PUISI WAJIB BAHASA BUGIS SDN 3 LEMBA

WANUAKKU
Bate kallana: Abrar Usman

Wanuakku . . .
Idina lipu kaminang makanjae
Suruga ri lebo’na tanae
Onroang addeppungeng
Nenniya sipulunna Maraditta

Wanua sipakamase
Maega werekkada, passumpung atuwotuwongeng
Maega ade’, maega paddissengeng
Tania nassabari, naikiyah massara-sara
Tomasiddi
Mario marennu
Padecengi wanuatta
Wanua malebbi’ta

Eee’ . . . sininna ise’wanua

Narekko tappasalaki tumabuang
Monro riyawana panyyilae
Iyye wanua ta, teri maddunu wae matanna
Mitti mancaji passengereng matuna

Eee . . . Baco
Eee . . . Becce
Passidiwi rilaleng ateka, nenniya gau’ta
Tappigau pappasenna tau riolota
Mali sipareppe , rebba sipatokkong
Malilu sipakainge,
Taro ada taro gau

Eee . . . puakku sewwae

Idi’mi wonroi sukkuru nenniya mappoji
Idi’mi wonroi sukkuru nenniya mappoji
Idi’mi wonroi marillau
Pancajiwi wanuakku
Sibawa pammasemu
Wanuakku . . . wanua sipakamase
Puisi Pilihan (tema nasionalisme) SDN 3 LEMBA

MATTUNTUK PAKDISSENGENG
Bate Limanna : SUKARDING

Usalai tana ancajingekku

Ulettoi tasik malowang

Usompek mabe’la

Sellukka ri aleq kabo

Kupusa nawa-nawa

Ati mallolongeng

Ia teppaja kusappa

Paggoncing pattimpakna

Babanna suruga

Pura tokdok pettu ri atikku

Iyapa kulisu

Ulolongeppi wakkattaiye

Tudakka ri pesonaku

Sanre’kak ri totoku

Kutajeng pammase’

Resopa temmanginngik

Malomo nale’te’i

Pammase’ dewata
Pidato tema : Pengetahuan SDN 3 LEMBA

MATTUNTUK PAKDISSENGENG

Assalamualaikum wr.wbr.

Sukkurukki mappoji lao Ri-sese arajangna puang Allahu Ta’ala. Nasaba pammase’na nennia
barakkana narekki umuru malampe’ na topada engkaki maddeppungeng ri onrong mabbarakkae’.
Salawa nennia mappassalama lao Ri-Nabitta Muhammad saw. Toriamase’iye’ nennia nesseri
pammase’, mamuare’ na tiwirekki de’ce’ng ri lino mancaji apatiroang lao idi maneng umat sellengnge’.
Silessurekku engkae’ hade’re’, . . .

Engkaka tettong ku yolota maneng mae’lo palettukengngi ada mapparingngerang ri se’se’ta ri

asengnge “Mattuntuk Pakdissengeng “. Nasaba makkokkoe’ atuwo tuwongetta ri lino. Parellui ia
maneng mappunnai pakdissengeng. Parellui ri yisseng makkeda “iyyah pakdissengengnge’ mancajiki
apatiroang sininna tuwo engkae’ ri lino”. Nare’kko engka pakdissengeng nappunnai seddi tau malomo
pasileingengngi gauk majae’ nennia gauk makkasolangnge’.
Silessurekku engkae’ hade’re’, . . .

Engka pangajana tomacae’ makkeda “ Tunttukki pakdissengeng mammula ri jajiatta lettu ri

mate’atta”. Jaji mammula baiccutta parellui nissengngi iyasengnge pakdissengeng. Lettu matu narapiki
amateatta mamuare’ggi engkae’ pada mattunru-tunru sappai pakdissengeng, nasaba iyah
pakkalinongnge’ kuro mae’ga rupa tau pegau anu makkasolangenge, nasaba de’...napahangngi,
makurang pakdissengeng jaji makkuanaro parellu mappunnaiki pakdissengeng.
Silessurekku engkae’ hade’re’ . . .

Makkuniro pidato papperingngerang upalettukengngi nennia patiroang lao Ri-di, makkutoparo lao ri

Ri- aleku narekko engka ada tappasala mellau addampengnga.

Ihdenina sshiraatal mustaqim, wassalamu alaikum warahmatullahi wabarakatu.

Salama ‘ki Topada Salama

Ri – idi