Aɣerbaz alemmas ǦEMMAℇI El Hacimi Agusim Illula Umalu

Alas amenzu deg tutlayt n tmaziɣt

Aswir amenzu
Aseggas aɣurbiz: 2019/2020
Tiwkilin

Amacahu, Rebbi ad tt-iselhu ad tiɣzif amzun d asaru

Zik-nni , tella yiwet n tmeṭṭut tesɛa snat yessi-s. Tameqqrant, tettak anzi i yemma-s,
ddeqs-is kan deg tfulki akked ṭṭbiɛa; ma d tamecṭuḥt, aggur deg yigenni nettat deg lqaɛa:
tecbeḥ, teḥdeq, temleḥ. Tayemmat, tettasem si yelli-s tamecṭuḥt. Terra-tt gar wallen-is.
Tetteddu-tt fell-as deg walluy ar uɣelluy. Tettazen-itt sin n yiberdan deg wass ɣer tala ; yerna
tettɛebbi-as asagem annect-ila-t. Taqcict tameɣbunt ad terr aqbab ad d-tɛebbi, awal ur tt-id-
yettali.
Armi d yiwen wass , akken tuweḍ ɣer tala , ha-tt-a terza-d ɣur-s yiwet n tmeṭṭut d tigellilt,
tessuter-as-d aman ad tessew. Teslil asagem-is, tugem-d, tmekken-as asagem-nni ɣer yimi-s. Mi
teswa tmeṭṭut-nni, tenna-as : “sya d asawen ad kem-rreɣ ad tesɛuḍ ayen ur tesɛi yiwet, yal mi
ara d-temmeslayeḍ ad d-teffeɣ seg yimi-m tjeǧǧigt neɣ twizet”. Ziɣ tameṭṭut mačči d
menwala,d tawkilt. Mi tuweḍ teqcict s axxam, tekker-as yemma-s am bu ttar, imi ur d-tuɣal ara
zik. Tenna-as i yemma-s : “Suref-iyi a yemma, ur ttuɣaleɣ ara ad ɛeṭṭleɣ”. Mi d-temmeslay,
teffeɣ-d seg yimi-s tjeǧǧigt d twizet. Tameṭṭut testeqsa yelli-s akken ad tẓer ansi as-d-yekka
way-nni. Taqcict tameɣbunt, tulles-as kra yellan s nneyya. Tekker tmeṭṭut tessawel i yelli-s
tameqqrant i tḥemmel:
-“ Kker fell-am ad truḥeḍ ɣer tala
………………………………………………………………………………………………………
…………………………………………………….

Zrin kra n wussan, tlul-d tayri gar teqcict d mmi-s n ugellid. Yezweǧ yid-s ggan tameɣra
sebɛa wussan d wuḍan, ddren deg tumert.
Tamacahut-iw asif asif , uḥdiq ad tt-yefhem ad tt-isif , ma d wayeḍ ad tt-yerr di rrif

Sɣur : Charles PERRAUT. D tasuqilt

Isestanen:

I-Tigzi n uḍris d tutlayt: (12 agz) :

1- Acuγer i tettasem tyemmat seg yelli-s tameẓyant? Acu i as-txeddem.?.................2 agz

2- S wacu i tt-tbudd tewkilt ? acuγer...........................................................................2 agz
3- (Tetteddu-tt fell-as deg walluy ar uɣelluy .) segzi-d tanfalit-agi................................2 agz
4- kkes-d seg uḍris:
• sin n wawalen d inemgalen....................................................................................1 agz
• Sin n yismawen d untiyen.................................................................................... 1 agz
• Amqim udmawan ilelli yerna ini-d udem-is tawsit d umḍan-is.............................2 agz
• Amyag n tigawt......................................................................................................1 agz
5- Acu-t wanaw n uḍris-agi? .......................................................................................1agz
II-Asenfali s tira: (08)

Tamacahut-agi tules-aγ-id γef win iḥedqen yesɛan iles, yuklal ayen yelhan, ma d win
iqebḥen iḥesben iman-is yuklal ayen n diri.
Sugen-d amek tettkemmil tegnit tis snat

Afud yelhan

Afud yelhan