Fulin sa isa’t isa. Ang kuryusidad ni Nimae ay
bumabalik bigla. Ngunit ito ay kanyang winawaglit, sapagkat alam
niyang ito ay hindi siya. Nagpatuloy ang buhay kolehiyo ni Nimae,
tahimik at masaya. Kanyang sinisiyasat ang kanyang mga potential
sa lahat ng bagay. Patuloy siyang nakipagrelasyon sa mga
kalalakihan. May isang pagkakataon na siya ay nakipagrelasyon sa
isang lalaki, siya ay nagngangalang Kenneth. Si Nimae ay mapag-
laro. Ang kanyang relasyon sa kanya ay nagsimula nung nagrehistro
siya ng load na pang dalawang araw. Sila ay nagpalitan ng tawag at
mga mensahe, at nang matapos ang kanyang nirehistrong load, ang
kanilang relasyon din ay nagtapos.
Si Nimae ay madaming kaibigan, karamihan sa mga ito ay
mga lalaki. Magaling mag-ayos ng sarili at manamit si Nimae. Kaya
nama’y madaming nahuhumaling sa kanya. Ang lahat sa kanyang
paligid ay animo’y kay saya. Suportado siya ng kanyang ina at sa
paaralan siya ay nakakapasa.
Ilang buwan matapos ang paligsahan sa paaralan ay
nagpatuloy na malapit sa isa’t isa sila Nimae at Fulin. Nagsasabay na
silang kumain sa kanilang bahay-panuluyan at naging magkasama sa
kwarto. Nagsimula silang magtabi na matulog. Dito ay lumalago ang
kuryusidad si Nimae. Isang gabi sa buwan ng Enero, nagtabing
natulog sila Nimae at Fulin. Habang natutulog si Fulin ay tinititigan
siya ni Nimae. Kanyang pinagmamasdan ang mukha ni Fulin, maya’t
maya ay hinahaplos ito. Tinignan ni Nimae ang kanyang paligid.
Malalim na ang gabi kaya’t ang mga kasama nila sa kanilang silid ay
tulog narin. Pagkatapos suriin ni Nimae ang paligid ay kanyang
binalikan ang pagtitig kay Fulin. Hindi inaasahan ni Nimae ang
paglapit ni Fulin sa kanya upang siya ay yakapin. Ani ni Nimae, ito ay
normal lamang, sapagka’t mahilig yumakap si Fulin sa kanyang
pagtulog. Ang hindi niya inaasahan ay ang paglapit ni Fulin sa
kanyang mukha. Ang lapit ng kanilang mukha ay wala pa sa isang
pulgada. Ang hindi inaasahan ni Nimae ay ang paglapit ng kanyang
mukha upang isara ang isang pulgadang distansiya ng kanilang
mukha, ng kanilang labi. Hinalikan niya si Fulin sapagka’t ang
kanyang kuryusidad ay lumago. Ano nga ba ang pakiramdam ng
makipaghalikan sa isang babae? Ani ni Nimae. Ang hindi niya
inaasahan ay ang pagsagot ni Fulin sa kanyang mga damping halik.
Pagkatapos ng halik ay natulog sila. Kinabukasan ay hindi nila pinag-
usapan ang nangyari at nagpatuloy sila sa kanya kanyang buhay sa
labas ng kanilang bahay panuluyan.
Natapos ang unang taon ng kanyang Kolehiyo ng may saya
at pagkalito. Ano nga ba ang nais ko? Babae o lalaki nga ba ang
hanap ko? Iyan ang mga tanong na nasa isip ni Nimae.
 Sumapit ang bakasyon, nagpatuloy ang komunikasyon nila
Nimae at Fulin. Buwan ng Abril, sinubukan ni Nimae na patulan ang
kanyang kuryusidad. Tinanong ni Nimae si Fulin kung gusto niyang
subukan ang makipagrelasyon sa kapwa niya babae. Dahil si Fulin ay
may kuryusidad rin, ito ay kanilang sinubukan.
Si Nimae ay kumuha ng Summer Class sa paaralan. Bago siya
pumunta sa paaralan ay nagkita sila ni Fulin. Noong una ay asiwa pa
sa isa’t isa sila Nimae at Fulin. Hindi alam kung paano makitungo sa
isa’t isa. Nahirapan sila noong una dahil si Fulin ay hindi pa
masyadong nakatuon sa kanilang relasyon. Sinubukan nilang gawin
ang mga bagay na ginagawa ng normal na magkasintahan. Kahit
alam nila sa sarili nila na sila ay naiiba. Silang dalawa ay nag-usap,
ang lahat ng ito ay palihim. Sa kaarawan ni Nimae, pumunta si Fulin
sa kanilag bahay-panuluyan. Siya ay nagpasyang magpalipas ng gabi
kasama si Nimae.
Sa gabing ito, silang dalawa ay nagtabing matulog. Kakaiba
ang sensasyon na nararamdaman ni Nimae. Tila ba siya ay
nakaramdam ng katahimikan at kaligtasan. Sa tagal ng panahon,
naramdaman niya na tila ba siya ay ligtas, isa ito sa mga gabi na
nakatulog siya ng tahimik at masaya. Nagpatuloy ang kanilang
pagsubok sa napili nilang relasyon. Patuloy nilang sinusubok ang
kanilang kuryusidad kung ito ba ay tatagal o hindi. Sila nga ba ay
para sa isa’t isa o ito ba ay lilipas din?
Nagpatuloy na nag-aral sila Nimae at Fulin. Sila parin ay
nagpatuloy na maging magkasintahan. Lahat ng ito ay palihim sa
karamihan. Ngunit may mga malapit silang kaibigan na nakakalam.
Kapag kasama ni Nimae at Fulin ang kanilang mga kaibigan, sila ay
malaya.
Isang araw, nang si Nimae ay pumasok sa paaralan, naiwan
nya ang kanyang telepono. Sa hindi inaasahan ay binasa ng kanyang
ina ang mga mensahe niya. Dito ay nalaman niya ang relasyon nil ani
Nimae. Tulad ng inaasahan ni Nimae ay kontra ang ina niya.
Inutusan siya ng kanyang ina na itigil ang relasyon na ito dahil ang
sabi niya ay magiging hadlang lamang ito sa kanyang kinabukasan. Si
Nimae ay nagmatigas at sinabi niya sa kanyang ina na hindi ito
magiging hadlang, bagkus siya ay masaya dahil sa kanyang palagay
ay maganda ang epekto ni Fulin sa kanya. Ngunit hindi ito
maintindihan ng kanyang ina. Para sa kanya ay kahibangan lamang
ito. Dahil ditto ay nagsimulang lumayo ang loob nila sa isa’t isa. Ang
dating malapit na relasyon nilang mag-ina ay nagkaroon ng lamat.
Sa isip ni Nimae ay lilipas din ito at matatanggap din sila ng kanyang
ina.
 Dumating ang ikatlong taon ni Nimae sa kolehiyo. Ang alam
niya ay magiging maayos parin ito. Ngunit isang pangyayari ang
nagbago ng lahat. Ang kanyang ina ay tutol parin sa kanyang
pakikipagrelasyon kay Fulin. Sinasabi niyang si Fulin ang dahilan ng
mga grado niya na hindi pasado sa paaralan. Para sa kanya ay
distraksyon lamang si Fulin sa kanyang anak. May mga klase kasi si
Nimae na kinakailangan niyang ulitin dahil hindi niya naipasa ang
mga ito. Ngunit nagmatigas parin si Nimae dahil alam niya na hindi
si Fulin ang dahilan ng mga grado niyang bagsak. Sa katunayan ay
nahihirapan si Fulin sa kanyang kurso na pag-iinhenyero. Ngunit
tutol talaga ang kanyang ina kaya nama’y sinubukan ng kanyang ina
na tibagin nag kanilang relasyon. Pinutol ng kanyang ina ang
pagsuporta sa ibang pangangailangan ni Nimae. Hindi naman siya
nagpatinag dahil sinoportahan siya ni Fulin. Ang kanyang matricula
ay hindi na rin binayaran ng kanyang ina, ditto ay humingi siya ng
tulong sa kanyang malapit na kaibigan. Sila ay matalik na mag-
kaibigan mula ng Sekondarya pa siya. Ito ay may trabaho at bukal sa
loob nitong tinulungan ni Nimae. Natapos ni Nimae ang ikatatlong
taon niya sa kolehiyo ngunit pagkatapos nito, nang dahil sa stress at
anxiety ay tinigil ni Nimae ang kanyang pag-aaral.
Si Nimae ay nagpatuloy na nanirahan sa kanilang bahay-
panuluyan. Ang alam ng kanyang ina ay pumapasok parin siya sa
paaralan. Sila ni Fulin ay patuloy na nagsama. Sa kabila ng kanilang
mga problema ay pinagpatuloy parin nila ito.
Hindi nila inaakala na tatagal sila ng ganoon. Patuloy na
lumalim ang kanilang relasyon. Hanggang si Fulin ay nakapagtapos
ng pag-aaral at nakahanap siya ng trabaho sa Baguio. Sumama si
Nimae doon at namuhay kasama si Fulin. Sa puntong ito ay hindi
parin nag-uusap si Nimae at kanyang ina. Dulot nito at iba pang
problema ay nagbigay kay Nimae ng depresyon. Nagsimulang
maghanap ng trabaho si Nimae. Nagbabakasakali siyang kapag
nakapag-ambag na siya ng pera sa kanyang ina at kapatid ay
matatanggap na ng mga ito ang daan na kanyang tinahak.
Unti unting nakipagusap o ibinalik ni Nimae ang
komunikasyon nila ng kanyang ina. Kahit na alam ni Nimae na hindi
parin ito lubusang tanggap ng kanyang ina. Inimbitahan nila Nimae
at Fulin ang kanyang ina at kapatid sa Baguio upang mag-pasko. Sa
kanilang bigla ay nakitungo ang kanilang ina ng maayos. Animo’y
natanggap na nito ng kaunti ang daan na tinahak niya. Gumaan ng
kaunti ang kanyang pakiramdam. Tila ba siya ay nakahinga na rin sa
wakas ng mas maluwang. Nawala ang bigat sa puso na matagal na
niyang iniinda. Lumipas ang ilang buwan ay nagging mas Mabuti ang
samahan ni Nimae sa kanyang ina at kapatid. Biglang nagbago ang
lahat at gumaan ang kanyang pakiramdam.
 Enero ng 2019, umuwi si Nimae upang ipagdiwang ang
kaarawan ng kanyang kapatid. Pagkalipas ng ilang araw ay sumunod
Para kay Nimae, kung susuko ka sa iyong kagustuhan ay
si Fulin upang makilahok sa pagdiriwang. Sila ay naabutan ng
hindi mo makakamit ang Kalayaan na iyong hinahangad. Madami
pandemya kaya nama’y sila ay napilitang manirahan sa bahay nila
man siyang pinagdaan ay hindi siya sumuko sa kanyang mga
Fulin. Noong una ay medyo naninibago pa sila, minsan lamang sila
inaasam. May mga bagay man siyang isinuko upang makapiling si
umuwi doon ni Fulin, kaya naman ay hindi pa sila sanay na kasama
Fulin, may mga bagay at pangyayari naman siyang ipinag-
sa tirahan ang kanyang ina at kapatid. Ramdam ni Fulin na asiwa at
papasalamat. Ang pinakaimportante sa lahat ng kanyang hangad, na
nahihiya pa sila Fulin at kanyang ina sa isa’t isa. Si Nimae ay
lubos niyang pinagpapasalamat sa panginoon ay kanya naring
nakakaramdam ng kaba kung magiging maayos ba ang pagsasama
nakamit. Hindi man ito maibigay ng lahat ng tao, basta ito ay
nilang lahat sa isang bahay.
makamtan niya sa mga importanteng tao sa buhay niya ay masaya
Dumaan ang ilang araw at buwan, nagging mas malapit sa na siya. Ang hangad na pagtanggap ng kanyang ina.
isa’t isa ang mga mahal sa buhay ni Nimae. Naging malapit na rin sa
Ang pagtatapos.
pamilya ni Nimae si Fulin, kasama na dito ang mga kamag-anak niya.
Nagsimula naring tawagin ni Fulin ng “Mama” ang ina ni Nimae.
Minsan ay nakakarinig pa sila ng mga komento na nakakasakit.
Ngunit ang mga ito ay kanila na lamang winawaglit. Ang pinaka
kinasaya ni Nimae ang pagpapakilala ng kanyang ina kay Fulin bilang
kanyang anak. Alam ni Nimae na may kaunting pagasa parin ang
kanyang ina na siya ay magbabago. Ngunit sa ngayon ay
napagpasyahan na nitong suportahan ang ninanais ni Nimae sa
kanyang buhay.