08.

Manjaha Epistel : Parjamita 2 : 18 – 23 18

U : Jadi marbiasbias rohangku mida saluhut ulaon angka na huhangaluthon

di hasiangan on ala ingkon tadingkononku do i di jolma na ro sian pudingku.

R : Jala ise pabotoboto manang halak na pistar ibana manang halak na oto?
Hape ibana do gabe tuan di saluhut ulaon angka na huhangaluthon
mardongan hapistaran di hasiangan on! Laho salpu do hape nang i.

U : Dung i marbalik ma rohangku naeng marpandelean nian mida saluhut

ulaon angka na huhangaluthon di hasiangan on.

R : Ala huida sada jolma, dibahen do nian nasa hapistaranna,

parbinotoanna dohot hamaloonna mangaradoti ulaonna, hape ingkon
tinggalhononna do i bahen jambar ni jolma na so dung marhangaluton ala
ni! Alogo sambing do hape nang i jala hinamago godang.

U : Ai aha na ma parsaulian ni jolma sian sude ulaonna dohot sian

domdamdomdam ni rohana taringot tu na hinangaluthonna di hasiangan
on?

R : Ai ariari ibana marhangaluton saleleng di ngoluna, jala mardongan

hajepolon ulaonna, nang bornginna i ndang marhasonangan rohana. Alogo
sambing do nang i.
U : ido sahatna ! Martua ma angka na umbege jala na umpeop hata ni
Debata !
U + R : Amen