URI NG KOMUNIKSAYON

VERBAL
Tawag sa komunikasyon kapag ito ay ginagamitan ng wika o salita at mga titik na sumisimboli sa
kahulugan ng mga mensahe.
DI- VERBAL
Kapag hindi ito gumagamit ng salita bagkus ginagamitan ito ng mga kilos o galaw ng katawan upang
maiparating ang mensahe sa kausap.
Ayon sap ag-aaral ni Albert Mehrabian, propesor sa Clark University,na lumabas sa kaniyang aklat na
SILENT MESSAGES: IMPLICIT COMMUNICATION OF EMOTIONS AND ATTITUDES, isang aklat
hinggil sa komunikasyong di verbal, 7% raw ng komunikasyon ay nanggagaling sa mga salitang ating
binibigkas, 38% ay nanggagaling sa tono ng ating pagsasalita,at 55% ay nanggagaling sa galaw ng ating
katawan. Sa madaling salita 7% lang ang nais iparating ang nangagaling sa ating mga salita.

IBA’T IBANG PAG-AARAL SA MGA ANYO NG DI VERBAL NA KOMUNIKASYON

1. Kinesika( Kinesics) – Ito ang pag-aaral ng kilos at galaw ng katawan. Hindi man tayo
bumibigkas ng salita,sa pamamagitan ng pagkilos ay maipararating natin ang mensaheng nais
nating ipabatid.
2. Ekspresyon ng mukha ( pictics) – ito ang pag-aaral sa ekspresyon ng mukha upang maunawaan
ang mensahe ng tagapaghatid. Sa pgahahatid ng mensahe ng di-verbal ,hindi maipagwawalang
bahala ang ekspresyon ng mukha.
3. Galaw ng mata ( oculesics ) – ito ay pag-aaral ng mata. Nakikita sa galaw ng ating mga mata
ang nararamdaman natin.
4. Vocalics – ito ang pag-aaral ng mga lingguwistikong tunog na may kaugnayan sa pagsasalita.
- Tinutukoy rin nito ang tono ,lakas,bigkas,bilis o bagal ng pananalitang nagbibigay
linaw sa verbal na komunikasyon.
5. Pandama o Paghawak( Haptics) – Ito ay pag-aaral sa mga paghawak o pandama na naghahatid
ng mensahe. Halimabawa ay ang pagtapik sa balikat,paghablot, pagkamay,o pagpisil , ito ay mga
paraan upang mapabatid ang isang mensahe.
6. Proksemika( Proxemics) – Ito ay pag-aaral ng komunikatibong gamit ng espasyo, isang
katawagang binuo ni Edwad T. Hall( 1963) . ito ay tumutukoy sa layo ng kausap sa kinakausap.
Proxemics distance :
Intimate- 0-1.5 feet
Personal- 1.5- 4 feet
Social distance- 4 feet – 12 feet
Public- 12 feet
7. Chronemics – ito ay pag-aaral na tumutukoy kung paanong ang oras ay nakaapekto sa
komunikasyon. Ang paggamit ng oras ay maaaring kaakibat ng mensaheng nais iparating.