Professional Documents
Culture Documents
ނަމޫނާ ލިޔުންތައް
ނަމޫނާ ލިޔުންތައް
-މުހައްމަދު ޤާސިމް-
"ޤައުމެއްގެ މާދަރީބަހަކީ އެ ޤައުމެއްގެ ރޫހާއި ސަގާފަތް ރަމުޒުކޮށްދޭ ،އެ ޤައުމެއްގެ އަހުލުވެރިންގެ ހިތުގެ ބަހެވެ".
މިއީ ބަހަވީ ޢިލްމުވެރިން މާދަރީބަހަށް ދެއްވާފައިވާ ޤަދަރާއި ޝަރަފެވެ .އެހެންނަމަވެސް ދިވެހިރާއްޖޭގެ އިސްކޫލުތަކުގައި
އިލްމު އުނގަންނައިދޭއިރު ،މާދަރީބަހަށްވުރެ ބޮޑު އިސްކަމެއް ދީފައިވަނީ ބޭރު ބަސްބަހަށެވެ .މައިގަނޑު ސަބަބަކީ އެ
ބަސްބަހަށް ދަރިވަރުން މޮޅުކުރުމެވެ .އޭގެ ސަބަބުން މަތީތައުލީމުގެ ފުރުސަތު ތަނަވަސްވެ ،ބޮޑެތި މުސާރަތަކުގެ ވަޒީފާތައް
ލިބޭނެކަމަށް ގަބޫލުކުރެވޭތީއެވެ .އެހެންނަމަވެސް ބަހުގެ މާހިރުންގެ ދިރާސާތަކުން ހާމަވާގޮތުގައި ،ފަށާތައުލީމު އުނގެނޭ
ދަރިވަރުންނަށް ބޭރު ބަސްބަހުން ކިޔަވައިދިނުމުގެ ބަދަލުގައި މާދަރީބަހުން ކިޔަވައިދިނުމަކީ ،ދަރިވަރުންނަށާއި ގައުމުގެ
ކުރިމަގަށް އެތައް ގޮތަކުން މަންފާކުރާނެ ކަމެކެވެ .އެހެންކަމުން ދިވެހިރާއްޖޭގެ އިސްކޫލުތަކުގައި ފަށާތަޢުލީމު
އުނގަންނައިދޭން ބޮޑަށް ރަނގަޅުވާނީ ،ބޭރު ބަސްބަހަށްވުރެ ،ދިވެހިބަހުން ކަމާމެދަކު ޝައްކެއްނެތެވެ.
ފަށާތައުލީމު އުނގެނޭ ދަރިވަރުންނަށް ބޭރު ބަހަކުން ކިޔަވައިދިނުމުގެ ބަދަލުގައި ،މާދަރީ ބަހުން ކިޔަވައިދޭ ނަމަ ،ގެއަށް
ހަވާލުކުރާ މަސައްކަތް ނިންމަން ދަރިވަރުންނަށް ވަރަށް ބޮޑަށް ފަސޭހަވާނެއެވެ .ސަބަބަކީ އެ ކުދިން ފަރިތަކަމާ އެކު
ވާހަކަދައްކައި ،ލިޔެކިޔައި ހަދާ ބަހަކީ ދިވެހިބަސްކަމުގައި ވެފައި ،އެ ކުދިން ކިޔަވާ ހުރިހައި މާއްދާއެއްގެ ފޮތްތައް ވެސް
ލިޔެފައި ހުންނާނީ ދިވެހިބަހުންކަމަށް ވާތީއެވެ .އެހެންކަމުން ކޮންމެ ފިލާވަޅެއްގެ އިރުޝާދު ވެސް ކިޔައިލުމާ އެކު ،އެ
ފިލާވަޅެއް ހަދަންވީ ގޮތް ވަރަށް ރަނގަޅަށް ސާފުވާނެއެވެ .ހިސާބު ފިލާވަޅެއް ކަމަށްވިޔަސް ،ސައިންސް ފިލާވަޅެއް
ކަމަށްވިޔަސް ،ދަތިކަމެއް ނެތި ނިންމާލެވޭނެއެވެ .އެހެންނަމަވެސް ބޭރު ބަހަކުން ކިޔަވައިދޭ ނަމަ ،ފިލާވަޅުތައް
ނިންމުމުގައި ވަރަށް ގިނަ ހުރަސްތައް ދަރިވަރުންނަށް ކުރިމަތިވެއެވެ .އެ ކުދިން ބޭނުންކުރާ ފޮތްތަކާއި ހަދަންޖެހޭ
ފިލާވަޅުތަކާއި އެ ފިލާވަޅުތައް ހަދަންވީ ގޮތުގެ އިރުޝާދުތައް ބޭރު ބަސްބަހުން ހުންނާތީއެވެ .ފަށާއުމުރުގެ ގިނަ
ކުދިންނަކީ ،ބޭރު ބަހަކަށް މާ ބޮޑަށް އަހުލުވެރިވެފައި ތިބޭ ކުދިންނަށް ނުވާތީ ،އެ ފަދަ ފިލާވަޅުތައް ހަދަންވީގޮތް އެންމެ
ފުރިހަމައަށް ދޭހަނުވެ ،ފިލާވަޅުތައް ނިންމުމުގައި ހުރަސްތައް ކުރިމަތިވެއެވެ .އެހެންކަމުން ދިވެހިރާއްޖޭގެ އިސްކޫލުތަކުގެ
ފަށާތައުލީމު އުނގެނޭ ދަރިވަރުންނަށް ބޭރު ބަހަކުން ކިޔަވައިދިނުމަށްވުރެ ،ދިވެހިބަހުން ކިޔަވައިދޭ ނަމަ ،ގެއަށް
ހަވާލުކުރެވޭ މަސައްކަތް ނިންމުމުގައި ،ދަރިވަރުންނަށް ވަރަށް ބޮޑު ލުއިފަސޭހަކަމެއް ލިބޭނެއެވެ.
1
އިމްތިޙާނުތަކުގައި ދަރިވަރުން ހޯދާ ނަތީޖާ ބިނާވާނީ ،އެ ދަރިވަރުންނަށް ކިޔަވައިދެވޭ ގޮތާއި ކިޔެވުމުގައި އެ ދަރިވަރުންގެ
އަމަލުތައް ބެހެއްޓޭ ގޮތެއްގެ މައްޗަށްކަމަށް ވުމުން ފަށާތައުލީމުގެ އުމުރުގައި މާދަރީ ބަހުން ކިޔަވައިދޭ ނަމަ،
އިމްތިހާނުތަކުގައި ދަރިވަރުން ހޯދާ ނަތީޖާ ރަނގަޅުވާނެކަން ކަށަވަރެވެ .ދިރާސާތަކުން ދައްކާގޮތުގައި ފަށާތައުލީމުގެ
ދަރިވަރުންނަށް މާދަރީބަހުން ކިޔަވައިދޭ ނަމަ ،ދެވަނަ ބަހެއް ދަސްކުރަން ފަސޭހަވެ ،އެހެން މާއްދާތަކަށް ވެސް ދަރިވަރުން
މޮޅުވާނެއެވެ .ދިވެހިރާއްޖޭގައި އިނގިރޭސިބަހުން ކިޔަވައިދެއްވާ މުދައްރިސުން ހިމަނައިގެން ކޮށްފައިވާ ދިރާސާއެއްގައި،
53%މުދައްރިސުން ވިދާޅުވެފައި ވަނީ ،ފަށާއުމުރުގެ ދަރިވަރުންނަށް ދިވެހިބަހުން ކިޔަވައިދޭ ނަމަ ،ފިލާވަޅުތައް
އޮޅުންފިލުވައިދޭން ފަސޭހަވެފައި ،ނަތީޖާއަށް ހެޔޮ ބަދަލެއް ގެނެވޭނެކަމަށެވެ .އެހެންނަމަވެސް ދިވެހިރާއްޖޭގެ
އިސްކޫލުތަކުގައި ފަށާތައުލީމުގެ ދަރިވަރުންނަށް ބޭރުބަސްބަހުން ކިޔަވައިދިނުމުން ،އެ ކުދީންނަށް އެންމެ ފުރިހަމަ ނަތީޖާ
ނުނެރެވޭކަން ދިރާސަތަކުން އަންނަނީ ފެންނަމުންނެވެ .ޔުނެސްކޯއިން ކޮށްފައިވާ ދިރާސާއަކުން ދައްކާގޮތުގައި2011 ،
ވަނަ އަހަރު އައިޖީއެސްސީ އިމްތިޙާނު ހެދި ދިވެހި ދަރިވަރުންގެ ތެރެއިން 5މާއްދާއިން ފާސްވެފައިވަނީ50% ،
ދަރިވަރުންނެވެ .އިނގިރޭސި މާއްދާއިން ފާސްވެފައި ވަނީ ،އެންމެ 20%ދަރިވަރުންނެވެ .މިއީ ފަށާ ތައުލީމުގެ
މަރުހަލާގައި އިނގިރޭސިބަހުން ކިޔަވައިދިން ދަރިވަރުންގެ ނަތީޖާއެވެ .އެހެންކަމުން ފަށާތައުލީމުގެ މަރުޙަލާގައި ބޭރު
ބަސްބަހުން ކިޔަވައިދިނުމުގެ ބަދަލުގައި ދިވެހިބަހުން ކިޔަވައިދީފި ނަމަ ،ދަރިވަރުންގެ ނަތީޖާ ރަނގަޅުވާނެކަމީ ކަށަވަރު
ކަމެކެވެ.
2
ދިވެހިރާއްޖޭގެ ފަށާތައުލީމުގެ މަރުހަލާގައި ބޭރު ބަސްބަހުން ކިޔަވައިދިނުމުގެ ބަދަލުގައި ،ދިވެހިބަހުން ކިޔަވައިދޭން
ފަށައިފި ނަމަ ،ކިޔަވައިދޭ ތަކެތި ދަރިވަރުންނަށް އޮޅުންފިލާ މިންވަރު އިތުރުވާނެއެވެ 2011 .ވަނަ އަހަރު ޓީޗަރ
އެސޯސިއޭޝަން އޮފް މޯލްޑިވްސް(ޓޭމް) އިން ކޮށްފައިވާ ދިރާސާއަކުން ދެއްކިގޮތުގައި ،މާދަރީބަހުން ކިޔަވައިދޭ
ދ
މުދައްރިސުން ،ފިލާވަޅުތައް އޮޅުންފިލުވައި ދޭއިރު ،މާ ގިނަ މިސާލުތަކާއި ނަމޫނާތައް ދަރިވަރުންނަށް ދައްކައެވެ .އަ ި
ކުލާސްތެރޭގެ ހަރަކާތްތެރިކަން ބޮޑެވެ .އޭގެ ސަބަބުން ދަރިވަރުންނަށް އޮޅުންފިލާ މިންވަރު ބޮޑެވެ .އެއާޚިލާފަށް މި
އ
އުމުރުގެ ކުދީންނަށް ބޭރު ބަހަކުން ކިޔަވައިދޭ ނަމަ ،ފިލާވަޅުތައް އޮޅުންފިލުމުގައި ހުރަސްތައް ކުރިމަތިވެއެވެ .އެ ް
ކަމަކީ މުދައްރިސުންގެ ބަހުގެ ފެންވަރު ދަށްވުމެވެ .ރާއްޖޭގައި އިނގިރޭސިބަހުން ކިޔަވައިދެއްވާ މުދައްރިސުން
ހިމަނައިގެން ހަދާފައިވާ ދިރާސާއަކުން ދެއްކިގޮތުގައި ،އިނގިރޭސިބަހުން ރަނގަޅަށް ވާހަކަދެއްކޭކަމަށް އެއްބަސްވެފައިވަނީ
އެންމެ 5%މުދައްރިސުންނެވެ .އަނެއްކަމަކީ މި އުމުރުގެ ގިނަ ދަރިވަރުން ބޭރު ބަސްބަހަށް އަހުލުވެރިނުވުމެވެ.
އެހެންކަމުން މުދައްރިސުން ކިތަންމެ ރަނގަޅަށް އޮޅުންފިލުވައިދޭން މަސައްކަތްކުރި ނަމަވެސް ،ދަރިވަރުންނަށް ފަހުމުވާ
މިންވަރު ކުޑަވެއެވެ .ކަންމިހެން އޮތުމާއެކު ފަށާތަޢުލީމުގެ މަރުޙަލާގައި ،ބޭރުބަހަކުން ކިޔަވައިދިނުމުގެ ބަދަލުގައި،
ދިވެހިބަހުން ކިޔަވައިދިނުމުން ،ކިޔަވައިދޭ އެއްޗެހި ފަސޭހައިން އޮޅުންފިލާނެކަމީ ޝައްކެއް ހުރި ކަމެއް ނޫނެވެ.
ފަށާތަޢުލީމުގެ މަރުޙަލާގައި ބޭރު ބަސްބަހުގެ ބަދަލުގައި މާދަރީބަހުން ކިޔަވައިދިނުމަކީ ،ދަރިވަރުންނަށާއި ޤައުމަށް ނުހަނު
ގިނަގުނަ ފައިދާކުރާނެ ކަމެކެވެ .އޭގެ ސަބަބުން ގެއަށް ހަވާލުކުރެވޭ މަސައްކަތް ،ދަތިކަމެއް ނެތި ނިންމާލެވުމުގެ
ޝަރަފު ،ދަރިވަރުންނަށް ލިބޭނެއެވެ .އިމްތިޙާނުތަކުގައި ރަނގަޅު ނަތީޖާ ނެރެވުމުގެ ފަޚުރު ،ދަރިވަރުން ލިބިގަންނާނެއެވެ.
ދިވެހިބަހުގެ ފެންވަރު އެއްދުވަހުން އަނެއް ދުވަހަށް ރަނގަޅުވަމުން އަންނަކަމުގެ ހިތްހަމަޖެހުން ދަރިވަރުންނަށް ލިބޭނެއެވެ.
ކިޔަވައިދޭ ތަކެތި ފަސޭހަކަމާ އެކު ނަގައިގަނެވުނުކަމުގެ އުފާ ،ދަރިވަރުންނަށް ޙާޞިލުވާނެއެވެ .މި ފަދަ އެތައް
ފައިދާތަކެއް ހުރުމުން ،ދިވެހިރާއްޖޭގެ ފަށާތައުލީމުގެ މަރުޙަލާގައި ،ބޭރު ބަސްބަހުން ކިޔަވައިދިނުމަށްވުރެ ،ދިވެހި ބަހުން
ކިޔަވައިދިނުމުން ،ދަރިވަރުންނަށްކުރާ ފައިދާ ހުރިހައި ގޮތަކުން ވެސް ބޮޑުވާނެކަމީ ޝައްކެއް ހުރި ކަމެއް ނޫނެވެ.
3
ޓެކްނޮލޮޖީ ބޭނުންކުރާ ގޮތުގެ ސަބަބުން ޒުވާނުންނަށް ލިބޭ ގެއްލުންތައް
-މުހައްމަދު ޤާސިމް-
ފަންނިއްޔާތުގެ ބޭނުންހިފޭ ގޮތުގެ ސަބަބުން ،އެތައް ޒުވާނުންނެއްގެ ޢަޤީދާ ބަލިކަށިވަމުން އަންނަކަމީ ،ދެބަސްވެވެން
ނެތް ހަގީގަތެކެވެ .ފަންނިއްޔާތުގެ ދުނިޔެއަކީ ހެއްލުންތެރި ގެއްލުން ބޮޑު ދުނިޔެއެކެވެ .ފަންނިއްޔާތުގެ ރަސްގެފާނު
ކަމަށްވާ އިންޓަނެޓަކީ ،ދުނިޔޭގައި ލެއްވި ހުރިހައި ރަހައެއް ،އޭގައި ޖެހިފައިވާ ވިއުގައެކެވެ .މި ވިއުގައިގެ ތެރޭގައި،
މާތްވެގެންވާ އިސްލާމްދީނުގެ ޢަދުއްވުން ފަތުރާފައި ހުރި ކެހިވެރި އެތައް ދަލެއް ހިމެނެއެވެ .ވިސްނާންޖެހޭ މިންވަރަށް
އ
އ ް
ވިސްނާނުލައި ބޭނުންކުރާން ފަށައިފި ނަމަ ،މިއިން ދަލެއްގައި ނުހަނު ފަސޭހައިން ޖެހިދާނެއެވެ .އެކަން މިއަދުގެ ބަ ެ
ޒުވާނުންގެ ކިބައިން ،ފެންނަމުން އެބަ ދެއެވެ .ދީނާ ފުށުއަރާ ކަންކަން ޤަބޫލުކުރާ ޒުވާނުންގެ އަދަދު ،އެއް ދުވަހުން
ޑ
އަނެއް ދުވަހަށް އަންނަނީ އިތުރުވަމުންނެވެ .އިސްލާމީ ޝަރީޢަތާ ދެކޮޅަށް ދެކެވޭ ވާހަކަތަކުގައި ،ޒުވާނުންގެ އަ ު
އަންނަނީ ގަދަވަމުންނެވެ .މަރަށް މަރުހިފުމާ ދެކޮޅު ހަދައެވެ .އެއް ޖިއްސުން ކައިވެނިކުރުމަކީ ،މައްސަލައެއް ނޫންކަމަށް
ބުނެ ވަކާލާތުކުރެއެވެ .ނަމާދުކުރުމާއި ރޯދަހިފުން ފަދަ އަޅުކަންތަކަށް ހަޖޫޖަހައެވެ .މި ފިކުރު ޒުވާނުންނާ ހަމައަށް
ގެނެސްދޭ މެދުވެރިއަކީ ފަންނިއްޔާތުގެ އެކިއެކި ވަޞީލަތްތަކެވެ .އެހެންކަމުން ޒުވާނުންގެ ޢަޤީދާ ބަލިކަށިވުމަކީ،
ފަންނިއްޔާތު ބޭނުންކުރެވޭ ގޮތުގެ ސަބަބުން ،އެބައިމީހުންނަށް ލިބެމުން އަންނަ ވަރަށް ބޮޑު ގެއްލުމެކެވެ.
ލިބިފައިވާ އަގުހުރި ވަގުތުކޮޅު ބޭކާރުގޮތުގައި ބީވެ ދިޔުމަކީ ވެސް ،ފަންނިޔާތުގެ ބޭނުން ހިފޭ ގޮތުގެ ސަބަބުން މިއަދު
ޒުވާނުންނަށް ކުރަންޖެހޭ ވަރަށް ހިތްދަތި ތަޖުރިބާއެކެވެ .ޝައްކެއްނެތް ގޮތުގައި ވަގުތަކީ ވަރަށް އަގު ބޮޑު ނިޢުމަތެކެވެ.
އެ ނިޢުމަތަކަށް އިންސާނާ ވަރަށް ބޮޑަށް ޣާފިލުވެފައިވާ ނިޢުމަތެއް ވެސް މެއެވެ .ދުނިޔަވީ ހަޔާތުގައި ލިބިފައިވަނީ
4
ކިހައި ކުޑަކުޑަ ވަގުތުކޮޅެއްކަމާ މެދު ގިނަ މީހުންނަށް ވިސްނައެއް ނުލެވެއެވެ .މިހެން މިކަން އޮއްވާ ،ފަންނިއްޔާތުގެ
ދަންތުރައިގައި ޖެހި އިންސާނާ ހައްޔަރުވެއްޖެއެވެ .އެއާއެކު ވަގުތު އިސްރާފުކުރުން މި ވަނީ ހައްދުން ނެއްޓިފައެވެ .މި
ކމެއް
ކަމުގައި އެންމެ ކުރީ ސަފުން ޖާގަ ކަށަވަރުކުރީ ޒުވާނުންނެވެ .ދުނިޔެއާއި އާޚިރަތަށް ޓަކައި ކުރާން ހުރި އެތައް ަ
ދޫކޮށްލާފައި ،ފަންނިއްޔާތުގެ އެކިއެކި ވަސީލަތްތަކުގެ އަޅުންނަށްވެ ތިބެ ،ވަގުތުތައް ބަރުބާދުކުރަމުން ގެންދަނީ ،ޚިޔާލެއް
ފިކުރެއް ނެތިއެވެ .ތަފާތު ނަންނަމުގައި އުފައްދާފައި ހުރި ސީރީޒްތަކާއި ފިލްމުތައް ބެލުމުގައެވެ .އަތުން ދޫކޮށްނުލެވޭ
ފަދަ ގޭމްތައް ކުޅުމުގައެވެ .އިންޓަނެޓުގެ އެކިއެކި ވެބްސައިޓްތަކާއި އޮޅިތައް ހޭވުމުގައެވެ .ދީނީ ވާޖިބުތަކާއި ވަޒީފާގެ
މަސްއޫލިއްޔަތުތަކާއި ދިރިއުޅުމުގެ ޒިންމާތަކަށް ލޯ މަރާލައިގެން ތިބެއެވެ .އެހެންކަމުން ލިބިފައިވާ އަގުހުރި ވަގުތުތައް
ބޭކާރުވެ ދިޔުމަކީ ،ފަންނިއްޔާތުގެ ސަބަބުން ޒުވާނުންނަށް ލިބެމުން އަންނަ ކޮން ފަދަ ބޮޑު ގެއްލުމެއްތޯއެވެ.
ބުއްދި ސަލާމަތުން ހުރި އެއްވެސް އިންސާނަކު ،އޭނާގެ އަބުރު ފައިދަށުވެ ،ކުދިކުދިވެ ،ޗިސްޗިސްވާން ނޭދުނަސް
ފަންނިއްޔާތުގެ މޫތައް މުޖުތަމައުގެ ހަ ފަރާތަށް ފެތުރި ،ޒުވާނުން ހުވަފެނީ އާލަމެއްގައި ބައިތިއްބައިގެން ،އެބައިމީހުންގެ
އަބުރު ކަތިލަމުން ދާކަމީ ގަބޫލުކުރަންޖެހޭ ޙަޤީޤަތެކެވެ .މިއީ ފަންނިއްޔާތުގެ އެއް ބަހާ ކަމަށްވާ ،މީސްމީޑިޔާގެ ބާރުގަދަ
ވިއުގައިގެ ތެރޭގައި ،ހިންގަމުން އަންނަ ވަރަށް ބޮޑު ޖަރީމާއެކެވެ .ވިސްނައި ނުލައި ހުރެ ފަންނިއްޔާތުގެ ދުނިޔޭގައި
އެޅޭ ކަތި ފިޔަވަޅެއްގެ ސަބަބުން ،ފަޟީޙަތްވީ ކިތައްކިތައް ޒުވާނުން ހެއްޔެވެ؟ އަނެކާގެ އަގު ވައްޓާލުމުގެ ގަސްދުގައި
ހަގީގަތެއް ނެތް ވާހަކަތައް ފަތުރަނީ ކިތައް ޒުވާނުން ހެއްޔެވެ؟ ދާދިމިދާކަށް ދުވަހު ކިޔަވާކުއްޖެއްގެ އަބުރު ،ބަޔަކު
މީހުން ކަތިލައި އަޅައިލި އަޅައިލުމަކީ ،މި ކަމުގެ ވަރަށް ސާފު ހެތްކެކެވެ .މީސްމީޑިޔާގައި ފެތުރި ދޮގު ވާހަކަތަކެއްގެ
ސަބަބުން ،އެ ކުއްޖާ ކިޔެވުމުން މަޙުރޫމުވެ ،މުޖުތަމައުގައި ފަޟީޙަތްވިއެވެ .ބޮޑު ގިލަންވެރިކަމެއްގެ ތެރެއަށް މުޅި
ޢާއިލާ ފެތުނެވެ .މި ފަދަ އެތައްއެތައް ހާދިސާއެއް މި މުޖުތަމަޢުގައި ހިނގައެވެ .އެހެންކަމުން ފަންނިއްޔާތުގެ ބޭނުންކުރެވޭ
ގޮތުގެ ސަބަބުން ،އަބުރު ގެއްލި ފަޟީޙަތްވަމުން ދިޔުމަކީ ،އެކަމުގެ ސަބަބުން އަދުގެ ޒުވާނުންނަށް ލިބެމުން އަންނަ
ނުހަނު ބޮޑު ގެއްލުމެކެވެ.
ފަންނިއްޔާތުގެ މަދަދާއެކު އުފައްދާފައި ހުރި ،މުނިފޫހި ފިލުވުމުގެ ގިނަ ބާވަތްތަކަކީ ޒުވާނުންގެ ހަރަކާތްތެރިކަމަށް
ހުރަސްއަޅާފައިވާ ބާވަތްތަކެކެވެ .މި ފަދަ ބާވަތްތައް ދުނިޔެއަށް ނޭވާލުމާއެކު ،މި ތަކެތީގެ އަވާގައި އެތައް ޒުވާނުންނެއް
ވަނީ ޖެހި ހަފުސްވެފައެވެ .އެ ފަދަ ތަކެތީގެ ބައިވެރިއެއްގެ ގޮތުގައި ރެއާއި ދުވާލުގެ އެތައް ވަގުތެއް ހޭދަކުރެއެވެ .ތަފާތު
ނަންނަމުގައި އުފައްދާފައި ހުންނަ ފިލްމުތަކާއި ސީރީޒްތަކާއި ގޭމްތަކުގެ އިތުރުން ،މީސްމީޑިޔާގެ އެކިއެކި މަންސަތަކުގެ
ޖާދޫގައިޖެހި ހައްޔަރުވެ ތިބެއެވެ .ގެއްލެމުންދާ ސިއްހީ ދުޅަހެޔޮކަމަށް ފަރުވާލެއް ނެތިއެވެ .ނަތީޖާއަކީ ޞިއްޙީ
ބަލިމަޑުކަމެއްގެ ޝިކާރައަކަށް ޒުވާން ޖީލު ވުމެވެ .ނޫކަށި އުމުރުގައި ބަލި ދާނުގައި އޮންނާން ޖެހުމެވެ .ލޭމައްޗަށް
ކޮލެސްޓްރޯލް މަތިވުން ފަދަ ކަންކަމުގެ އިތުރުން ،ލޮލުގެ ބަލިތަކާއި ފަލަ ބައްޔާ ދިޔުމާއި ހަކުރުބައްޔާއި
5
ހަނގުރާމަކުރަމުން ދާ ޒުވާނުންގެ އަދަދު މިއަދު ވަނީ އިންތިހާއަށް އަރާފައެވެ .އެހެންކަމުން ފަންނިއްޔާތުގެ ސަބަބުން
ހެލިފެލިވެ އުޅުމަށް ހުރަސްއެޅި ،ތަފާތު ބަލިމަޑުކަމާ ކުރިމަތިލާން ޖެހުމަކީ ،ޒުވާނުންނަށް ލިބެމުން އަންނަ ވަރަށް ބޮޑު
ގެއްލުމެކެވެ.
ފަންނިޔާތުގެ ސަބަބުން ޒުވާނުންގެ އުޅުމަށް އައި ބަދަލުތަކަކީ ކަންބޮޑުވާން ޖެހޭ ފަދަ ބޮޑެތި ބަދަލުތަކެކެވެ .ކާބަފައިންގެ
ދުވަސްވަރުގެ ދިވެހި ޒުވާނުންނަކީ ،ރިވެތި އާދަތަކަކަށް ތަބާވެގެން އުޅުނު ،ގޮތްފޮތް ހުރި ބަޔެކެވެ .އެ ޒަމާނުގެ
ވާހަކަތަކާއި ދިވެހިންގެ ތާރީޚީ ފޮތްތަކުން މި ކަން ފެންނާން އެބަ ހުއްޓެވެ .އެހެންނަމަވެސް މިއަދުގެ ގިނަ ޒުވާނުންގެ
ކިބައިން އެ ފަދަ ރީތި ސިފަތަކެއް ނުފެނެއެވެ .އޭގެ ބަދަލުގައި ފެންނަނީ ،އަދަބު އަޚުލާޤުގެ ކުލައެއް ރަހައެއް ޖެހިފައި
ނެތް ޒުވާނުންތަކެކެވެ .މަގުމަތީގެ އަދަބުތަކަށް އިހުތިރާމް ކުރުމެއް ނޯވެއެވެ .މައިންބަފައިންނަށާއި އުމުރުން ދުވަސްވީ
މީހުންނަށް ޤަދަރުކުރުމެއް ނޯވެއެވެ .ކުށްތަކަށް އަރައިގަތުން ވަނީ ޒަމާނީ ކަމަކަށް ހަދާފައެވެ .މި ޖީލުގެ ޒުވާނުނަށް މި
ފަދަ ބަދަލުތަކެއް އައިސްފައި މި ވަނީ ކީއްވެގެންތޯއެވެ؟ ޝައްކެއް ނެތް ގޮތުގައި ،މި ކަންކަމުގެ އެންމެ ބޮޑު ސަބަބަކީ،
ހުޅަނގުގެ މީހުންގެ ކިބައިގައި ހުރި ބޭއަދަބީ އުޅުމާއި ބަސްމަގު ،އަޅުގަނޑުމެންގެ ސިޓިންރޫމުތަކާއި ކޮޓަރިތަކާ ހަމައަށް
އައިސްފައި ވާތީއެވެ .ފާރުތަކާއި ފަންގިފިލާތަކުގައި ބިންވަޅުނެގިފައި ވާތީއެވެ .ނަތީޖާއެއްގެ ގޮތުން އެ އުޅުމާއި ބަސްމަގު
ޒުވާނުންނަށް ކަމުގޮސް ،އެ ގޮތަށް އުޅެންފެށީއެވެ .އެހެންކަމުން ފަންނިއްޔާތުގެ ސަބަބުން ޒުވާނުންގެ ކިބައިގައި ނޭދެވޭ
ސިފަތައް އަށަގަތުމަކީ ވެސް ،އެބައިމީހުންނަށް ލިބެމުން އަންނަ ނުހަނު ބޮޑު ހިތާމައެކެވެ.
ޝައް ކެއްނެތެވެ! ފަންނިއްޔާތުގެ ބޭނުންކުރެވޭ ގޮތުގެ ސަބަބުން އަދުގެ ޒުވާނުންނަށް ގިނަގުނަ ގެއްލުންތަކެއް ދަނީ
ލިބެމުންނެވެ .އޭގެތެރޭގައި ،އެބައިމީހުންގެ ހިތުގައި ބިންވަޅުނެގިފައިވާ އިސްލާމީ ޢަޤީދާގެ ބިނާ ،ރޫޅި ފުނޑުފުނޑުވުމުގެ
ބިރާ ކުރިމަތިވެއެވެ .ލިބިފައިވާ އަގުހުރި ވަގުތުތައް އޮޔަށް ވަޔަށް ބުރައިގެންދިޔުމުގެ ކަންބޮޑުވުން އިހުސާސްކުރާން
ޖެހެއެވެ .ޣާފިލުކަމުގެ ނިދީގައި ތިއްބާ އަބުރާއި ޢިއްޒަތް ވެއްޔާ މޮޑެވިގެންދިޔުމުގެ ހިތާމަ ވަށާލައެވެ .އެންމެ އަގުބޮޑު
އެއް ނިޢުމަތްކަމަށްވާ ދުޅަހެޔޮކަން ހަށިން ބީވެދިޔުމުގެ ބަދުނަސީބު ހާލަތް ތަޖުރިބާކުރާން ޖެހެއެވެ .ނޭދެވޭ ސިފަތަކުން
ނަފުސު ކަޅިވެ ،އޭގެ ހިތި ރަހަ އަރުގައި ހިފައެވެ .އެހެންކަމުން އެ އެއްޗެއްގެ މައްޗަށް މުޅި ދުނިޔެ މިއަދު ބަރޯސާވެފައިވާ
ފަންނިއްޔާތު ބޭނުންކުރާ އިރު ،ފައިދާހުރި ގޮތުގައި ބޭނުން ހިފުމަށް ،ކޮންމެ ޒުވާނަކު ވެސް ސަމާލުކަން ދެމާތޯއެވެ!
6
ސުވާލު:
ފަތުރުވެރިކަމަކީ ދިވެހި އިޤުތިޞާދުގެ ރަންބިސް އަޅާ ކުކުޅެވެ .މިއީ ފަތުރުވެރިކަން މިއަދު ދިވެހިން ސިފަކުރަމުން
އަންނަ ގޮތެވެ .މި އިބާރާތުން ފަތުރުވެރިކަން ސިފަ ކުރަނީ ،މި ސިނާޢަތުގެ ސަބަބުން ދިވެހި އިޤުތިޞާދަށް ކުރާ މާލީ
މަންފާގެ ބޮޑުކަމުންނެވެ .އެހެންކަމުން މި ސިނާޢަތް ފުޅާކޮށް ކުރިއަރުންވަން ދިވެހި ސަރުކާރާއި އަމިއްލަ ފަރާތްތަކުން
އަންނަނީ ކެނޑި ނޭޅި މަސައްކަތް ކުރަމުންނެވެ .އެގޮތުން ރިސޯޓުތަކާއި ސަފާރީތަކާއި ހޮޓާތަކުގެ ތެރެއަށް ،ގެސްޓު
ހައުސްގެ ވިޔަފާރި މިހާރު ވަނީ އިތުރުކޮށްފައެވެ .އޭގެ ސަބަބުން މި ސިނާޢަތުން މަންފާ ވަނީ ،އެތައް ގުނައަކަށް
އިތުރުވެފައެވެ .އެހެންނަމަވެސް މި ސިނާޢަތާމެދު ފުންކޮށް ވިސްނައިލުމުން ފެންނާން ހުރީ ހަމައެކަނި ފައިދާއެއް ނޫނެވެ.
ލިބޭ ގެއްލުންތައް ވެސް އެހައިމެ ބޮޑެވެ .އެހެންކަމުން މި ކަންކަމާމެދު ފުންކޮށް ވިސްނުމަށް ފަހު ،ފަތުރުވެރިކަމުގެ
ސިނާޢަތުގެ ސަބަބުން ދިވެހިންނަށް ލިބޭ ފައިދާއާއި ގެއްލުމުގެ މައްޗަށް ބިނާކޮށް ދެކޮޅަށް ވާހަކަދައްކާ ލިޔުމެއް ލިޔާށެވެ!
ލިޔުމަށް އަމިއްލަ ސުރުޚީއެއް ކަނޑައަޅާށެވެ!
-މުހައްމަދު ޤާސިމް-
ފަ ތުރުވެރިކަމުގެ ސިނާޢަތަކީ ،ރާއްޖޭގެ ފަސްގަނޑުގައި ރުވި ގަހަކުން ނިކުތް ،ނުހަނު ފޮނި ،އަދި އެހައިމެ ހިތި
މޭވާއެކެވެ .މި ބުނުމުން ދޭހަވާގޮތުގައި ފަތުރުވެރިކަމަކީ ،ފައިދާއާއި ގެއްލުން އެ ސިނާޢަތަކާ ގުޅިލާމެހިފައިވާ ސިނާޢަތެވެ.
ދިވެހި ބަސްފޮތުގައި މި ސިނާޢަތް މާނަކޮށްފައިވަނީ ،ހިތްއުފާކޮށްލައި ،ތަންތަން ބަލައިލުމަށް ،އެއް ތަނުން އަނެއް ތަނަށް
ދަތުރުކުރާ މީހުންގެ ކަންކަން އިންތިޒާމުކޮށް ބެލެހެއްޓުމަށް ކުރާ މަސައްކަތެއްގެ ގޮތުގައެވެ .ދިވެހިރާއްޖޭގައި މި
އ
މަސައްކަތް ފަށާފައިވަނީ ،ވަރަށް އާދައިގެ ގޮތަކަށެވެ .އެހެންނަމަވެސް މިއަދު މި ސިނާޢަތް ވަނީ ވަރަށް ބޮޑަށް ކުރިއަރަ ި
ތަރައްޤީވެފައެވެ .ދުނިޔޭގެ އެކި ކަންކޮޅުތަކުން ،އެކި ފަންތިތަކުގެ ،އެކި ސަގާފަތްތަކުގެ ،އެކި ދީންތަކުގެ އެތައް ލައްކަ
އ
ބަޔަކު ،ކޮންމެ އަހަރަކު މި ގައުމަށް ޒިޔާރަތްކުރެއެވެ .އެހެންކަމުން މި ސިނާޢަތުގެ ސަބަބުން ދިވެހިންނަށް އެތަ ް
ގޮތަކުން ގިނަގުނަ ފައިދާތަކެއް ލިބެމުން އަންނައިރު ،އެތައް ގެއްލުތަކެއް ވެސް ލިބެމުން އަންނަކަމީ ދެ ބަސްވެވެން
ނެތް ޙަޤީޤަތެކެވެ
7
ފަތުރުވެރިކަމުގެ ސަބަބުން ދިވެހިންނަށް ވަޒީފާގެ އެތައް ފުރުސަތުތަކެއް ތަނަވަސްވެފައިވާކަމީ ޤަބޫލުކުރަންޖެހޭ
ޙަޤީޤަތެކެވެ .ދިވެހިރާއްޖޭގައި އެންމެ ގިނަ ވަޒީފާގެ ފުރުސަތުތައް އުފެދިފައިވާ އެއް ދާއިރާއަކީ ،ފަތުރުވެރިކަމުގެ
ދާއިރާއެވެ 2019 .ވަނަ އަހަރު ފަތުރުވެރިކަމުގެ ދުވަހާ ގުޅިގެން މާލޭގައި ބޭއްވި“ ،ގާލާ ނައިޓް” އިފްތިތާޙުކުރުމުގެ
ޖަލްސާގައި ވާހަކަފުޅު ދައްކަވަމުން ،ރާއްޖޭގެ ރައީސުލްޖުމްހޫރިއްޔާ ވިދާޅުވި ގޮތުގައި 2019 ،ވަނަ އަހަރު އެކަނި
ވެސް ،ފަތުރުވެރިކަމުގެ ދާއިރާއިން 10000އަށް ވުރެ ގިނަ ވަޒީފާ ވަނީ އުފެދިފައެވެ .އެހެންކަމަށްވާ ނަމަ ،މި
ސިނާޢަތުގައި އުފެދިފައި ހުރި ވަޒީފާގެ އަދަދު ،މީގެ އެތައް ގުނައަކަށް އިތުރުވެފައި ވާނެކަމީ ޝައްކެއް ހުރި ކަމެއް
ނޫނެވެ .މި ވަޒީފާތަކުގައި އެތައް ދިވެހީންނެއް އަންނަނީ ހަރަކާތްތެރި ވަމުންނެވެ .އޭގެތެރޭގައި ރިސޯޓުތަކުގެ ޒިންމާދާރު
މަޤާމުތަކުން ފެށިގެން ގޮސް ،އެންމެ އާދައިގެ މަސައްކަތްތަކަށް ދާންދެން ހިމެނެއެވެ .މީގެއިތުރުން ރަށްރަށުގައި ހުރި
ގެސްޓު ހައުސްތަކުން ވެސް ،އެތައް ދިވެހިންނަކަށް ވަޒީފާގެ ފުރުސަތު ފަހިވެ ،ރަށުގައި ތިބެގެން އާމްދަނީ ހޯދޭނެ މަގު
ވަނީ ހުޅުވިފައެވެ .ނަތީޖާއެއްގެ ގޮތުން ،ދިވެހިންގެ ދިރިއުޅުމުގެ ހާލަތު ރަނގަޅުވެ ،ފަރުދުންގެ ފުދުންތެރިކަން އަންނަނީ
އިތުރުވަމުންނެވެ .އެހެންކަމުން ފަތުރުވެރިކަމުގެ ސަބަބުން ދިވެހިރާއްޖޭގައި ވަޒީފާގެ ފުރުސަތު ތަނަވަސްވެ ،ދިވެހީންގެ
ދިރިއުޅުމުގެ ހާލަތު ރަނގަޅުވަމުން އައުމަކީ ،މި ސިނާޢަތުގެ ސަބަބުން ދިވެހިންނަށް ލިބޭ ވަރަށް ބޮޑު ހިތްހަމަޖެހުމެކެވެ.
ބޭރުފައިސާއަށް ނުހަނު ބޮޑަށް ބަރޯސާވާން ޖެހިފައިވާ އިރު ފަތުރުވެރިކަމުގެ ސިނާއަތުން ބޭރުފައިސާ ލިބުމަކީ ލިބިގެންދާ
ނުހަނު ބޮޑު ފައިދާއެކެވެ .ސަބަބަކީ ދިރިއުޅުމަށް ބޭނުންވާ ހުރިހައި ތަކެއްޗެއް ކަހަލަ ގޮތަކަށް ރާއްޖޭން ބޭރުން ގެންނާން
ޖެހުމެވެ .އަދި ތަޢުލީމު އުނގެނުމަށާއި ޞިއްޙީ ޚިދުމަތް ލިބިގަތުމަށާއި ޗުއްޓީ ހޭދަކުރުމަށާއި ހައްޖާއި ޢުމުރާގެ އަޅުކަމަށް
ބޭރު ޤައުމުތަކަށް ދާން ޖެހުމެވެ .މިއިން ކޮންމެ ކަމަކަށް ވެސް ބޭނުންވަނީ ބޭރު ފައިސާއެވެ .މި ފައިސާ ދިވެހިރާއްޖެއަށް
އެންމެ ގިނައިން ވަންނަ ދޮރަކީ ،ފަތުރުވެރިކަމުގެ ސިނާޢަތުގެ ތެރެއިން ،ރާއްޖޭން ބޭރަށް ހުޅުވާލެވިފައިވާ ދޮރެވެ.
މަރުކަޒީ ބޭންކުގެ 2018ވަނަ އަހަރުގެ ތަފާސްހިސާބުތަކަށް ބަލާއިރު ،އެ އަހަރުގެ ފުރަތަމަ ތިން މަސް ދުވަހުގެ
ތެރޭގައި ފަތުރުވެރިކަމުން 993.5 ،މިލިޔަން ޑޮލަރު ދިވެހިރާއްޖެއަށް ވަނީ ލިބިފައެވެ .ދިރިއުޅުމުގެ އެތައް ކަމެއް
ރާއްޖޭން ބޭރާ ގުޅިފައިވާ ބަޔަކަށް ،މިއީ ކިހައި ބޮޑު މަންފާއެއްތޯއެވެ؟ އެހެންނަމަވެސް މި ސިނާޢަތް ދިވެހިރާއްޖޭގައި
ކުރިއަރާފައި ނެތް ނަމަ ،ޝައްކެއްވެސްނެތް ގޮތުގައި ،ބޭރުފައިސާ ހޯދަން ދިވެހިންނަށް ގިނަގުނަ ތަކުލީފުތަކެއް އުފުލާން
ޖެހޭނެއެވެ .އެހެންކަމުން ދަތިކަމެއްނެތި ،ދިވެހިރާއްޖެއަށް ބޭރު ފައިސާ ލިބޭނެ މަގު ތަނަވަސްވެފައި އޮތުމަކީ،
ފަތުރުވެރިކަމުގެ ސަބަބުން ދިވެހީނަށް ލިބެމުން އަންނަ ނުހަނު ބޮޑު ނިޢުމަތެކެވެ.
ފަތުރުވެރިކަމުގެ ސަބަބުން ދިވެހިންނަށް މި ފަދަ ގިނަ ފައިދާތައް ލިބޭ އިރު ،މަސްތުވާތަކެތީގެ ދިޔާ ބާވަތްތައް
އާންމުވުގެން ދިއުމަކީ ފަތުރުވެރިކަމުގެ ސިނާޢަތުގެ ސަބަބުން ލިބިގެންދާ ނުހަނު ބޮޑު ގެއްލުމެކެވެ .ދިވެހިރާއްޖެއަކީ
ސަންތައިން ސައްތަ އިސްލާމީ ޤައުމެކެވެ .އިސްލާމްދީނުގައި މަސްތުވާތަކެތި ބޭނުންކުރުން ވަނީ ހަރާމްކުރައްވާފައެވެ.
8
ސޫރަތުލް މާއިދާގެ 90ވަނަ އާޔަތާއި 91ވަނަ އާޔަތުން ،މިކަން ވަރަށް ރަނގަޅަށް ހާމަވެއެވެ .އެހެންނަމަވެސް،
ފަތުރުވެރިކަމުގެ ސަބަބުން ރަލާއި ބިޔަރު ފަދަ ތަކެތި ދިވެހިންގެ ތެރޭގައި ވަނީ ވަރަށް ބޮޑަށް އާންމުވެފައެވެ.
ރިސޯޓުތަކުގައި ވަޒީފާ އަދާކުރާ ބައެއް ދިވެހިން ،މި ތަކެތީގެ އިސްތިޢުމާލުކުރާ ވާހަކައަކީ ވަރަށް ޢާންމު ވާހަކައެކެވެ.
އެ ފަދަ ފަރާތްތަކުން ހަރާމެއް ހަލާލެއް ބެލުމެއް ނެތި ،ފާޅުގައި މި ފަދަ ބުއިންތަކުން "އުފާ" ހޯދަމުން ގެންދަނީ
ޓ
ޖެހިލުމެއް ނެތިއެވެ .ކަން މިހެން އޮއްވާ ،ގެސްޓު ހައުސްގެ ވިޔަފާރި ތަޢާރަފުވެ ،މީހުން ދިރިއުޅޭ ރަށްރަށުގައި ގެސް ު
ހައުސްތައް ހިންގާން ފެށުމާއެކު ،ރަށްރަށުގައި ވެސް ރަލާއި ބިއަރު ވަނީ އާންމުވާން ފަށައިފައެވެ .އަދި މި ބާވަތްތަކުގެ
އިސްތިޢުމާލުކުރާ ދިވެހީންގެ އަދަދު މިއަދު މި ވަނީ ކުރިއަށްވުރެ އިތުރުވެފައެވެ .އެހެންކަމުން ފަތުރުވެރިކަމުގެ ސަބަބުން،
ދިވެހީންގެ ތެރޭގައި މަސްތުވާތަކެތީގެ ތެރެއިން ދިޔާ ބާވަތްތައް ބޭނުންކުރާ މީހުންގެ އަދަދު އިތުރުވަމުން އައުމަކީ ،މި
ސިނާޢަތުގެ ސަބަބުން ދިވެހީނަށް ކުރިމަތިވެފައިވާ ވަރަށް ބޮޑު ނުރައްކަލެކެވެ.
ދިވެހިންގެ ޢަޤީދާ ބަލިކަށިވެ ،އިސްލާމްދީނާ ދުރުހެލިވުމަކީ ،ފަތުރުވެރިކަމުގެ ސަބަބުން ދިވެހީންނަށް ލިބޭ ނުހަނު ބޮޑު
ގެއްލުމެކެވެ .ރިސޯޓުތަކާއި ހޮޓާތަކާއި ގެސްޓު ހައުސްތަކުގައި ގިނައިން ވަޒީފާ އަދާކުރަނީ ދިވެހި ޒުވާނުންނެވެ .ރިސޯޓުގެ
މާޙައުލަކީ އިސްލާމީ ޢަޤީދާ ބަލިކަށިކޮށްލާ ފަދަ އެތައް ކުލައަކާއި މަންޒަރެއް އެކުލެވޭ މާޙައުލެކެވެ .ކުރިސްމަސް
ފާހަގަކުރުމާއި ޑިސްކޯއާއި ޑީޖޭ ފަދަ މަސްހުނި މިޔުޒިކީ ހަފުލާތައް ބޭއްވުން އާންމު ތަނެކެވެ .އިސްލާމްދީނާ އިދިކޮޅު
ފިކުރުގެ އެތައް ބަޔަކު ޒިޔާރަތްކުރާ ތަނެއް ވެސް މެއެވެ .އެބައިމީހުންގެ ހެދުން އެޅުމާއި ކެއިން ބުއިމާއި ދިރިއުޅުމުގެ
ވައްޓަފާޅި ބިނާވެފައި އޮންނަނީ ،އިސްލާމީ އުސޫލުތަކާ ދިމާ އިދިކޮޅަށެވެ .ރިސޯޓުތަކުގައި ވަޒީފާ އަދާކުރާ ދިވެހީންނަށް
އުޅެންޖެހިފައި ވަނީ މި ފަދަ ކަންކަމުން ތަޣައްޔަރުވެފައިވާ މާހައުލެއްގައެވެ .ނަތީޖާއަކަށް ވަނީ ،ޢަޤީދާ ބަލިކަށި ދިވެހިން
މަގުއޮޅޭގޮތްވުމެވެ .ނަމާދާ ދުރުހެލިވުމާއި ޤުރުއާނާ ބީރައްޓެހިވުމާއި ރަމަޟާންމަހުގެ ރޯދައަށް ނޫނެކޭ ބުނުން ފަދަ
ކަންކަން އާންމުވުމެވެ .ހަމައެއާއެކު އިސްލާމްދީން ނަހީ ކުރައްވާފައިވާ ފާޙިޝް ޢަމަލުތަކުން ވަގުތީ އުފާ ޙާޞިލުކުރުމުގެ
އާދަތައް އަށަގަންނާން ފެށުމެވެ .އެހެންކަމުން ދިވެހިން އިސްލާމްދީނާ ދުރުހެލިވުމަކީ ،ފަތުރުވެރިކަމުގެ ސަބަބުން
ދިވެހިންގެ އަރުގައިލަމުން އަންނަ ކޮން ފަދަ ގަދަ ހިތި ރަހައެއް ތޯއެވެ.
ދިމާވާ ކާރިސާއެއްގެ ސަބަބުން މި ސިނާއަތް ހުއްޓި މި ސިނާއަތަށް ބަރޯސާވާ މީހުންގެ ޢާމްދަނީ ހުއްޓުމަކީ މި
ސިނާޢަތުގެ ސަބަބުން ދިވެހިންނަށް ލިބިގެންދާނެ ފޫ ނުބެއްދޭވަރުގެ ގެއްލުމެކެވެ .އެހެނީ ދިވެހިންގެ ތެރެއިން އެތައް
ބަޔަކު މިއަދު ދިރިއުޅުން ބަރޯސާކޮށްފައި ވަނީ ،ފަތުރުވެރިކަމުގެ ދާއިރާއިން ލިބޭ އާމްދަނީއެއްގެ މައްޗަށެވެ .ބޭރު
ދުނިޔޭގައި ހިނގާ ހާދިސާއަކުން ،ނުވަތަ ބޭރު ޤައުމުތަކަށް ކުރިމަތިވާ ހަލަބޮލިކަމަކާ ގުޅިގެން މި ސިނާޢަތަށް ލޮޅުން
އަރައިފާނެއެވެ .ނުވަތަ ދިވެހި ޤައުމަށް ކުރިމަތިވާ ދަތި ހާލަތެއްގެ ސަބަބުން ވެސް މި ސިނާޢަތް ހުއްޓުމަކަށް އައުމަކީ
ވަރަށް ކައިރީގައި އޮތް ކަމެކެވެ .ދިވެހީން ވަނީ އެކި ފަހަރުމަތީން މި ކަންކަން ތަޖުރިބާ ކޮށްފައެވެ .އޭގެތެރޭގައި 2
9
އޮގަސްޓު 1990އިން 28ފެބުރުވަރީ 1991އަށް ކުރެވުނު ގަލްފު ހަނގުރާމައާއި 2004ވަނަ އަހަރު ޑިސެންބަރު
މަހު ،ދެކުނު އޭޝިޔާގެ ގައުމުތައް ސުންނާފަތިވި ސުނާމީ ކާރިސާއާ ގުޅިގެން ،ދިވެހި ފަތުރުވެރިކަމަށް ކުރިމަތިވި
ހީނަރުކަން ފާހަގަކޮށްލެވެއެވެ .މި ކަމުގެ ސަބަބުން އެތައް ބަޔެއްގެ އާމްދަނީއަށް ހުރަސް އެޅި ،ޤައުމުގެ އިޤުތިޞާދަށް
ބޮޑެތި ގެއްލުންތަކެއް ލިބުނެވެ .ހަމައެއާއެކު 2019ވަނަ އަހަރު ޑިސެންބަރުމަހު ޗައިނާގެ ވުހާން ސިޓީން އިން ފެނުނު
ކޮރޯނާވައިރަސް ،ނުވަތަ ކޮވިޑް 19ދުނިޔެއަށް ފެތުރުމާ ގުޅިގެން ރާއްޖޭގެ ފަތުރުވެރިކަމަށް ވަނީ ،މިހާތަނަށް ކުރިމަތިވި
އ
އެންމެ ބޮޑު ގޮންޖެހުމާ ކުރިމަތިލާން ޖެހިފައެވެ .މި ކަމާ ގުޅިގެން ފަތުރުވެރިކަމުގެ ދާއިރާގައި ވަޒީފާ އަދާކުރަމުން އަ ި
އެތައް ބަޔެއްގެ އާމްދަނީއަށް ވަނީ ހީނަރުކަން އައިސްފައެވެ .އެތައް ބަޔެއްގެ ވަޒީފާ ވަނީ ގެއްލިފައެވެ .ޓޫރިޒަމް
އެމްޕްލޮޔާޒް އެސޯސިއޭޝަން އޮފް މޯލްޑިވްސް އިން ހާމަކުރިގޮތުގައި ،ކޮވިޑް 19އާ ގުޅިގެން ،ފަތުރުވެރިކަމުގެ
ދާއިރާގައި މަސައްކަތްކުރާ ގާތްގަނޑަކަށް 11000މުވައްޒަފުންގެ ވަޒީފާ ގެއްލިފައިވެއެވެ .މި ކަމުގެ ސަބަބުން އެތައް
އާއިލާއެއް ހާލުގައިޖެހި ،ޤައުމުގެ އިޤުތިޞާދު ވަނީ ހުއްޓުމަކަށް އައިސްފައެވެ .އެހެންކަމުން މުޅި ގައުމު ފަތުރުވެރިކަމުގެ
ސިނާޢަތަށް ބަރޯސާވެފައި އޮތުމުގެ ސަބަބުން ،ދުނިޔެއަށާއި ދިވެހިރާއްޖެއަށް ކުރިމަތިވާ ދަތި ހާލަތްތަކުގައި،
ދިވެހިރާއްޖެއަށް ހީވެސް ނުކުރާ ފަދަ ބޮޑެތި ގެއްލުންތައް އަންނަނީ ލިބެމުންނެވެ.
ފަތުރުވެރިކަމަކީ އުފަލާއި ނުތަނަވަސްކަން އެ ސިނާއަތަކާ ގުޅި ލާމެހިފައިވާ ސިނާޢަތެކެވެ .މި ސިނާޢަތުގެ ސަބަބުން
އެތައް ބަޔެއްގެ ހިތް އުފާކޮށްދެއެވެ .އެގޮތުން ބޭރުފައިސާ ،ދަތިކަމެއް ނެތި ދިވެހިންނަށް ލިބޭނެ މަގު ތަނަވަސްކޮށްދެއެވެ.
އާބާދީގެ އެތައް ބަޔަކަށް ވަޒީފާގެ ފުރުސަތު ތަނަވަސްކޮށްދިނުމުގައި މުހިންމު ދައުރެއް އަދާކުރެއެވެ .އެހެންނަމަވެސް
އޭގެ އަނެއްކޮޅު ވެސް ފެނެއެވެ .މަސްތުވާތަކެތީގެ ބިރުވެރިކަން ޤައުމުގައި އިތުރުވެ ،އިސްލާމްދީނާ ދިވެހިން
ދުރުހެލިވުމުގައި މި ސިނާޢަތުގެ ދައުރު ވަރަށް ބޮޑެވެ .ހަމައެއާއެކު ދުނިޔެއަށް ކުރިމަތިވާ ތަފާތު ހާލަތްތަކާ ގުޅިގެން
ގައުމާއި ފަރުދުން ކުޑަކަކޫމައްޗަށް ތިރިކޮށްލައެވެ .ކަން އޮތީ މިހެންކަމަށް ވާއިރު ،ފަތުރުވެރިކަމުގެ ސިނާޢަތަށް މުޅި
ޤައުމު ބަރޯސާކޮށްގެން ތިބޭނީތޯ ،ނުވަތަ ފަތުރުވެރިކަމާ އެއްވަރަށް އެހެން ސިނާޢަތްތައް ވެސް ތަރައްޤީކުރަން
މަސައްކަތްކުރާނީތޯ ،މިއީ މިއަދު ވިސްނައި ފިކުރުކުރާން ޖެހިފައިވާ ކަމެކެވެ .މި ކަމާމެދު ގޮތް ނިންމާނީ ދިވެހިންނެވެ.
ކަމާ ގުޅުންހުރި މުވައްސަސާތަކުންނެވެ .ދިވެހި ސަރުކާރުންނެވެ.
10
ދޫނިރާއްޖޭގެ ސަރުކާރުން ރައްޔިތުންނަށް ފޯރުކޮށްދޭ ޞިއްޙީ ޚިދުމަތުގެ ފެންވަރު ދަށަށް ދިއުމަށް
މެދުވެރިވާ ސަބަބުތަކާއި އެކަންކަމުގެ ހައްލު
ތަޢާރަފު:
ދޫނިރާއްޖޭގެ ސަރުކާރުން ރައްޔިތުންނަށް ފޯރުކޮށްދޭ ޞިއްޙީ ޚިދުމަތުގެ ފެންވަރު އެއް ދުވަހުން އަނެއް ދުވަހަށް ދަނީ
ދަށަށެވެ .އެހެންކަމުން މި ރިޕޯޓަކީ ،ސަރުކާރުން ޞިއްޙީ ޚިދުމަތް ފޯރުކޮށްދޭ ތަންތަނުގެ ފެންވަރު ދަށަށް ދިޔުމަށް
މެދުވެރިވާ ސަބަބުތަކާއި އެ ކަންކަން ޙައްލުކުރުމަށް އެޅެން ހުރި ފިޔަވަޅުތައް ބަޔާންކުރުމުގެ ގޮތުން ލިޔެފައިވާ ރިޕޯޓެކެވެ.
މި ރިޕޯޓުގައި އަލިއަޅުވާލައިފައި ވާނީ ،ސަރުކާރުން ފޯރުކޮށްދޭ ޞިއްޙީ ޚިދުމަތުގެ ފެންވަރު ދަށަށް ދިޔުމަށް މެދުވެރިވާ
ސަބަބުތައްކަމަށްވާ ،ފަންނީ މީހުންގެ މުސާރަ ކުޑަވުމާއި ޞިއްޙީ ފަރުވާދޭ ތަންތަނުގައި އެކަށީގެންވާ ވަޞީލަތްތައް
މަދުވެ ،ޖާގައިގެ ދަތިކަން އިތުރުވުމާއި ހިންގުންތެރިކަން ދޯދިޔާވުމުގެ އިތުރުން ކޮރަޕްޝަން އިތުރުވުމުގެ މައްޗަށެވެ .މި
ރިޕޯޓު އެކުލަވާލައިފައި މިވަނީ ،ރާއްޖޭގެ އެކި ކަންކޮޅުތަކުގައި ހުރި ހަސްފަތާލުތަކުގެ މުވައްޒަފުންނާއި އާންމު ފަރާތްތަކާ
ބައްދަލުކޮށް ކުރެވުނު ދިރާސާތަކުން ލިބުނު މަޢުލޫމާތުގެ އަލީގައި ،މިނިސްޓްރީ އޮފް ހެލްތުގެ ޕާމަނަންޓް ސެކްރެޓަރީ
ފާތުމަތު އިފާޒާއެވެ.
ޞިއްޙީ ފަރުވާދޭ ތަންތަނުގައި އެކަށީގެންވާ ފަދަ ވަޞީލަތްތައް ނެތުމަކީ ،ދޫނިރާއްޖޭގެ ރައްޔިތުންނަށް ސަރުކާރުން
ފޯރުކޮށްދޭ ޞިއްޙީ ޚިދުމަތުގެ ފެންވަރު ދަށަށް ދިޔުމަށް މެދުވެރިވެފައިވާ ސަބަބެކެވެ .އެކި ރަށްރަށުގައި ސަރުކާރުން
ހިންގާ 10ހަސްފަތާލަކަށް ޒިޔާރަތްކޮށް ،ބެލިބެލުމުން އެނގުނީ ،އެ ތަންތަނުގައި ޒަމާނީ ވަޞީލަތްތައް ވަރަށް މަދުކަމެވެ.
އެ ގޮތުން ،އެ 10ހަސްފަތާލުގެ ލެބޯޓަރީގައި މަސައްކަތްކުރާ 80މުވައްޒަފުން ހިމަނައިގެން ހެދި ސާވޭއަކުން ދެއްކި
ގޮތުގައި ،އެ ތަންތަނުގައި ޒަމާނީ އާލާތްތައް ނެތުމުން ،ގިނަ ޓެސްޓުތަކެއް ނުހެދެއެވެ .އަދި ހެދޭ ޓެސްޓުތަކުގެ ނަތީޖާ
ލިބެން އެތައް ދުވަހެއް ނަގައެވެ .އޭގެ ސަބަބުން ބަލި މީހުންނަށް ފަރުވާކުރުމުގައި ގިނަގުނަ ދަތިތަކަކާ ކުރިމަތިވެއެވެ.
މި ހަސްފަތާލުތަކުގައި މަސައްކަތްކުރާ 40ޑޮކްޓަރުންނާ ސުވާލުކުރުމުން 95%ޑޮކްޓަރުން އެއްބަސްވާގޮތުގައި
ލެބޯޓްރީއާއި ފަޅާކޮޓަރިއާއި އައިސީޔޫއާއި ވޯޑު ފަދަ ތަންތަނުގައި ޒަމާނީ ވަޞީލަތްތައް ނެތުމުން ،ބަލިމީހުންނަށް އެންމެ
އެދެވޭ ގޮތުގައި ޚިދުމަތް ފޯރުކޮށެއް ނުދެވެއެވެ .އެ ކަމުގެ ސަބަބުން ޢާންމު ފަރާތްތަކުގެ ޝަކުވާތައް ވަރަށް ގިނައެވެ.
11
މި ހަސްފަތާލުތަކުގެ ރެކޯޑުތަކުން ދައްކާގޮތުގައި ،ވޭތުވެދިޔަ 2އަހަރުގެ ތެރޭގައި ސިއްޙީ ފަރުވާ ހޯދަން މި
ހަސްފަތާލުތަކަށް އައި މީހުންގެ ތެރެއިން އެވަރެޖުކޮށް ދުވާލެއްގެ މައްޗަށް 7މީހުން މި ތަންތަން ދޫކޮށްލުމަށްފަހު،
އަމިއްލަ ހަސްފަތާލުތަކަށާއި ކުލިނިކުތަކަށް ފަރުވާ ހޯދަންދެއެވެ .އެހެންކަމުން ،އެކަށީގެންވާ ވަސީލަތްތައް މަދުވުމަކީ
ޞިއްޙީ ޚިދުމަތް ހޯދާ ފަރާތްތަކަށް ކުރިމަތިވެފައިވާ ދަތިކަމެކެވެ.
ސަރުކާރު ހަސްފަތާލުތަކުގެ ޚިދުމަތުގެ ފެންވަރު ދަށަށްދިޔުމަށް މެދުވެރިވާ ސަބަބުތަކުގެ ތެރޭގައި އެ ތަންތަނުގެ ޖާގަ
ކުޑަވުމަކީ ވެސް ފާހަގަކޮށްލެވޭ ކަމެއްކަން ކުރި ދިރާސާތަކުން ވަނީ އެނގިފައެވެ .ރާއްޖޭގެ ވެރިރަށް ފިޔަވައި ،ތަފާތު
ކަންކޮޅުތަކުގައި ސަރުކާރުން ހިންގާ 10ހަސްފަތާލުގެ ރެކޯޑުތަކުން ދައްކާގޮތުގައި ،އެ ތަންތަނުގައި ޑޮކްޓަރުން ބައްލަވާ
ކޮޓަރީގެ ޢަދަދު ހުރީ 5އާއި 7އާ ދެމެދުގައެވެ .ވޯޑުތަކުގައި ހުރި އެނދުތަކުގެ އަދަދު ހުރީ 10އާއި 15އާ ދެމެދުގައެވެ.
އައި ސީ ޔޫގައި ހުރި އެނދަށް ބަލާއިރު ،އެންމެ ގިނައިން ހުރި ހަސްފަތާލުގައި ހުރީ 3އެނދެވެ .ވެރިރަށުގައި
ނ
ރ މި ވަޞީލަތްތައް އެހެ ް
ސަރުކާރުން ހިންގާ ''އެލްއެލް ހޮސްޕިޓަލު''ގެ ރެކޯޑުތަކުން ދައްކާގޮތުގައި ،އެތަނުގައި ހު ި
ރަށްރަށާ އަޅައިބަލާއިރު 70%އިތުރެވެ .މި ހަސްފަތާލުތަކުގެ މެނޭޖަރުންނާ ސުވާލުކުރުމުން އެ ބޭފުޅުން ވިދާޅުވީ،
ފަރުވާ ހޯދަން އަންނަ ބަލިމީހުންނާ އަޅައިބަލާއިރު ،ހަސްފަތާލުތަކުގެ ޖާގަ ކުޑަކަމަށެވެ .އެހެންކަމުން ޑޮކްޓަރަށް ދައްކާ
ފަރާތްތަކަށާއި އެޑުމިޓްކުރާ ބަލިމީހުންނަށް އެންމެ އެދެވޭ ޚިދުމަތެއް ފޯރުކޮށެއް ނުދެވެއެވެ .މި ކަމާ ގުޅޭ ގޮތުން
ވެރިރަށުގައި ދިރިއުޅޭ ޢާންމު ރައްޔިތުންގެ ތެރެއިން 30މީހުންނާ ސުވާލުކުރުމުން 90%މީހުން ބުނި ގޮތުގައި
އެލްއެލްއެޗުން ޚާއްޞަ ޑޮކްޓަރެއްގެ ނަންބަރު ނުލިބިގެން މަހެއްހައި ދުވަހު ވެސް އުޅެން ޖެހިދާނެއެވެ .ސްކޭންކުރުމާއި
އެމް.އާރު.އައި ފަދަ ޚިދުމަތެއް ހޯދަން ޖެހިއްޖެ ނަމަ ،ހޭދަވާ މުއްދަތު މިއަށްވުރެ ވެސް ދިގުލައިގެންދެއެވެ .އެހެންކަމުން
ޖާގައިގެ ދަތިކަމަކީ ،ޞިއްޙީ ދާއިރާގެ ޚިދުމަތް އެކަށީގެންވާ ގޮތުގައި ލިބުމަށް އޮތް ހުރަހެކެވެ.
ސަރުކާރުން ހިންގާ ހަސްފަތާލުތަކުގައި މަސައްކަތްކުރާ ފަންނީ މުވައްޒަފުންގެ މުސާރަ ކުޑަވުމުގެ ސަބަބުން އެ ތަންތަނުން
ފޯރުކޮށްދޭ ސިއްޙީ ޚިދުމަތުގެ ފެންވަރު ދަށަށްދާކަން ކުރެވުނު ދިރާސާއިން ވަނީ ހާމަވެފައެވެ .ހެލްތުމިނިސްޓްރީގެ އެންމެ
ފަހުގެ ރެކޯޑުތަކުން ދައްކާގޮތުގައި ސަރުކާރު ހަސްފަތާލުތަކުގެ ފަންނީ މުވައްޒަފުންގެ މުސާރައިގެ މިންގަޑަކީ12000 ،
ރުފިޔާއާއި 15000ރުފިޔާއާ ދެމެދުގެ އަދަދެކެވެ .ސަރުކާރު 10ހަސްފަތާލުގެ މެނޭޖަރުންނާ ސުވާލުކުރުމުން ،އެ
ބޭފުޅުން އިއްތިފާޤުވިގޮތުގައި ،މުސާރަ ކުޑަވުމުގެ ސަބަބުން އެ ތަންތަނުގައި މަސައްކަތްކުރި ފެންވަރު ރަނގަޅު ގިނަ
ޑޮކްޓަރުން ބޮޑު މުސާރައިގެ ވަޒީފާ ހޯދައިގެން އެހެން ޤައުމުތަކަށް ވަނީ ބަދަލުވެފައެވެ .މިއަދު މި މުސާރައަށް
12
ރ
މަސައްކަތްކުރާނެ ފެންވަރު ރަނގަޅު ޑޮކްޓަރުން ހޯދުން ވަނީ ވަރަށް ދަތިކަމަކަށެވެ .އެހެންކަމުން މިހާރު މަސައްކަތްކު ާ
ގިނަ ފަންނީ މުވައްޒަފުންނަކީ ކަމަށް އެންމެ ޤާބިލު ފަރާތްތައްކަމަށް ޤަބޫލުކުރަން ދަތިކަމަށް އެބޭފުޅުން ވިދާޅުވިއެވެ.
ރާއްޖޭގެ އެކި ކަންކޮޅުތަކުން 150މީހުން ހިމަނައިގެން ކުރި ސާވޭއަކުން ދެއްކި ގޮތުގައި ،ސަރުކާރުން ހިންގާ
ހަސްފަތާލުތަކުގައި މަސައްކަތްކުރައްވާ ޑޮކްޓަރުންގެ ފެންވަރު ދަށްވުމުގެ ސަބަބުން އެ ބޭފުޅުންގެ ޚިދުމަތްތަކަށް 80%
މީހުން އިތުބާރެއް ނުކުރެއެވެ .އެހެންކަމުން ،މުސާރައިގެ އޮނިގަނޑުގެ ސަބަބުން ފެންވަރު ރަނގަޅު ޑޮކްޓަރުން ލިބުން
ދަތިވުމަކީ ވެސް ކުރިމަތިވެފައިވާ މައްސަލައެއްކަން ފާހަގަކުރެވެއެވެ.
ހިންގުންތެރިކަން ދޯދިޔާވުން
ދޫނިރާއްޖޭގެ ސަރުކާރުން ރައްޔިތުންނަށް ފޯރުކޮށްދޭ ޞިއްޙީ ޚިދުމަތުގެ ފެންވަރު އެއް ދުވަހުން އަނެއް ދުވަހަށް ދަށަށް
ދިޔުމުގައި ،ތަނުގެ ހިންގުމުގައި ގިނަ މައްސަލަތަކެއް ހުރިކަން ވަނީ ފާހަގަކުރެވިފައެވެ .ސަރުކާރުގެ 10ހަސްފަތާލެއްގެ
އެކި މަޤާމުތަކުގައި މަސައްކަތްކުރާ މުވައްޒަފުންގެ ތެރެއިން 100މުވައްޒަފުން ހިމަނައިގެން ހެދި ސާވޭއަކުން ދެއްކި
ގޮތުގައި 8 ،ހަސްފަތާލުގެ ވެރީންގެ ކިބައިގައި ތަން ހިންގުމުގެ ޤާބިލުކަމެއް ނެތެވެ .ރައްޔިތުންނަށް ލުއިފަސޭހަވާނޭ
ގޮތަށް ކަންކަން ރާވައި ހިންގާކަށް ނޭނގެއެވެ .ސަރުކާރުން ހިންގާ 10ހަސްފަތާލަކުން ޚިދުމަތް ހޯދި އާންމު ރައްޔިތުންގެ
ތެރެއިން 70މީހުން ހިމަނައިގެން ހެދި ސާވޭއަކުން ދެއްކިގޮތުގައި ،ޑޮކްޓަރަށް ދައްކަން ޖެހިއްޖެ ނަމަ 35% ،މީހުން
ފުރަތަމަ އިސްކަންދެނީ ،އަމިއްލަ ހަސްފަތާލަކަށް ނުވަތަ ކުލިނިކަކަށް ދެއްކުމަށެވެ .އަދި 56%މީހުން ބުނިގޮތުގައި
ޚިދުމަތެއް ހޯދަން ސަރުކާރު ހަސްފަތާލަކަށް ހިނގައްޖެ ނަމަ ،އެ ދުވަހެއްގެ ހަތަރުދަމު ކަހަލަ ގޮތަކަށް އުޅެން ޖެހެނީ
އެތަނުގައެވެ .ސަބަބެއްކަމަށް ބުނަނީ ،އެތަންތަނުގެ ކަންކަން ރޭވިފައި ހުންނަ އުޞޫލުގެ ސަބަބުން ޚިދުމަތް ހޯދަން
އުނދަގޫވުމެވެ .ސަރުކާރުން ހިންގާ 10ހަސްފަތާލެއްގައި އެޑުމިޓްކޮށްފައިވާ ބަލިމީހުންގެ އެހީތެރިންގެ ތެރެއިން 32
މީހުންނާ ސުވާލުކުރުމުން 22މީހުން ބުނެފައިވަނީ ،އެތަންތަނުގެ ކަންކަން ރޭވި ،ހަމަޖެހިފައި ހުންނަ ގޮތުން ކަންކަން
ރަނގަޅަށް އޮޅުން ނުފިލައިގެން ތަފާތު ދަތިތަކާ ކުރިމަތިލާން ޖެހޭކަމަށެވެ .ފަސޭހައިން ކުރެވެން ހުންނަ ކަންކަމަށް
ވެސް ބޮޑެތި ތަކުލީފުތައް އުފުލަންޖެހޭ ކަމަށެވެ .ވީމާ ،ޚިދުމަތް ދިނުމުގައި ހިންގުންތެރިކަމާއި ރޭވުންތެރިކަން ނެތުމަކީ
ޚިދުމަތް ލިބުމަށް އޮތް އިތުރު ހުރަހެކެވެ.
ކޮރަޕްޝަން އިތުރުވުން
ކޮރަޕްޝަން އިތުރުވުމަކީ ވެސް ޞިއްޙީ ޚިދުމަތުގެ ފެންވަރު ދަށަށް ދިޔުމަށް މެދުވެރިވެފައިވާ ސަބަބެއްކަން ކުރި
ދިރާސާއިން ވަނީ ހާމަވެފައެވެ .ދޫނިރާއްޖޭގައި ސަރުކާރުން ހިންގާ 10ހަސްފަތާލުގެ ވޭތުވެދިޔަ 5އަހަރުގެ ރެކޯޑުތަކަށް
ބަލާއިރު ،އެ މުއްދަތުގެ ތެރޭގައި ،އެ ތަންތަނުން ބޮޑެތި މަޝްރޫޢުތަކުގެ ގޮތުގައި 18މަޝްރޫޢެއް ހިންގާފައިވެއެވެ.
13
މީގެތެރެއިން 83.3%މަޝްރޫޢު ހިންގާފައި ވަނީ ،މަޤާމުގެ ނުފޫޒު ބޭނުންކޮށްގެން ކޮރަޕްޝަނަށް މަގުފަހިވާ ގޮތަށް
ކަމަށް ،އެންޓި ކޮރަޕްޝަން ކޮމިޝަންގެ 2021ގެ ރިޕޯޓުގައި ބަޔާންކޮށްފައިވެއެވެ .އެ މުއްދަތުގައި މި ތަންތަނުގެ
އެކިއެކި ވަޒީފާތަކަށް 309މީހުން ނަގާފައިވާއިރު ،އޭގެތެރެއިން 47%މީހުންނަކީ މަޤާމުގެ ޝަރުތު ހަމަނުވާ
ފަރާތްތަކެވެ .މި މީހުން މަޤާމުތަކަށް ނަގާފައިވަނީ ،ޝަރުޠު ހަމަވާ ފަރާތްތައް އެ މަޤާމުތަކަށް ކުރިމަތިލާފައި ވަނިކޮށެވެ.
ސަރުކާރު 10ހަސްފަތާލެއްގެ އެކި ސެކްޝަންތަކުގައި އިސްކޮށް މަސައްކަތްކުރައްވާ 30ބޭފުޅަކާ ސުވާލުކުރުމުން
އޭގެތެރެއިން 25ބޭފުޅުން ވިދާޅުވެފައިވަނީ ،މަސައްކަތަށް ގާބިލުނޫން މީހުން ލައްވާ މަސައްކަތްކުރުވަން ޖެހުމުގެ
ސަބަބުން ،ކުރަން ޖެހޭ މަސައްކަތްތަކުގެ ފެންވަރުދަށްވެ މަސައްކަތްތައް އިންތިހާއަށް ލަސްވެ ،ޢާންމު ރައްޔިތުންނަށް
އެންމެ އެދެވޭ ގޮތެއްގައި ޚިދުމަތް ފޯރުކޮށް ނުދެވޭކަމަށެވެ .މި ކަންކަމުގެ ޝަކުވާތައް ކެނޑިނޭޅި އެތަންތަނަށް ލިބެމުން
އަންނަކަން އެ ފަރާތްތަކުން ފާހަގަކުރިއެވެ .އެހެންކަމުން ،ސިއްހީ ޚިދުމަތް ދޭ ތަންތަނުގައި ކޮރަޕްޝަން އިތުރުވުމަކީ
މި ދާއިރާއިން ފާހަގަކުރެވޭ އެންމެ ބޮޑު އެއް މައްސަލައެވެ.
ޙައްލު:
ދޫނިރާއްޖޭގެ ސަރުކާރުން ރައްޔިތުންނަށް ފޯރުކޮށްދޭ ޞިއްޙީ ޚިދުމަތުގެ ފެންވަރު ރަނގަޅުކުރުމަށް ޓަކައި،
ފާހަގަކުރެވިފައިވާ މައްސަލަތައް ޙައްލުކުރުމަށް މި ވަނީ މަސައްކަތް ފަށަން ޖެހިފައެވެ .އެ ގޮތުން ،ދޫނިރާއްޖޭގައި
ސަރުކާރުން ހިންގާ ހަސްފަތާލުތަކުގެ ޖާގައިގެ ދަތިކަން ޙައްލުކުރުމަށް ޓަކައި ،ހަސްފަތާލާ އިންވެގެން އިތުރު އިމާރާތް
ބިނާކުރުމާއި ،ޒަމާނާ އެކަށީގެންވާ ފަދަ ރަނގަޅު ޞިއްޙީ ވަޞީލަތްތައް ވީ އެންމެ އަވަހަކަށް ހޯދުމަކީ ވަރަށް މުހިންމު
ކަމެކެވެ .ހަމައެއާއެކު ޑޮކްޓަރުންނާއި ފަންނީ މުވައްޒަފުންގެ މުސާރަ އެކަށީގެންވާ މިންވަރަކަށް ބޮޑުކޮށް ،ފެންވަރު
ރަނގަޅު ޑޮކްޓަރުން ހަސްފަތާލުތަކަށް ހޯދުމަކީ ،ކުރަންޖެހިފައިވާ ވަރަށް މުހިންމު ކަމެކެވެ .މި ކަންކަން ރަނގަޅަށް
ކުރުމަށް ޓަކައި ހިންގުންތެރި ވެރީން އެ ތަންތަނަށް އައްޔަންކުރަންޖެހެއެވެ .އެބައިމީހުން ކޮރަޕްޝަނުން ސަލާމަތްވެފައިވާ
ބަޔަކަށް ހެދުމަށް ޓަކައި ،ހެލްތު މިނިސްޓްރީން އެތަންތަނުގެ ކަންކަން ހިނގާ ނުހިނގާ ގޮތް މިހާރަށް ވުރެ ގާތުން ،ވީ
އެންމެ ރަނގަޅަކަށް ބަލައި ،މި ފަދަ ޢަމަލުތައް ހިންގާ ފަރާތްތަކާ މެދު ޤާނޫނީ އިމުގެ ތެރެއިން ހަރުކަށި ފިޔަވަޅު
އަޅަންޖެހެއެވެ .މި ކަންކަން މި ގޮތަށް ކުރެވިއްޖެ ނަމަ ،ދޫނިރާއްޖޭގެ ރައްޔިތުންނަށް ސަރުކާރުން ފޯރުކޮށްދޭ ޞިއްޙީ
ޚިދުމަތުގެ ފެންވަރު މިހާރަށް ވުރެ ރަނގަޅުވެގެންދާނޭކަމަށް ފެނެއެވެ.
-މުހައްމަދު ޤާސިމް-
14
ސުވާލު:
މިއަދު ދުނިޔެއަށް ދިމާވެފައިވާ އެންމެ ބޮޑު އެއް ޞިއްޙީ ކާރިސާއަކީ ކޮވިޑް 19-ގެ ކާރިސާއެވެ .މި ކާރިސާ މުޅިދުނިޔެ
ތަޖުރިބާ ކުރަމުން ދާއިރު ،ދިވެހިރާއްޖެ ވެސް މި ވަނީ މި ނުރައްކާތެރި ކާރިސާގެ ވަބާގައި ޖެހިފައެވެ .ރާއްޖޭގެ އެކި
ރަށްތަކަށް މި ބަލި ފެތުރިފައި ވާއިރު ،މި ބަލި ފެތުރިފައިވާ އެއް ރަށަކީ ޗ .ފުށިދުއެވެ .އެ ރަށުގެ ގިނަ ބަޔަކަށް މި
ބަލި ޖެހުމުގެ ސަބަބުން ،ސަރުކާރުން ވަނީ އެ ރަށުގެ މީހުން ގެއިން ނިކުމެ އުޅުން މަނާކޮށްފައެވެ .އަދި އެ ރަށަށް
ލަފާ ފުރުން ވެސް މަނާކޮށްފައެވެ .މި ކަމާ ގުޅިގެން ރަށުގެ ޢާއްމު ހާލަތު ވަނީ ވަރަށް ބޮޑަށް ދަށަށް ގޮސްފައެވެ.
މިގޮތުން ޞިއްޙީ ،އިޖުތިމާޢީ އަދި އިޤްތިޞާދީ ހާލަތަށް ވަނީ ވަރަށް ބޮޑަށް ލޮޅުން އަރައިފައެވެ .ވީމާ ،މި ރަށުގެ
މިހާރުގެ އާއްމު ހާލަތު އޮތްގޮތް ބަޔާންކޮށްދީ ،އަތޮޅު ކައުންސިލްގެ ރައީސް ލިޔާ ރިޕޯޓެއް ލިޔާށެވެ!
ތަޢާރަފު
ޗ .ފުށިދޫގައި ކޮވިޑް 19ގެ ބަލިމަޑުކަން ފެތުރި ،ފުރަބަންދުކުރުމާ ގުޅިގެން ،އެ ރަށުގެ އާންމު ޙާލަތު ވަނީ ވަރަށް
ބޮޑަށް ދަށަށް ގޮސްފައެވެ .އެހެންކަމުން މި ރިޕޯޓަކީ ފުށިދޫގެ އާންމު ހާލަތު ދެނެގަނެ ،އެ ރަށަށް މިހާރު ކުރިމަތިވެފައިވާ
މައްސަލަތައް ހައްލުކުރާނޭ ގޮތްތައް ބަޔާންކޮށް ލިޔެފައިވާ ރިޕޯޓެކެވެ .އެ ގޮތުން މި ރިޕޯޓުގައި ބަލައިލައިފައިވާނީ،
ފުށިދޫގެ އިޤުތިޞާދީ ހާލަތާއި ،އިޖުތިމާޢީ ހާލަތާއި ،ޞިއްޙީ ހާލަތާއި ،ތަޢުލީމީ ހާލަތުގެ އިތުރުން އާންމު ދިރިއުޅުމުގެ
ހާލަތު އޮތްގޮތުގެ މައްޗަށެވެ .މިއީ އެ ރަށުގެ ކަމާބެހޭ ފަރާތްތަކާ ފޯނުން ގުޅައިގެން ނަގާފައިވާ ބަސްދީގަތުންތަކުންނާއި
އޮންލައިންކޮށް ކުރެވުނު ސާވޭތަކުން ލިބުނު މައުލޫމާތުގެ އަލީގައި ،ޗ .އަތޮޅު ،އަތޮޅު ކައުންސިލްގެ ރައީސް ،އިރުފާނު
އަލީ ލިޔެފައިވާ ރިޕޯޓެކެވެ.
15
އިގުތިޞާދީ ހާލަތު
ކޮވިޑުގެ ބަލިމަޑުކަމާ ގުޅިގެން ފުށިދޫގެ އިޤުތިޞާދީ ހާލަތު ވަނީ ވަރަށް ބޮޑަށް ދަށަށް ގޮސްފައެވެ .މި ކަމާ ގުޅިގެން،
އެ ރަށުގައި ފަތުރުވެރިކަމުގެ ވިޔަފާރިކުރާ 10ފަރާތަކާ ސުވާލުކުރުމުން ،އެ ފަރާތްތަކުން ހާމަކުރިގޮތުގައި ،ކޮވިޑުގެ މި
ވަބާއާ ގުޅިގެން ،އެ މީހުން ކުރަމުން އައި ގެސްޓް ހައުސްގެ ވިޔަފާރި ހުއްޓި ،އެ ތަންތަން ވަނީ ބަންދުކުރާން ޖެހިފައެވެ.
އެ ކަމުގެ ސަބަބުން ރަށުގެ 98މީހެއްގެ ވަޒީފާ ވަނީ ގެއްލިފައެވެ .މީގެ އިތުރުން ދަނޑުވެރިކަމާއި މަސްވެރިކަމުން
އާމްދަނީ ހޯދަމުން އަންނަ 30މީހުން ހިމަނައިގެން ހެދި ސާވޭއަކުން ދެއްކި ގޮތުގައި ،އެ ރަށުގައި ކޮވިޑުގެ ބަލިމަޑުކަން
ފެތުރޭންފެށުމާއެކު ،ގޭގައި ބަންދުވެގެން ތިބޭން ޖެހުމުން ،އެބައިމީހުން ކުރަމުން އައި މަސައްކަތް ހުއްޓާލަންޖެހި،
އާމްދަނީ ލިބޭނެ މަގުތައް ވަނީ ބަންދުވެފައެވެ .ސާވޭގައި ބަވެރިވި 28%މީހުން ހާމަކޮށްފައިވާ ގޮތުގައި ،ރައްކާކޮށްފައި
ހުރި ފައިސާކޮޅު ހުސްވެ ،ބޭނުންވާ ތަކެތި ފިހާރަތަކުން ވަނީ ދަރަންޏަށް ހޯދާން ޖެހިފައެވެ .މި ކަމާ ގުޅިގެން ރަށު
ކައުންސިލްގެ ރައީސާ ސުވާލުކުރުމުން ،ވިދާޅުވީ ،ކޮވިޑުގެ ބަލިމަޑުކަން ރަށަށް ފެތުރުމާ ގުޅިގެން ،ރަށުގެ އިގުތިޞާދީ
ހާލަތު ވަނީ ،މިއިން ޒަމާނަކު ވެސް ދަށަށް ނުދާހައި ބޮޑަށް ދަށަށް ގޮސްފައިކަމަށެވެ .އަދި އާމްދަނީ ލިބޭނެ ގޮތެއް
ނެތި ،ހާލުގައި ޖެހިގެން 130މީހަކު ރަށު ކައުންސިލަށް ވަނީ ރިޕޯޓުކޮށްފައެވެ .މިއީ ކޮވިޑްގެ ހާލަތުގެ ސަބަބުން މި
ރަށުގެ އިޤތިޞާދަށް ލިބިފައިވާ ހީނަރުކެމެވެ.
އިޖުތިމާޢީ ހާލަތު
ކޮވިޑުގެ ބަލިމަޑުކަން ފުށިދުއަށް ފެތުރި ،ފުރަބަންދުކުރުމުގެ ސަބަބުން ،ރަށުގެ އިޖުތިމާޢީ ހާލަތު ވަނީ ވަރަށް
ގޯސްވެފައިކަމަށް މި ދިރާސާއިން ފާހަގަކުރެވުނެވެ .އެހެންކަމުން އެ ރަށުގައި ދިރިއުޅޭ 60އާއިލާއިން 60މެންބަރުން
ހިމަނައިގެން ހެދި ސާވޭއަކުން ދެއްކި ގޮތުގައި ،އޭގެތެރެއިން 35%އާއިލާގައި ވަނީ ،ފުރަބަންދާ ގުޅިގެން ތަފާތު
މައްސަލަތައް އުފެދިފައެވެ .އޭގެ ތެރޭގައި އެކަކު އަނެކަކުދެކެ ރުޅިއައިސްގެން އަނގައިން ނުބުނެ ތިބުމާއި ،ޒުވާބުކުރުމާއި
މުދަލަށް ގެއްލުންދިނުން ފަދަ މައްސަލަތައް ފާހަގަކޮށްފައިވެއެވެ .މި ދިރާސާގައި ބައިވެރިވި މީހުންގެ 85%މީހުން
ހާމަކުރިގޮތުގައި ،މި ފަދަ މައްސަލަތައް ޖެހެން ފެށީ ،އެއް ތަނެއްގައި ގިނަ ދުވަހު ބަންދުވެފައި ތިބެންޖެހުމުގެ
ސަބަބުންނެވެ .މިކަމާ ގުޅިގެން އެ ރަށު ފުލުހުންގެ އިދާރާއާ ގުޅުމުން މައުލޫމާތު ދެއްވިގޮތުގައި ،ފުރަބަންދުގެ ދަތި
ދުވަސްތައް ފެށުނު ފަހުން ،އާއިލީ މައްސަލަތައް އެ ރަށުގައި ވަނީ ވަރަށް ބޮޑަށް އިތުރުވެފައެވެ .އެ ގޮތުން ފުލުހުންނަށް
ހުށަހަޅާފައިވާ އެ ބާވަތުގެ 85މައްސަލައިގެ ތެރެއިން 95%މައްސަލައަކީ ،ގިނަ ބަޔަކު އެއްތަނެއްގައި ބަންދުވެފައި
16
ތިބެންޖެހުމުން އުފެދިފައިވާ މައްސަލަތަކެވެ .މިއީ ފުރަބަންދުގެ ކުރިން ،މި ފަދަ މައްސަލަތައް ހުށަހެޅިފައިވާ މިންވަރާ
އަޅައިބަލާއިރު 77%ގެ އިތުރުވުމެކެވެ .މިއީ ކޮވިޑްގެ ސަބަބުން މި ރަށުގެ އިޖުތިމާއީ ހާލަތަށް ކޮށްފައިވާ އަސަރުތަކެވެ.
ޞިއްޙީ ހާލަތު
ފުރަބަންދާ ގުޅިގެން ފުށިދޫގެ ޞިއްޙީ ހާލަތު ވެސް ގޯސްވެފައިވާކަން ދިރާސާއިން ފާހަގަކުރެވުނެވެ .މި ކަމާ ގުޅިގެން
އެ ރަށުގެ އާންމު ރައްޔިތުންގެ ތެރެއިން ކޮވިޑު ބައްޔަށް ފައްސިވެ ،އެޑްމިޓްކޮށްގެން ފަރުވާ ހޯދަމުން ގެންދާ 20
މީހުންނާ ސުވާލުކުރުމުން ،އޭގެ ތެރެއިން 90%މީހުން ބުނެފައި ވަނީ ،އެ މީހުންނަށް ހޮސްޕިޓަލުން އކަށީގެންވާ ފަރުވާ
ލިބެމުން ނުދާކަމަށެވެ .އެ ގޮތުން ގަޑިންގަޑިއަށް ބޭސް ނުލިބުމާއި ހުމާއި ޕްރެޝަރު ވެސް ގަވާއިދުން ނުބަލާކަމަށް އެ
މީހުން ބުނެފައިވެއެވެ .ދާއިމީ ބަލިބައްޔަށް ފަރުވާ ހޯދަމުން އަންނަ 25މީހުންނާ ސުވާލުކުރުމުން ،އޭގެ ތެރެއިން 20
މީހުން ބުނެފައިވަނީ ،ކޮވިޑުގެ ބަލިމަޑުކަން ރަށަށް ފެތުރޭންފެށިފަހުން ،ރަށު ހޮސްޕިޓަލުން އެކަށީގެންވާ ބޭސްފަރުވާ
ނުލިބޭ ކަމަށެވެ .މި ކަމާ ގުޅިގެން އެ ރަށުގެ ހަސްފަތާލު ހިންގުމާ ހަވާލުވެހުންނެވި މުޙައްމަދު ފާއިޒާ ސުވާލުކުރުމުން،
ވިދާޅުވީ ،ކޮވިޑުގެ ބަލިމަޑުކަން ރަށަށް ފެތުރެންފެށިފަހުން މިހާތަނަށް 286މީހަކު އެ ރަށުން ބައްޔަށް ފައްސިވެ ،އޭގެ
ތެރެއިން 39މީހަކަށް އެޑުމިޓްކޮށްގެން ފަރުވާދޭން ޖެހުމުން ،ހޮސްޕިޓަލުގެ އެނދުތައް ފުރިގެން ،އިތުރު އެނދު
ގެނެސްގެން ވެސް މީހުން ބައިތިއްބަން ޖެހިފައިވާ ކަމަށެވެ .މީގެ އިތުރުން ޚިދުމަތްދޭނެ ޑޮކްޓަރުންނާއި ނަރުހުންނަށް
ނުތަކާވަރުވެ ،އެހެނިހެން ބަލިބައްޔަށް ފަރުވާ ހޯދަން އަންނަ ފަރާތްތަކަށް ވެސް އެކަށީގެންވާ ޚިދުމަތެއް ނުދެވޭ ކަމަށާއި
ބައެއް ބާވަތްތަކުގެ ބޭސްތައް ހުސްވުމުގެ ސަބަބުން ވެސް ،ޚިދުމަތްތަކަށް ހުރަސް އެޅެމުން އަންނަ ކަމަށެވެ .މީގެ
އިތުރުން ފުރަބަންދުކުރުމުގެ ކުރިއާ އަޅައިބަލާއިރު ،ނަފުސާނީ ބަލިތަކަށް ފަރުވާހޯދަން އަންނަ ފަރާތްތަކުގެ އަދަދު 45%
އިތުރުވެފައިވާކަމަށް ވެސް އޭނާ ވިދާޅުވިއެވެ .އެހެންކަމުން ކޮވިޑްގެ ސަބަބުން ސިއްހީ ޙާލަތު ވަނީ ވަރަށް ބޮޑަށް ދަށަށް
ގޮސްފައެވެ.
ފުރަބަންދުގެ ސަބަބުން ފުށިދޫގެ އާންމު ދިރިއުޅުމުގެ ހާލަތު ވެސް ވަނީ ވަރަށް ބޮޑަށް ދަށަށް ގޮސްފައިކަން
ފާހަގަކުރެވުނެވެ .މި ކަމާ ގުޅިގެން ރަށުގެ ވިޔަފާރިވެރިންގެ ތެރެއިން 10މީހަކާ ސުވާލުކުރުމުން ،އޭގެ ތެރެއިން 9
ރ
މީހުން ބުނި ގޮތުގައި ،ފުރަބަންދާ ގުޅިގެން ދަތުރުފަތުރުކުރުން ހުއްޓިފައި އޮތުމުގެ ސަބަބުން ،ކާބޯތަކެއްޗާއި ޒަރޫ ީ
17
ބޭނުންތަކަށް ބޭނުންވާ ތަކެތި ރަށަށް ގެނައުމުގައި ވަނީ ވަރަށް ބޮޑު ގޮންޖެހުމަކާ ކުރިމަތިވެފައެވެ .މީގެ ސަބަބުން
ކާބޯތަކެތީގެ އެތައް ބާވަތްތަކެއް މިހާރު ވެސް ހުސްވެފައި ހުރި ކަމަށް 5ވިޔަފާރިވެރިން ބުނެފައިވެއެވެ .މިކަމާ ގުޅިގެން
ރަށުގެ އާންމު ރައްޔިތުންގެ ތެރެއިން 70މީހުން ހިމަނައިގެން ކުރި ސާވޭއެއްގައި ،ކާޑުގެ ބާވަތްތައް ގެއިން އެއްކޮށް
ހުސްވެފައިވާ ކަމަށް 20%މީހުން ބުނެފައިވާއިރު 35% ،މީހުން ބުނެފައިވަނީ ކާބޯތަކެތީގެ ބާވަތައް އެ ގޭގެއިން
ހުސްވަމުން އަންނަކަމަށެވެ .މީގެއިތުރުން ކުޑަކުދިންގެ ކާނާއާއި ނެޕީ ފަދަ ތަކެތި ހުސްވެފައިވާކަމަށް ދިރާސާގައި
ބައިވެރިވި 10%މީހުން ބުނެފައިވެއެވެ .ރަށުކައުންސިލްގެ ރައީސް ވިދާޅުވިގޮތުގައި ،ފުރަބަންދާ ގުޅިގެން ،ބޯފެން
ނުލިބިގެން ރަށުގެ 80%ގެއިން ކައުންސިލަށް ރިޕޯޓުކޮށްފައިވެއެވެ .އަދި ކައްކާ ގޭސް ހުސްވެ ،ކެއްކުމަށް ދަތިތައް
ކުރިމަތިވެގެން 45 ،ގެއަކުން ރިޕޯޓުކޮށްފައިވެއެވެ .މީގެ އިތުރުން ރަށުގެ އާންމު ދިރިއުޅުމުގެ ތަފާތު ދަތިތައް
ކުރިމަތިވެގެން 145 ،މީހަކު ރަށުކައުންސިލަށް މައްސަލަ ހުށައަޅާފައިވެއެވެ .މިއީ ކޮވިޑް ޙާލަތުގެ ސަބަބުން ޢާއްމު
ދިރިއުޅުމުގެ ޙާލަތަށް އައިސްފައިވާ ބޮޑެތި ބަދަލުތަކެވެ.
ތަޢުލީމީ ހާލަތު
ކޮވިޑްބަލި ފެތުރުމާ ގުޅިގެން ފުށިދޫ ފުރަބަންދުކުރިކަމުގައި ވިޔަސް ،އިސްކޫލުގެ ދަރިވަރުންނަށް ކިޔަވައިދިނުމަށް މާ
ބޮޑެތި ނޭދެވޭ އަސަރުތަކެއް ކޮށްފައިނުވާކަން މި ދިރާސާއިން ފާހަގަކުރެވެއެވެ .އެގޮތުން ރަށު އިސްކޫލުގެ ޕްރިންސިޕަލް
ވިދާޅުވިގޮތުގައި ،ފުރަބަންދު ކުރި ދުވަހުން ފެށިގެން ،އިސްކޫލުގެ ހުރިހައި ދަރިވަރުންނަށް ވަނީ ،އޮންލައިންކޮށް
ކިޔަވައިދޭން ފަށާފައެވެ .މި ކަމުގައި ދަރިވަރުންނާއި ބެލެނިވެރިންގެ އެއްބާރުލުން ވަރަށް ބޮޑަށް ލިބެމުން އާދެއެވެ.
ރހައި މުދައްރިސުން ވެސް
މިކަމާ ގުޅިގެން އެކި ގުރޭޑުތަކަށް ކިޔަވައިދެއްވާ 15މުދައްރިސުންނާ ސުވާލުކުރުމުން ،އެ ހު ި
ފާހަގަކުރެއްވިގޮތުގައި ،ގިނަ ދަރިވަރުން ކުލާސްތަކަށް ބަރާބަރަށް ހާޟިރުވެ ،ހަވާލުކުރާ މަސައްކަތްތައް މަދު ކުއްޖަކު
ފިޔަވައި ،ދުވަހުން ދުވަހަށް ނިންމައެވެ .އަދި ޓިއުޓޯރިއަލް ގަޑިތަކުގައި ވެސް ބައިވެރިވެއެވެ .އެހެންނަމަވެސް
އިންޓަނެޓްގެ މައްސަލައާހުރެ ،ބައެއް ދަރިވަރުންނަށް ބައެއް ކުލާސްތަކަށް ނުވަދެވެއެވެ .މިކަން އިތުރަށް އޮޅުންފިލުވުމުގެ
ގޮތުން ގުރޭޑު 10 ،9 ،8ގައި ތަޢުލީމު ޙާޞިލުކުރަމުން އަންނަ 40ދަރިވަރުން ހިމަނައިގެން ހެދި ސާވޭއެއްގައި،
70%ދަރިވަރުން ބުނެފައިވަނީ ،ކިޔަވައިދެއްވާ ފިލާވަޅުތައް ރަނގަޅަށް އޮޅުންފިލާކަމަށާއި ނޭނގޭ ތަކެއްޗާއި އޮޅުންއަރާ
ވ
ބައިތައް އޮޅުންފިލުވަން ،ކުރިއަށްވުރެ މިހާރު މާ ފަސޭހަކަމަށެވެ .އިންޓަނެޓުގެ މައްސަލަ ދިމާވާވެގެން ކުލާހަށް ނުވަދެ ޭ
ފަހަރު އަންނަ ކަމަށް 40%ދަރިވަރުން ބުނެފައިވެއެވެ .އިސްކޫލުން ހިއްސާކުރި މައުލޫމާތުތަކަށް ބަލާއިރު ،އޮންލައިންކޮށް
ކިޔަވައިދީފައި ނެގި ޔުނިޓް ޓެސްޓުގެ ނަތީޖާ ،އޭގެ ކުރިން ނެގި ޔުނިޓް ޓެސްޓުގެ ނަތީޖާއަށްވުރެ ދަށްވެފައި ވަނީ
18
އެންމެ 2.34%އެވެ .އެހެންކަމުން ކޮވިޑްގެ ސަބަބުން ދަރިވަރުންގެ ތައުލީމަށް ވަނީ އެތަކެއް ނޭދެވޭ އަސަރުތައް
ކޮށްފައެވެ.
ހައްލު
ފުށިދޫ ފުރަބަންދުކުރުމާ ގުޅިގެން ،އެ ރަށުގެ އާންމު ރައްޔިތުންނަށް ބޮޑެތި ދަތިތަކަކާ ކުރިމަތިވެފައިވާތީ ،އެ ކަންކަމަށް
އަވަސް ހައްލެއް ގެނައުމަށް ޓަކައި ،ރަށުގެ އިޤްތިޞާދީ ހާލަތު ރަނގަޅުކުރުމަށް ޓަކައި ،ވަޒީފާ ނެތް ފަރާތްތަކަށާއި
މަސްވެރިކަމާއި ދަނޑުވެރިކަމުގެ މަސައްކަތްކުރަމުން އައި ފަރާތްތަކަށް ''އިންކަމް ސަޕޯޓް އެލަވަންސް'' ފަދަ ޚާއްޞަ
އެލަވަންސެއް ހަމަޖައްސައިދީ ،ގެސްޓް ހައުސް ހިންގާ ފަރާތްތަކަށް ލުއިލޯނު ލިބޭނެ ގޮތް ހަމަޖެއްސުމަކީ މުހިންމު
ކަމެކެވެ .މީގެ އިތުރުން ޢާއިލީ މައްސަލަތަކުގެ ސަބަބުން ލިބޭ ގެއްލުންތަކާއި އެ ފަދަ ކަންކަން ހައްލުކުރުމަށް ކުރެވިދާނެ
ކަންތައްތަކާ މެދު އާންމުން ހޭލުންތެރިކުރުމަށް ޓަކައި ސެޝަންތަކެއް ބޭއްވުމަކީ ވެސް ވަރަށް މުހިންމު ކަމެކެވެ.
ހަމައެއާއެކު ކޮވިޑްބަލީގެ މީހުންނަށް ފަރުވާ ދިނުމަށް ޚާއްޞަ ތަނެއް ވަގުތީގޮތުން ނަމަވެސް އަޅައި ،އެ ތަނަށް ބޭނުންވާ
ޞިއްޙީ އެހީތެރިންނާއި ވަސީލަތްތައް ހަމަކޮށް ،ރަށުގެ ޞިއްޙީމަރުކަޒަކީ ،އެހެނިހެން ބަލިތަކުގެ މީހުންނަށް ޚާއްޞަ
ތަނަކަށް ހަދަން ޖެހެއެވެ .މީގެއިތުރުން ޒަރޫރީ ބޭނުންތަކަށް ބޭނުންވާ ތަކެތި ރަށަށް ގެނެސް ،ގޭގެއަށް ފޯރުކޮށްދިނުމަށް
ޓަކައި ،ޚާއްޞަ ޓާސްކްފޯހެއް ކައުންސިލުން އުފައްދައިގެން ،އެ މަސައްކަތް ފެށުމަކީ ވެސް ކުރަންޖެހިފައިވާ ވަރަށް
މުހިންމު ކަމެކެވެ .އަދި ރަށަށް ދޫކޮށްފައިވާ އިންޓަނެޓްގެ ފެންވަރު މަތިކޮށް ،ކިޔަވައިދިނުމުގެ ކަންކަން މިހާރަށްވުރެ
ރަނގަޅުކުރުމަކީ ވެސް ކުރަންޖެހިފައިވާ މުހިންމު ކަމެކެވެ .މި ގޮތަށް މި ކަންކަން ކުރެވިއްޖެ ނަމަ ،ފުށިދޫއަށް މިއަދު
ކުރިމަތިވެފައިވާ ނާޒުކު ހާލަތު ،އާންމު ހާލަތަކަށް ބަދަލުވެދާނޭކަމަށް ބެލެވެއެވެ.
-މުހައްމަދު ޤާސިމް-
19
ސުވާލު:
ހއ .މަނަފަރު އިސްކޫލުގެ މަތީސާނަވީއަށް ކިޔަވަމުން އަންނަ ދަރިވަރުންގެ ލިޔުންތެރިކަމުގެ ފެންވަރު މިހާރަށްވުރެ
ރަނގަޅު ކުރުމަށް ޓަކައި ،އެ ދަރިވަރުންނަށް ޚާއްޞަކޮށްގެން ،ތަމްރީނު ސެޝަންތަކެއް ކުރިއަށް ގެންދިޔުމަށް ،އެ
އިސްކޫލުން ބޭނުންވެއެވެ .ވީމާ ،މި ސެޝަންތައް ކުރިއަށް ގެންދިޔުމަށް ޓަކައި ބޭނުންވާނެ ފައިސާ ހޯދުމުގެ ގޮތުން ،މި
ފަދަ ކަންކަމަށް ފައިސާގެ އެހީތެރިކަން ފޯރުކޮށްދޭ ފަރާތެއް ކަމަށްވާ“ ،ހިޔަމަ ފައުންޑޭޝަން” އަށް ހުށަހަޅާނެ ޕްރޮޕޯޒަލެއް
ލިޔާށެވެ! ޕްރޮޕޯޒަލްގެ ދިގުމިނަކީ 300ލަފުޒާއި 400ލަފުޒާ ދެމެދުގެ މިންވަރެވެ.
ތަޢާރަފު
މިއީ ހއ .މަނަފަރު އިސްކޫލުގެ މަތީސާނަވީއަށް ކިޔަވަމުން އަންނަ ދަރިވަރުންގެ ،ލިޔުންތެރިކަމުގެ ފެންވަރު މިހާރަށްވުރެ
ރަނގަޅު ކުރުމުގެ ގޮތުން ،އެ ދަރިވަރުންނަށް ޚާއްޞަކޮށްގެން ،ތަމްރީނު ސެޝަންތަކެއް ކުރިއަށް ގެންދިޔުމަށް
ބޭނުންވާތީ ،އެ ކަމަށް ފައިސާ ހޯދުމަށް ޓަކައި" ،ހިޔަމަ ފައުންޑޭޝަން"އަށް ހުޅަހެޅުމަށް ލިޔެފައިވާ ޕްރޮޕޯޒަލެކެވެ .މި
ޕްރޮޕޯޒަލްގައި މައިގަނޑުގޮތެއްގައި ހިމަނާފައިވާނީ ،ލިޔުންތެރިކަމުގެ ފެންވަރު ދަށްވުމުގެ ސަބަބުން ،އެ ދަރިވަރުންނަށް
ދިމާވާ ތަފާތު މަސައްލަތަކާއި އެ މައްސަލަތައް ޙައްލުކުރުމަށް ޓަކައި ،މި ފަދަ ސެޝަންތަކެއް ބޭއްވުމުގެ މުހިންމުކަމާއި
މި ސެޝަންތައް ބޭއްވުމަށް ބޭނުންވަނީ ކިހައި ފައިސާއެއްކަމާއި އެ ފައިސާ ބޭނުންވާ ސަބަބުތަކާއި ލިބޭ ފައިސާ
ޚަރަދުކުރާނޭ ގޮތެވެ.
ހއ .މަނަފަރު އިސްކޫލުގައި އޭލެވެލްއަށް ކިޔަވާ 25ދަރިވަރުން ހިމަނައިގެން ހެދި ސާވޭއަކުން ދެއްކި ގޮތުގައި،
ލިޔުންތެރިކަމުގެ ފެންވަރު ދަށްވުމުގެ ސަބަބުން ،އެ ދަރިވަރުންނަށް ތަފާތު މައްސަލަތަކާ ކުރިމަތިވެއެވެ .އެގޮތުން އެންމެ
ގިނަ ދަރިވަރުން ފާހަގަކުރި އެއް މައްސަލައަކީ ،ލިޔުންތެރިކަމުގެ ފެންވަރު ދަށްވުމުގެ ސަބަބުން ،ދިވެހި އިމްތިހާނުން
20
އެކަށީގެންވާ ނަތީޖާއެއް ނުނެރެވޭ މައްސަލައާއި ދިވެހި މާއްދާއިން ފާސްނުވާ މައްސަލައެވެ .މީގެއިތުރުން ކުލާހުން
ނިންމަން ދޭ ދިވެހި ފިލާވަޅުތައް ވެސް ،އެންމެ އެދެވޭގޮތުގައި ނިންމަން ދަތިވާކަން ބައެއް ދަރިވަރުން ފާހަގަކުރިއެވެ.
އަދި އިސްލާމް ފިލާވަޅުތަކާއި އިސްލާމް ޓެސްޓު ހެދުމުގައި އިބާރާތްކުރުމުގެ މައްސަލަތައް ޖެހޭކަމަށާއި އޭގެ ސަބަބަބުން
އިސްލާމް މާއްދާއިން ލިބޭ ނަތީޖާއަށް ނޭދެވޭ އަސަރު ކުރާކަން ،ދިރާސާގައި ބައިވެރިވި ބައެއް ދަރިވަރުން ވަނީ
ފާހަގަކޮށްފައެވެ .އެހެންކަމުން ދަރިވަރުންގެ ލިޔުންތެރިކަމުގެ ފެންވަރު ރަނގަޅު ކުރުމަށް ޓަކައި ،މި ފަދަ ސެޝަންތަކެއް
ބޭއްވުމަކީ ،އެޗްއެސްސީ އިމްތިހާނުގެ ދިވެހިބަހާއި އިސްލާމް މާއްދާއިން އެ ދަރިވަރުން ހޯދާ ނަތީޖާ ،މިހާރަށްވުރެ
ރަނގަޅު ކުރުމަށް ޓަކައި ،ކޮންމެހެން ވެސް ކުރަން ޖެހިފައިވާ ކަމެއްކަމުގައި ދެކެމެވެ.
ނިންމުން
މިއީ ވަރަށް ކުޑަ ބަޖެޓަކުން ހިންގަމުން އަންނަ އިސްކޫލަކަށްވާތީ ،މި ފަދަ އިތުރު ހަރަކާތްތަކަށް ޚަރަދުކުރާނެ ފައިސާއެއް
އިސްކޫލު ބަޖެޓުން ހަމަޖެއްސޭކަށް ނޯވެއެވެ .ތިޔަ ފަރާތުން މި ކަމަށް ދެއްވާ ފައިސާ ޚަރަދުކުރަން ގަސްތުކޮށްފައިވަނީ
މި ސެޝަންތައް ކުރިއަށް ގެދިޔުމަށް ބޭނުންވާ އެންމެހައި ކަންކަން އިންތިޒާމުކޮށް ހަމަޖެއްސުމަށެވެ .އެހެންކަމުން މި
ފައިސާ ލިބިއްޖެ ނަމަ ،މި ސެޝަންތަކަކީ ވަރަށް ކާމިޔާބު ،އަދި ދަރިވަރުންނަށް ނުހަނު ފައިދާކުރަނިވި ސެޝަންތަކަކަށް
ވެގެންދާނޭކަމަށް ބެލެވެއެވެ.
21
ސުވާލު:
ލ .މާވަށު ސްކޫލުގެ ޕްރިފެކްޓުން ހުވާކުރުމުގެ ރަސްމިއްޔާތުގައި ބައިވެރިވުމަށް އެއަތޮޅު މާބައިދޫ ސްކޫލުގެ ބައެއް
ޓީޗަރުންނާއި ޕްރިފެކްޓުން ލ .މާވަށަށް ކުރި ދަތުރުގެ ދަތުރުނާމާ ލިޔާށެވެ! ދަތުރުނާމާ ލިޔާނީ މިދަތުރުގައި ބައިވެރިވި
މުދައްރިސެއްގެ ޙައިސިއްޔަތުންނެވެ.
ރ
ކއި ކުރި ދަތު ު
ޓންނަށް ޓަ ަ
ޕްރިފެކް ު
-މުހައްމަދު ޤާސިމް-
މިއީ ލ .މާވަށު ސުކޫލްގެ ޕްރިފެކްޓުން ހުވާކުރުމުގެ ރަސްމިއްޔާތުގައި ބައިވެރި ވުމަށް 10އޭޕްރީލް 2012ވީ
އަންގާރަދުވަހު ލ .މާބައިދޫން ލ .މާވަށަށް ކުރި ދަތުރުގެ ދަތުރުނާމާއެވެ .މި ދަތުރުގައި ބައިވެރިވީ އަޅުގަނޑު (މޫސާ
ވަސީމު /ލ .މާވަށު ،ފެންފޯއްގެ) އާއި އަޅުގަ ނޑާއެކު މަސައްކަތްކުރާ އިތުރު 5މުދައްރިސުންނާއި ސްކޫލުގެ 10
ޕްރިފެކްޓުންނާއި 3ފަޅުވެރިންނެވެ" .ކާމިޔާބު" ދޯނީގައި 2 ،ގަޑިއިރުގެ ދަތުރަށް އަޅުގަނޑުމެން މާވަށަށް ފުރީ އެ
ދުވަހު ހެނދުނު 7:30ގައެވެ.
ދުވަހަކީ މޫސުން ރީތި ދުވަހެކެވެ .ހިތްގައިމު ނަލަ ވައިރޯޅިއާ ހަނގާކުރަމުން ދޯނި އޭގެ ބުރަހެލި ދުވެލީގައި ފިރުކެމުން
ދިޔައިރު ،ދަތުރުގެ ބައިވެރިންގެ މޫނުމަތިން ފެންނަމުން ދިޔައީ އުފާވެރިކަމުގެ އުޖާލާ ކުލަތަކެވެ .ސަމާސާ ވާހަކަތަކުގައި
އަޅުގަނޑުމެން ފޯރިނަގަމުން ދިޔަ އިރު ،ވަގުތު ހޭދަވެގެން ދިޔަ ގޮތެއް ވެސް ނޭނގި އަޅުގަނޑުމެންނަށް އެރަށް ދެވުނު
އިރު އިސްތިގުބާލުގައި ،އެ ރަށު ސްކޫލުގެ ޕްރިންސިޕަލްގެ އިތުރުން ބައެއް މުދައްރިސުންނާއި ޕްރިފެކްޓުން ތިއްބެވިއެވެ.
ކ
އަތިރިމަތިން ފިނިބުއިމުގެ ނަންބަރެއް ނިންމާލުމަށްފަހު ،އަޅުގަނޑުމެން އަވަސްވެގަތީ އެއްގަމަށް ދިޔުމަށެވެ .ދަތުރަ ީ
ސްކޫލުގެ ދައުވަތަކަށް ކުރި ދަތުރެއްކަމުން ،ތިބުމާއި ކެއިންބުއިމުގެ ހުރިހާކަމެއް ހަމަޖައްސާފައިވަނީ ،ސްކޫލުގެ
ފަރާތުންނެވެ .އަޅުގަނޑުމެންނާއި އަޅުގަނޑުމެންގެ ދަރިވަރުން ތިބެން ހަމަޖައްސާފައި ހުރީ ތިން ކޮޓަރީގެ ގެއެކެވެ.
ހުރިހާ މުދައްރިސުންނަށް އެއް ކޮޓަރިއެވެ .އަނެއް ދެ ކޮޓަރި ދަރިވަރުންނަށެވެ .އަންހެން ފިރިހެން ވަކިންނެވެ.
22
ކޮޓަރިއަށްވަދެ ތާޒާ ވެލައިގެން އަޅުގަނޑުމެން ފުރަތަމަ ދިޔައީ ސަޔަށެވެ .ސައިގެ ކަންތައް ހަމަޖައްސާފައި އޮތީ ،އެ
ރަށުގައި ހުރި "އަންތަރީސް" ނަމަކަށް ކިޔާ ކެފޭއެއްގައެވެ .އަނގަޔަށާއި ބަނޑަށް ވެސް ރަނގަޅު ސަޔެކެވެ .ސައިބޮއިގެން
ނިކުތްއިރު ނުވަގަޑި ބައިވަނީއެވެ 11 .ޖަހާއިރު ހުވައިކުރުމުގެ ރަސްމިއްޔާތު ފެށޭނެތީވެ ،ލަސްނުކޮށް ދިޔައީ ގެޔަށެވެ.
10:45އެހައިކަންހައިއިރު އަޅުގަނޑުމެންނަށް ސްކޫލާ ހަމަޔަށް ފޯރިއެވެ .ސްކޫލު ގޯތިތެރެއާއި ހޯލު އޮތީ ހުވާކުރުމުގެ
ރަސްމިއްޔާތަށް ވަރަށް ފުރިހަމައަށް ތައްޔާރުކޮށް ޒީނަތްތެރި ކޮށްފައެވެ .ތަފާތު ކުލަކުލައިގެ މާމެލާމެއްޔާއި ސްކޫލުގެ
ދިދައާއި ގައުމީ ދިދައިން ހޯލުތެރެއަށް ވަނީ އުފާވެރިކަން ގެނެސްފައެވެ.
އ
ޖަލްސާ ނިމުމުން ބިލަތްމީރުކޮށްލުމުގައި ބައިވެރިވެލުމަށްފަހު ،އަޅުގަނޑުމެން ގެއަށް ގޮސް ،ތައްޔާރުވެލައިގެން ދިޔަ ީ
ބަނދަރުމައްޗަށެވެ .އެ ރަށުން ފުރީ މެންދުރުން އަނބުރައި 1ޖެހިއިރުއެވެ .މޫސުން ރީތި ދުވަހެއްކަމުން ،ނިޔާމަ
ދަތުރަކަށްފަހު ރަށަށް ލެފުނީ މެންދުރުން އަނބުރައި 1:45އެހައިކަންހާއިރުއެވެ .މާ ޚާއްޞަ ކަމެއް ނުހިނގި ނަމަވެސް،
މި ދަތުރު ވެގެން ދިޔައީ ،އަޅުގަނޑުމެންނަށާއި ދަރިވަރުންނަށް ތަފާތު ތަޖުރިބާތަކެއް ކުރެވުނު އުފާވެރި ދަތުރަކަށެވެ.
23
ކުރެހުމުގެ ފަންނުގައި އަޅުގަނޑު
-މުހައްމަދު ޤާސިމް-
ކުރެހުމުގެ ދާއިރާއަށް ޝައުޤުވެރިކަން ހުންނަ އަޅުގަނޑު (މާހިރު އަލީ ،ފުސްވިލާގެ /ލ .ފޮނަދޫ) އަކީ ،ލ .ފޮނަދޫ
ފުސްވިލާގޭ އަލީ ނާފިޒާއި ،ހަމަ އެ ރަށު ކުދިބަތްގޭ ރުޤިއްޔާ ޙަސަނަށް ލިބުނު ހަމައެކަނި ދަރިފުޅެވެ 1980 .ވަނަ
އަހަރު މޭމަހު 19ވަނަ ދުވަހު ދުނިޔެއަށް އުފަންވެފައިވާ އަޅުގަނޑަކީ ،އަޅުގަ ނޑުގެ މައިންބަފައިންނާއި އާއިލާގެ މީހުން
ބުނާ ގޮތުގައި ،އުފެއްދުންތެރި ވިސްނުމެއް ހުންނަ ،ސަކަ މިޒާޖެއްގެ މީހެކެވެ.
ރަށު މަދަރުސާގެ ގުރޭޑް 1އަށް އަޅުގަނޑު ވަނީ އުމުރުން 6އަހަރުގައެވެ .އަޅުގަނޑުގެ ބައްޕައަކީ އަމިއްލަ ޝައުޤެއްގެ
ގޮތުގައި ކުރެހުމުގެ މަސައްކަތްކުރާ މީހެއްކަމުން ،އުމުރުން 7އަހަރުގައި ބައްޕަގެ ފިޔަވަޅުމަތީގައި ފިޔަވަޅުއެޅޭތޯ
މަސައްކަތްފެށީމެވެ .އެގޮތުން ސްކޫލް ފެންވަރުގައި ބޭއްވި ކުރެހުމުގެ އެކިއެކި މުބާރާތްކުގައި ،ފަޚުރުވެރި ކާމިޔާބީތައް
ހޯދަމުން ތަޢުލީމީ ހަޔާތް ނިންމާލީމެވެ.
އޯލެވެލްގައި ލިބުނު ކާމިޔާބާ އެކު ،ކުރެހުމުގެ ދާއިރާއިން ލިބުނު 3އަހަރުދުވަހުގެ ކޯހެއްގައި 1998ވަނަ އަހަރު
އަޅުގަނޑު މެޑްރާހަށް ފުރީ ،ކުރެހުމުގެ ފަންނުން މޮޅު މީހަކަށްވުމުގެ މަތިވެރި އަޒުމުގައެވެ 2001 .ވަނަ އަހަރު
އެނބުރި ރާއްޖެއަށް އައީ ،ކުރެހުމާއި ފަރުމާކުރުކުގެ ދާއިރާއިން ފުރަތަމަ ޑިގްރީ ހާސިލް ކޮށްގެންނެވެ .އަދި އަޅުގަނޑުގެ
ފިހިން ކުރެހުމުގެ ދިވެހި ޖައްވުގައި ރަންކުލަ ޖެއްސުމުގެ މަތިވެރި އަޒުމާ އެކުގައެވެ.
މި އުފާވެރި އަހަރު ވެގެންދިޔައީ ،އަޅުގަނޑުގެ ހަޔާތަށް އައި ،އެންމެ ހިތާމަވެރި އަހަރަށް ވެސް މެއެވެ .ވަރަށް ކުއްލި
ގޮތަކަށް އަޅުގަނޑުގެ ބައްޕަ މި ދުނިޔެ ދޫކުރުމުގެ ސަބަބުންނެވެ .އެހެންކަމުން ހަމަ އެ އަހަރު މަންމަ ގޮވައިގެން
އަޅުގަނޑު މާލެއަށް ބަދަލުވީމެވެ.
2005ވަނަ އަހަރު ޖަނަވަރީމަހު މާލޭގައި "ފައިން އާޓްސް ގެލެރީ"ގެ ނަމުގައި ފަތުރުވެރިކަމަށް ޚާއްޞަކޮށް،
އިސްޓޫޑިއޯއެއް ހުޅުވައިގެން ކުރެހުމުގެ މަސައްކަތް އަޅުގަނޑު ފެށީ ،ވަރަށް ބޮޑު އުއްމީދަކާ އެކުގައެވެ .ކުޑަ
ދުވަސްކޮޅެއްގެ ތެރޭގައި މުޅި ފަތުރުވެރިކަމުގެ ސިނާޢަތަށް އަޅުގަނޑުގެ އިސްޓޫޑިއޯގެ އަލިކަން ،އޭގެ އެންމެ މަތިވެރި
ދަރަޖައަށް ފޯރައި ،އެތައް ބަޔެއްގެ ޝައުޤުވެރިކަމުގެ ކަޅި ،އަޅުގަނޑުގެ މަސައްކަތަށް ހުއްޓުނެވެ .ނަތީޖާއަކަށް ވެގެން
ދިޔައީ ،ރާއްޖޭގެ އެތައް ރިސޯޓަކުން މަސައްކަތްތައް ލިބެންފެށުމެވެ.
24
އަޅުގަނޑުގެ މަސައްކަތް އެތައް ބަޔަކު ބަލައިގަތްކަމީ ،މި މަސައްކަތުގައި ކުރިއަށް ދިޔުމަށް އަޅުގަނޑަށް ލިބުނު ވަރަށް
ރ
ބޮޑު ހިތްވަރެކެވެ .އެ ހިތްވަރުގައި ކުރެވުނު މިންނެތް މަސައްކަތުގެ ނަތީޖާއެއްގެ ގޮތުން 2010 ،ވަނަ އަހަ ު
އަޅުގަނޑުގެ މަސައްކަތް ވަނީ ،ރާއްޖޭގެ ހިކިފަސް ތަންތަނާއި ކަނޑުއޮޅިތައް ގިރާކޮށް ،ބޭރުގެ ކަރަތަކަށާއި ވިލާތްތަކަށް
ޒިޔާރަތްކުރަން ފަށާފައެވެ .މަސައްކަތުގައި އިތުރު އަތްތަކެއް ޝާމިލުކޮށްފައެވެ
އަޅުގަނޑުގެ ކުރެހުމުގެ މަސައްކަތުގެ އަގު ވަޒަންކޮށް 2012 ،ވަނަ އަހަރުގެ ޒުވާނުންގެ ދުވަހު ،ދިވެހި ސަރުކާރުން
އަޅުގަނޑަށް ދެއްވި ޒުވާނުގެ އިނާމަކީ ،މަސައްކަތް އިތުރަށް ފުޅާކުރަން އަޅުގަނޑަށް ލިބުނު ވަރަށް ބޮޑު ހިތްވަރެކެވެ.
2007ވަނައަހަރު ފެބުރުވަރީމަހު ،މ .ނަލަވިލާ ޝަފީނާ އިސްމާޢީލާ އެކު ،ޒަވާޖީ ހަޔާތެއް ފަށައި ،މިހާރު 2ފިރިހެން
ކުދިން އަޅުގަނޑަށް ވަނީ ލިބިފައެވެ .މިއަދު ވެސް މި މަސައްކަތުގައި ވަރުބަލިކަމެއް ،ފޫހިކަމެއް ނެތި ހަރަކާތްތެރިވަމުން
އަންނައިރު ،އަޅުގަނޑުގެ އެންމެ ބޮޑު ހުވަފެނަކީ ،ބޮޑެތިވަމުން އަންނަ އަޅުގަނޑުގެ ދެ ކުދިން މި މަސައްކަތުގައި
ހިފާނެ ދުވަހެކެވެ .އިރާދަކުރެއްވިއްޔާ އެ ދުވަސް ވަރަށް އަވަހަށް ފެންނާނެއެވެ.
-މުހައްމަދު ޤާސިމް-
ކީރިތި ޤުރުއާން އުނގަންނައިދީ ،އެ ޢިލްމުގެ ނޫރުން މުޅި އަތޮޅު ހުޅުދާންކުރުމަށް އަތުކުރި އޮޅާލައިގެން ހުރި ،އދ.
މަތަރެސްފުށީ ފެންފިޔާޒުގޭ އަލްޤާރީ މުޙައްމަދު އިމްރާނަކީ ،އދ .މަތަރެސްފުށީ ހުދަންބަރުގޭ ހަސަން ފިކުރީއާއި ހަމަ
އެގޭ ސަކީނާ ހަސަނަށް ލިބުނު 5ކުދީންގެ ތެރެއިން އެންމެ ހަގު ދަރިފުޅެވެ 1973 .ވަނަ އަހަރު ފެބުރުވަރީ މަހުގެ
18ވަނަ ދުވަހު ދުނިޔޭގެ އަލިކަން ދުށް އިމްރާނަކީ ،މީހުންނާ ގުޅޭ ،މަޑުމައިތިރި ،މާތް އަޚުލާޤެއްގެ ވެރިއެކެވެ.
މ
މުޙައްމަދު ޢިމްރާނުގެ ތަޢުލީމީ ޙަޔާތުގެ ބިންގާ އެޅީ ،އޭނާގެ އުމުރުން 6އަހަރުގައި ،އެ ރަށުގެ މަކުތަބުންނެވެ .ހަ ަ
އ ރަށު މުދިންބޭގެ އަރިހަށް ޤުރުއާން ކިޔަވަންދާން ވެސް އޭނާ ފެށިއެވެ .އެ ދުވަސްވަރަކީ ،ތަޢުލީމީ
އެ އަހަރުެ ،
ދަންމަރުގެ އަލިކަން ،އެ ރަށަށް މާބޮޑަށް ފޯރާފައިވާ ދުވަސްވަރެއް ނޫނެވެ .އެހެންކަމުން ރަށުން ގުރޭޑު 7އާ ހަމައަށް
ކިޔެވުމަށްފަހު ،އުމުރުން 15އަހަރުގައި ،އޭނާ ބަދަލުވީ މާލެއަށެވެ .މުދިންބޭގެ އަރިހުން ޤުރުއާން ކިޔަވަން ފެށުމުން،
25
އޭނާގެ ހިތުގައި އިންދުނު ،ކީރިތި ޤުރުއާން ކިޔެވުމުގެ ޝައުޤުވެރިކަމުގެ އޮށުން އޭރު ގަސްފަޅާފައިވާތީ ،މާލެ އައިސް،
އޭނާ ވަނީ "ޢިލްމުލް މުޤައްދަސް"ގެ ނަމުގައި ހިންގަމުން ގެންދިޔަ ޤުރުއާން ކުލާހަކަށެވެ.
އެ ކުލާހުގައި 5އަހަރު ހޭދަކުރެވުނު އިރު އޭނާއަށް ވަނީ ކީރިތި ޤުރުއާނުގެ 20ފޮތް ހިތުދަސްވެފައެވެ .ތަފާތު 5
ޤާރީކަމުގެ ސެޓުފިކެޓު ލިބިފައެވެ .އެހެންކަމުން މާލޭގައި ހުރެވެން ވެސް ރާގަށް ކިޔަވަން ދަސްވެފައެވެ.
ނެތުމާއެކު 1993 ،ވަނަ އަހަރު އޭނާ އެނބުރި ރަށަށް އައީ ،އޭނާއަށް އެނގިފައި ހުރި ޤުރުއާނުގެ ޢިލްމުން ،އެ ރަށުގެ
ކުދިންގެ ހިތްތައް ރޯޝަންކުރުމުގެ މާތް މަޤުޞަދުގައެވެ.
ރަށަށް އައިސް ޢާއިލާގެ އެންމެހައި މެންބަރުންގެ އެހީތެރިކަމާއެކު ،ގޭގެ ސިޓިންރޫމުގައި 10ކުދީންނަށް ދައްޗެއްނެތި
ކިޔެވޭނެ އިންތިޒާމް ހަމަޖައްސައި ،ކުޑަ ކުދީންނަށް ޤުރުއާން ކިޔަވައިދިނުމުގެ މަސައްކަތް 1994ވަނަ އަހަރު
ޖަނަވަރީމަހުގެ ފުރަތަމަ ދުވަހު އޭނާ ފެށިއެވެ .ކުއްޖެއްގެ އަތުން މަހަކު 50ރުފިޔާ ނަގައިގެން ފެށި މި މަސައްކަތް،
2000ވަނަ އަހަރު ފެށުނު އިރު ވަނީ "ކަލާމްފުޅު" މި ނަމުގައި ރަސްމީކޮށް ކިޔަވައިދޭ ކުލާހަކަށް ބަދަލުކުރެވިފައެވެ.
އަތޮޅު ފެންވަރުގައި 2003ވަނަ އަހަރު ބާއްވަންފެށި ،އދ .އަތޮޅު ޤުރުއާން މުބާރާތުގައި ،ވިދިވިދިގެން 3އަހަރު،
މުބާރާތުގެ ފަޚުރުވެރި ތަށި އުފުލައިލުމުގެ ޝަރަފު ލިބުނީ "ކަލާމްފުޅު" ކުލާހުގެ ދަރިވަރުންނަށެވެ .އެހެންކަމުން ،މުޅި
އަތޮޅުގައި "ކަލާމްފުޅު" ކުލާހުގެ ނަން ،ރަން އަކުރުން ވިދާންފެށިއެވެ .ނަތީޖާއަކަށްވީ ،އަތޮޅުގެ އެކި ރަށްރަށުން އެ
ކުލާހަށް ކުދީން ކިޔަވާން އަންނާން ފެށުމެވެ .އެހެންކަމުން މިހައި ތަނަށް އައި އިރު ،އިމްރާނުގެ ރީތި އަޑުމަޚުރަޖުން
އުފާ ޙާޞިލުކޮށް ،އެ އަޑު ހިތުގައި ބިންވަޅުނެގިފައިވާ ދަރިވަރުން ،އެ އަތޮޅުގެ ކޮންމެ ރަށެއްގައި ވެސް އެބަ ތިއްބެވެ.
އިމްރާނުގެ މި އަގުހުރި ޚިދުމަތްތަކުގެ އަގު ވަޒަންކުރައްވައި 2012 ،ވަނަ އަހަރު ރައީސުލްޖުމްހޫރިއްޔާ ވަނީ ،ޢާންމު
ޚިދުމަތަށް ހިތްވަރުދިނުމުގެ ޤައުމީ ޢިނާމު އިމްރާނަށް ދެއްވާފައެވެ.
މިއަދު ވެސް ޤުރުއާން އުނގަންނައިދިނުމުގެ މަސައްކަތުގައި ހީވާގިކަމާއެކު ހަރަކާތްތެރިވަމުން އަންނަ އިމްރާނު ވަނީ،
2007ވަނަ އަހަރު ،އދ .މަތަރެސްފުށީ ދުނބުރިމާގޭ އައިޝަތު ނާޒާއެކު ޒަވާޖީ ޙަޔާތެއް ފަށާފައެވެ .އެ ކައިވަންޏަށް
ވަނީ ،ފިރިހެން ކުއްޖަކާއި 3އަންހެން ކުދީން ލިބިފައެވެ .އިމްރާނުގެ އުއްމީދަކީ ،އޭނާގެ ޤުރުއާން ކުލާހުގެ ވިދުވަރު،
ރާއްޖޭގެ ކަންކޮޅުތަކަށް ފޯރުކޮށްދީ ،ސެޓިފިކެޓް ލެވަލްގެ ޤުރުއާން ކޯސްތައް ހިންގޭ ފަދަ ކުލާހަކަށް އެ ކުލާސް ހެދުމެވެ.
އޭނާގެ އެ މަސައްކަތް ކާމިޔާބުވެގެން ދިއުމަކީ މި ދާއިރާއަށް ލިބިގެންދާނެ ނުހަނު ބޮޑު ކުރިއެރުމެކެވެ.
26
ސުވާލު:
ސްކޫލް ރިޕޯޓް ފޯމް ދިން ދުވަހު ފާރިހު ރިޕޯޓް ފޯމު ހިފައިގެން އައިއިރު މަންމަ އިނީ ފާރިހުގެ އިންތިޒާރުގަ އެވެ.
ރިޕޯޓްފޮތް އަތުލައި ބެލިއިރު އެންމެ މާއްދާއަކުން ފިޔަވައި ރަނގަޅު މާކުހެއް ލިބިފައެއް ނެތެވެ .ތިން މާއްދާއިން ވަނީ
ފެއިލްވެފަ އެވެ .މިކަމާ ގުޅިގެން މަންމަ ހިތްހަމަ ނުޖެހިގެން ފާރިހާ ދައްކާ ވާހަކަ ރޭޑިއޯ ޑްރާމާއެއްގެ މަންޒަރެއްގެ
ގޮތުގައި ލިޔާށެވެ! މަންމަގެ ވާހަކައިގައި ފާރިޙު މިޓާމުގައި ފަރުވާ ކުޑަކުރިވާހަކަ ބުނެދޭއިރު ފާރިޙު ވާހަކަ ދައްކާނީ
ދިފާޢުގަ އެވެ.
-މުހައްމަދު ޤާސިމް-
މަންޒަރު1 :
ތަން :ސިޓިންރޫމް
ވަގުތު :މެންދުރުފަސް
ބައިވެރިން:
– އަޒީޒާ (މަންމަ)
– ފާރިހު (ދަރިފުޅު)
———————————————————-
ފަންކާ އެނބުރޭ އަޑާއި ޓީވީގެ އަޑުއިވުން .އިރުކޮޅަކުން ބެލް ޖަހާލާއަޑާ އެކު (ފޭޑް އައުޓް) މީހަކު އެފްއެކްސް:
ހިނގާފައި ދާއަޑާއި ދޮރު ހުޅުވާ އަޑު.
ދަރިފުޅު މިއަދު ހާދަ ލަސްވީ .މަންމަ ކިހާއިރެއް ދަރިފުޅުގެ އިންތިޒާރުގަ އިންނަތާ .ކޮބާ ރިޕޯޓް އަޒީޒާ:
ފޮތް؟
(ގަޔާނުވާކަހަލަ ރާގެއްގައި) ދަބަހުގަ އެބައޮތް. ފާރިހު:
ވަދެބަލަ އެތެރެއަށް( .ގާތް ގޮތަކަށް) ދީބަލަ ރިޕޯޓްފޮތް މަންމަ ބަލައިލަން. އަޒީޒާ:
ފާރިހު ގޭތެރެއަށް ވަންނަ އަޑު .ދަބަސް މޭޒުމަތީގަ ބަހައްޓާ އަޑާއި ދަބަހުގެ ޒިޕް ދަމާލާއަޑު. އެފްއެކްސް:
އެއަށްފަހު ފޮތް ހުޅުވާއަޑާއި ގަނޑު އުކާއަޑު
(ނުރުހުމުގެ ރާގަކަށް) އެކަމަކު ފާރިޙޫ .މީ ކޯއްޗެއް؟ އަޒީޒާ:
27
(ފަރުވާކުޑަ ގޮތަކަށް) ތީ މާކުހެއްނު. ފާރިހު:
(ނުރުހިފައިވާ ރާގެއްގައި) މިއޮތީ މަންމަ ބުނިތަން އައިސްފައި .އެންމެ މާއްދާއަކުން ނޫނީ ކަމުދާ އަޒީޒާ:
މާކުހެއް ލިބިފައެއް ނެތެއްނު .ތިން މާއްދާއިން މި އޮތީ ފާސްވެސް ނުވެ.
(އަމިއްލަ ކުށް ގަބޫލު ނުކުރާކަހަލަ ގޮތަކަށް) ސްކޫލަކުން މިޓާމަކު ރަނގަޅަކަށް ކިޔަވައެއް ނުދެއޭ. ފާރިޙު:
(ހިތްހަމަ ނުޖެހިފައިވާ ރާގަކަށް) މަސް ނުބޭނުނީމަ ކަނޑު ނުބައި ކުރާކަށް ނުޖެހޭނެ .ފާރިޙަކަށް އަޒީޒާ:
މި ޓާމަކު ކިޔަވާކަށް މަސައްކަތެއް ވެސް ނުކުރެވޭ .މުޅިންހެން އޮތީ ފިލްމު ބެލުމާ ގޭމް ކުޅުން.
(ހިތްހަމަ ނުޖެހފައިހުރި ކަހަލަ ގޮތަކަށް) އަހަރެން ބުނާ އެއްޗެއް މަންމަ ގަބޫލެއް ނުކުރާނެ. ފާރިޙު:
(ރާގު ބަދަލުކޮށްލާފަ ވިސްނައިދޭން މަސައްކަތް ކުރާކަހަލަ ގޮތަކަށް) ގަބޫލު ނުކުރަނީ އެއް ނޫނޭ! އަޒީޒާ:
އެހެންވެގެނެއްނު ތިކަހަލަ އެއްޗެހި ތި ކިޔަނީ .ނުލާހިކު ގިނަ ގަޑިތައް މިޓާމުގަ ގެއްލިގެން ވެސް ފާރިޙު:
ދިޔަވިއްޔަ .ގިނަ ޓީޗަރުންނަކަށް ކިޔަވައިދޭކަށް ވެސް ނޭނގޭ .ދެން ކިހިނެއްތަ ފާސްވާނީ.
(ވިސްނައިދޭން މަސައްކަތް ކުރާ ކަހަލަ ރާގަކަށް) އެންމެ ރަނގަޅު .ތިކަން އޮތީ ތިހެން. އަޒީޒާ:
(ފުން ނޭވާއެއްލާފައި) އެކަމަކު ދަރިފުޅަށް ކިޔަވަން ކިހާވަރަކަށް މަސައްކަތް ކުރެވުނު؟ ހަފުތާއަކު
އެއް ދުވަހު ވެސް ފޮތެއް ކިޔާލަން އިނދެވުނުތަ؟ ކިތައް ދުވަހު ހޯމް ވޯކު ނުހަދާ ހުރެގެން އެ ވާހަކަ
ދައްކަން މަންމައަށް ޖެހުނު( .ކުރެހިފައިވާ އަޑަކުން) ދަރިފުޅާ! ނިކަން ވިސްނާލަބަލަ! ދަރިފުޅަށް
ކިޔަވައިދޭން މަންމައާއި ބައްޕަ މި ކުރާ މަސައްކަތް ނިކަން ވަޒަން ކޮށްބަލަ! މި ރިޕޯޓްފޮތް ބަލާފަ
ބައްޕަ ވެސް ކިހާ ދެރަވާނެ.
(ރުޅިވެރިކަމާއެކު) އަހަރެން މިހާރު ކިޔަވާ ހިތެއް ނުވޭ! (ފޭޑް އައުޓް) ތިކަހަލަ ވާހަކަ ދެއްކީމަ ފާރިޙު:
ބޮލަށް އުނދަގޫވަނީ.
އެފް އެކްސް( :ފޭޑް އައުޓް) ހިނގާފަ ދާއަޑާއި ބާރަށް ދޮރު ލައްޕާއަޑު( .އޮން މައިކް)އިރުކޮޅެއް ފަހުން އަޒީޒާއަށް
ކުޑަކޮށް ރޮވޭއަޑު
28
ސުވާލު:
ހއ .މާރަންދޫ ޢަލީ ޢީސާއަކީ އަމިއްލަ ވެބްސައިޓެއް ހަދައިގެން ތަފާތު އެކި މައުޟޫޢުތަކަށް އާޓިކަލްތަކާއި ލިޔުންތައް
ލިޔަމުން އަންނަ ހުނަރުވެރި ލިޔުންތެރިއެކެވެ .އޭނާގެ މި ހަފުތާގެ ލިޔުން ޚާއްޞަކުރީ ،ރަސްރަނި ބަގީޗާގެ ނަމުގައި
ތަރައްޤީކޮށް ހުޅުވި ،މިއަދުގެ ސަލްޓަންޕާކަށެވެ .އެ ލިޔުމުގައި ސަލްޓަންޕާކުގެ ރީތިކަމާއި ފުރިހަމަކަން އޭނާ ބަޔާންކުރީ،
ކުޑަކުދީންނާއި ޒުވާނުންނާއި އެހެނިހެން ފަރާތްތައް ވެސް ސަލްޓަންޕާކަށް ޒިޔާރަތްކުރުވުމަށް ބާރުއަޅާ ފަދަ ގޮތަށެވެ.
ތިޔައީ ހއ .މާރަންދޫ ޢަލީ ޢީސާކަމުގައި ބަލައިގެން ،ސަލްޓަންޕާކުގެ ފުރިހަމަކަމާއި ރީތިކަމުގެ މައްޗަށް އަލިއަޅުވާލައި،
އެ ތަނަށް މީހުންގެ ހިތްޖެހޭ ފަދަ މޭރުމަކުން ފީޗަރއަރޓިކަލެއް ލިޔާށެވެ!
ގޮނގުރިޓުގެ ރަސްކަން ހިނގަމުން އަންނަ މާހައުލަކުން ،އާރޯކަމާއި ފެހިކަން އެކުލެވޭ ހިތްގައިމު ބަގީޗާއެއް ފެނިއްޖެ
ނަމަ ،ހިތަށް ލިބޭނީ އާދަޔާޚިލާފު ފިނިކަމެކެވެ .ދައްކަން މި އުޅެނީ މި ފަދަ ގޮނގުރިޓްގެ މާހައުލެއްގައި ،ލޮނުފެނުގެ
ބިމެއްގައި ،ފެހިކުލައިގެ މުތެއް ފަދައިން ވިދަވިދާ އޮތް ބަގީޗާއެއްގެ ވާހަކައެވެ .ރާއްޖޭގެ ދިގު ރަސްކަމުގެ ސިލްސިލާ
އ ބަދަލާއެކު 1968ވަނަ އަހަރު ވުޖޫދުވި “ސަލްޓަންޕާކް”ގެ
ނިމި ،ރަސްކަމުގެ ގަނޑުވަރު ހުރި ސަރަޙައްދަށް އަ ި
ވާހަކައެވެ .އޭގެ 50އަހަރު ފަހުން ،ޒަމާނީ ބަދަލުތަކާއެކު ދިރުވައި ކުލަޖެއްސުމަށްފަހު 2017 ،ވަނަ އަހަރުގެ
އޯގަސްޓްމަހު “ރަސްރަނި ބަގީޗާ”ގެ ނަމުގައި ހުޅުވި ،އެހެނަސް މިއަދުގެ “ސަލްޓަންޕާކް”ގެ ވާހަކައެވެ.
ކުޑަ ކުދީންނަށް ޓަކައި ސަލްޓަންޕާކު ކުރާ އިންތިޒާރަކީ ،ވަރަށް ވެސް ޚާއްޞަ އިންތިޒާރެކެވެ .އެ ކުދިންގެ ޅަ ހިތްތައް
އުފަލުން ފޮޅުވައިލަދިނުމަށެވެ .ދަރީން އުފަލުގައި ބޭތިއްބުމަކީ ،ކޮންމެ މަންމައަކާއި ބައްޕައަކު ވެސް އެދޭނެ ކަމެކެވެ.
އެހެންކަމުން ދަރިފުޅު އިނގިލިކުރީގައި ލައިގެން ނިކުމެ ،ސަލްޓަންޕާކާ ދިމާއަށް އަވަހަށް މިސްރާބު ފަހިކުރާށެވެ! ތިޔަ
ބޭނުންވެގެން އުޅޭ އުފާވެރިކަން އެ ތަނުން ،އެ ކުދީންނަށް ހޯދައިދެވޭނެއެވެ .އެ ކުދިން ގޮވައިގެން ޖައްވުގައި އުދުހިލާން،
އެ ތަނުގައި ހުރި އުނދޯލިތައް އެބަ އިންތިޒާރުކުރެއެވެ .ރީތި މާގަސްތަކާއި ފެންއަރުވާ ވަޑާން އެ ކުދީންނަށް އެބަ
ހަނާއަޅައެވެ .މަސްފެންގަނޑާއި އެ ފެންގަނޑުގައި ހުރި ކުލަކުލައިގެ ރީތި މަސްތައް ،އެ ކުދީން އުފާކޮށްދިނުމަށް ޓަކައި،
ބަނޑިބަނޑި ލައްވަމުން އެބަ ނަށައެވެ 12 .ފޫޓް އުހުގައި ހުރި “ރަސްރަނި ވިއު” އެ ކުދީންގެ ސިކުނޑިއަށް ކާނާ
ފޯރުކޮށްދިނުމަށް ޓަކައި ،ދަހިވެތިކަމާއެކު އެބަ ބަލައެވެ .މި އުފާވެރި މާހައުލުގައި ،މިނިވަން ކޮކާތަކެއް ފަދައިން
އުދުހިލާން ފުރުސަތު ދިނުމަށް ޓަކައި ،ދަރީންކޮޅު ގޮވައިގެން އަވަހަށް އަންނާށެވެ.
29
އ
ދެ ޖިންސުގެ ޒުވާނުންނަށް ވެސް ސަލްޓަންޕާކަކީ “ސުވަރުގެ”އެކެވެ .މާޔޫސްވެފައިވާ ހިތްތަކުގެ ޒަމާނީ ފަރުވާއެވެެ .
ތަނުގެ ފެހިކަން ގަދަ މާހައުލާއި މާމެލާމެލީގެ މީރުވަހާއި ގަސްގަހާގެހި ކިޔައިދޭ ރީތި ނާނާއަކީ ،ތިޔަ މޮޅިވެރި ހިތްތަކުގެ
ކާނާއަކަށް ނުފުދޭނެ ހެއްޔެވެ؟ ފޫހިވެފައި ފިހެވެން ކޮޓަރިތެރޭގައި ނޯވެ ،މި ހިތްފަސޭހަ ޕާކުން ތިޔަ ހައްޓަށް ދިރުން
ދޭށެވެ! ބައިވެރިޔާގެ އަތުގައި ހިފާލައިގެން އައިސް ވަދެލަބަލާށެވެ! ފިނިފިނި ވައިރޯޅި އައިސް އުފަލާއެކު ގައިގައި
ބައްދައިލާނެއެވެ .ހިލަ ގޮނޑިތަކާއި ބެންޗުތައް ،މަދަދުގާރުންގެ ގޮތުގައި ޝަކުވާއެއް ނެތި މަރުހަބާ ކިޔާނެއެވެ .ވަށައިގެން
ހެދިފައި ހުރި ރީތި މާ ގަސްތައް ،ހިތްހެޔޮކަމާއެކު މީރު ވަސް ފޯރުކޮށްދޭނެއެވެ .ހިޔާބޮޑެތި ގަސްތައް އޯގާވެރިކަމާއެކު
ހަށިގަ ނޑުގައި ފިރުމައިދޭނެއެވެ .ހިތް އުފާކޮށްދިނުމަށް ޓަކައި ޓްރީ ހައުސް ބްރިޖާއި ގްރީން ޓަނަލާއި ވާޓިކަލް ބަގީޗާ
ފޫހިކަމެއް ނެތި ޚިދުމަތުގައި ދެމިތިބޭނެއެވެ .ނަގާ ފޮޓޯތަކުގެ ކުލަ ރީތިކޮށްލަދިނުމަށް ޓަކައި ،ފަރިވެ ފޮޅިފައިވާ
ކުލަކުލައިގެ މާމެލާމެލި ހިނިތުންވުމާއެކު ބައިވެރިވާނެއެވެ.
ސަލްޓަންޕާކުން އަހަރެމެންނަށް އިންތިޒާރުކުރާ އެންމެ ޚާއްޞަ ތަނަކީ ،ޕާކުގެ އިރުދެކުނު ކަނުގައި ހުރި “ވިންޓަ ތީމް
ޕާކް”އެވެ .އެންމެ ޒަމާނީ ފެންވަރުގެ ސްނޯ މެޝިންތަކުން މުޅި މާހައުލުގެ ފިނިހޫނުމިން ސުމަކަށްވުރެ ދަށަށް
ވައްޓާލާފައި ،އެ ވަނީ ހަމަ އަހަރެމެންގެ އުފަލަށް ޓަކައެވެ .ތަފާތު މާހައުލަކުން ތަފާތު އިހުސާސްތަކެއް ފޯރުކޮށްދިނުމުގެ
ބޭނުމުގައެވެ .ބޯކޮށް ސްނޯ ފައިބާ ސްނޯގެ ދާނެއްގައި ޢާއިލީ މެންބަރުންނާއެކު ނުވަތަ އެކުވެރިންނާއެކު އުޅެލެވޭކަމުގެ
ކުލަ ހުވަފެން ދައްކައިލަ ދިނުމަށެވެ .އެ ތަނުގައި ހުރި ސްލައިޑާއި އައިސް ސްކޭޓިންގ ރިންގަކީ ވެސް ،ތަޖުރިބާކޮށްނުލައި
ދޫކޮށްލާން ހެޔޮވާވަރުގެ ތަންތަނެއް ނޫނެވެ .އެންޓާޓިކާގައި ދިރިއުޅޭ އެސްކިމޯއިންގެ ފިނިކަން ގަދަ އިހުސާސްތައް،
އީކުއޭޓާގައި އުޅޭ އަހަރެމެން ދިވެހީންނަށް ވަޒަންކޮށްލެވޭނީ ،ވިންޓަރ ތީމް ޕާކަށް ވަދެލެވުނީމައެވެ.
30
31