MAARİF-İ UMUMİYE NEZARET-İ CELİLESİNE

Devletlü efendim hazretleri,

Geçen sene taraf-ı naçizanemden arz olunan su cereyanı makinesi vesilesiyle bazı eşya-i nafia istihraç
olunmuştur

Şöyle ki mesela bir saat zaman zarfında değirmen çarklarını tahrik ve tedvir edecek bir miktar suyun
kuvvetiyle alet-i merkumun vasıtasıyla müdde-i medidede değirmen çarklarının tahriki mümkündür

Makine-i mezkur evkat-ı keşidede değirmen çarklarını tahrik ettiği gibi ruy-i deryada olmaktan su ile
hemişe bir sefinenin tahrikine kabiliyeti derkardır.

Buharın kuvvetiyle tahrik olunan sefine masrafla kömürü alınır. Masrafla kömürü sefineye sarf ve
ihraç olunur.
Mürur-ı zaman ile kömür miadını bitirip saabet-i buhariyenin zehairi mefkur olur ve sefineyi tahrik
edecek buhar daima hazır olmayıp su buharı haline tahvil edinceye birkaç saat mürur-ı zaman
lazımdır.

Kazanın derininde hararetin teşirinden mütekevvin olan mevad-ı mülihhinin ihracı için behrabda bir
kere tealil-i sefinenin cesametine tensiben birkaç günde kazanın gasl ve tetahhuru iktiza eder ve gah
gah buharın kuvveti kazanın şak ve patlamağla taifeye zararı dokunur. Ittifakan kömür ambarı
tarafından husule gelen hariklerin buharı sefinelerden verdikleri hasaran ve telafat-ı azimenin imkan-ı
vukuu yolcuları büyük bir tehlike ve kaza-i nagehaniyenin merkezine ilka eder. Lakin suyun
kuvvetiyle tahriki tasavvur olunan sefineyi bilcümle kaza-i mezkureden salim olarak her vakit hazır ve
amade olmakla zahiresi deryanın ab-ı bipayanı olur. İnşallah Allahül mübin bu emr-i azimin kuvveden
cünüfremle isal-i hamize kamile-i nezaretpahilerini istirham ederim. Olbabda emr-ü fermana
hazırlanmakla ila muakaddır.

Sene 303(1887) Kanunsani 29(13 Ocak)