NUMHTET GA

Shakawn kungdawn ging ai Karai Kasang Yehowa a mying ning sang a htum
nga u ga law. “Hkristan Senhkum Buk (Christian Choral Series, PSALLO 6)” hpe Nu
Wa hpung masha ni hpang de shadu lu ai gaw Karai Kasang a chyeju san san rai nga
ai.
Anhte Jinghpaw Wunhpawng Chyum Dakkasu (KTCS) kaw na shaning shagu
“Hkristan Senhkum Buk (Christian Choral Seires, PSALLO) hpe shapraw ai yaw
shada lam gaw
1. shakawn shagrau ging ai Karai Kasang hpe mahkawn ga ningnan hte
shakawn lu na matu
2. Anhte kamsham ai hpung masha shada da mahkawn ga ni hte sharin achyin,
shadum jahprang, shalan shabran, shangwi shapyaw hkat nga na matu
3. Karai Kasang a kabu gara shiga hpe mahkawn senhkum ni hte htawn tsun
nga lu na matu
rai nga ai. Dai gaw Karai Kasang anhte shinggyim masha ni hpe jaw tawn da ai, kaba
dik ai chyeju kum hpa ni hta na langai rai nga ai Music hpe jaw da ai Karai Kasang a
yaw shada lam mung rai nga mali ai.
Ndai senhkum buk byin tai wa lu na matu lam shagu hku na shakut shaja ai ni,
mahkawn senhkum ka shalat ai ni, ga gale ai hku shang lawm ai ni yawng hpe n dai
laika hta chyeju dum masat dat ga ai.
Senhkum buk byin tai wa lu hkra tatut hkrang shapraw ai Jinghpaw Wunpawng
Chyum Dakkasu, Jawng Ma Kanawn Mazum Hpung (SF) Music Komiti ni hte hpa-
awn Shd. Yajaw Seng Lat hpe mung shagrau masat dat nngai.
Ndai Senhkum Buk hpe hkap la n-gun jaw jai lang ai Nu Wa hpung masha ni,
Buga hpung ni yawng mung shakawn ging ai Karai hpe mahkawn ga ningnan ni hte
shakawn lu le, mahkawn shakawn ai lam hta rawt jat galu kaba wa u ga ngu ahkyu
hpyi dat ya nngai law.
Grau htum ai Karai a magam hta,

Bwidaw Hkawng Lum

Hpa-awn
KTCS, Music Magam Dap